|
Ÿ
|
rhoddwyd sylw i sut gall yr Uned Ddarparu gyd-weithio'n
agosach gyda Cynnal yn arbennig mewn meysydd megis hyrwyddo
ymddygiad da, a hynny fel rhan o'r broses ehangach o adolygu
rôl a strwythur gwasanaethau i'r dyfodol.
|
|
|
|
|
3.2
|
Gwasanaethau Arbenigol
|
|
|
|
|
Ÿ
|
bu'r athrawon arbenigol namau synhwyraidd/corfforol yn
rhoi sylw penodol i ddogfen Lywodraeth y Cynulliad ar safonau
ansawdd eu gwasanaethau.Rhagwelir bydd y ddogfen hon yn declyn
defnyddiol iawn wrth i'r gwasanaeth edrych yn hunan feirniadol
arno'i hun, ac i bwyso a mesur lefel a natur yr hyn a ddarperir yn
erbyn y safonau disgwyliedig.Bydd canlyniad yr ymarferiad yn sail i
gynllun datblygu 3 blynedd.
|
|
|
Ÿ
|
trefnodd y gwasanaeth nam clyw gwrs anwytho i
gymorthyddion a rhieni a chyrsiau codi ymwybyddiaeth o
fyddardod.Rhoddwyd pwyslais arbennig yn ystod y tymor ar greu ac
adnewyddu cysylltiadau â'r holl wasanaethau a mudiadau sy'n
gweithio er lles plant byddar a'u teuluoedd ac ystyrir fod yr elfen
gyswllt hon yn eithriadol o bwysig i waith y gwasanaeth
yma.
|
|
|
Ÿ
|
mae'n dda adrodd fod y Gwasanaeth Seicoleg Addysgol wedi'i
gryfhau yn sylweddol gyda dychweliad 2 seicolegydd addysgol yn
dilyn cwblhau cwrs hyfforddiant proffesiynol a phenodiad i swydd
0.4 seicolegydd.Achubwyd ar y cyfle i adolygu dulliau gweithredu'r
gwasanaeth a phenderfynwyd mabwysiadu cyfuniad o 2 fodel, sef
ymgynghori ac egwyddorion a thechnegau ffocysu ar
ddatrysiadau.Cyflwynwyd y dulliau hyn i gydlynwyr AAA a
phenaethiaid ac mae'r rhagolygon o'u defnyddioldeb yn addawol.
Ystyriwyd hefyd sut y gall y gwasanaeth fesur ei effeithiolrwydd ei
hun yn well a phenderfynwyd treialu un ffordd sy'n gydnaws ag
athroniaeth y dulliau cyflwyno gwasanaeth.Bu rhai seicolegwyr yn
ymwneud gyda darparu hyfforddiant i staff ysgolion a gwelir hyn yn
fuddsoddiad ar gyfer y dyfodol.
|
|
|
Ÿ
|
mae'r gwasanaeth nam corfforol yn parhau i ddatblygu ei
allu, ar y cyd ag eraill, i gynghori ar y defnydd o dechnoleg gyda
phlant anabl.Yn anffodus nid yw'r gwasanaeth yn medru ymateb yn
llawn i anghenion y cyfan o'r plant ag anableddau.
|
|
|
Ÿ
|
o dan arweiniad y seicolegwyr addysgol, mae'r unedau asesu
cyn ysgol wedi rhoi sylw i gynlluniau datblygu a phennu targedau
i'w cyflawni yn ystod y flwyddyn i ddod.Yn gyffredinol, mae'r gofyn
am leoedd yn yr unedau wedi cynyddu gyda rhestr aros ar gyfer
ambell un, ac yn yr un modd mae'r galw ar y gwasanaeth Portage yn
parhau i gynyddu gyda rhestr aros yma hefyd.
|
|
|
Ÿ
|
bu'r gwasanaeth therapi cerdd yn gweithio'n bennaf yn yr
unedau asesu cyn-ysgol gyda phlant ag anawsterau iaith a gyda rhai
plant ifanc sydd â'u hanawsterau ar y sbectrwm
awtistig.Cafwyd enghreifftiau o effaith digamsyniol y modd arbennig
hwn o hyrwyddo cyfathrebu.
