Mae nifer o gyfarfodydd y cyngor yn cael eu ffrydio'n fyw.
Bydd yr holl gyfarfodydd yn cael eu huwchlwytho ar ein gwefan gweddarlledu yn dilyn y cyfarfod.
Lleoliad: Ystafell Glyder Fawr, Swyddfeydd Penrallt, Caernarfon
Cyswllt: Ann Holmes 01248 752518
Rhif. | Eitem |
---|---|
Cyflwyniad Croesawodd y Cadeirydd pawb oedd yn bresennol i’r cyfarfod hwn o’r Cyd-Bwyllgor ac estynnodd groeso arbennig i Ffion Edwards Ellis, Uwch Seicolegydd Addysgol a Mr Darren Jackson, Swyddog Addysg o Gyngor Gwynedd. Cyfeiriodd y Cadeirydd at benodiad Mrs Delyth Molyneux, cyn swyddog o Gyngor Gwynedd yn Bennaeth Gwasanaeth Dysgu Cyngor Sir Ynys Môn ac fe longyfarchodd hi ar ei phenodi i’r swydd. |
|
Datganiad o Ddiddordeb Derbyn unrhyw ddatganiad o ddiddordeb gan unrhyw Aelod neu Swyddog parthed unrhyw eitem o fusnes. Cofnodion: Ni dderbyniwyd unrhyw ddatganiad o ddiddordeb.
|
|
Cofnodion cyfarfod 10 Rhagfyr, 2013 PDF 179 KB Bydd cofndion cyfarfod blaenorol y Cyd-Bwyllgor AAA a gynhaliwyd ar 10 Rhagfyr, 2013 yn cael eu cyflwyno i’w cadarnhau. Cofnodion: Cyflwynwyd cofnodion cyfarfod blaenorol y Cyd-Bwyllgor Anghenion Addysgol Arbennig a gynhaliwyd ar 10 Rhagfyr, 2013, ac fe’u cadarnhawyd fel rhai cywir. |
|
Yr Uned Ddarparu AAA PDF 457 KB Cyflwyno adroddiad ar weithgareddau’r Uned Ddarparu AAA yn ystod tymhorau’r Hydref a Gwanwyn. Cofnodion: Cyflwynwyd adroddiad ar waith yr Uned Ddarparu Anghenion Addysgol Arbennig a materion perthynol yn ystod tymhorau’r Hydref, 2013 a Gwanwyn, 2014.
Adroddodd Mrs Mair Read, Swyddog Addysg AAA Cyngor Sir Ynys Môn ar y prif ystyriaethau yn codi o’r adroddiad fel a ganlyn –
• Mewn perthynas â gweinyddu prosesau asesu ac adolygu, bod y tîm gweinyddol bellach yn gweithredu i’w lawn gapasiti yn dilyn penodi dau gymhorthydd clerigol am gyfnod o flwyddyn hyd at ddiwedd Mawrth, 2015. Bu’n gyfnod heriol i’r gwasanaeth gweinyddol a gwerthfawrogir ymdrech y staff a gymrodd arnynt faich gwaith sylweddol yn ystod yr amser hwn. • Cwblhawyd y cyfan o’r asesiadau statudol o fewn y terfynau amser lle na fu eithriadau. • Llwyddwyd i brosesu nifer sylweddol o adolygiadau blynyddol yn amserol er mwyn gosod cyllidebau datganoledig i ysgolion. • Bod datblygiadau rhanbarthol ynglyn ag unioni prosesau busnes yn ymwneud â’r gyfundrefn gofnodi Capita ONE yn parhau. Bydd mabwysiadu’r newidiadau arfaethedig yn golygu arbedion amser sylweddol i’r cymorthyddion clerigol. • Cyflwynwyd model gwasanaeth gweinyddol newydd i’r Swyddogion Cleient gyda golwg ar gyfarch yr angen i ail-strwythuro’r sefydliad gweinyddol ar gyfer 2015/16 i adlewyrchu newidiadau i ofynion gweithredol yr Uned Ddarparu.Cymeradwywyd yr egwyddor ym mis Tachwedd. • Mewn perthynas â’r Gwasanaeth Athrawon Arbenigol, hysbysebwyd am dair swydd sef – un llawn amser mewn iaith, cyfathrebu ac awtistiaeth lle gwelwyd y twf mwyaf mewn achosion ynghyd â dwy swydd 0.6 yr un ym maes golwg ac ym maes clyw. Yn hanesyddol, cafwyd anawsterau recriwtio athrawon arbenigol sydd hefyd yn rhugl yn y Gymraeg ac i oresgyn hyn buwyd yn cyflogi athrawon dan hyfforddiant ac yn trefnu iddynt fynychu cyrsiau tra mewn cyflogaeth.Penderfynwyd y tro hwn i hysbysebu am athrawon cymwys gyda chymal ategol y byddir yn ystyried ceisiadau gan athrawon profiadol sy’n awyddus i hyfforddi. Llwyddwyd i benodi’n fewnol i’r swydd llawn amser ym maes iaith a chyfathrebu ond nid i’r ddwy swydd rhan amser, ac felly aethpwyd ati i hysbysebu’n allanol am y swyddi hyn. • Mewn perthynas â’r Gwasanaeth Seicoleg Addysgol parhawyd yn ystod y tymor i weithredu gyda nifer sylweddol yn llai o seicolegwyr o fewn y tîm yn sgîl absenoldebau oherwydd mamolaeth ac oherwydd ymadawiad dau seicolegydd rhan amser. Llwyddwyd i gynnig gwasanaeth i bob ysgol ond gyda llai o ymweliadau na’r arfer. Oherwydd hyn cyflogwyd tair seicolegwraig gynorthwyol i lenwi’r bwlch yn y gwasanaeth. Er nad oedd modd i un ohonynt ddechrau yn y gwaith tan y Nadolig maent wedi gwneud cyfraniad gyda nifer o dasgau ac wedi cyflwyno dau gwrs ar feysydd penodol. • Cyfeiriodd yr Uwch Seicolgeydd Addysgol at yr atodiad i’r adroddiad ar waith yr Uned Ddarparu oedd yn amlinellu’r trefniadau arfaethedig ar gyfer y Gwasanaeth Seicoleg Addysgol o fis Medi, 2014 ymlaen. Mae’r cynllun a gynigir wedi’i seilio ar gais i’r Cyd-Bwyllgor hyrwyddo hyfforddi seicolegwyr, ac yn benodol rhoi cefnogaeth i ddwy seicolegwraig gynorthwyol ddilyn cwrs hyfforddi proffesiynol a fyddai’n galluogi sicrhau gwasanaeth seicoleg addysgol priodol i ysgolion y ddwy sir i’r dyfodol. Dywedodd y Swyddog yn dilyn ... Gweld y Cofnodion llawn ar gyfer eitem 3. |
|
Materion Cyllidol - Cyllideb 2014/15 PDF 191 KB Adrodd ar Gyllideb 2014/15.
