Rhaglen, Penderfyniadau a Chofnodion.

Cyflwynwyd a nodwyd yr ymddiheuriadau am absenoldeb.

Derbyn  unrhyw ddatganiad o ddiddordeb gan unrhyw Aelod neu Swyddog parthed unrhyw eitem o fusnes.

Datganoddy Cynghorydd Kenneth Hughes ddiddordeb personol a rhagfarnus mewn perthynas â chais 12.5.

            Datganodd y Cynghorwyr Lewis Davies, Ann Griffith, John Griffith a Nicola Roberts ddatganiad o ddiddordeb mewn perthynas â cheisiadau 6.1 a 7.4 oherwydd y cyfeiriad at dyrbinau gwynt o fewn Maniffesto Plaid Cymru ond dywedodd y byddent yn ystyried pob cais yn ôl ei rinweddau ei hun.

Cyflwyno cofnodion cyfarfod blaenorol y Pwyllgor Cynllunio a Gorchmynion a gynhaliwyd ar 5 Mawrth, 2014.

Cyflwynwyd cofnodion y cyfarfod diwethaf o’r Pwyllgor Cynllunio a Gorchmynion a gynhaliwyd ar 5 Mawrth, 2014 a chadarnhawyd eu bod yn gywir. 

Cyflwyno cofnodion yr ymweliadau safle a gynhaliwyd ar 19 Mawrth, 2014.

Cyflwynwyd cofnodion yr ymweliadau safle a gynhaliwyd ar 19 Mawrth, 2014 a chawsant eu cadarnhau’n gofnod cywir.

Roedd Siaradwr o'r Cyhoedd mewn perthynas â chais 7.3.

6.1 41C125B/EIA/RE - Bryn Eryr Uchaf, Porthaethwy

6.1 41C124B/EIA/RE - 41C124B/EIA/RE - Cais llawn ar gyfer codi tri thyrbin gwynt 800kW - 900kW gydag uchder hwb hyd at 55m,  rotor hyd at 52m ar draws ac uchder hyd at 81m at flaen y llafn, gwelliannau i’r fynedfa bresennol i’r A5025, ynghyd â chodi 3 chabinet storio offer ar dir yn Bryn Eryr Uchaf, Porthaethwy.

PENDERFYNWYD gohirio ystyried y cais yn unol ag argymhelliad y Swyddog am y rhesymau a roddir yn yr adroddiad ysgrifenedig.

7.1 14C135A – Glasfryn, Tyn Lon

7.2 19C1046C/LB – Soldiers Point, Caergybi

7.3 33C302 – Penffordd, Gaerwen

7.4 44C294B – Plas Newydd, Rhosybol

7.1       14C135A – Cais llawn ar gyfer codi annedd a garej breifat, creu mynedfa newydd i gerbydau ynghyd â gosod tanc trin carthion ar dir ger Glasfryn, Tyn Lôn

Dywedodd y Rheolwr Datblygu Cynllunio bod y Pwyllgor yn ei gyfarfod blaenorol ar 5 Mawrth 2014 wedi penderfynu ymweld â’r safle i asesu’r cynnig ac yn arbennig y fynedfa arfaethedig i’r safle, cyn gwneud ei benderfyniad. Roedd yr Awdurdod Priffyrdd wedi gwrthwynebu’r fynedfa fel ag yr oedd yn wreiddiol a hynny oherwydd gwelededd is-safonol.  Ymwelwyd â’r safle ar 19 Mawrth 2014. Yn y cyfamser, ac yn dilyn trafodaethau gyda’r Awdurdod Priffyrdd, cyflwynwyd cynnig newydd er mwyn dod dros y gwrthwynebiad o ran diogelwch y briffordd ac y mae’r cynnig hwnnw yn awr yn destun ymgynghori hyd 10 Ebrill.  Dywedwyd wrth yr Aelodau am y cynnig newydd tra roeddent ar y safle.  Roedd yr Awdurdod Priffyrdd yn cadarnhau ei fod bellach wedi tynnu ei wrthwynebiad i’r cynnig yn ôl.  Mae’r argymhelliad felly yn un o gymeradwyo ar yr amod na cheir unrhyw faterion newydd yn codi cyn y daw’r cyfnod ymgynghori i ben ac yn amodol ar wneud cytundeb Adran 106 fel oedd wedi ei nodi yn yr adroddiad ysgrifenedig.

Cynigiodd y Cynghorydd Nicola Roberts bod y cais yn cael ei gymeradwyo ac eiliwyd ei chynnig gan y Cynghorydd Kenneth Hughes.

Penderfynwyd cymeradwyo’r cais yn unol ag argymhelliad y swyddog ar yr amod na fydd unrhyw faterion eraill yn codi cyn daw’r cyfnod ymgynghori i ben nad ydynt eisoes wedi cael sylw wrth benderfynu’r cais; yn amodol ar gytundeb adran 106 i gyfyngu’r defnydd o’r annedd i bobl leol sydd angen tŷ fforddiadwy yn unol â gofynion Polisi PT2 ac yn amodol ar unrhyw ofynion ychwanegol mewn perthynas â threfniadau mynediad a’r amodau a restrir yn yr adroddiad ysgrifenedig.

7.2  19C1046C/LB – Cais am ganiatâd adeilad rhestredig ar gyfer dymchwel rhan or tŷ yn Soldiers Point, Caergybi

Dywedodd y Rheolwr Datblygu Cynllunio bod y Pwyllgor yn ei gyfarfod ar 5 Mawrth wedi penderfynu y dylid cynnal ymweliad safle cyn gwneud penderfyniad ar y cais hwn ac i hynny ddigwydd ar 19 Mawrth 2014.  Roedd Tîm Atal Tân Bwriadol Llywodraeth Cymru wedi ymweld â’r safle ac wedi nodi bod yr adeilad sy’n destun y cais yn rhoi mynediad i’r prif dŷ.  Roedd y tîm yn argymell y byddai dymchwel yr adeilad oedd yn destun y cais yn rhoi diogelwch yn y tymor hir i’r prif dy.  Dywedodd y Swyddog - ers i’r adroddiad gael ei ddrafftio, fe gafwyd ymatebion gan y Comisiwn Brenhinol ar Henebion Cymru, y Grŵp Georgaidd, Ymddiriedolaeth Archeolegol Gwynedd a hefyd Swyddog Cadwraeth y Cyngor ei hun i gyd yn dweud eu bod yn fodlon gyda’r cynnig. Ni chredir y byddai gwaith dymchwel arfaethedig yn cael effaith niweidiol ar bwysigrwydd pensaernïol na hanesyddol yr adeilad a bydd yn cyfrannu tuag at wella diogelwch y safle a sicrhau y bydd y tŷ gwreiddiol yn goroesi.  Yr argymhelliad felly yw caniatáu, ar yr amod na cheir unrhyw sylwadau gwrthwynebus gan  ...  Gweld y Cofnodion llawn ar gyfer eitem 7.

Dim i’w hystyried yn y cyfarfod hwn.

Nid oedd ceisiadau i’w hystyried yn y cyfarfod hwn o’r Pwyllgor Cynllunio a Gorchmynion.

Dim i’w hystyried yn y cyfarfod hwn.

Nid oedd ceisiadau i’w hystyried yn y cyfarfod hwn o’r Pwyllgor Cynllunio a Gorchmynion.

10.1 19C452E – Canada Gardens, Ffordd Llundain, Caergybi

10.2 27C95C – Plas Llanfigael, Llanfigael

10.3 33C125L – Cynlas, Gaerwen

10.1  19C452E –Cais amlinellol ar gyfer codi 18 o anheddau ar dir yn Canada Gardens, Ffordd Llundain, Caergybi

Roedd y cais wedi ei gyflwyno i’r Pwyllgor Cynllunio a Gorchmynion oherwydd y byddai caniatáu tai ar safle’r cais sydd wedi ei ddyrannu ar gyfer defnydd busnes yn un fyddai’n tynnu’n groes i Bolisi 2 o Gynllun Lleol Ynys Môn a Pholisïau B2 a B4 Cynllun Fframwaith Gwynedd.

