|
|
|
|
Eitem 3 - Adroddiad yr Uned Ddarparu AAA
|
|
|
|
|
|
Cyfeiriwyd at benderfyniad 3.2 o dan y cofnod uchod oedd
yn gofyn am adroddiad pellach ar faes plant ag anawsterau iaith a
chyfathrebu, a rhoddwyd gwybod i’r aelodau y bwriadwyd trefnu
cyflwyniad ar y maes i’r cyfarfod yma o’r Cyd-Bwyllgor
ond gan nad oedd yr amseru’n gyfleus tro hwn byddir yn cynnal
y sesiwn yn awr yng nghyfarfod nesaf y Cyd-Bwyllgor.
|
|
|
|
|
|
|
3
|
ADRODDIAD YR UNED DDARPARU AAA
|
|
|
|
|
|
Cyflwynwyd - Adroddiad yn amlinellu gwaith yr Uned
Ddarparu AAA yn ystod tymor yr Haf, 2007, gan gyfeirio’n
benodol at weithgareddau ynghlwm wrth weinyddu’r prosesau
asesu ac adolygu; gweithgareddau’r Gwasanaeth Seicoleg
Addysgol a’r Gwasanaeth Athrawon Arbenigol ynghyd â
gwybodaeth ynglyn â Datganiad cyntaf Llywodraeth Cynulliad
Cymru ar Ddisgyblion gyda Datganiad o Anghenion Addysgol
Arbennig.
|
|
|
|
|
|
Dygwyd sylw’r Cyd-Bwyllgor at yr ystyriaethau
canlynol yn benodol -
|
|
|
|
|
Ÿ
|
Cyfarfu’r Grwp Cyswllt Iechyd-Addysg unwaith yn
ystod y tymor ac ymhlith prif bynciau trafod y grwp oedd y Prosiect
Peilot Therapi Iaith a Lleferydd. Yn dilyn cyhoeddi ei
adroddiad, Gweithio Gyda’n
Gilydd mae Llywodraeth y Cynulliad yn
cyllido prosiect ym maes therapi iaith a lleferydd sy’n
amcanu at hybu cyd-gomisiynu therapi iaith a lleferydd. Arweiniodd
y prosiect yng Ngwynedd a Môn at beilot yn nalgylchoedd
Bangor a David Hughes - Glannau Menai. Adroddwyd i’r Grwp
hefyd ar y drefn a sefydlwyd i edrych ar y gwasanaeth GIMPaPHI
(Gwasanaeth Iechyd Meddwl Plant a Phobl Ifanc neu CAMHS).
Mae’r Cynulliad wedi penodi Rheolwraig Comisiynu Rhanbarth
Gogledd Orllewin Cymru ac un o’i chyfrifoldebau yw cynnal
awdit o’r ddogfen Busnes
Pawb. Cynhelir cyfarfodydd rheolaidd yn
lleol i edrych ar gyfraniad yr holl asiantaethau i’r ddogfen
hon.
|
|
|
Ÿ
|
Parhawyd i gyflogi Cydlynydd 3* dros dro am ddau ddiwrnod
yr wythnos, gan ddefnyddio arian o’r balansau i gynnal y
swydd. Gweinydda’r Cydlynydd 3* geisiadau ac adolygiadau, gan
sicrhau bod gwybodaeth gywir a chyflawn yn cael ei chyflwyno i
Baneli Cymedroli’r ddau Awdurdod. Nodir bod hwn yn waith sydd
wedi cynyddu’n sylweddol yn ddiweddar ac mae’n waith
pwysig.
|
|
|
Ÿ
|
Mewn cydweithrediad ag Adran Technoleg Gwybodaeth Cyngor
Gwynedd, gwnaethpwyd gwaith addasu ar y basdata 3* i ddiben
mireinio’r adroddiad cyllidol a anfonir at yr Unedau Cyllidol
yn rheolaidd. Cychwynnwyd ar y gwaith o addasu’r adroddiadau
statudol i’r un pwrpas a hynny mewn cyd-weithrediad â
Chwmni Cynnal. Erys gwaith pellach i’w wneud er mwyn sicrhau
y gwneir y defnydd gorau o’r wybodaeth sydd ar gael mewn
perthynas â chost y gwasanaeth er mwyn llunio system
integredig.