|
|
|
Ÿ
|
ymwelodd yr athrawes arbenigol i blant ag anawsterau
cyfathrebu â 70 plentyn yn ystod y tymor.Bu'n ymwneud yn
helaeth â threfnu hyfforddiant a bu'n cyd-weithredu gyda'r
therapyddion iaith a lleferydd ar wahanol agweddau o'r
gwaith.
|
|
|
|
|
3.3
|
Gweinyddu Prosesau Asesu ac Adolygu
|
|
|
|
|
Ÿ
|
mae'r nifer o asesiadau statudol oedd ar y gweill ar
Rhagfyr 31ain, 2005 yn llawer is nag oeddent y llynedd a'r isaf ers
i'r Cyd-Bwyllgor gael ei sefydlu, sef 27 o'i gymharu â 70 yr
un adeg yn 2004, a 98 yn 2003.Gellir priodoli hyn i amryw o
ffactorau megis mwy o ddefnydd o Gynllun AAA 3*, parodrwydd i
ddelio ar lefel ysgol ag anghenion addysgol arbennig, barn y Paneli
Cymedroli ynghylch sut y dylid rhannu cyfrifoldebau gwneud
darpariaeth, ynghyd â chydnabyddiaeth gyffredinol y dylid
neilltuo asesiadau statudol i achosion lle mae darpariaeth
ychwanegol sylweddol.Yn sgîl y gostyngiad, bu i'r seicolegwyr
addysgol fedru treulio mwy o amser yn cefnogi ysgolion a llai ar
ddarparu cyngor i asesiadau statudol.
|
|
|
Ÿ
|
er y gostyngiad yn yr asesiadau statudol, nid yw ei
effaith ar y ganran o'r boblogaeth ysgol sy'n destun datganiad wedi
digwydd hyd yma, a pharheir i ddarparu datganiadau ar gyfer oddeutu
1% yn fwy nag a wneir, ar gyfartaledd, gan siroedd eraill Cymru,
sef 4.22% ar draws y ddwy sir yn 2005/06 o'i gymharu â 3.26%
ar lefel Cymru yn 2004/05. Mae'r ystadegau yng nghyswllt nifer y
datganiadau dros y naw mlynedd diwethaf yn amlygu patrwm o gynnydd
cyson o 1997 i 2001 (1,048 yn Ionawr, 1997 i fyny i 1,361 yn
Ionawr, 2001) gydag awgrym wedyn o 2001 hyd at 2006 bod yna duedd
tuag at ostyngiad ac eithrio cynnydd bychan yn y nifer yn
2005.
|
|
|
Ÿ
|
ychydig iawn o ddatganiadau sy'n cael eu terfynu yn dilyn
adolygiad blynyddol o ganlyniad i gynnydd digonol - fe ddaw y
mwyafrif i ben oherwydd fod disgyblion yn gadael yr ysgol ac
efallai bod angen edrych ymhellach ar hyn.Efallai hefyd y gwelir
newid fel y bydd y meini prawf yn newid a mwy o ddarpariaeth yn
cael ei gwneud trwy'r Cynllun 3*.
|
|
|
Ÿ
|
mae'r ddau awdurdod addysg yn parhau i sicrhau bod plant
ag AAA yn cael eu hadnabod yn gynnar a bod darpariaeth yn cael ei
gwneud ar eu cyfer.Fel rheol mae'r ddarpariaeth hon pan fydd y
plentyn yn cychwyn yn yr ysgol yn un sylweddol iawn.O ran y nifer o
ddatganiadau a luniwyd yn 2005, bu lleihad yn y 4 ystod oedran yng
Ngwynedd (plant o dan 5/ 5-10 oed/ 11-15 oed/ 16 a throsodd) tra bu
cynnydd yn y nifer o ddatganiadau a luniwyd ym Môn gogyfer
plant o dan 5 oed - 20 o'i gymharu â 13 yn 2004.
