Rhaglen a chofnodion

Ethol Cadeirydd ar gyfer y Pwyllgor.

Etholwyd Mr. Islwyn Humphreys, Samariaid, yn Gadeirydd am y flwyddyn i ddod.  Diolchodd Mr. Humphreys i’w ragflaenydd y Cynghorydd Alun Mummery am ei waith caled a’i arweiniad yn ystod y flwyddyn ddiwethaf.

Ethol Is-Gadeirydd ar gyfer y Pwyllgor.

Etholwyd Mr. Wyn Thomas, Bwrdd Iechyd Prifysgol Betsi Cadwaladr, yn Is-gadeirydd am y flwyddyn i ddod.  Dywedodd Mr. Thomas y byddai’n gweithio ar gryfhau’r berthynas rhwng Gwynedd a Môn.

Derbyn unrhyw ddatganiad o ddiddordeb gan unrhyw Aelod neu Swyddog mewn perthynas ag unrhyw eitem ar y rhaglen.

Ni chafwyd unrhyw ddatganiadau o ddiddordeb.

Cyflwyno cofnodion drafft y cyfarfod diwethaf o’r Pwyllgor Cyswllt a gynhaliwyd ar 16 Ionawr, 2015.

Cyflwynwyd cofnodion y cyfarfod blaenorol o’r Pwyllgor Cyswllt Sector Gwirfoddol a gynhaliwyd ar 16 Ionawr 2015, a chadarnhawyd eu bod yn gywir.

Materion yn codi:-

Gan gyfeirio at eitem 3, sef trefniadau ymgysylltu lleol a’r gwaith a wnaed yn Ward Seiriol, rhoddodd Prif Swyddog Medrwn Môn wybod y byddai Lesley Griffiths, Gweinidog Cymunedau a Threchu Tlodi, yn ymweld â Ward Seiriol ar 5 Tachwedd 2015.

Derbyn diweddariad yn erbyn y Rhaglen Waith.

a)     Adolygiad o’r Trydydd Sector - Adroddiad Terfynol

       Derbyn diweddariad gan y Cyfarwyddwr Cymuned  gan gyfeirio’n

      benodol at (t 5 & 6): - ADRODDIAD I’W RANNU YN Y CYFARFOD

1.    Cylch Gorchwyl y Pwyllgor.

2.    Ystyried newid enw Pwyllgor Cyswllt y Sector Gwirfoddol yn Pwyllgor

       Cyswllt y Trydydd Sector.

3.    Enwebu Aelod Arweiniol ar gyfer y Trydydd Sector.

4.    Adolygu’r Compact rhwng CSYM a’r Trydydd Sector.

b)     Côd Ymddygiad – sylwadau ar yr Adolygiad

       Derbyn diweddariad gan y Cyfarwyddwr Cymuned / Pennaeth

      Swyddogaeth (Adnoddau)/Swyddog 151 Dros Dro.

c)     Compact

       Derbyn diweddariad gan y Cyfarwyddwr Cymuned / Pennaeth

      Swyddogaeth (Adnoddau)/Swyddog Adran 151 Dros Dro.

Adroddodd y Cyfarwyddwr Cymuned ar agweddau penodol o waith a wnaed oedd yn sail i’r Rhaglen Wella gyda’r Trydydd Sector, gan ganolbwyntio’n benodol ar yr hyn a ganlyn :-

(a)  Adolygiad o’r Trydydd Sector – Adroddiad Terfynol

Cyflwynwyd yr adroddiad terfynol drafft i’r aelodau yn y cyfarfod.

Dywedodd y Cyfarwyddwr Cymuned fod y Fforwm Penaethiaid wedi cefnogi’r adroddiad a’r trefniadau o fewn y Cyngor i gefnogi arferion llywodraethu a’r argymhellion oedd wedi’u cynnwys ynddo.  Yn ogystal, mae swyddog wedi’i adnabod yn y gwasanaethau cyllid i oruchwylio agweddau ariannu yn y dyfodol i wella’r trefniadau rheolaethol.  Rhoddodd y Cyfarwyddwr wybod hefyd bod angen trafod yr adroddiad gyda’r Sector Iechyd, a gofynnodd am farn Medrwn Môn ar y cynnwys.  Byddai’r adroddiad yn cael ei drafod gan yr Uwch Dîm Arweinyddiaeth wedi hynny.

Yna canolbwyntiodd y Pwyllgor ar yr hyn a ganlyn:-

1.  Cylch Gorchwyl y Pwyllgor

Cytunwyd y byddai Pennaeth y Gwasanaethau Democrataidd a Phrif Swyddog Medrwn Môn yn adolygu’r Cylch Gorchwyl yng nghyswllt nifer y cyfarfodydd oedd eu hangen am y flwyddyn i ddod; cyfyngiadau amser; argaeledd adnoddau staff.

2.  Enw’r Pwyllgor

Penderfynwyd peidio newid yr enw i’r Pwyllgor Cyswllt Trydydd Sector fel y cynigiwyd yn yr adroddiad drafft y cyfeirir ato yn 5(a) uchod.

3.  Enwebu Aelod Arweiniol

Penderfynwyd y byddai Arweinydd y Cyngor yn rhoi ystyriaeth i hyn.