|
|
|
Ÿ
|
Erbyn Mai, 2007, roedd gan y Gwasanaeth Seicoleg Addysgol
gyflenwad llawn o staff. Bu i un aelod o’r Tîm gymhwyso
mewn Diploma mewn defnydd o egwyddorion Canolbwyntio ar Ddatrysiad
ac mae’n cael ei defnyddio gan y Brief Practice yn Llundain
fel goruchwylydd i fyfyrwyr newydd. Mae tri aelod arall o’r
Tîm yn dilyn y Diploma eleni a bernir bydd eu gwybodaeth
a’u profiadau o werth i ddatblygiad y gwasanaeth i’r
dyfodol.
|
|
|
Ÿ
|
Ar y cyd gyda’r ddau Awdurdod Addysg, mae’r
Gwasanaeth Seicoleg Addysgol yn cynnal prosiect i ddatblygu
ysgolion yn rhai sy’n defnyddio dull ffocysu ar ddatrysiad.
Yn ymwneud â’r prosiect hwn mae 4 ysgol uwchradd
a’r 4 ysgol gynradd fwyaf sy’n bwydo’r ysgolion
hyn yn ogystal â’r sefydliadau sy’n datblygu
sgiliau ymddygiadol plant.
|
|
|
Ÿ
|
Ymhlith datblygiadau yn y Gwasanaeth Cyn-Ysgol, cwblhaodd
un o athrawesau’r Unedau Asesu Cyn-Ysgol ym Môn gwrs
arbenigol ym maes awtistiaeth; cynhaliwyd diwrnod hwyl a sbri i
deuluoedd a phlant ifanc gan weithwyr Portage a Barnados a dathlwyd
agoriad Canolfan Integredig Plas Pawb yng Ngwynedd.
|
|
|
Ÿ
|
Bu aelodau staff y Gwasanaeth Athrawon Arbenigol yn
ymgymryd â chryn hyfforddiant a chyrsiau datblygiad
proffesiynol pellach yn eu maes a manylir ar y rhain yn Adran 4 yr
adroddiad. Hefyd, bu’r gwasanaeth yn ymhel â
gweithgareddau rhyng-asiantaethol ac yn cymryd rhan mewn
cyfarfodydd cyd-weithio gyda sefydliadau eraill fel y crybwyllir yn
Adran 4.2.
|
|
|
Ÿ
|
Rhydd Adran 5 yr adroddiad wybodaeth am Ddatganiad Cyntaf
Llywodraeth Cynulliad Cymru ar Ddisgyblion gyda Datganiad o
Anghenion Addysgol Arbennig ym mis Mehefin, 2007. Bydd y Datganiad
yn cael ei gyhoeddi’n flynyddol ar sail y data a anfonir i
mewn gan bob Awdurdod Addysg Lleol yng Nghymru ym mis Ionawr (YSTAD
2). Y Cyd-Bwyllgor sy’n gyfrifol am gasglu’r data ar
gyfer YSTAD 2 ar ran Gwynedd ac Ynys Môn.
