Cyflwyno adroddiad gan y Pennaeth Swyddogaeth (Adnoddau)/Swyddog Adran 151.
Cofnodion:
Cyflwynwyd adroddiad y Pennaeth Swyddogaeth (Adnoddau) a’r Swyddog Adran 151 yn codi’r cynigion terfynol ar gyfer Rhaglen Gyfalaf 2018/19 eu cyflwyno er sylw’r Pwyllgor Gwaith ac ar gyfer eu hargymell i’r Cyngor llawn ar 28 Chwefror, 2018.
Dywedodd yr Aelod Portffolio Cyllid ei fod, yn wyneb y strategaeth gyfalaf a fabwysiadwyd gan y Pwyllgor Gwaith ym mis Hydref 2017, yn argymell y rhaglen gyfalaf ar gyfer 2018/19 i’r Pwyllgor Gwaith fel y’i cyflwynwyd. Dygodd sylw at y ddau brosiect Buddsoddi i Arbed yn adran 4 yr adroddiad; mae angen i’r Pwyllgor Gwaith benderfynu a fydd yn cefnogi’r naill neu’r llall, neu’r ddau ohonynt. Mae angen i’r Pwyllgor Gwaith wneud penderfyniad hefyd ar y ddau gais gan y Gwasanaeth Hamdden am fenthyciadau di-gefnogaeth - gosod cae pêl-droed 3G yn lle’r cae pêl-droed artiffisial sydd yng Nghanolfan Hamdden Plas Arthur ar hyn o bryd a diweddaru’r offer ffitrwydd yng Nghanolfan Hamdden Caergybi - gweler y crynodeb yn adran 5 yr adroddiad a’r manylion llawn yn Atodiad 5.
Dywedodd y Pennaeth Swyddogaeth (Adnoddau)/Swyddog Adran 151 fod y cyllid a dderbynnir drwy’r Grant Cyfalaf Cyffredinol a lefel y benthyca â chefnogaeth sydd heb ei neilltuo ac a ariennir gan Lywodraeth Cymru drwy elfen ariannu cyfalaf yr Asesiad Gwario Safonol wedi aros yr un fath i bob bwrpas dros nifer o flynyddoedd ac mae’n arwydd o newid yn ymagwedd Llywodraeth Cymru, sef ariannu prosiectau cyfalaf drwy grantiau cyfalaf penodol e.e. ysgolion newydd. Mae’r cyllid hwn felly wedi gostwng mewn termau gwirioneddol ac yn y strategaeth gyfalaf, cynigiwyd y dylai’r arian hwn gael ei ddefnyddio i gynnal a chadw’r asedau cyfredol. Roedd y strategaeth hefyd yn cynnwys oddeutu £600k ar gyfer Priffyrdd. Hefyd, cyhoeddodd Llywodraeth Cymru y byddai cymorth grant ychwanegol gwerth £30m ar gael am 2017/18 ac roedd cyfran Ynys Môn o’r cyllid hwn yn £910k. Gellir defnyddio’r arian hwn i gefnogi cyllid lleol ar gyfer unrhyw brosiect yn 2017/18 ar yr amod ei fod wedyn yn cael ei ddefnyddio i atgyweirio ffyrdd yn 2018/19. Daw hyn â chyllid ychwanegol o £910k yn 2018/19 uwchlaw’r grant cyfalaf cyffredinol. Mewn perthynas â’r ddau brosiect gan y Gwasanaeth Cyllid i’w cyllido drwy fenthyciadau digefnogaeth, mae’r gwasanaethau yn hyderus y bydd yr incwm cynyddol a gynhyrchir drwy’r buddsoddiad yn ddigonol i gwrdd â’r costau cyllido cyfalaf.
Wedi ystyried yr achos busnes a gyflwynwyd ar gyfer pob prosiect, roedd y Pwyllgor Gwaith yn cefnogi’r ddau gais ar gyfer benthyca digefnogaeth a gyflwynwyd gan y Gwasanaeth Hamdden ar y sail eu bod yn cynrychioli buddsoddiad y mae gwir ei angen yn y ddarpariaeth hamdden ac oherwydd y disgwylir iddynt gynhyrchu incwm ychwanegol a fydd yn gostwng y costau benthyca ar yr ochr refeniw.
Roedd y Pwyllgor Gwaith, tra’n cefnogi’r ddau brosiect ar gyfer cyllid buddsoddi i arbed, yn nodi bod cost y ddau gyda’i gilydd yn uwch na’r gronfa o £250k a glustnodwyd i’r pwrpas hwn. Eglurodd y Pennaeth Swyddogaeth (Adnoddau) / Swyddog Adran 151 y8 gellid cyllido’r ddau naill ai drwy dynnu arian pellach o’r gronfa wrth gefn neu drwy glustnodi llai ar gyfer y cais mwy, sef Effeitholrwydd Ynni mewn Adeiladau Corfforaethol.
Nododd y Pwyllgor Gwaith ymhellach ei siom mai dim ond dau gais oedd wedi eu derbyn dan y fenter Buddsoddi Arbed; roedd hyn yn tanlinellu’r angen i wneud mwy yn y dyfodol i annog gwasanaethau i nodi cyfleoedd ar gyfer syniadau buddsoddi i arbed.
Penderfynwyd –
Argymell y rhaglen gyfalaf ganlynol i’r Cyngor llawn ar gyfer 2018/19:-
£’m
Cynlluniau Ymrwymedig a
Ddygwyd Ymlaen o 2017/18 23.399
Buddsoddi mewn Asedau 2.518
Presennol
Prosiectau Buddsoddi i Arbed 0.258
Cynnal a Chadw Priffyrdd 1.592
Ysgolion 21ain Ganrif 8.850
Cyfanswm Cynlluniau Cyfalaf
y Gronfa Gyffredinol 36.609
Cynlluniau Cyfalaf CRT 12.417
Cyfanswm Rhaglen Gyfalaf 49.034
Arfaethedig 2018/19
Cyllidir drwy:-
Cyllid a ddygwyd ymlaen 1.040
o 2017/18
Grant Cyfalaf Gyffredinol 1.334
Derbyniadau Cyfalaf 0.500
Benthyca a Chefnogaeth 2.192
Benthyca Digefnogaeth -
Ysgolion 21ain Ganrif 3.734
Benthyca a Chefnogaeth -
Ysgolion 21ain Ganrif 1.279
Grantiau Allanol 28.030
Arian Cyfalaf wrth gefn 0.258
Grant Atgyweirio Priffyrdd 0.910
Cyllid CRT 9.757
Cyfanswm Cyllid 49.034
• Cefnogi’r ddau gais ar gyfer cyllid Buddsoddi i Arbed a gyflwynwyd fel a ganlyn -
Effeithlonrwydd Ynni mewn Adeiladau Corfforaethol £250,000
Uwchraddio’r WiFi yng Nghanolfan Byron £8,750
• Cefnogi’r prosiectau benthyca digefnogaeth canlynol ar gyfer eu cynnwys yn y rhaglen gyfalaf 2018/19 -
Adeiladu cae 3G newydd yng Nghanolfan Hamdden Plas Arthur
Prynu offer ffitrwydd newydd i Ganolfan Hamdden Caergybi
Dogfennau ategol: