Penderfyniadau

Penderfynwyd derbyn yr adroddiad a mabwysiadu’r Cynllun Bioamrywiaeth yn ffurfiol.

Penderfynwyd mabwysiadu cofnodion drafft cyfarfod y Panel Rhiantu Corfforaethol a gynhaliwyd ar 8 Rhagfyr, 2020.

Penderfynwyd argymell i’r Cyngor Llawn ei fod yn – 

•           Nodi argymhellion y Pwyllgor Penodi a chadarnhau:

·                Dileu swydd Cyfarwyddwr Lle a Llesiant Cymunedol (swydd sydd hefyd wedi ei hadnabod fel Cyfarwyddwr Rheoleiddio a Datblygu Economaidd yn ystod y broses recriwtio ddiweddar) o Gyfansoddiad y Cyngor;

·                Creu rôl barhaol Pennaeth Rheoleiddio a Datblygu Economaidd ac i'r rôl hon gael ei hysbysebu'n allanol;

·                Sefydlu a hysbysebu'n allanol swydd newydd, sef Swyddog Strategaeth Gorfforaethol.

•           Cadarnhau cynnwys Atodiad 2, sy'n adlewyrchu'r diwygiadau uchod i strwythur y Cyngor yng Nghyfansoddiad y Cyngor;

•           Cadarnhau ei fod yn cymeradwyo bod y Prif Weithredwr (yn dilyn ymgynghoriad), yn unol â'r awdurdod sydd wedi ei gynnwys yn rhan 3.5.2.11 o'r Cyfansoddiad, ac o ganlyniad i'r newid strwythurol uchod, yn rhannu'r meysydd cyfrifoldeb perthnasol ymhlith yr Uwch Dîm Arweinyddiaeth a'r Penaethiaid Gwasanaeth, fel bo'r angen.

•           Cadarnhau ei fod yn cymeradwyo bod y Swyddog Monitro, yn unol â'r awdurdod sydd wedi ei gynnwys yn rhan 3.5.3.6.6 o'r Cyfansoddiad, yn diwygio'r Cyfansoddiad (gan gynnwys y cynllun dirprwyo i swyddogion) i adlewyrchu'r penderfyniadau a wnaed gan y Cyngor mewn perthynas â’r newid strwythurol uchod a dosbarthiad y cyfrifoldebau ymhlith yr Uwch Dîm Arweinyddiaeth a'r Penaethiaid Gwasanaeth fel y gwnaed gan y Prif Weithredwr dan y chweched pwynt bwled uchod.

•           Cadarnhau ei fod yn cymradwyo bod y Swyddog Monitro yn gwneud unrhyw newidiadau canlyniadol eraill i’r cyfansoddiad i adlewyrchu’r argymhellion uchod.

Penderfynwyd –

•           Cytuno i egwyddorion Cytundeb BES2 (Atodiad 2 i’r adroddiad) i sicrhau cymorth ariannol (amodol) ar gyfer y sector bysiau ac i sefydlu perthynas â’r awdurdod arweiniol rhanbarthol a’r llofnodwr, sy’n sicrhau bod y cyllid brys parhaus yn diwallu blaenoriaethau’r awdurdod ac yn cael ei ddarparu ar ei ran.

•           Galw am adroddiad arall ar gynigion diwygio bysiau mewn perthynas â rheoli gwasanaethau bws yng Nghymru yn y dyfodol.

Penderfynwyd cadarnhau Blaenraglen Waith y Pwyllgor Gwaith ar gyfer y cyfnod rhwng Chwefror a Medi, 2020 gyda’r newid ychwanegol a amlinellwyd yn y cyfarfod.

Cadarnhawyd fod cofnodion blaenorol y Pwyllgor Gwaith a gynhaliwyd ar y dyddiadau canlynol yn gofnod cywir –

•           30 Tachwedd, 2020

•           14 Rhagfyr, 2020

•           17 Rhagfyr, 2020 (arbennig)

Penderfynwyd cymeradwyo’r canlynol –

•           Strategaeth Tai Dros dro 2021.