|
|
|
|
|
|
Ymhlith y pwyntiau allweddol yr adroddir amdanynt yn y
Datganiad mae’r canlynol -
|
|
|
|
|
Ÿ
|
mae’r nifer o ddisgyblion gyda datganiad o AAA yng
Nghymru wedi gostwng 3.7% yn ystod 2006, sy’n dod â
chyfanswm y rhai â datganiad i 15,579 ym mis Ionawr, 2007. Y
tueddiad sy’n bwysig fan hyn a dylid dal sylw bod hwnnw ar ei
lawr;
|
|
|
Ÿ
|
yn Ionawr, 2007, roedd 3.2% o ddisgyblion cofrestredig
gyda datganiad o AAA;
|
|
|
Ÿ
|
mae’r canran o ddisgyblion gyda datganiad ar
gofrestrau ysgolion wedi gostwng dros y saith mlynedd diwethaf o
3.4%;
|
|
|
Ÿ
|
mae bron i 92% (14,291 o ddisgyblion) o’r cyfanswm
gyda datganiad yn cael eu haddysgu yn eu Hawdurdod Addysg cartref
yn hytrach na mewn awdurdodau eraill. Yn lleol mae hynny’n
trosi i 96% yng Ngwynedd a 93% ym Môn (mae’r
gwahaniaeth i’w briodoli i’r ffaith bod Ysgol Coed
Menai, Bangor yn cael ei chyfrif fel darpariaeth all-sirol gan Ynys
Môn);
|
|
|
Ÿ
|
mae 23% o’r rhai a addysgir yn eu hawdurdod addysg
cartref yn cael eu haddysgu mewn ysgolion arbennig (3,350 o
ddisgyblion). O safbwynt lleol, mae’r ystadegyn o gwmpas 17%
ar gyfer Gwynedd ac Ynys Môn;
|
|
|
Ÿ
|
mae’r canran o ddisgyblion sydd yn cael eu haddysgu
mewn ysgolion prif-lif - un ai yn yr AALl cartref neu y tu allan -
yn amrywio’n sylweddol ar draws yr awdurdodau addysg lleol, o
90.5% yng Ngheredigion (lle nad oes ysgol arbennig) i 16.9% ym
Mhen-y-bont ar Ogwr;
|
|
|
Ÿ
|
mae Tabl 8 yn y Datganiad Cyntaf yn dangos niferoedd
disgyblion gyda datganiad o AAA, fesul Awdurdod Addysg Lleol, o
1999/2000 i 2006/07. Roedd y Cyd-Bwyllgor yn gyfrifol am gynnal
datganiadau 1,074 o ddisgyblion ym Môn a Gwynedd yn 2006/07 -
mae hyn yn cymharu gydag Awdurdod megis Casnewydd, gyda 1,021 o
ddisgyblion gyda datganiad yn yr un flwyddyn;
|
|
|
Ÿ
|
nid yw’r YSTAD 2 yn casglu gwybodaeth am ddisgyblion
sy’n derbyn cymorth trwy gynllun ar wahân i’r
drefn datganiadau, megis y Cynllun AAA 3* yng Ngwynedd a Môn,
sy’n darparu cymorth ychwanegol i 664 o ddisgyblion ar hyn o
bryd.
|
|
|
|
|
|
Diolchwyd yn fawr i’r swyddogion am yr adroddiad
trylwyr arferol ar waith tymhorol yr Uned Ddarparu a chodwyd y
cwestiynau canlynol ar y wybodaeth a gyflwynwyd -
|
|
|
|
|
Ÿ
|
Gofynnwyd a oedd lleihad yn y nifer o ddisgyblion gyda
datganiad o anghenion addysgol arbennig wedi digwydd am fod cost
darparu a chynnal datganiad yn uchel?
|
|
|
|
|
|
Adroddwyd mewn ymateb mai’r hyn sy’n
bwysig nodi yw bod yna adolygu sefyllfa disgyblion sydd ar
Ddatganiad nad yw eu hanghenion addysgol yn rhai dwys i ganfod sut
y gellir parhau gyda’r ddarpariaeth ar eu cyfer heb fynd
trwy’r broses hir a chymhleth o baratoi datganiad.
Mae’r disgyblion hynny sydd wedi symud o ddatganiad yn derbyn
darpariaeth trwy gyfrwng y Cynllun 3* ; felly mae’r
gynhaliaeth yn parhau i fod ar gael iddynt ond mae’n cael ei
gyflwyno trwy ddull sy’n golygu hepgor dilyn proses ddyrys
llunio datganiad.
|
|
|
|
|
Ÿ
|
Gofynnwyd a yw’r Cynllun 3* yn ddull effeithiol o
ddelio gydag anghenion addysgol arbennig ac nid yn ddull
cost-effeithiol yn unig?
