Rhaglen a chofnodion

Derbyn datganiad o ddiddordeb gan unrhyw Aelod neu Swyddog yng nghyswllt unrhyw fater i’w darfod.

Ni dderbyniwyd yr un datganiad o ddiddordeb.

Ystyried cais am Aelodaeth ar y Pwyllgor Safonau.

Cyflwynwyd – adroddiad gan y Pennaeth Swyddogaeth (Busnes y Cyngor)/Swyddog Monitro mewn perthynas â’r uchod.  

Eglurodd y Pennaeth Swyddogaeth (Busnes y Cyngor)/Swyddog Monitro y broses ddethol statudol ar gyfer penodi i’r sedd wag ar y Pwyllgor Safonau. Roedd drafft o hysbyseb ynghlwm wrth yr adroddiad yn Atodiad 1 ac roedd pecyn yn cynnwys gwybodaeth am y Côd Ymddygiad, Rhestr Lwfansau a’r ffurflen gais ar gael yn Atodiad 2 yr adroddiad.  

Gwnaed y newidiadau isod i eiriad yr hysbyseb gan y Panel :-

·           y bydd Aelod Annibynnol yn cael ei benodi am gyfnod a fydd o leiaf 4 blynedd a hyd at 8 mlynedd;

·           bod cyfeiriad e-bost ac enw cyswllt yn cael eu cynnwys yn y pecyn dogfennau;

·           bod enw’r Pennaeth Swyddogaeth (Busnes y Cyngor)/Swyddog Monitro yn cael ei gynnwys yn y fersiwn Saesneg ar dudalen 6 y dogfennau.

Rhoes y Pennaeth Swyddogaeth (Busnes y Cyngor)/Swyddog Monitro fanylion ynghylch costau hysbysebu’r swydd wag yn y papurau newydd lleol. Penderfynodd y Panel, er mwyn osgoi costau ychwanegol, i roi hysbyseb fer am y swydd wag yn y papurau newydd lleol gyda dolen i wefan y Cyngor am y fersiwn lawn.

PENDERFYNWYD :-

·       Cymeradwyo’r hysbyseb ar gyfer swydd wag Aelod Annibynnol ar y Pwyllgor Safonau, yn amodol ar y newidiadau a nodir uchod;

·       Rhoi’r hysbyseb ar wefan y Cyngor, y dudalen Facebook a Twitter,  ynghyd ag hysbyseb fer yn unig (yn y lle cyntaf) yn y ddau bapur newydd lleol;

·       Cymeradwyo’r cais a’r cyngor yn Atodiad 2;

·       Cynnal y cyfarfod nesaf i dynnu rhestr fer o ymgeiswyr ar gyfer eu cyfweld ar 17 Tachwedd, 2017 am 1.00 p.m., yn Ystafell Bwyllgor 1.