•          Y dull o gyfathrebu wrth ddatblygu’r Strategaeth Tai 2022-27 a chynllun gwaith gyda phartneriaid sydd yn arwain at gyfnod ymgynghori a chymeradwyaeth terfynol

Penderfynwyd -

•           Argymell i'r Cyngor llawn y rhaglen gyfalaf ganlynol ar gyfer 2021/22:-

Cynlluniau/Cyllid a ddygwyd ymlaen

o 2020/21                                                                                £ 3.970m

Adnewyddu / Amnewid Asedau                                          £  4.167m

Prosiectau Cyfalaf Untro Newydd (Prosiectau

Blaenoriaeth)                                                                          £   780k

Prosiectau Cyfalaf Untro Newydd

(yn amodol fod cyllid ar gael)                                              £   325k

Ysgolion yr 21ain Ganrif                                                       £6.6m

Cyfrif Refeniw Tai                                                                 £20.313m

Cyfanswm y Rhaglen Gyfalaf                                              £36.155m                   

Cyllidir gan:

Grant Cyfalaf Cyffredinol                                         £2.163m

Benthyca â Chefnogaeth Cyffredinol                                 £2.158m

Balansau Cyffredinol                                                            £   596k

Balansau Cyffredinol

(os oes digon o gyllid ar gael)                                             £   325k

Benthyca â Chefnogaeth Ysgolion yr 21ain Ganrif  £2.897m

Benthyca Digefnogaeth Ysgolion yr 21ain Ganrif   £    498k

Arian Wrth Gefn CRT a’r Gwarged yn y Flwyddyn  £15.639m

Benthyca Digefnogaeth gan y CRT                                  £  2.0m

Grantiau Allanol                                                                  £5.909m

Cyllid 2020/21 a Ddygwyd Ymlaen                        £3.970m

Cyfanswm Cyllid Cyfalaf 2021/22                                     £36.155m

•           Nodi’r gofynion cyllido posibl ar gyfer 2022/23 ymlaen fel y nodir yn Atodiad 1, Tabl 3 a pharagraff 5.3 yr adroddiad.

•           Oherwydd y pwysau ar y gyllideb gyfalaf, bod yr Aelod Portffolio Priffyrdd, Gwastraff ac Eiddo yn gwneud cynrychioliadau drwy lythyr i Weinidog Amgylchedd, Ynni a Materion Gwledig Llywodraeth Cymru bod cynlluniau awdurdod lleol ar gyfer atal/lliniaru llifogydd yn y dyfodol yn cael eu hariannu 100% gan grant Llywodraeth Cymru, a 

•           Bod yr Aelod Portffolio Cyllid yn ysgrifennu at Weinidog Cyllid  Llywodraeth Cymru er mwyn tynnu sylw at y pwysau ar y gyllideb gyfalaf yn Ynys Môn o ganlyniad i ddiffyg cynnydd yn y cyfalaf cyffredinol dros y blynyddoedd a’r cyfyngiadau y mae hyn yn debygol o’i roi ar gynlluniau’r Cyngor o ran gweithgareddau cyfalaf a buddsoddiadau.  

Penderfynwyd cymeradwyo’r canlynol –

·                    Yr addasiadau i’r Gyllideb sydd wedi eu cynnwys yn y Gyllideb Ddisymud fel y nodir hwy ym Mharagraffau 4 i 7 yr adrddiad.

·                    Y gyllideb ddisymud ar gyfer 2021/22, sef £147.076m, ac a ddylai fod yn sail i gyllideb refeniw 2021/22.

·                    Cynnydd arfaethedig yn y Dreth Gyngor ar gyfer 2021/22 o 3.75% a fydd yn destun ymgynghoriad cyhoeddus.

·                    Diwygiadau arfaethedig ychwanegol i’r gyllideb fel y nodir yn Nhabl 5 yr adroddiad.

·                    Cyllideb arfaethedig gychwynnol  ar gyfer 2021/22 o £147.531m.

·                    Y dylai’r Pwyllgor Gwaith ofyn am farn y cyhoedd ar y cynnig ar gyfer y gyllideb arfaethedig a’r cynnydd yn y dreth gyngor ar gyfer 2021/22.