Penderfyniadau

Penderfynwyd awdurdodi Swyddogion i symud ymlaen gyda’r broses ffederaleiddio rhwng Ysgol Goronwy Owen ac Ysgol Moelfre.

Penderfynwyd –

•           Cymeradwyo a chefnogi Cynllun Adfywio Economaidd Gogledd Ynys Môn.

•           Dirprwyo’r awdurdod i’r Cyfarwyddwr Lle a Llesiant Cymunedol a’r Deilydd Portffolio i –

·        Ddiweddaru’r Cynllun yn unol â hynny

·        Gwneud ceisiadau am gyllid, derbyn cynigion cyllid, a dyfarnu cyllid ar gyfer prosiectau fydd yn cefnogi’r gwaith o gyflawni’r cynllun, yn amodol ar gytundeb gan y Cyfarwyddwr Swyddogaeth (Adnoddau).

•           Adrodd ar gynnydd i’r Pwyllgor Gwaith a’r Pwyllgor Sgriwtini Partneriaeth ac Adfywio yn flynyddol.

Penderfynwyd cefnogi cais Croeso Menai i’r Swyddfa Gartref i fod yn Noddwyr Cymunedol i dderbyn teulu o ffoaduriaid o Syria petaent yn cael eu lleoli ar Ynys Môn.

Penderfynwyd cymeradwyo’r Datganiad Polisi ar Reoli Risg fel y cafodd ei gyflwyno.

Penderfynwyd –

•                       Cadarnhau bod y Pwyllgor Gwaith yn fodlon â chyflymder y cynnydd a’r gwelliannau sydd wedi eu gwneud hyd yma yn y Gwasanaethau Plant a Theuluoedd.

•                       Gofyn i’r Panel Gwella Gwasanaethau Cymdeithasol adolygu amlder yr adroddiadau cynnydd, ac yn y dyfodol a ddylai’r adroddiadau hynny ymwneud â’r Gwasanaethau Cymdeithasol yn eu cyfanrwydd.

Penderfynwyd –

•           Nodi’r sefyllfa a amlinellir yn Atodiad A a B yr adroddiad yng nghyswllt perfformiad ariannol yr Awdurdod hyd yma a’r alldro disgwyliedig ar gyfer 2019/20.

•           Nodi’r crynodeb o’r cyllidebau wrth gefn ar gyfer 2019/20 fel y manylir yn Atodiad C.

•           Nodi’r sefyllfa mewn perthynas â’r rhaglenni buddsoddi i arbed yn Atodiad Ch yr adroddiad a chymeradwyo defnyddio unrhyw falans sy’n weddill ar y cyfalaf / datblygu’r system cynllunio a phridiannau tir awtomataidd newydd i ariannu’r gwaith o sganio a digideiddio ffeiliau hanesyddol.

•           Nodi’r sefyllfa o ran arbedion effeithlonrwydd ar gyfer 2019/20 fel y caiff ei nodi yn Atodiad D yr adroddiad.

•           Nodir costau asiantaeth ac ymgynghorwyr ar gyfer 2019/20 fel y cânt eu nodi yn Atodiadau DD, E ac F.

•           Cymeradwyo’r ffioedd a’r prisiau newydd ar gyfer Canolfan Fusnes Ynys Môn fel y’u nodir yn Atodiad FF yr adroddiad.

Penderfynwyd cadarnhau Blaen Raglen Waith y Pwyllgor Gwaith wedi ei diweddaru am y cyfnod Hydref, 2019 i Mai, 2020 fel y’i cyflwynwyd.

Penderfynwyd nodi’r canlynol –

•           Y sefyllfa a amlinellir o ran perfformiad ariannol y Cyfrif Refeniw Tai (CRT) ar gyfer Chwarter 1, 2019/20.

•           Yr alldro tybiedig ar gyfer 2019/20.

Penderfynwyd cymeradwyo cofnodion cyfarfod blaenorol y Pwyllgor Gwaith a gynhaliwyd ar 15 Gorffennaf, 2019 fel rhai cywir.

Penderfynwyd –

•           Nodi y bydd y ffigyrau alldro yn yr adroddiad hwn yn parhau i fod yn ffigyrau dros dro tan fod y gwaith o archwilio Datganiad Cyfrifon 2018/19 wedi’i gwblhau a bod y cyfrifon wedi eu harwyddo; bydd unrhyw addasiadau sylweddol i’r ffigyrau sydd wedi eu cynnwys yn yr adroddiad yn cael eu hadrodd fel bo’n briodol.

•           Nodi’r dangosyddion pwyllog a rheoli trysorlys dros dro ar gyfer 2018/19 sydd yn yr adroddiad.

•           Derbyn yr adroddiad blynyddol ar reoli’r trysorlys ac anfon yr adroddiad ymlaen i’r Cyngor Llawn heb unrhyw sylwadau.

Penderfynwyd nodi cynnwys y Cynllun a chymeradwyo’r rhagdybiaethau a wnaed ynddo.

Monitro perfformiad Cyllideb Gyfalaf 2019/20.

Penderfynwyd derbyn adroddiad monitro’r Cerdyn Sgorio ar gyfer Chwarter 1 2019/20, gan nodi’r meysydd y mae’r Uwch Dîm Rheoli yn eu rheoli er mwyn sicrhau gwelliannau i’r dyfodol ac i dderbyn y mesurau lliniaru fel maent wedi eu hamlinellu yn yr adroddiad.

Penderfynwyd argymell y dylid cyhoeddi’r fersiwn derfynol o Adroddiad Perfformiad 2018/19 erbyn y dyddiad statudol ar ddiwedd mis Hydref, a bod Swyddogion yn cwblhau hyn mewn ymgynghoriad â’r Deilydd Portffolio fel y gellir cyflwyno’r Adroddiad i’r Cyngor llawn ar 7 Hydref, 2019.

Cyflwynwyd a chadarnhawyd cofnodion y Pwyllgor Cynllunio a Gorchmynion a gynhaliwyd ar 24 Gorffennaf, 2019.