Dywedodd y Rheolwr Datblygu Cynllunio bod safle’r cais o fewn ffin ddatblygu Caergybi ond ei fod wedi ei ddyrannu ar gyfer defnydd busnes/diwydiannol yn y Cynllun Lleol.  Fodd bynnag, roedd cais amlinellol am ddatblygiad preswyl ar dir yn Canada Gardens wedi ei ganiatáu ar apêl yn 2009 ac roedd y Swyddogion o’r farn  nad oedd unrhyw newid mawr wedi bod yn y sefyllfa ers yr amser hwnnw ac a fyddai’n arwain at benderfyniad gwahanol.  Pe bai unrhyw newid mewn pwyslais i’w weld, byddai’r pwyslais hwnnw yn ymwneud â lleoli datblygiadau diwydiannol ac/neu fusnes y tu allan i’r dref gyda datblygu Parc Cybi.  Roedd dynodiad busnes/cyflogaeth safle’r cais wedi ei wneud yn wreiddiol yn 1996.  Nid oedd lle i gredu y byddai caniatáu’r cais yn cael effaith niweidiol ar y cynllun datblygu.  Nid oedd unrhyw wrthwynebiadau ar sail dechnegol i’r datblygiad gan unrhyw un o’r ymgynghorwyr statudol ac roedd y materion hyn i’w hystyried ar y cyfnod apêl.  Yr argymhelliad oedd cymeradwyo’r cais gyda Chytundeb Adran 106 i ddarparu tai fforddiadwy a chyfraniad terfynol tuag at le chwarae ar Ffordd Llundain a threfniadau cynnal a chadw ar gyfer y ffens acwstig.

Mynegodd y Cynghorydd R. Llewelyn Jones oedd yn siarad fel Aelod Lleol bryderon ynglŷn â’r sefyllfa draffig o fewn ac o amgylch safle’r cais a gofynnodd i’r Swyddog Priffyrdd gadarnhau bod yr Awdurdod Priffyrdd yn fodlon na fydd unrhyw broblemau’n codi o ganlyniad i’r datblygiad.  Dywedodd y Prif Beiriannydd (Rheoli Datblygu) bod y cais yn cydymffurfio â’r gofynion technegol.  Roedd effeithiau’r cynnig ar y briffordd wedi ei sgriwtineiddio ar apêl ac roedd yr Arolygwr yn fodlon nad oedd y pryderon a leisiwyd yn ddigonol i warantu gwrthod y cais, ac roedd y Swyddogion Priffyrdd yn cyd-fynd â’r farn honno.

Dywedodd y Cynghorydd Jeff Evans nad oedd yn ymwybodol o unrhyw gais na diddordeb busnes ar hyn o bryd yn y tir dan sylw.  Ceisiodd gael eglurhad o beth yr oedd dynodiad tai fforddiadwy yn ei olygu yn yr amgylchiadau. Dywedodd y Rheolwr Gwasanaethau Cyfreithiol bod Cytundeb Adran 106 safonol gan Awdurdod Lleol am dai fforddiadwy yn dweud na ddylai annedd fforddiadwy gael ei gwerthu am fwy na chyfran benodol o werth yr annedd ar y farchnad agored yn amodol ar drafod gyda’r ymgeisydd yn seiliedig ar yr ystadegau tai yn ardal y cais.

Dywedodd y Cynghorydd Lewis Davies ei fod yn credu bod yr ardal yn addas ar gyfer datblygiad o’r fath a dywedodd ei fod yn credu ei bod  ...  Gweld y Cofnodion llawn ar gyfer eitem 10.

Dim i’w hystyried yn y cyfarfod hwn.

Nid oedd ceisiadau i’w hystyried yn y cyfarfod hwn o’r Pwyllgor Cynllunio a Gorchmynion.

12.1 15C116E – 3 Bythynnod Gwenllyr, Malltraeth

12.2 19C967C – Cyfleusterau Chwaraeon Millbank, Caergybi

12.3 22C40A – Cae Maes Mawr, Llanddona

12.4 34LPA121R/VAR/CC – Ysgol y Bont, Llangefni

12.5 38C237B – Careg y Daren, Llanfechell

  12.1    15C115E – Cais llawn i wneud y gwaith addasu ac ehangu yn 3 Bythynnod Gwenllyr, Malltraeth

Mae'r cais yn cael ei gyflwyno i'r Pwyllgor Cynllunio a Gorchmynion ar gais yr Aelod Lleol.

