Rhaglen a chofnodion

Derbyn unrhyw ddatganiad o ddiddordeb  gan unrhyw Aelod neu Swyddog mewn perthynas ag unrhyw eitem o fusnes.

Ni chafwyd yr un datganiad o ddiddordeb.

Cyflwyno, i’w cadarnhau, gofnodion y cyfarfodydd canlynol :-

24 Awst, 2015

28 Awst, 2015

Cadarnhawyd fel rhai cywir, gofnodion y cyfarfodydd isod :-

·           Cofnodion y cyfarfod a gynhaliwyd ar 24 Awst, 2015;

·           Cofnodion y cyfarfod a gynhaliwyd ar 28 Awst, 2015.

Ystyried mabwysiadu’r canlynol :-

“O dan Adran 100(A)(4) o Ddeddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem a ganlyn oherwydd gallai olygu datgelu gwybodaeth eithriedig fel y’i diffinnir ym Mharagraff 12, Rhan 1 o Atodlen 12A i’r Ddeddf honno a’r Prawf Budd y Cyhoedd sydd ynghlwm.”

PENDERFYNWYD mabwysiadu’r canlynol :-

“Dan Adran 100(A)(4) Ddeddf Llywodraeth Leol 1972, gyrrwyd y wasg a’r cyhoedd allan o’r cyfarfod yn ystod y drafodaeth ar yr eitem a ganlyn, oherwydd y tebygrwydd y câi gwybodaeth ei rhyddhau a honno’n wybodaeth y gwna Atodlen 12A y Ddeddf eithriad ohoni fel y diffinnir y wybodaeth yn y Ddeddf ac yn y Prawf Budd y Cyhoedd sydd ynghlwm.”

Derbyn adroddiad llafar gan y Prif Weithredwr.

Rhoes y Prif Weithredwr adroddiad llafar mewn perthynas â dileu swydd oddi ar y sefydliad a’r effeithiau cysylltiedig.

PENDERFYNWYD :-

·           Rhoi’r awdurdod i’r Prif Weithredwr, Pennaeth Proffesiwn – Adnoddau Dynol a Chadeirydd y Pwyllgor Penodiadau sefydlu a oes gan y Penaethiaid Gwasanaeth presennol unrhyw ddiddordeb mewn cymryd drosodd rôl y swydd fel y caiff ei hamlinellu yn yr adroddiad.

·           Bod adroddiad yn cael ei gyflwyno i’r Pwyllgor Penodiadau ei ystyried yn dilyn trafodaeth fel y nodir uchod.