Rhaglen a Phenderfyniadau

Derbyn unrhyw ddatganiad o ddiddordeb gan unrhyw Aelod neu Swyddog parthed unrhyw eitem o fusnes.

Cyflwyno, i’w cadarnhau, gofnodion y cyfarfod blaenorol a gynhaliwyd ar 14 Gorffennaf, 2026.

Cadarnhawyd bod cofnodion y cyfarfod blaenorol a gynhaliwyd ar 14 Gorffennaf 2026 yn gywir.

Cyflwyno adroddiad gan y Pennaeth Rheoleiddio a Datblygu Economaidd.

PENDERFYNWYD:-

·         Nad yw’r Cyngor yn mabwysiadu’r Ardoll Ymwelwyr o ystyried yr ansicrwydd sy’n wynebu’r sector twristiaeth ar hyn o bryd a chanlyniad yr ymgynghoriad cyhoeddus a’r asesiadau effaith.

·         Bydd y Cyngor yn monitro, adolygu ac yn ystyried tystiolaeth effaith yr Ardoll Ymwelwyr mewn awdurdodau lleol eraill yng Nghymru a ddewisodd mabwysiadu’r Ardoll, ac unrhyw newidiadau i’r ddeddfwriaeth berthnasol.   

·         Bydd y Prif Weithredwr, ar y cyd â’r Arweinydd, yn ysgrifennu llythyr ar Lywodraeth Cymru yn gofyn am adolygiad o’r drefn ddeddfwriaethau bresennol i fynd i’r afael â’r materion a godwyd yn ystod y broses ymgynghori ddiweddar. Dylid rhannu llythyr o’r fath at Lywodraeth Cymru gyda’r holl aelodau etholedig.

Cyflwyno adroddiad gan y Pennaeth Priffyrdd, Gwastraff ac Eiddo.

PENDERFYNWYD :-

·         Parhau i gasglu gwastraff gweddilliol unwaith pob 3 wythnos ond drwy gasglu biniau du 180 litr newydd, yn hytrach na’r biniau 240litr presennol, o 2029.   

·         Creu mwy o ofod ar gyfer ailgylchu erbyn 2029 drwy:

·       gasglu cardfwrdd a phapur gyda’u gilydd yn y bocs top y trolibocs. 

·       gynnig opsiynau storio ychwanegol ar gyfer ailgylchu cardfwrdd ac/ neu plastig caled a chaniau ychwanegol.

·         Cyflwyno ymgyrch codi ymwybyddiaeth a dealltwriaeth ar gyfer ailgylchu ac ailddefnyddio.

·         Cynnal ymchwil i ymestyn y deunydd sy’n cael ei gasglu i’w ailgylchu i gynnwys plastig meddal a deunyddiau eraill.

·         Symud ymlaen i ddatblygu a cyflwyno achos busnes amlinellol am gyllid i Llywodraeth Cymru.

Cyflwyno adroddiad gan y Pennaeth Priffyrdd, Gwastraff ac Eiddo.

 PENDERFYNWYD:-

·         Nodi bod Trafnidiaeth Cymru yn cynnal ymgynghoriad ar rhwydwaith bysiau arfaethedig ar gyfer Ynys Môn fel rhan o’u gwaith paratoi ar gyfer masnachfreinio.

·         Bod y Cyngor yn ymateb i’r ymgynghoriad erbyn y dyddiad cau, sef 9 Hydref, 2026, drwy gefnogi’r rhwydwaith bysiau arfaethedig y mae Trafnidiaeth Cymru wedi ddatblygu ond bod ystyriaeth bellach yn cael ei rhoi i’r llwybrau bysus yn y dyfodol.