Rhaglen a chofnodion

Derbyn unrhyw ddatganiad o ddiddordeb gan unrhyw Aelod neu Swyddog mewn perthynas ag unrhyw eitem o fusnes.

Ni dderbyniwyd unrhyw ddatganiad o ddiddordeb.

Cyflwyno, i’w cadarnhau, gofnodion y cyfarfod a gafwyd ar 18 Hydref, 2012.

Cadarnhawyd cofnodion y cyfarfod a gynhaliwyd ar 18 Hydref 2012.

Lleisiwyd y materion canlyn gan yr Aelodau :-

· Roedd angen Ymgysylltiad Cymunedol Effeithiol yng nghyswllt rhoi gwybodaeth i’r

etholaeth leol am y weithdrefn etholiadol yn yr Etholiadau Cyngor Sir nesaf ym Mai 2013 h.y. 2/3 pleidlais mewn ardaloedd etholiadol;

· Mae angen i Gofrestrau Etholiadol fod ar gael i ymgeiswyr tebygol yn Etholiadau’r Cyngor Sir mor fuan ag sy’n bosibl.

Cafwyd ymateb gan y Pennaeth Dros Dro Gwasanaethau Democrataidd a nodwyd y byddai’n dod â’r materion hyn i sylw’r Swyddog Canlyniadau.

a) Cyflwyno adroddiad gan y Prif Swyddog Datblygu mewn perthynas â’r uchod.

(b) Cyflwyno, er gwybodaeth, adroddiad ar Hyfforddiant Aelodau gan y Cyfreithiwr i’r Swyddog Monitro a gyflwynwyd i’r Pwyllgor Safonau a gafwyd ar 31 Hydref, 2012.

3.1 Cyflwynwyd - adroddiad gan yr Uwch Swyddog Datblygu mewn perthynas a throsolwg o’r cynnydd a wnaed yn ystod y ddwy flynedd ddiwethaf gyda hyfforddiant Datblygu Aelodau a nodwyd bod Grŵp Datblygu Aelodau wedi cael ei sefydlu i wella’r ffocws ar Ddatblygiad Aelodau yn ystod y cyfnod adfer.

Dywedodd yr Uwch Swyddog Datblygu i’r cyfrifoldeb am ddatblygiad Aelodau bellach gael ei drosglwyddo i’r Pwyllgor Gwasanaethau Democrataidd a hynny oherwydd newidiadau i’r Mesur Lleol Llywodraeth Leol (2011). Bydd y Gwasanaeth Adnoddau Dynol hefyd yn parhau I drefnu ac i gefnogi hyfforddiant i Aelodau.

Gofynnwyd cwestiynau am y ffioedd y mae’r Awdurdod yn eu talu am hyfforddiant a hefyd i Gymdeithas Llywodraeth Leol Cymru.

PENDERFYNWYD bod adroddiad yn cael ei gyflwyno yn rhoi dadansoddiad o’r taliadau a wnaed yng nghyswllt hyfforddi aelodau etholedig i’r cyfarfod nesaf o’r Pwyllgor hwn.

3.2 Cyflwynwyd – er gwybodaeth, adroddiad ar Hyfforddiant i Aelodau gan y Cyfreithiwr i’r Swyddog Monitro a gyflwynwyd i’r Pwyllgor Safonau ar 31 Hydref 2012.

Nododd y Pennaeth Dros Dro Gwasanaethau Democrataidd bod y Pwyllgor Safonau yn ei gyfarfod ar 11 Rhagfyr 2012 wedi nodi pryderon ynglŷn a lefelau presenoldeb yr Aelodau mewn Sesiynau Hyfforddi a’r angen i fynd i’r afael a’r mater hwn.

Roedd yr Aelodau yn ystyried y byddai’n briodol gwahodd Cadeirydd y Pwyllgor Safonau I drafod presenoldeb mewn sesiynau hyfforddi, ar ol Etholiadau’r Cyngor Sir ym Mai 2013.

PENDERFYNWYD nodi’r adroddiad.

(a) Derbyn cyflwyniad gan Ms. Sarah Titcombe, C.Ll.L.C., mewn perthynas â’r uchod.

(b) Mae copi o Feini Prawf Asesu’r Siarter ynghlwm.

Cafwyd cyflwyniad gan Ms. Sarah Titcombe, Cynghorydd Sefydliadol a Datblygu Personol Cymdeithas Llywodraeth Leol Cymru ynglŷn a’r uchod. Roedd copi o’r Meini Prawf Asesu Siarter ynghlwm er sylw’r Aelodau.

Rhoddodd Ms Titcombe y cefndir i’r Siarter sydd yn ddyfarniad a ddatblygwyd gan Aelodau a Swyddogion trwy Gymru gyfan ac a gyflwynir i awdurdodau mewn cydnabyddiaeth o’r gefnogaeth a ddarperir i Aelodau. Nododd bod 3 lefel i’r Siarter h.y. Siarter, Siarter Uwch a Dyfarniad Arfer Dda ac Arloesedd.

Nododd y Pennaeth Dros Dro Gwasanaethau Democrataidd mai’r gobaith oedd y byddai’r Awdurdod yn gallu cyrraedd Lefel 1 y Siarter erbyn Etholiadau nesaf y Cyngor Sir ym Mai 2013 ac roedd Cymdeithas Llywodraeth Leol Cymru yn darparu cefnogaeth cymheiriaid i adolygu cynnydd y Cyngor gyda chyfarfod â’r safonau a osodir yn y Siarter. Fel rhan o gefnogaeth Cymdeithas Llywodraeth Leol Cymru bydd cymorth hefyd yn cael ei ddarparu i adolygu’r arferion gweithio cyfredol, a’r sustemau a’r adnoddau sydd ar gael i gefnogi Aelodau i fod yn barod am y Cyngor

newydd.

PENDERFYNWYD nodi’r adroddiad.

Cyflwyno adroddiad gan y Pennaeth Gwasanaethau Democrataidd Dros Dro.

Cyflwynwyd – adroddiad gan y Pennaeth Dros Dro Gwasanaethau Democrataidd yng nghyswllt Rhaglen Waith y Pwyllgor.

Cynigiodd y Pennaeth Dros Dro Gwasanaethau Democrataidd y dylai’r cyfarfod nesaf ganolbwyntio ar y materion a ganlyn :-

· Adroddiad Cynnydd ar y cais Siarter Datblygu Aelodau;

· Darpariaeth TGCh i Aelodau yn cynnwys gwefan y Cyngor i hyrwyddo democratiaeth;

· Y Goblygiadau i’r Gwasanaethau Democrataidd mewn perthynas a chynigion cyllideb 2013/14;

· Anwytho Aelodau (Mai 2013 ymlaen).

Nododd y Swyddog ymhellach bod y Gweinidog Dros Gyfiawnder Cymdeithasol a Llywodraeth Leol yn ddiweddar wedi cysylltu â phob awdurdod lleol i geisio cael gwybodaeth ar ddarlledu eu Pwyllgorau yn y dyfodol ac y dylai hyn gael ei ystyried yn ei dro gan y Pwyllgor.

Materion a leisiwyd gan yr Aelodau :-

· Mae angen cael eitem ar Ymgysylltiad Cymunedol ar bob Rhaglen mewn perthynas a’r etholiadau lleol sydd ar ddod;

· Protocolau mewn perthynas â phenodi Cadeiryddion Pwyllgorau yn dilyn etholiadau Mai 2013.

PENDERFYNWYD cymeradwyo’r eitemau a nodwyd uchod i’w hystyried yn y cyfarfod nesaf.