Rhaglen a chofnodion

Derbyn unrhyw ddatganiad o ddiddordeb gan unrhyw Aelod neu Swyddog mewn perthynas ag unrhyw eitem o fusnes.

Gwnaeth y Cynghorydd R. Meirion Jones ddatganiad o ddiddordeb personol ond yn dilyn cyngor cyfreithiol, ystyriwyd nad oedd ei adnabyddiaeth o’r ymgeisydd mewn perthynas ag eitem 4 yn un a oedd yn rhagfarnu.

Cyflwyno, i’w cadarnhau, gofnodion y cyfarfod a gafwyd ar 7 Tachwedd, 2017.

Cadarnhawyd cofnodion y cyfarfod a gynhaliwyd ar 7 Tachwedd, 2017.

Ystyried mabwysiadu’r canlynol :-

“O dan Adran 100(A)(4) o Ddeddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem a ganlyn oherwydd gallai olygu datgelu gwybodaeth eithriedig fel y’i diffinnir ym Mharagraff 12, Rhan 1 o Atodlen 12A i’r Ddeddf honno a’r Prawf Budd y Cyhoedd sydd ynghlwm.”

PENDERFYNWYD mabwysiadu’r isod :-

“Dan Adran 100(A)(4) Deddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitemau isod oherwydd y tebygrwydd y câi gwybodaeth ei rhyddhau a honno’n wybodaeth y gwneir eithriad ohoni yn Atodlen 12A y Ddeddf ac yn y Prawf Budd y Cyhoedd sydd ynghlwm.”

·           Pennaeth Dysgu

Ystyried y cais ar gyfer y swydd uchod.

Mae copȉau o’r Disgriad Swydd, y Manlynion Personnol a’r ffurflen gais ynghlwm.

·           Pennaeth Gwasanaethau Tai

Derbyn adroddiad llafar ddiweddaraf gan y Prif Weithredwr.

·           Pennaeth Dysgu

Rhoddwyd cyfweliad i un ymgeisydd yn dilyn adborth o’r broses benodi.

Cafwyd cyflwyniad gan yr ymgeisydd, atebodd gwestiynau ar y cyflwyniad hwnnw ac yna fe atebodd ef gyfres o gwestiynau a ofynnwyd gan y Pwyllgor.

Yn dilyn y cyfweliad, PENDERFYNWYD penodi Mr. Arwyn Williams i’r swydd uchod ar y cyflog cyfredol ac o ddyddiad i’w benderfynu arno.

·           Pennaeth Gwasanaethau Tai

Cafwyd adroddiad llafar gan y Prif Weithredwr ar y swydd uchod.

PENDERFYNWYD hysbysebu’r swydd yn fewnol yn y lle cyntaf.