Derbyn unrhyw ddatganiad o ddiddordeb gan unrhyw Aelod neu Swyddog parthed unrhyw eitem o fusnes.

Ni dderbyniwyd unrhyw ddatganiad o ddiddordeb.

Cyflwyno, i’w cadarnhau, gofnodion y cyfarfod a gafwyd ar 11 Ionawr, 2019.

Cadarnhawyd cofnodion y cyfarfod a gynhaliwyd ar 11 Ionawr, 2019.

Ystyried mabwysiadu’r canlynol :-

“O dan Adran 100(A)(4) o Ddeddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem a ganlyn oherwydd gallai olygu datgelu gwybodaeth eithriedig fel y’i diffinnir ym Mharagraff 12, Rhan 1 o Atodlen 12A i’r Ddeddf honno a’r Prawf Budd y Cyhoedd sydd ynghlwm.”

PENDERFYNWYD mabwysiadu’r canlynol :-

“O dan Adran 100(A)(4) o Ddeddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem a ganlyn oherwydd gallai olygu datgelu gwybodaeth eithriedig fel y’i diffinnir ym Mharagraff 12, Rhan 1 o Atodlen 12A i’r Ddeddf honno a’r Prawf Budd y Cyhoedd sydd ynghlwm.”

Cyfarwyddwr Gwasanaethau Cymdeithasol – Dros Dro

Cyflwyno adroddiad llafar.  

Cyfarwyddwr Gwasanaethau Cymdeithasol – Dros Dro

Cyflwynodd y Pennaeth Proffesiwn Adnoddau Dynol a Thrawsnewid adroddiad llafar mewn perthynas â’r swydd uchod.

Adroddwyd fod penderfyniad wedi ei wneud yng nghyfarfod diwethaf y Pwyllgor Penodiadau a gynhaliwyd ar 11 Ionawr, 2019 i wahodd mynegiadau o ddiddordeb yn swydd y Cyfarwyddwr Gwasanaethau Cymdeithasol Dros Dro gan Benaethiaid Gwasanaeth ac aelodau o’r uwch Dîm Arweinyddiaeth.  Derbyniwyd dau fynegiant o ddiddordeb a chynhaliwyd cyfweliadau gan Banel yn cynnwys Cadeirydd y Pwyllgor Penodiadau, Deilydd Portffolio (Gwasanaethau Cymdeithasol), y Prif Weithredwr a’r Pennaeth Proffesiwn Adnoddau Dynol a Thrawsnewid. 

Yn dilyn trafodaeth, PENDERFYNWYD :-

·      Penodi Mr Alwyn Rhys Jones, Pennaeth Gwasanaethau Oedolion, i swydd y Cyfarwyddwr Gwasanaethau Cymdeithasol – Dros Dro ac i roi taliad honoraria ychwanegol iddo am ymgymryd â’r swydd a’r cyfrifoldebau;

·      Penodi Mr Fôn Roberts, Pennaeth Gwasanaethau Plant i swydd y Dirprwy Gyfarwyddwr Gwasanaethau Cymdeithasol – Dros Dro ac i roi taliad honoraria ychwanegol iddo am ymgymryd â’r swydd a’r cyfrifoldebau;

·      Cynnal cyfarfod pellach o’r Pwyllgor Penodiadau i drafod materion ynghylch swydd wag y Prif Weithredwr Cynorthwyol (Llywodraethiant a Thrawsnewid Prosesau Busnes).