|
|
|
Ÿ
|
nid yw asesiad statudol bob amser yn arwain at lunio
datganiad, gan y gall y broses o asesu ddatgelu ffyrdd eraill mwy
priodol o gwrdd â'r anghenion addysgol arbennig, a thra bod
angen gofalu bod y plant sydd angen datganiad yn ei gael, mae angen
hefyd i'r prosesau gwneud penderfyniad geisio osgoi cynnal asesiad
statudol pan na fo'i angen. Yn 2004 ym Môn fe arweiniodd y
broses asesu statudol at lunio nodyn yn hytrach na datganiad mewn
25 o achosion a 21 o achosion yn 2005; tra yng Ngwynedd, ni wnaed
datganiad yn dilyn asesiad statudol mewn 25 o achosion yn 2004 a 34
o achosion yn 2005, sy'n awgrymu y gall y prosesau gwenud
penderfyniad ganiatau asesiad statudol diangen weithiau.
|
|
|
Ÿ
|
o ran y rhesymau pam y llunnir datganiad, gwelwyd
gostyngiad yn y ddwy sir yn y nifer o blant sy'n destun datganiad
oherwydd anawsterau dysgu cyffredinol a phenodol sy'n tystio i'r
Cynllun 3* allu darparu ar eu cyfer.
|
|
|
Ÿ
|
mae'r cynnydd yn y nifer sy'n derbyn cymorth oherwydd
anawsterau sydd ar y sbectrwm awtistig yn parhau ac mae i'w weld
amlycaf ym Môn - sef 15 yn Ionawr, 1999 o'i gymharu â
48 yn Ionawr, 2006.Mae'r niferoedd sy'n destun datganiad o
ganlyniad i namau synhwyraidd neu anabledd corfforol/cyflwr
meddygol yn eithaf sefydlog ac ni welwyd unrhyw newid arwyddocaol
ychwaith yn y nifer sy'n destun datganiad oherwydd anawsterau
ymddygiadol ac emosiynol er fod y gyfran o'r rhai sy'n destun
datganiad am y rhesymau hyn, fel canran o'r holl ddisgyblion gyda
datagniad, yn uwch ym Môn.
|
|
|
|
|
|
|
|
|
Ÿ
|
mae disgyblion ag anghenion addysgol arbennig yn derbyn
cymorth ychwanegol gan yr awdurdodau addysg trwy dwy drefn a
weinyddir gan yr Uned Ddarparu - un ohonynt yw trwy ddatganiad o
AAA, ac mae gostyngiad bychan wedi digwydd yn y nifer sy'n derbyn
cymorth trwy'r cyfrwng hwn.Un o'r rhesymau dros hyn yw'r
penderfyniad i geisio neilltuo datganiadadau i ddisgyblion ag
anawsterau eithaf dwys, cymhleth a hirdymor, gan drefnu cymorth
eraill a fuasent wedi bod yn destun datganiad, trwy Gynllun AAA
3*.Byddid yn disgwyl felly i'r nifer sy'n cael help o dan y cynllun
hwn i gynyddu fel mae datganiadau yn gostwng ac mae'r ystadegau yn
cadarnhau hyn.Yng Ngwynedd fodd bynnag, mae'r cyfanswm yn parhau i
gynyddu.Ar hyn o bryd mae'r Uned Ddarparu yn gyfrifol am brosesu
cymorth i 1,836 o blant.Mae'r ddau awdurdod addysg yn y broses o
adolygu eu meini prawf tros wneud darpariaeth addysgol
arbennig sydd yn ychwanegol at y ddarpariaeth a wneir gan ysgolion
a bydd angen cadw golwg ar sut y gall hyn effeithio ar waith yr
Uned.
|
|
|
|
|
|
Diolchwyd i'r Prif Seicolegydd Addysgol am ddadansoddiad manwl a dadlennol o waith a
thueddiadau'r tymor a chodwyd y pwyntiau canlynol ar y wybodaeth
-
|
|
|
|
|
Ÿ
|
cyfeiriwyd at y nifer sy'n derbyn cymorth oherwydd
anawsterau ar y sbectrwm awtistiaeth ac yn benodol, at y cynnydd
parhaol yn y nifer hwn ym Môn, a gofynnwyd beth oedd y
rhesymau dros y ffaith fod y duedd hon ar ei fyny ar yr
Ynys.
|
|
|
|
|
|
Ymatebodd y Prif Seicolegydd Addysgol nad oes yna unrhyw
un esboniad pendant dros y ffaith fod y nifer o blant sy'n derbyn
cymorth oherwydd anawsterau ar y sbectrwm awtistiaeth ym Môn
yn uwch nag yng Ngwynedd ac yn parhau i gynyddu.Mae yna
gynnydd cyffredinol trwy'r wlad yn y nifer o blant sydd
ag anawsterau yn gysylltiedig ag awtistiaeth. Cychwynnwyd
eisoes ar drafodaeth gyda'r arbenigwyr yn y maes, y seicolegwyr
clinigol, i geisio cael gwell amgyffred o'r rhesymau pam fod y
nifer yn cynyddu a bwriedir adrodd yn llawnach ar hyn i'r
Cyd-Bwyllgor maes o law.
|
|
|
|
|
Ÿ
|
cyfeiriwyd at y cyfyngiadau cyllidol sydd ar y maes
anghenion addysgol arbennig ac ar yr ymdrech i reoli'r nifer o
ddatgniadau a gwneud darpariaeth trwy ddulliau amgen, gwahanol, a
llai costus, a gofynnwyd sut eir ati i flaenoriaethu gwariant gan
yr Uned.Holwyd yn arbennig ynghylch a yw'r gyfundrefn fel ag y mae
yn ddigon grymus i sicrhau cyfle cyfartal i bob plentyn sydd ag
anhenion arbennig, a chyfeiriwyd fel esiampl at y ffaith nad yw'r
gwasanaeth anabledd corfforol yn gallu diwallu anghenion pawb
sydd angen y gwasanaeth.Nodwyd bod pob carfan o anawsterau yn
bwysig a gofynnwyd a oes perygl fod rhai yn cael darpariaeth well
ar draul eraill oherwydd eu bod mewn sefyllfa i wneud achos mwy
grymus dros hynny, ac i ddwyn pwysau ar y system.
|
|
|
|
|
|
Ymatebodd y Prif Seicolegydd Addysgol ei fod yn cydnabod y
pryderon ynglyn â sicrhau chwarae teg i bob plentyn sydd ag
anghenion arbennig, a nododd bod tynhau'r meini prawf a sefydlu'r
Paneli Cymedroli wedi cyfrannu tuag at sicrhau tegwch, cysondeb a
thrylwyredd yn hyn o beth.Mae'r Uned hefyd yn ymwybodol fod rhai
rhieni yn deall sut mae'r gyfundrefn ar gyfer ymdrin ag anghenion
addysgol arbennig yn gweithio yn well nag eraill a maent yn gallu
manteisio ar hynny.Mae'r Uned yn ymdrechu i gynorthwyo'r rhieni
hynny nad ydynt yn gyfarwydd iawn â'r gweithdrefnau ac yn
ceisio sicrhau fod y system yn gweithredu'n deg ac yn gyfartal.O
ran disgyblion sydd ag anabledd corfforol mae'r ddau awdurdod
addysg yn gwneud tegwch â'r plant hyn o ran gwneud
darpariaeth ychwanegol ar eu cyfer, ond nid yw staff yr Uned
Ddarparu bob tro mewn sefyllfa i roddi sylw llawn i bob
plentyn.
|
|
|
|
|
|
Yn dilyn o'r ymateb uchod, nodwyd bod yr awdurdodau addysg
yn cyllido mudiad SNAP i weithredu fel lladmerydd ar ran rhieni
sydd â phlant ag anghenion addysgol arbennig ac awgrymwyd bod
y Cyd-Bwyllgor yn derbyn gwybodaeth ynglyn â faint o rieni
sydd yn ymwybodol o'r gwasanaeth hwn ac yn gwneud defnydd
ohono.
