Eitem Rhaglen

Cyflwyno adroddiad gan y Trysorydd.

Cyflwynwyd – adroddiad y Trysorydd mewn perthynas â’r uchod.

 

Dywedwyd mai pwrpas yr adroddiad oedd ystyried y ceisiadau a oedd yn berthnasol i Ymddiriedolaeth Elusennol Ynys Môn.  Dyrennir arian yn flynyddol ar gyfer prosiectau yn y categorïau canlynol:-

 

Cyfleusterau Cymunedol a Chwaraeon (prosiectau cyfalaf bychan)

Grantiau Eraill (grantiau unwaith ac am byth yn bennaf)

 

Yn ei gyfarfod ar 23 Ionawr, 2019, penderfynodd yr Ymddiriedolaeth lawn ddirprwyo cyllideb o £125k i’r Pwyllgor Grantiau Cyffredinol ar gyfer y rhaglen grantiau blynyddol. Yn ogystal, penderfynodd yr Ymddiriedolaeth lawn yn ei gyfarfod i ddirprwyo awdurdod i’r Pwyllgor Grantiau Cyffredinol i gymeradwyo ceisiadau am Grantiau Bach ac, o’r herwydd, ni fydd angen i’r Ymddiriedolaeth Elusennol lawn ond nodi cofnodion y Pwyllgor Grantiau Cyffredinol o hyn ymlaen.  Uchafswm y grant mewn perthynas â Grantiau Cyfleusterau Cymunedol a Chwaraeon yw £8,000 a hyd 70% o’r gost gymwys.  Fodd bynnag, yn ei gyfarfod ar 21 Ebrill 2011, penderfynodd yr Ymddiriedolaeth lawn roi hyblygrwydd i’r Pwyllgor hwn i godi’r uchafswm a’r gyfradd o gefnogaeth yn wyneb y ceisiadau a ddeuai i law. 

 

Mae’r swyddogion perthnasol o fewn Cyngor Sir Ynys Môn wedi ystyried a blaenoriaethu’r ceisiadau a dderbyniwyd, i’r graddau y mae hynny’n bosibl ac yn gyson gyda phenderfyniadau’r Ymddiriedolaeth a meini prawf a sefydlwyd yn y gorffennol.  Mae system gyfeirio ar y cyd wedi cael ei sefydlu ar gyfer y ddau fath o grantiau a gyflwynwyd i’r Pwyllgor hwn ac ar gyfer ceisiadau am gyllid o Gronfa’r Degwm; bydd unrhyw fylchau yn y cyfeirnodau i’w priodoli i’r ffaith bod y grantiau hynny wedi cael eu cyflwyno i Gronfa’r Degwm yn hytrach na’r Ymddiriedolaeth hon.  

 

Mae’r ceisiadau yn cael eu hystyried yn unol â’r ‘Meini Prawf ar gyfer Dosbarthu Grantiau o Ymddiriedolaeth Elusennol Ynys Môn’, ac mae copi ynghlwm yn Atodiad B i’r adroddiad.

 

Dyma’r ceisiadau a dderbyniwyd a’r symiau a argymhellwyd ar gyfer Cyfleusterau Cymunedol a Chwaraeon 2019/20 fel a ganlyn:-

 

001 – DHDC (Darganfod                Cyfieithu hanes llawn deiliaid                    £3,500

Hen Dai Cymreig)                            Plas Penmynydd o 1500 hyd

                                                            heddiw, yn cynnwys adroddiad

                                                            pensaernïol a thaflenni o hanes

                                                            byr Plas Penmynydd ar gyfer

                                                            ymwelwyr.

 

002 – Parti Meibion Bara Brith      Prynu allweddell a weithredir gan                         £79

                                                            fatri i biano trydan i’w defnyddio

                                                           lle nad oes trydan ar gael ac i brynu

                                                            bag i’w gludo.

 

005 - MȎN-SAR                               Prynu offer achub hanfodol i ymdopi        DIM

                                                            gydag ehangu’r tîm a chyhoeddusrwydd.