|
|
|
|
|
|
Adroddwyd mewn ymateb bod y Cynllun 3* yn arwain at
arbedion am ei fod yn cwtogi ar y broses fiwrocrataidd o lunio
datganiad. Ar y cyfan yng nghyswllt anawsterau dysgu cymhedrol, nid
yw’r ysgolion yn gweld gwahaniaeth o ran ansawdd y
ddarpariaeth ond bod y ddarpariaeth yn digwydd yn gynt. Rhaid cofio
o ran y gynhaliaeth sydd ar gael trwy’r Cynllun 3* bod y
gefnogaeth a roddir gan y rhieni a’r ysgolion hefyd yn
ffactorau.
|
|
|
|
|
|
Y disgwyliad cyllidol o weld lleihad yn y nifer o
ddisgyblion ar ddatganiad yw y byddai yna ostyngiad cyfatebol mewn
costau darpariaeth integreiddio; ond mae’r disgyblion oedd ar
ddatganiad yn symud i ddarpariaeth trwy’r Cynllun 3* -
felly nid oes gwahaniaeth o safbwynt cyllidebau
integreiddio’r ddau Awdurdod.
|
|
|
|
|
Ÿ
|
Cyfeiriwyd at yr Adroddiad Blynyddol ar y Gwasanaeth
Addysg a ddarparwyd gan Gwmni Cynnal ac a gyflwynwyd i bwyllgorau
craffu perthnasol y ddau Awdurdod, a sylwyd bod yr adroddiad hwn yn
nodi bod y gwariant ar faes anghenion addysgol arbennig yn
parhau’n uchel.
|
|
|
|
|
|
Adroddwyd mewn ymateb bod y gwariant ar faes anghenion
addysgol arbennig o safbwynt Ynys Môn yn sylweddol, a rhaid
gofyn a yw’r gwariant ar anghenion addysgol arbennig yn
gymesur â’r gwariant ar ddisgyblion eraill, ac a yw
adnoddau yn cael eu dyrannu’n deg rhwng y cyfan o’r
disgyblion, gan gofio bod yna ddisgyblion sydd ag anghenion dwys
sy’n gofyn am fewnbwn ychwanegol. Mae’n rhaid edrych ar
safle Môn yn y Tabl o awdurdodau addysg lleol a gofyn a yw
gwariant ar lefel mor uchel yn tystio at ddarpariaeth dda a
chynhwysfawr neu a yw’n adlewyrchu darpariaeth sy’n
ymateb i’r rhai hynny sy’n gwneud yr achos cryfaf dros
eu plant.
|
|
|
|
Mae’r Comisiwn Archwilio wedi cyhoeddi adroddiad ar
faes Anghenion Addysgol Arbennig a sut caiff ei gyllido a’r
pwynt sylfaenol yw bod cost llunio datganiad yn feichus, a’i
fod yn tynnu ar adnoddau y gellir eu defnyddio’n well.
Derbynnir bod datganiad yn ofynnol ar gyfer y disgyblion hynny sydd
ag anghenion dwys, ond gellir diwallu anghenion y mwyafrif trwy
gyfrwng y Cynllun 3* sydd yn lleihau’r fiwrocratiaeth
a’r costau ynghlwm wrth hynny. Bydd Ynys Môn yn edrych
yn ofalus ar adroddiad y Comisiwn Archwilio er mwyn arfarnu a yw
darpariaeth y Sir yn cwrdd â’r gofynion yn y ffordd
fwyaf effeithiol.
|
|
|
|
|
|
Ystyriaeth arall yw bod datganiad o anghenion addysgol
arbennig yn cael ei weld bellach gan rai rhieni fel drws sy’n
agor ar ddarpariaeth ychwanegol ar gyfer eu plentyn. Mae yna
ymdrech i geisio newid y meddylfryd hwn a rhoi ffocws ar y Cynllun
Addysg Unigol a cheisio cynorthwyo ysgolion i sicrhau bod ganddynt
gynlluniau safonol sy’n wir ymateb i anghenion
disgyblion.
|
|
|
|
|
|
Rhoddwyd arweiniad diweddar gan Estyn y dylai datganiad
gael ei lunio ar gyfer y disgyblion hynny y mae eu hanghenion
addysgol arbennig gyda’r dwysaf ac y byddent yn cael eu
lleoli mewn unedau arbennig. Mae meini prawf diwygiedig y ddau
awdurdod ar gyfer mynediad at ddarpariaeth addysgol ychwanegol yn
adlewyrchu’r arweiniad cenedlaethol yma.
