Rhaglen a chofnodion

Derbyn unrhyw ddatganiad o ddiddordeb gan unrhyw Aelod neu Swyddog mewn perthynas ag unrhyw eitem o fusnes.

Ni dderbyniwyd unrhyw ddatganiad o ddiddordeb gan unrhyw Aelod neu Swyddog mewn perthynas ag unrhyw eitem o fusnes.

Cyflwyno, i’w cadarnhau, gofnodion y cyfarfod a gafwyd ar 15 Chwefror, 2016.

Cadarnhawyd cofnodion y cyfarfod a gynhaliwyd ar 15 Chwefror, 2016 fel rhai cywir.

Ystyried mabwysiadu’r canlynol :-

“O dan Adran 100(A)(4) o Ddeddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem a ganlyn oherwydd gallai olygu datgelu gwybodaeth eithriedig fel y’i diffinnir ym Mharagraff 12, Rhan 1 o Atodlen 12A i’r Ddeddf honno a’r Prawf Budd y Cyhoedd sydd ynghlwm.”

PENDERFYNWYD mabwysiadu’r canlynol :-

“Dan Adran 100(A)(4) Deddf Llywodraeth Leol 1972, cau’r wasg a’r cyhoedd allan o’r cyfarfod yn ystod y drafodaeth ar yr eitem ganlynol gan y gallai olygu datgelu gwybodaeth eithriedig fel y’i diffinnir ym Mharagraff 12A y Ddeddf ac yn y Prawf Budd y Cyhoedd sydd ynghlwm.”

Derbyn adroddiad cynnydd ar lafar gan y Prif Weithredwr.

Cafwyd adroddiad diweddaru gan y Prif Weithredwr ar yr ymarfer a ddilynwyd i wahodd unrhyw ‘fynegiant o ddiddordeb’ gan y Penaethiaid Gwasanaeth cyfredol i gymryd drosodd rôl y swydd fel yr adroddwyd i gyfarfod blaenorol o’r Pwyllgor Penodi.  Rhoddodd adroddiad llafar manwl ar ganlyniad trafodaethau o’r fath i’r Pwyllgor.

PENDERFYNWYD :-

·           Penodi’r Pennaeth Adfywio Economaidd a Chymunedol i gymryd cyfrifoldeb ychwanegol am rôl y Pennaeth Cynllunio a Gwarchod y Cyhoedd ar y telerau y cytunwyd arnynt yn y cyfarfod;

·           Adolygu’r trefniadau o fewn 12 mis ac adrodd yn ôl i’r Pwyllgor Penodi.