(b) a (c) Y Compact a’r Côd Ymddygiad

Adroddodd y Cyfarwyddwr Cymuned fod y Penaethiaid wedi cefnogi’r Compact.  Byddai trefniadau yn awr yn cael eu gwneud gyda’r sector gwirfoddol i lansio’r Compact yn ffurfiol ynghyd â’r Côd Ymddygiad cysylltiedig.

Diolchodd Prif Swyddog Medrwn Môn i’r Cyfarwyddwr Cymuned am y gwaith a wnaed yn y misoedd diwethaf wrth adolygu dogfennau allweddol.

Derbyn diweddariad gan Arweinydd y Cyngor / Pennaeth Swyddogaeth (Adnoddau)/Swyddog Adran 151 Dros Dro.

Rhoddodd y Cyfarwyddwr Cymuned grynodeb o’r sefyllfa gyfredol mewn perthynas â Rhaglen y Cyngor ar gyfer datblygu’r gyllideb ar gyfer 2016/17.

Cyfeiriodd y Cyfarwyddwr yn rhannol at gyfres o gyfarfodydd adolygu oedd yn mynd rhagddynt ar hyn o bryd i adolygu cyllidebau gwasanaethau a thrafod swyddogaethau statudol ac anstatudol.

Roedd gwaith pellach wedi’i gynllunio ar gyfer mis Medi, sef gweithdai gydag Aelodau i ddatblygu cynigion.  Byddai ymgynghori’n digwydd ar gynigion ynglŷn â’r gyllideb o fis Tachwedd ymlaen.

Derbyn diweddariad gan y Pennaeth Swyddogaeth (Adnoddau)/Swyddog Adran 151 Dros Dro/Swyddog Caffael.

Rhoddodd y Swyddog Caffael Corfforaethol grynodeb o Bolisi Caffael newydd y Cyngor a’r newidiadau i Reolau Gweithdrefn Contract a fabwysiadwyd gan y Cyngor ym mis Mai 2015.  Cyfeiriwyd yn benodol at agweddau caffael yn y Côd Ymarfer ariannu.

Rhoddodd y Swyddog Caffael Corfforaethol wybod ymhellach ei fod yn fodlon trefnu sesiwn briffio ar gyfer y sector gwirfoddol ar drefniadau caffael newydd yn o fuan mewn ymgynghoriad gyda Medrwn Môn.

Derbyn diweddariad ar weithgareddau’r prosiect.

Rhoddodd Ms Lyndsey Williams, Lleisiau Cymunedol/ Medrwn Môn grynodeb o’r cynnydd mewn perthynas â’r prosiect Lleisiau Cymunedol a’r gwaith a wnaed ar draws sectorau penodol mewn ardaloedd amrywiol yn Ynys Môn.  Roedd Medrwn Môn yn gweithio gyda’r Cyngor Sir i wneud y defnydd mwyaf o amryw o gynigion ymgysylltu lleol a sefydlwyd i wella trefniadau lleol.  Caiff adroddiad cynnydd pellach ei gyflwyno i’r cyfarfod nesaf.

Derbyn diweddariad gan y Prif Swyddog, Medrwn Môn.

Cyfeiriodd Prif Swyddog Medrwn Môn at ganllawiau arfer orau a baratowyd gan Lywodraeth Cynulliad Cymru a gofynnodd i’r Cyngor ystyried y ddogfen pan fyddai’n rhoi sylw i fodelau darparu gwasanaeth yn y dyfodol a modelau trosglwyddo asedau.

Derbyn diweddariad gan y Cyfarwyddwr Cymuned.

Rhoddodd y Cyfarwyddwr Cymuned diweddariad i’r Pwyllgor ar gynnydd mewn perthynas â gofynion penodol yn codi o’r Ddeddf Gwasanaethau Cymdeithasol a Llesiant.  Yn arbennig, cyfeiriodd at sefydlu Bwrdd i oruchwylio’r gofynion yn lleol.  Câi adroddiad pellach ei gyflwyno i’r Pwyllgor hwn yn y dyfodol agos.

Derbyn diweddariad gan Gyfarwyddwr Cynorthwyol Datblygiad Cymunedol, BIPBC.

Rhoddodd Cyfarwyddwr Cynorthwyol Datblygu Cymunedol, Bwrdd Iechyd Prifysgol Betsi Cadwaladr, ddiweddariad i’r Pwyllgor ar waith a wnaed i ddatblygu Strategaeth Trydydd Sector, a dderbyniodd gefnogaeth y Bwrdd ym mis Ebrill 2015.  Yn sail i’r strategaeth oedd yr angen i wella trefniadau cyfathrebu a llywodraethu.

Derbyn diweddariad ar yr Ymgynghoriad.

Trafodwyd yr eitem hon dan Eitem 9 uchod.

Materion Eraill

Adroddodd y Cadeirydd na fyddai Aled Roberts (Taran) yn mynychu’r Pwyllgor hwn mwyach gan fod Taran wedi dod i ben.

Cynhelir cyfarfod nesaf y Pwyllgor Cyswllt Sector Gwirfoddol ym Medrwn Môn ar 2 Hydref 2015.