|
|
|
|
|
|
Daethpwyd â’r drafodaeth ar yr adroddiad i ben
gyda sylw mewn perthynas ag ymrwymiad ac ymdrechion staff yr Uned
Ddarparu, yn seicolegwyr ac yn athrawon arbenigol, a sylwyd bod
parodrwydd staff i ddatblygu’n broffesiynol a’u
lwyddiannau wrth wneud hynny yn nodwedd o’r adroddiad
a’i fod yn rhywbeth i ymfalchio ynddo ac i gydnabod yn
ffurfiol.
|
|
|
|
|
|
|
|
|
Ÿ
|
Derbyn yr adroddiad ar waith yr Uned Ddarparu yn
ystod tymor yr Haf, 2007, a nodi ei gynnwys;
|
|
|
Ÿ
|
Cofnodi diolchiadau’r Cyd-Bwyllgor i staff yr
Uned Ddarparu, y Gwasanaeth Seicolegol, a’r Gwasanaeth
Athrawon Arbenigol am eu cyfraniad a’u gwaith ymroddgar trwy
gydol y cyfnod.
|
|
|
|
|
|
|
|
|
|
Cyflwynwyd - Adolygiad o gyllideb y Cyd-Bwyllgor gogyfer
2007/08.
|
|
|
|
|
|
Cyfeiriwyd at y prif ystyriaethau fel a ganlyn
-
|
|
|
|
|
Ÿ
|
Yng nghyllideb wreiddiol y Cyd-Bwyllgor ar gyfer 2007/08,
adnabuwyd arbedion parhaol o 1% (£10,910) yr oedd angen eu
darganfod yn ystod y flwyddyn. Trwy adolygu sefydliad staff y
Tîm Seicoleg Addysg i adlewyrchu’r sefyllfa gyfredol,
darganfuwyd arbediad parhaol o 1%.
|
|
|
Ÿ
|
Gan bod costau cynhaliaeth staff y Cyd-Bwyllgor ynghlwm
wrth hyfforddiant, mae’r gyllideb gynhaliaeth o £2,760
wedi’i throsglwyddo i bennawd Hyfforddiant o fewn y
gyllideb.
|
|
|
Ÿ
|
Dengys yr adolygiad uchod o’r gyllideb orwariant o
£5,110, sef -
|
|
|
|
|
Ÿ
|
£8,540 - Staff Gweinyddol - costau cyflenwol
darpariaeth 3*;
|
|
|
Ÿ
|
£6,860 - Lleihad mewn incwm yn sgîl llai o
ddarpariaeth hyfforddiant allanol;
|
|
|
Ÿ
|
£2,430 - Hyfforddiant staff y Cyd-Bwyllgor a chostau
eraill.
|
|
|
|
|
|
|
|
|
Ÿ
|
£8,370 - wedi ymdopi gydag arbediad o 1% sef
£10,910; cynhwysa’r gwariant ôl-daliadau ar gyfer
SPAs, honorariwm a chyfnod mamolaeth aelod o
staff;
|
|
|
Ÿ
|
£4,350 - arbediad ar athrawon cynhaliol - athrawes
gyflenwol
|
|
|
|
|
Ÿ
|
Roedd gan y Cyd-Bwyllgor falansau o £77,299 ar 31
Mawrth, 2007; awgryma’r adolygiad uchod y bydd lleihad o
oddeutu £5,000 yn y balansau gan adael swm wrth gefn o
oddeutu £72,000 erbyn diwedd y flwyddyn ariannol
gyfredol.
|
|
|
|
|
Diolchwyd i’r Uwch
Gyfrifydd am y wybodaeth a gofynnwyd a ystyrir bod sefyllfa
ariannol y Cyd-Bwyllgor yn iach.
|
|
Adroddwyd mewn ymateb mai
trosiant staff yn bennaf sydd wedi creu’r amgylchiadau ar
gyfer balans uchel, a thra rhydd yr arian wrth gefn rhyw gymaint o
sgôp i’r Cyd-Bwyllgor yn y tymor byr, nid yw’n
caniatau datblygiadau parhaol.