 

(cais wedi ei gyfeirio i’r Pwyllgor Adfywio)

 

006 – Cymdeithas Ddinesig          Cyhoeddi llyfryn yn ymwneud                    £848

Bro Porthaethwy                              â bwyd traddodiadol Ynys Môn.  Uwchraddio’r

                                                            Wefan i ddarparu gwasanaeth dwyieithog.

 

007 – Gobaith Môn                          Prynu cawell pêl-droed a threlar.              £5,600

                                                           

 

008 – Neuadd Goffa                        Amnewid dau foeler gwres canolog         £5,005

Bodedern                                          a phrynu byrddau a throli i’w cludo.         

 

009 – Cyngor Cymuned                 Gosod matiau diogelwch o dan/o              DIM

Bryngwran                                        gwmpas offer cae Chwarae Bryngwran.

 

                                                                                        (Wedi derbyn grant yn 2017/18 felly ddim yn gymwys)

 

010 – Cantorion Menai                   Prosiect Cerddorol ar raddfa fawr i           £4,500                                                            lwyfannu gwaith corawl gydag unawdwyr

                                                            Proffesiynol o Gymru, Cantorion Menai

                                                            a cherddorfa leol.

 

012 – GeoMôn UNESCO               Prynu offer cyfrifiadurol i’w ddefnyddio    £2,380

Global Geopark                                gan ymwelwyr i’r Tŵr Gwylio GeoMôn

                                                            yn Amlwch.

 

013 – Cyngor Cymuned                 Prynu offer ar gyfer y cael chwarae.         £7,000

Llanddaniel                                      

 

(yn amodol ar dderbyn amcancyfrif)        

 

014 – Jon Egging Trust                    I gyflogi Swyddog Cyswllt Ieuenctid        DIM

                                                              dwyieithog i gyflwyno pecynnau ‘Blue

                                                              Skies Inspire’ i ddwy ysgol ar Ynys

                                                              Môn.

                                                (cais wedi ei gyfeirio i’r Pwyllgor Adfywio)

 

015 – Pwyllgor Gŵyl                         Trefnu gŵyl undydd ‘Ysgrifennu Môn.    DIM

Montage                                             

(cais wedi ei gyfeirio i’r Gronfa’r Degwm)

 

                                                                                                

016 – Canolfan Cynghori               Uwchraddio’r adeilad maent wedi          £559               

Ynys Môn                                       symud iddo’n ddiweddar a phrynu

                                                       dodrefn ail-law a dodrefn ystafell fwyta newydd.

 

 

                                                                                     (rhoi grant tuag at gost y dodrefn yn unig ar yr amod y cyflwynir ail amcangyfrif. Dim yn gymwys ar gyfer cyllid ar gyfer gwaith atgyweirio oherwydd nid oes ganddynt brydles 21+ blynedd)

 

017 – Canolfan Iorwerth                 Prynu a gosod boeler newydd a        £6,951    

Rowlands                                        gwaith ategol.

 

 

Cais wedi ei gyfeirio o’r Grantiau Mawr fel a ganlyn:-Application referred from

 

17  - Cerddoriaeth mewn               Darparu dau gyngerdd cerddoriaeth       DIM  

Ysbytai a Gofal Cymru                   byw proffesiynol ar gyfer yr henoed,

                                                       y bregus ac i bobl sydd yn byw yng

                                                       Nhartrefi Gofal Ynys Môn.

                                    

 

(cais wedi ei gyfeirio i’r Gronfa’r Degwm)

 

 

PENDERFYNWYD :-

 

·           Cymeradwyo’r symiau, fel a restrir uchod (£36,422) [yn ymyl y symiau a argymhellwyd], sef cyfradd grant o 70%;

·           bod hysbyseb bellach yn cael ei rhoi yn y wasg leol ac ar y cyfryngau cymdeithasol ym mis Medi 2019 am geisiadau am grantiau gan sefydliadau gwirfoddol a sefydliadau eraill oherwydd mai ychydig iawn o geisiadau a dderbyniwyd am gymorth Grantiau Cyfalaf ar gyfer Cyfleusterau Cymuned a Chwaraeon yn 2019/20;

·           bod y ceisiadau sydd wedi derbyn cyllid grant yn ystod y ddwy flynedd ddiwethaf yn cael eu hystyried (os oes arian ar gael) ar ddiwedd y broses dyrannu grantiau.