Siaradodd y Cynghorydd Peter Rogers gerbron y Pwyllgor fel Aelod Lleol gan wneud y pwyntiau canlynol i gefnogi’r cais –

•  Mae safle’r cais mewn lle amlwg iawn ar y ffordd arfordirol rhwng  Niwbwrch ac Aberffraw ym mhentref Malltraeth.

•  Roedd caniatâd i ddatblygu’r safle arferai fod yn fferm a thir ond gyda’r adeiladau wedi mynd a’u pen iddynt yn gynnar yn 2000.

•  Mae’r unedau ar y safle bellach wedi eu cwblhau i safon uchel a byddai’r cais, pe gâi ei ganiatáu, yn cwblhau’r datblygiad ac yn gwella’r ardal sydd i’w gweld yn blaen.

•  Roedd llythyr o gefnogaeth wedi ei dderbyn gan ddeiliaid y ffermdy gwreiddiol yn cefnogi’r cynigion. 

•  Mae angen cael yr estyniad o’r maint a fwriedir er mwyn darparu ystafelloedd gwely ychwanegol i ganiatáu ar gyfer darparu gofal ysbaid i ddau blentyn awtistig y teulu sydd wedi elwa o aros yn y cefn gwlad ar y penwythnosau ac yn ystod gwyliau.

•  Mae datblygiad tebyg wedi ei ganiatáu yn flaenorol yn yr ardal mewn lle unig lle rhoddwyd caniatâd cynllunio am hyd at 5 uned.  Roedd yr egwyddor o gysondeb yn berthnasol.

Dywedodd y Cynghorydd Ann Griffith ei bod yn annerch y Pwyllgor fel Aelod Lleol i ateb datganiad a wnaed gan yr ymgeiswyr, ac na fyddai’n pleidleisio ar y mater.  Cyfeiriodd at yr ystyriaethau a ganlyn –

•  Mae’r adeilad penodol dan sylw yn cael ei ddefnyddio ar hyn o bryd fel gweithdy

•  Mae’r ymgeiswyr ar hyn o bryd yn byw mewn bwthyn un ystafell welygydag ystafell fyw, cegin ac ystafell ymolchi.

•  Mae ganddynt dri o wyrion ac un wyres.  Mae dau o’r bechgyn yn

awtistig sy’n golygu bod ganddynt anghenion ymddygiadol.

•  Mae’r plant yn byw gyda nain a thaid o leiaf dair gwaith yr wythnos ac

mae angen trefniadau ar wahân i ddarparu ystafelloedd cysgu i’r ddau

fachgen awtistig er mwyn cyfarfod â’u hanghenion ymddygiadol; yr

wyres a hefyd modryb oedrannus fydd yn symud i fyw gyda’r teulu yn

y dyfodol agos ac un y mae’r ymgeiswyr yn gofalu amdani.  Mae’n

bwysig ei bod yn cael preifatrwydd er mwyn hyrwyddo ei

hannibyniaeth.

•  Mae tŷ presennol yr ymgeiswyr yn rhy fychan ac yn golygu bod yn

rhaid defnyddio’r ystafell fyw ar gyfer trefniadau cysgu.

•  Nid yw’r cynnig yn cael unrhyw effaith ar fwynderau ac ni chafwyd

unrhyw wrthwynebiadau.  Mae yna lythyrau gan gymdogion yn cefnogi.

•  Bydd yr estyniad yn ychwanegu at ac yn cwblhau’r gyfres o

fythynnod.

•  Mae’r cynnig yn un o 5 bwthyn ac un o 15 mewn clwstwr o anheddau

o wahanol siapiau a meintiau.  Gofynnir i’r Pwyllgor gymryd golwg

gadarnhaol ar y cais gan y bydd yn cyfoethogi’r teulu, ac yn fanteisiol

iddynt.

Roedd y Rheolwr Datblygu Cynllunio yn cydnabod yr amgylchiadau personol oedd ynglŷn â’r cais ond roedd y  ...  Gweld y Cofnodion llawn ar gyfer eitem 12.

