Rhaglen a chofnodion

Derbyn unrhyw ddatganiad o ddiddordeb gan unrhyw Aelod neu Swyddog mewn perthynas ag unrhyw eitem o fusnes.

Ni dderbyniwyd unrhyw ddatganiadau o ddiddordeb.

Ethol Is-Gadeirydd.

Ailetholwyd y Cynghorydd Richard Owain Jones yn Is-Gadeirydd y Pwyllgor hwn yn ei absenoldeb.

Cyflwyno i’w cadarnhau, gofnodion y cyfarfod a gynhaliwyd ar 25 Mawrth, 2015.

Cadarnhawyd cofnodion y cyfarfod a gynhaliwyd ar 25 Mawrth, 2015 fel rhai cywir.

Cyflwyno adroddiad y Pennaeth Gwasanaethau Democrataidd.

Cyflwynwyd - adroddiad cynnydd gan y Pennaeth Gwasanaethau Democrataidd yn crynhoi gwybodaeth am weddarlledu cyfarfodydd fel rhan o'r cynllun peilot 2 flynedd.

Nodwyd bod Arweinyddion y Grwpiau a'r Uwch Dîm Arweinyddiaeth yn cefnogi parhau i weddarlledu ac mae’n debygol y bydd deddfwriaeth yn y dyfodol yn rhoi dyletswydd ar Awdurdodau Lleol yng Nghymru i ddarlledu cyfarfodydd o’r Cyngor llawn a'r Pwyllgor Gwaith. Byddai arian grant yn debygol o gwrdd â’r costau yn ystod 2016/17 a byddai angen adrodd ar hyn i’r Pwyllgor Gwaith am benderfyniad.

PENDERFYNWYD bod y Pwyllgor yn cefnogi parhau i weddarlledu cyfarfodydd o'r Pwyllgor Gwaith, y Cyngor Sir a'r Pwyllgor Cynllunio a Gorchmynion.

Cyflwyno adroddiad y Pennaeth Gwasanaethau Democrataidd.

Cyflwynwyd - adroddiad gan y Pennaeth Gwasanaethau Democrataidd mewn perthynas ag Adroddiadau Blynyddol yr Aelodau a oedd yn nodi bod pob Aelod wedi paratoi Adroddiad Blynyddol ar gyfer 2014/15 a bod gwybodaeth wedi ei chyhoeddi ar-lein.

Cyfeiriodd y Pennaeth Gwasanaethau Democrataidd at yr amserlen arfaethedig ar gyfer cwblhau a chyhoeddi Adroddiadau Blynyddol yr Aelodau ar gyfer 2015/16 a nododd mai’r dyddiad cau ar gyfer gwneud hynny oedd 30 Mehefin, 2016.

PENDERFYNWYD derbyn yr adroddiad.

Cyflwyno adroddiad y Pennaeth Gwasanaethau Democrataidd.

Cyflwynwyd - adroddiad gan y Pennaeth Gwasanaethau Democrataidd mewn perthynas â Grŵp Arbenigol Llywodraeth Cymru ar Amrywiaeth mewn Llywodraeth Leol.

Cyfeiriodd y Pennaeth Gwasanaethau Democrataidd hefyd at y Rhaglen Fentora ac at wybodaeth a gyhoeddwyd ar wefan Llywodraeth Cymru, gan gynnwys gwybodaeth ar gyfer unigolion sydd â diddordeb mewn sefyll fel Cynghorwyr  yn etholiadau 2017.

PENDERFYNWYD derbyn yr adroddiad.

Cyflwyno adroddiad y Pennaeth Gwasanaethau Democrataidd.

Cyflwynwyd - adroddiad y Pennaeth Gwasanaeth Democrataidd ar Raglen Waith y Pwyllgor ar gyfer 2015/16.

Dywedodd y Pennaeth Gwasanaethau Democrataidd fod y Pwyllgor wedi nodi'r canlynol fel rhan o'i raglen waith ar gyfer 2015/16: -

•  Cynllun Hyfforddi a Datblygu Aelodau (yn cynnwys Adolygiadau Datblygiad Personol);

•  Gweddarlledu cyfarfodydd;

•  Adroddiadau Blynyddol yr Aelodau;

•  Adroddiad Blynyddol y Panel Annibynnol ar Gydnabyddiaeth Ariannol;

•  Digonolrwydd y trefniadau i gefnogi rolau Aelodau;

•  Y gyllideb ar gyfer 2015/16 a’r effaith ar y Gwasanaethau Democrataidd.

PENDERFYNWYD derbyn yr adroddiad.