|
|
|
|
|
|
Nododd y Prif Seicolegydd Addysgol y byddai'n gofyn i
gynrychiolydd SNAP ddod i gyfarch cyfarfod nesaf y Cyd-Bwyllgor a
chyflwyno gwybodaeth ynglyn â'r defnydd o'r gwasanaeth gan
rieni.
|
|
|
|
|
|
|
|
|
3.5
|
Derbyn adroddiad y Prif Seicolegydd Addygol ynglyn
â gwaith yr Uned Ddarparu dros gyfnod tymor y Gaeaf, 2005 gan
nodi ei gynnwys a chan ddiolch i'r Prif Seicolegydd Addysgol am
drylwyredd a manylder y wybodaeth.
|
|
|
3.6
|
Gofyn i'r Prif Seicolegydd Addysgol wneud trefniadau
i gynrychiolydd o fudiad SNAP fod yn bresennol yng nghyfarfod nesaf
y Cyd-Bwyllgor i gyflwyno gwybodaeth ynglyn â'r defnydd a
wneir o'r gwasanaeth gan rieni.
|
|
|
|
|
4
|
DULLIAU GWEITHREDU'R GWASANAETH SEICOLEG
ADDYSGOL
|
|
|
|
|
|
Cyflwynwyd - Adroddiad ynglyn
â'r uchod gan gyfeirio'n benodol at ddull o weithio gydag
ysgolion sydd yn wahanol i'r dulliau traddodiadol.
|
|
|
|
|
|
Nododd y Prif Seicolegydd Addysgol fod yr adroddiad uchod
yn ceisio dangos i ba gyfeiriad mae'r Gwasanaeth Seicoleg Addysgol
yn mynd o ran datblygu dulliau gwaith newydd ac er nad yw'r newid y
cyfeirir ato ar y wyneb yn ymddangos yn chwyldroadol, mae'r dull
newydd o weithio a elwir yn fodel ymgynghorol yn cynrychioli newid
sylfaenol wrth ymagweddu tuag at broblemau. Crynhoir prif
nodweddion y dull newydd hwn isod:
|
|
|
|
|
Ÿ
|
yn yr hen ffordd o weithio roedd seicolegwyr yn cael eu
hystyried yn arbenigwyr oedd yn cael eu galw i mewn i ddweud beth
sydd angen ei wneud, yn asesu'r plentyn er mwyn dweud beth sydd yn
mynd o'i le ac yn darparu tystiolaeth ar gyfer cael adnoddau
ychwanegol;
|
|
|
Ÿ
|
bernir nad yw'r ffordd yma o weithredu yn addas bellach am
nad yw ymwneud y seicolegydd yn fuddiol os na cheir adnoddau
ychwanegol.Hefyd, ni ellir rhoi cefnogaeth i'r ysgolion gyda
phroblemau tymor hir i'w cynorthwyo i newid y sefyllfa; o ganlyniad
mae ysgolion a rhieni yn teimlo nad oes neb yn gwrando arnynt, ac
mae'r seicolegydd yntau'n teimlo nad yw'n gwneud cyfraniad gan na
chafodd berspectif yr ysgol yn llawn;
|
|
|
Ÿ
|
mae'r model ymgynghorol yn golygu fod seicolegwyr addysgol
ar gael er mwyn trafod a sgwrsio a thrwy hynny gellir creu
newid.Pwrpas y gwasanaeth yw gweithio gydag eraill i greu newid
trwy drafodaeth gyda phawb sydd â diddordeb yn y
sefyllfa.Cedwir materion yn syml a gweithredir yn y ffordd mwyaf
"darbodus";
|
|
|
Ÿ
|
nid yw gwaith achos yn gydnaws â'r dull - nid yw
ffocws yn cael ei roddi ar y plentyn fel achos ynddo'i hun; yn
hytrach mae'r model yn helpu'r oedolyn i ganfod sut i ddatrys ei
broblem ac, o'r herwydd, yn gydnaws â chynhwysiad a chodi
safonau.Mae ymwneud yn uniongyrchol â phlant yn gostus yn
nhermau amser seicolegydd, ac yn bwysicach, gall greu rhwystrau