Cofnodion: Cyflwynwyd adroddiad gan Bennaeth Gwasanaeth Cyllid Cyngor Gwynedd yn ymgorffori cyllideb y Cyd-Bwyllgor am 2014/15.
Adroddodd Uwch Gyfrifydd Addysg Cyngor Gwynedd bod y gyllideb yn ymgorffori cost cytundebau cyflog, incrementau cyflogau, addasiad yswiriant gwladol a chwyddiant am 2014/15, sef cynnydd o 0.99% i gyfraniadau cynghorau Gwynedd ac Ynys Môn. Cyllidir cost net y gyllideb o £1.2m trwy gyfraniad o 61.37% gan Gyngor Gwynedd, sef £738,150 a chyfraniad o 38.63% gan Gyngor Sir Ynys Môn, sef £464,637. Nid yw’r Cyd-Bwyllgor yn wynebu toriad cyllidol yn 2014/15.
Dywedodd Swyddog Addysg AAA Cyngor Sir Ynys Môn bod y posibilrwydd o ofyn i’r Cyd-Bwyllgor weithredu toriad gwerth 5% ar gyfer 2014/15 a 2015/16 wedi cael ei ystyried wrth drafod y cynlluniau cyllidebol.
Dywedodd yr Uwch Gyfrifydd Addysg tra byddai modd cynnal y fath doriad yn y tymor byr trwy ddefnydd o’r balansau, mae lleihad o 5% gyfwerth â £60,000 sef swydd seicolegydd addysgol a byddai gweithredu toriad pellach o 5% yn gyfystyr â swydd seicolegydd arall. Gan fod crynswth gwariant y Cyd-Bwyllgor ar gyflogau staff y sefydliad staffio sydd yn gorfod dwyn baich unrhyw doriadau. Ychwanegodd Swyddog Addysg AAA Ynys Môn byddai gofyn ystyried proses o ail-strwythuro i alluogi ymdopi gyda cwtogiad cyllidol ar y gyfryw raddfa. At hynny, rhaid ymgorffori unrhyw doriadau o fewn y newidiadau sy’n digwydd yn rhanbarthol ar draws Gogledd Cymru.
Bu i Aelodau’r Cyd-Bwyllgor bwysleisio’r pwyntiau canlynol –
• Bod angen ymagweddu’n wahanol i’r broses o lunio cyllidebau ac edrych tu hwnt i doriadau tameidiog ar draws gwasanaethau, ac yn hytrach ystyried yr effaith ar wasanaethau unigol o’u torri a phwyso a mesur y risgiau ynghlwm. • Os defnyddir y balansau i gynnal gwasanaethau’r Cyd-Bwyllgor am ddwy flynedd mae’n rhaid cynnal dadansoddiad o effaith ymarferol y toriadau ar y defnyddwyr h.y. sut fyddai colli swydd seicolegydd yn taro plant ag anghenion addysgol ychwanegol y maent angen y gwasanaeth.
Penderfynwyd mabwysiadu’r gyllideb am 2014/15 fel y’i cyflwynwyd. |
|
Cyfarfodydd 2014/15 10:30 y bore, dydd Gwener, 4 Gorffennaf, 2014
2:00 y prynhawn, dydd Gwener, 19 Medi, 2014 (Cyfarfod Cyfrifon)
10:30 y bore dydd Gwener, 21 Tachwedd, 2014
10:30 y bore, dydd Gwener, 13 Mawrth, 2015
Cofnodion: Nodwyd byddai cyfarfodydd y Cyd-Bwyllgor am 2014/15 yn cael eu cynnal ar y dyddiadau canlynol :
Dydd Gwener, 4ydd Orffennaf, 2014 am 10:30 y bore Dydd Gwener, 19 Medi, 2014 am 2 o’r gloch y prynhawn Dydd gwenr, 21 Tachwedd, 2014 am 10 :30 y bore Dydd Gwener 13, Mawrth, 2015 am 10:30 y bore. |