Rhaglen a chofnodion

Derbyn datganiad o ddiddordeb gan unrhyw Aelod neu Swyddog mewn perthynas ag unrhyw eitem o fusnes.

Ni chafwyd unrhyw ddatganiad o ddiddordeb.

Cyflwyno i’w cadarnhau, cofnodion drafft y cyfarfod o’r Panel a gynhaliwyd ar 11 Ebrill 2019.

Cadarnhawyd cofnodion cyfarfod blaenorol y Panel Dethol a gynhaliwyd ar 11 Ebrill 2019 fel rhai cywir.  

Ystyried mabwysiadu’r isod:-

“Dan Adran 100(A)(4) Deddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem ganlynol oherwydd y posibilrwydd y caiff gwybodaeth eithriedig ei ddatgelu fel y’i diffinnir yn Atodlen 12A y Ddeddf, ac yn y Prawf Budd y Cyhoedd sydd ynghlwm.”

PENDERFYNWYD mabwysiadu’r isod:-

“Dan Adran 100(A)(4) Deddf Llywodraeth Leol 1972, cau’r wasg a’r cyhoedd allan o’r cyfarfod yn ystod y drafodaeth ar yr eitem isod oherwydd y tebygrwydd y câi gwybodaeth ei rhyddhau a honno’n wybodaeth y gwneir eithriad ohoni yn Atodlen 12A y Ddeddf ac yn y Prawf Budd y Cyhoedd.”

Cyflwyno adroddiad gan y Pennaeth Swyddogaeth (Busnes y Cyngor)/Swyddog Monitro.

Cyflwynwyd – adroddiad gan y Pennaeth Swyddogaeth (Busnes y Cyngor)/Swyddog Monitro ar y broses ddethol statudol ar gyfer penodi pedwar Aelod Annibynnol newydd i wasanaethu ar y Pwyllgor Safonau. 

Trafododd y Panel y ceisiadau a dderbyniwyd yn unol â’r broses tynnu rhestr fer ac yn erbyn y meini prawf penodol a amlinellwyd yn yr adroddiad.

PENDERFYNWYD:-

•  Rhoes y Panel Dethol sylw i bob cais a llunio rhestr fer o ymgeiswyr ar gyfer eu cyfweld.

•  Trafododd y Panel y cwestiynau y byddant yn eu gofyn yn y cyfweliad a’u cadarnhau a derbyn hefyd y matrics sgorio a gyflwynwyd.

•  Cytunodd y Panel wahodd yr ymgeiswyr ar y rhestr fer am gyfweliad ar ddyddiad ac amser i’w gadarnhau.