seicolegol trwy atgyfnerthu'r syniad fod y broblem oddi mewn i'r
plentyn ac y gellir ei ddatrys trwy archwilio'r plentyn yn ddigon
manwl.O dan y dull newydd ni ystyrir fod datrysiad yn bosibl trwy'r
plentyn ond yn hytrach trwy drafodaeth gyda'r oedolion sydd yn
effeithio ar y plentyn;
|
|
|
Ÿ
|
newid arall yw mabwysiadu dull o ganolbwyntio ar
ddatrysiadau.Mae'r technegau hyn yn canolbwyntio ar y dyfodol
dymunol - h.y. ar y sefyllfa byddai'r athrawes, y rhiant neu'r
person ifanc yn dymuno ei weld, yn hytrach nag ar beth sydd yn mynd
o'i le.Maent yn gwbl gydnaws felly â'r model ymgynghori.Trwy
edrych ar y camau bychain nesaf tuag at y dyfodol hwn, byddant yn
medru gweld pa mor effeithiol gallant fod;
|
|
|
Ÿ
|
mae'n ddull sy'n cynorthwyo pawb i ddatblygu datrysiadau
sy'n unigryw iddynt hwy a'u sefyllfa;
|
|
|
Ÿ
|
rôl y seicolegydd yw gofyn cwestiynau sy'n mynd i
ganfod cryfderau pobl - mae sesiynau ymgynghori felly bob amser yn
rhai cadarnhaol ac yn canolbwyntio ar ddatrysiadau;
|
|
|
Ÿ
|
medrir defnyddio'r technegau ar lefel unigolion a
dosbarthiadau ac fel rhan o ofal bugeiliol er mwyn torri ar
batrymau negyddol;
|
|
|
Ÿ
|
gall y dulliau hyn arwain at welliannau o bob math - gwell
ymddygiad a llai o waharddiadau.
|
|
|
|
|
Rhoddodd Manon Edwards,
Seicolegydd Addysgol flas i aelodau'r Cyd-Bwyllgor o'i phrofiad o
roddi'r dull ymgynghorol a thechnegau ffocysu ar ddatrysiadau
ar waith gydag ysgolion ers mis Medi, 2005, a nododd bod ysgolion
yn ymddangos yn hyderus wrth eu defnyddio a'u bod yn ymwybodol eu
bod yn cynnig proses realistig sydd yn diwallu anghenion dros y
tymor hir yn hytrach na cheisio cynnig datrysiad unwaith ac am byth
yn dilyn asesiad.
|
|
|
|
Croesawodd yr aelodau y
wybodaeth fel datblygiadau diddorol a chyffrous a diolchwyd i'r
Prif Seicolegydd Addysgol a'r Seicolegydd Addysgol am roddi
esboniad ohonynt.
|
|
|
|
Penderfynwyd derbyn
yr adroddiad a nodi'r wybodaeth.
|
|
|
|
|
|
|
|
5.1
|
Rhoddodd Uwch Gyfrifydd Addysg Cyngor Gwynedd ddiweddariad
ar lafar i'r aelodau ynglyn â chyfrifon 2005/06.
|
|
|
|
|
Atgoffodd yr Uwch
Gyfrifydd yr aelodau bod gwerth oddeutu £21,000 o falansau
gan y Cyd-Bwyllgor ar ddiwedd blwyddyn ariannol 2004/05.Yng
nhgyfarfod blaenorol y Cyd-Bwyllgor ym mis Tachwedd, 2005,
cymeradwywyd gwneud defnydd o £3,152 o'r balansau i gyllido
adnoddau arbenigol ac offer cyfrifiadurol ac fe weithredwyd ar y
penderfyniad hwnnw gan dynnu'r balansau i lawr i oddeutu
£18,000.Hefyd, cefnogwyd defnyddio £4,200 pellach i
gryfhau staff swyddfa yr Uned Darparu gogyfer tymor y Gwanwyn, ond
oherwydd na fu'r defnydd o staff cyflenwol gymaint ag a ddarparwyd
ar ei gyfer, ni fu rhaid defnyddio'r balansau i gyllido'r trefniant
hwn.
