Rhaglen a chofnodion

Etholwyd Dr Haydn Edwards yn Gadeirydd y cyfarfod hwn yn unig.

Derbyn datganiad o ddiddordeb gan unrhyw Aelod neu Swyddog mewn perthynas ag unrhyw eitem ar y rhaglen.

Roedd y Cynghorydd G O Jones wedi datgan diddordeb a oedd yn rhagfarnu mewn perthynas ag Eitem 5 ac nid oedd yn bresennol yn y cyfarfod.  Fe ddatganodd Dr H Edwards hefyd ddiddordeb personol yn Eitem 5.

Cyflwyno i’w cadarnhau, gofnodion drafft y cyfarfod o’r Panel a gynhaliwyd ar 20 Medi, 2017.

Cadarnhawyd cofnodion y cyfarfod a gynhaliwyd ar 20 Medi, 2017.

Ystyried mabwysiadu’r isod :-

“Dan Adran 100(A)(4) Deddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem ganlynol oherwydd y posibilrwydd y caiff gwybodaeth eithriedig ei ddatgelu fel y’i diffinnir yn Atodlen 12A y Ddeddf ac yn y Prawf Budd y Cyhoedd sydd ynghlwm.”

PENDERFYNWYD mabwysiadu’r isod :-

“Dan Adran 100(A)(4) Deddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem isod oherwydd y posibilrwydd y gallai gwybodaeth eithriedig gael ei datgelu fel y’i diffinnir yn Atodlen 12A y Ddeddf ac yn y Prawf Budd y Cyhoedd sydd ynghlwm.”

Cyflwyno adroddiad gan y Pennaeth Swyddogaeth (Busnes y Cyngor)/Swyddog Monitro.

Eglurodd y Pennaeth Swyddogaeth (Busnes y Cyngor)/Swyddog Monitro’r broses ddethol statudol ar gyer penodi i’r sedd wag ar y Pwyllgor Safonau.

Trafododd y Panel y ceisiadau a dderbyniwyd yn fanwl a hynny’n unol â’r broses ar gyfer tynnu rhestr fer a’r meini prawf a oedd wedi ei hamlinellu yn yr adroddiad i’r Panel.

PENDERFYNWYD bod yr ymgeiswyr a roddwyd ar y rhestr fer yn cale eu cyfweld ar 27 Tachwedd, 2017 am 3.00 p.m.