13.1 39C285D – Lon Gamfa, Porthaethwy

13.2 46C427K/TR/EIA/ECON – Parc Arfordirol Penrhos, Cae Glas a Kingsland, Caergybi

13.1    39C285D – Cais llawn ar gyfer codi 17 o dai ar dir yn Lôn Gamfa, Porthaethwy

Dywedodd y Rheolwr Datblygu Cynllunio - yn unol â thelerau’r cytundeb Adran 106 y caniatawyd y cais yn wreiddiol yn unol ag ef, roedd 6 uned tai fforddiadwy i’w ddarparu.  Yn dilyn cyflwyno gwybodaeth mewn perthynas ag ymarferoldeb y datblygiad arfaethedig ac yn dilyn ymgynghori gyda Swyddog Tai Fforddiadwy’r Cyngor, cafwyd cytundeb y byddai tair uned tai fforddiadwy’n cael eu darparu ac felly yn ostyngiad i’r ddarpariaeth wreiddiol o 3.  Hefyd roedd cynnig y dylai amod cynllunio (23) ar y caniatâd gwreiddiol gael ei newid i ddweud y byddai asesiad llygredd tir yn cael ei wneud wrth i’r datblygiad fynd yn ei flaen yn hytrach na cyn dechrau’r datblygiad. 

Gofynnodd y Cynghorydd Jeff Evans pam nad oedd yn bosibl i’r datblygwr fynd yn ei flaen gyda’r bwriad gwreiddiol o 6 uned tai fforddiadwy.  Dywedodd y Cynghorydd John Griffith ei fod yn deall bod angen darpariaeth 30% o dai fforddiadwy ac roedd yn bryderus y byddai caniatáu’r gostyngiad yn y ddarpariaeth o unedau tai fforddiadwy ar y cais hwn yn gosod cynsail i ddatblygwyr yn y dyfodol. Roedd y Cynghorydd Nicola Roberts yn cytuno ac yn gwrthwynebu’r gostyngiad o ystyried nad oedd unrhyw leihad cyfatebol yn nifer y tai oedd i’w darparu ar y datblygiad. 

Cynigiodd y Cynghorydd Jeff Evans y dylid gwrthod y newid ac eiliwyd ei gynnig gan y Cynghorydd Richard Owain Jones.  Eglurodd y Rheolwr Gwasanaethau Cyfreithiol na fyddai gostwng nifer yr unedau tai fforddiadwy yn gosod cynsail ac er bod y polisi yn darparu canllaw o 30% y mae hefyd yn caniatáu peth hyblygrwydd i adlewyrchu’r ffaith y bydd datblygiadau gwahanol mewn gwahanol leoliadau yn golygu y gall yr anghenion tai fforddiadwy newid oherwydd ffactorau lleol a hynny’n golygu na ellir mynnu ar y ddarpariaeth 30%.  Roedd y mater wedi ei drafod gyda Swyddog Tai Fforddiadwy’r Cyngor ac felly roedd sail gadarn i’r argymhelliad.

Cynigiodd y Cynghorydd Kenneth Hughes bod y newid i amod cynllunio (23) yn cael ei ganiatau ac eiliwyd hynny gan y Cynghorydd Jeff Evans.

Penderfynwyd -

•  Gwrthod y newid i’r cytundeb 106 ynghylch darparu cartrefi fforddiadwy

•  Cymeradwyo’r newid i Amod (23) yn y caniatâd cynllunio fel yr amlinellwyd yn yr adroddiad ysgrifenedig.

13.2    46C427K/TR/EIA/ECON – Parc Arfordirol Penrhos, Cae Glas a Kingsland, Caergybi

Tynnwyd sylw at ohebiaeth gan Lywodraeth Cymru dyddiedig 7 Mawrth 2014 yn nodi ei resymau dros beidio â galw’r cais hwn i mewn, er gwybodaeth y Pwyllgor.  Gofynnwyd i’r Aelodau nodi bod manylion manwl yr ymrwymiad cynllunio yn awr i’w setlo gyda’r amodau’n cael eu cwblhau a bydd adroddiad ar hynny’n cael ei ddarparu cyn rhyddhau’r penderfyniad cynllunio. 

Dywedodd y Cynghorydd R. Llewelyn Jones fel Aelod Lleol ei fod yn dymuno iddo gael ei nodi nad oedd y Gweinidog Tai ac Adfywio wrth iddo ddod i’w benderfyniad i beidio â galw’r cais i mewn wedi ystyried rhinweddau’r  ...  Gweld y Cofnodion llawn ar gyfer eitem 13.