|
|
|
|
At hynny, mae'r
Cyd-Bwyllgor yn edrych tuag at gynhyrchu incwm o werthu pecynnau
addysg arbennig i ysgolion awdurdodau eraill ac ar gefn hyn,
rhagwelir byddir yn gweld cynnydd yn y balansau ar ddiwedd y
flwyddyn hyd at oddeutu £25,000, sef 2.3% o gyllideb y
Cyd-Bwyllgor. Ni ystyrir fod y swm hwn yn swm sylweddol yng
nghyd-destun gwariant y Cyd-Bwyllgor.
|
|
|
|
Amcanir at gyflwyno
cyfrifon terfynol y Cyd-Bwyllgor am 2004/05 i'r cyfarfod
nesaf.
|
|
|
|
Penderfynwyd derbyn y
diweddariad ynglyn â chyfrifon 2005/06 a nodi'r
wybodaeth.
|
|
|
|
5.2
|
Cyflwynwyd - Adroddiad yn ymgorffori cyllideb y
Cyd-Bwyllgor ar gyfer 2006/07.
|
|
|
|
|
Nodwyd bod y gyllideb yn
adlewyrchu cytundebau cyflog, incrementau cyflogau a chwyddiant
cyflogau a phenawdau cyffredinol am 2006/07 yn ogystal ag effaith
trosiant staff.Mae darpariaeth wedi ei chynnwys am -
|
|
|
|
Ÿ
|
Sefydliad y Cyd-Bwyllgor
|
|
|
|
|
Ÿ
|
8.7 seicolegwyr (cynnydd o 0.1 ar gyllideb
2005/06)
|
|
|
|
|
|
|
|
|
|
|
Ÿ
|
cytundeb cyflog seicolegwyr 2.95% o Fedi, 2006
|
|
|
Ÿ
|
cytundeb cyflog athrawon 2.5% o Fedi, 2006
|
|
|
Ÿ
|
cytundeb cyflog staff gweinyddol 2.95% o Ebrill,
2006
|
|
|
Ÿ
|
cyfraniad ychwanegol o 2.2.% ar flwydd-dal Cynllun
Llywodraeth Leol, sydd yn effeithio ar gostau cyflog seicolegwyr a
staff gweinyddol.
|
|
|
|
|
Mae cyfraniadau Cyngor
Gwynedd a Chyngor Sir Ynys Môn wedi cynyddu o 2.77%, a'r unig
newid sylfaenol yn y gyllideb yw'r ychwanegiad o 0.1 swydd yng
nghyflenwad staff y seicolegwyr addysgol.
|
|
|
|
Byddir yn cyflwyno
adolygiad o'r gyllideb yn ystod y flwyddyn.
|
|
|
|
Penderfynwyd
cymeradwyo a mabwysiadu'r gyllideb am 2006/07 fel ag a
gyflwynwyd.
|
|
|
|
6
|
CYFARFODYDD Y CYD-BWYLLGOR AM Y FLWYDDYN I
DDOD
|
|
|
|
|
Penderfynwyd bydd
cyfarfodydd y Cyd-Bwyllgor am y flwyddyn i ddod yn cael eu cynnal
ar y dyddiadau a'r amseroedd canlynol :
|
|
|
|
Dydd Gwener, 23
Mehefin, 2006 am 10:30 a.m.
|
|
Dydd Gwener, 10
Tachwedd, 2006 am 10:30 a.m.
|
|
Dydd Gwener, 16
Mawrth, 2007 am 10:30 a.m.
|
|
|
|
|
|
Mrs Fflur
Hughes
|
|
Cadeirydd
|