|
|
|
|
O edrych ar y ffigyrau
moel, ymddengys bod sefyllfa’r Cyd-Bwyllgor yn gymharol iach
ond dygir sylw aelodau at y gorwariant o dan y pennawd
Gweinyddol yn deillio o gostau cynnal gwaith y Cyd-lynydd 3* a
gyllidir yn bresennol o’r balansau. Rhaid nodi nad yw’r
gwaith hwn yn debygol o ddiflannu a rhaid ystyried felly sut y
bwriedir cyllido’r ddarpariaeth yma yn y tymor
hir.
|
|
|
|
Gofynnwyd onid ystyrir bod
y costau swyddfa megis costau post a theithio yn
uchel?
|
|
|
|
Adroddwyd mewn ymateb bod
natur y gwasanaeth lle disgwylir i Seicolegwyr Addysgol gynnal
gwaith mewn ysgolion ac i Athrawon Arbenigol ymgymryd â
gwaith mewn awdurdodau eraill yn gyrru costau teithio i fyny. Fodd
bynnag, achubir ar bob cyfle i wneud defnydd o’r dechnoleg
ddiweddaraf megis cynnal cyfarfodydd trwy we-gynadledda ac
mae’n faes y byddir yn parhau i’w adolygu er mwyn
canfod ffyrdd mwy effeithlon o weithredu.
|
|
|
|
Penderfynwyd derbyn
yr adroddiad gan nodi bydd diweddariad pellach yn cael ei gyflwyno
i gyfarfod nesaf y Cyd-Bwyllgor.
|
|
|
|
5
|
AIL-STRWYTHURO CYNNAL A’R CYD-BWYLLGOR
AAA
|
|
|
|
|
Atgoffwyd y Cyd-Bwyllgor
am y sefyllfa ddiweddaraf mewn perthynas â phroses
cyfuno’r ddau sefydliad uchod fel y cofnodwyd yn y cyfarfod
blaenorol, ac adroddwyd oherwydd absenoldeb salwch yn y Cwmni
Cyfreithiol a gomisiynwyd i oruchwylio cyfreithlondeb a phriodoldeb
y broses, ni ellir adrodd ymhellach ar hyn o bryd. Fodd bynnag,
hyderir byddir mewn sefyllfa i rannu gwybodaeth erbyn cyfarfod
nesaf y Cyd-Bwyllgor.
|
|
|
|
Holwyd a fyddai llithriad
yn yr amserlen o’r herwydd ac a fyddai yna oblygiadau
ariannol i hyn.
|
|
|
|
Adroddwyd mewn ymateb
mai’r amserlen oedd bod mewn sefyllfa i allu cadarnhau symud
ai peidio ar gyfuno erbyn Ebrill, 2008. Gwelir bellach bod gallu
rhoi sylw i’r holl ystyriaethau ynghlwm wrth y cyfuno erbyn
hynny bellach yn ofyn mawr a bod llawer o waith i’w gyflawni
eto.
|
|
|
|
Un o’r prif resymau
dros gyfuno’r ddau sefydliad yn wreiddiol oedd galluogi
gwneud darpariaeth gost-effeithiol yn yr hinsawdd ariannol sydd
ohoni. Byddai endid cyfansawdd yn arwain at ostyngiad mewn
gorbenion ac yn caniatau marchnata ar sail fwy eang. Os yw’r
amserlen yn llithro yna bydd rhaid ymagweddu tuag at y realiti
cyllidol o doriadau llymach fydd yn debygol o ddod i ran y ddau
awdurdod yn 2008/09. Fodd bynnag, os nad yw’r cyfuno’n
digwydd yn ffurfiol erbyn y flwyddyn ariannol nesaf, nid yw
hynny’n rhwystro parhau i geisio ffyrdd o gyd-weithio’n
agosach a thrwy hynny, darganfod arbedion yn y tymor byr. Ni ddylid
colli ar unrhyw gyfle i gael cyfundrefn fwy
cost-effeithiol.
|
|
|
|
Cydnabuwyd y pwynt uchod
fel un dilys.
|
|
|