Penderfyniadau

Cyflwynwyd cofnodion cyfarfod blaenorol y Pwyllgor Cynllunio a Gorchmynion a gynhaliwyd ar 4 Chwefror 2026 a chadarnhawyd eu bod yn gywir.

Bu i’r Cynghorydd Neville Evans ddatgan diddordeb personol sy’n rhagfarnu mewn perthynas â chais 6.1 gan ei fod yn Aelod o’r Pwyllgor Gwaith a chan fod y Pwyllgor Gwaith wedi trafod y datblygiad.

Bu i’r Cynghorydd Dafydd Roberts ddatgan diddordeb personol sy’n rhagfarnu mewn perthynas â chais 6.1 gan ei fod yn Aelod o’r Pwyllgor Gwaith a chan fod y Pwyllgor Gwaith wedi trafod y datblygiad.

Ni ystyriwyd unrhyw geisiadau o’r fath yn ystod y cyfarfod hwn o’r Pwyllgor Cynllunio a Gorchmynion.

Ni ystyriwyd unrhyw geisiadau o’r fath yn ystod y cyfarfod hwn o’r Pwyllgor Cynllunio a Gorchmynion.

 11.1 FPL/2025/312 - Cais llawn ar gyfer codi gorchudd to dros yr iard fferm bresennol ar gyfer man bwydo a man ymgynnull yn Amlwch

PENDERFYNWYD cymeradwyo’r cais yn unol ag argymhelliad y Swyddog, yn amodol ar yr amodau cynllunio yn yr adroddiad.

10.1 VAR/2025/43 - Cais o dan Adran 73 i ddiwygio amod (12) (Cynlluniau a Gymeradwywyd) o ganiatâd cynllunio V2191b (cais manwl ar gyfer codi 5 byngalo) er mwyn diwygio'r dyluniad ar dir ger High Tide, Ravenspoint Road, Bae Trearddur

PENDERFYNWYD cymeradwyo’r cais yn unol ag argymhelliad y Swyddog, yn amodol ar yr amodau cynllunio yn yr adroddiad.

10.2 VAR/2025/61 - Cais o dan Adran 73 i ddiwygio amod (13) (Cynlluniau a Gymeradwywyd) o ganiatâd cynllunio 47C152 (newid defnydd yr adeilad allanol i annedd ynghyd â chreu mynedfa newydd i gerbydau) er mwyn diwygio'r dyluniad ar dir gyferbyn â Mount Alaw, Llanddeusant

PENDERFYNWYD cymeradwyo’r cais yn unol ag argymhelliad y Swyddog, yn amodol ar yr amodau cynllunio yn yr adroddiad.

Ni ystyriwyd unrhyw geisiadau o’r fath yn ystod y cyfarfod hwn o’r Pwyllgor Cynllunio a Gorchmynion.

Ni ystyriwyd unrhyw geisiadau o’r fath yn ystod y cyfarfod hwn o’r Pwyllgor Cynllunio a Gorchmynion.

 7.1 FPL/2025/275 - Cais ôl-weithredol ar gyfer cadw lloches cae yn Aberhoccwm, Hermon

PENDERFYNWYD gwrthod y cais yn unol ag argymhelliad y Swyddog.

 6.1   FPL/2024/228 - Cais llawn ar gyfer adeiladu cyfleuster gofal ychwanegol a chartref gofal preswyl, ynghyd â chyfleusterau cymunedol, adeiladu mynedfa newydd i gerbydau, gwaith gwella priffyrdd, dymchwel yr adeilad presennol ar y safle ynghyd â gwaith datblygu cysylltiedig ar dir ger Glasynys, Tyddyn Mostyn, Porthaethwy

PENDERFYNWYD ymweld â’r safle yn unol ag argymhelliad y Swyddog ac ar gais Aelodau Lleol.

Roedd Siaradwyr Cyhoeddus mewn perthynas â cheisiadau 7.1, 10.1 a 10.2.

Cadarnhawyd bod cofnodion yr Ymweliad Safle a gynhaliwyd ar 18 Chwefror 2026 yn gywir, ond bod angen cynnwys enw’r Cynghorydd Euryn Morris at y rhestr o ymddiheuriadau. 

Penderfynwyd -

·      Caniatáu i ryddhau hyd at £100k o falansau cyffredinol y Cyngor er mwyn -

·         Cadw’r gefnogaeth a ddarperir gan staff asiantaeth er mwyn datblygu arbenigedd dau gyfreithiwr sydd bellach wedi’u penodi.

·         Ariannu costau parhaus, ond dros dro, cefnogaeth gan staff asiantaeth ar gyfer cleientiaid, er mwyn sicrhau trosglwyddiad esmwyth a diogel yn ôl i ddarpariaeth gyfreithiol fewnol yn y meysydd gwaith arferol hynny

·         Cadw’r Swyddog Diogelu Data Dros Dro presennol i sicrhau bod y Rhaglen Adfer a Gwella Llywodraethu Gwybodaeth yn cael ei chyflawni, yn ogystal ag adolygu a diweddaru’r system CRM, a datblygu paragyfreithiwr newydd.

·      Dirprwyo unrhyw geisiadau pellach o’r fath i’r Arweinydd a’r Aelod Portffolio Cyllid, Busnes Corfforaethol a Phrofiad y Cwsmer, mewn trafodaeth â’r Cyfarwyddwr Swyddogaeth (Adnoddau) / Swyddog Adran 151.

Penderfynwyd gwneud yr argymhellion canlynol i’r Cyngor Llawn -

·      Cymeradwyo’r newid i Bolisi Gostyngiadau Dewisol at y Dreth Gyngor, er mwyn cyflwyno gostyngiad o 100% ar gyfer aelwydydd lle mae unigolyn sydd â salwch terfynol yn byw, yn unol ag Adran 13A Deddf Cyllid Llywodraeth Leol 1992.

·      Gweithredu’r polisi o 1 Ebrill 2026, gan sicrhau bod proses ymgeisio a dogfennau ategol (gan gynnwys ardystiad SR1) ar waith.

·      Dirprwyo awdurdod i’r Rheolwr Gwasanaeth Refeniw a Budd-daliadau weinyddu’r cynllun a gwneud unrhyw fân addasiadau gweithredol fydd angen eu gwneud.

·      Monitro ac adolygu effaith y polisi ar ôl 12 mis a chyflwyno’r canfyddiadau i’r Pwyllgor Gwaith.

Penderfynwyd mabwysiadu’r Cynllun Strategol Rheoli Mân-ddaliadau 2026-2031.

Penderfynwyd -

·      Nodi’r sefyllfa a nodir yn Atodiadau A, B ac C yr adroddiad mewn perthynas â pherfformiad ariannol yr Awdurdod hyd yma a’r alldro a ragwelir ar gyfer 2025/26.

·      Nodi’r crynodeb o gyllidebau wrth gefn ar gyfer 2025/26, y manylir arnynt yn Atodiad CH.

·      Nodi’r modd y caiff costau asiantaeth ac ymgynghorwyr eu monitro ar gyfer 2025/26 yn Atodiadau D a DD.

Penderfynwyd argymell i’r Cyngor Llawn ei fod yn cymeradwyo’r newid arfaethedig i’r Cyfansoddiad er mwyn rhoi’r hawl i Bwyllgor Llywodraethu ac Archwilio’r Cyngor, yn hytrach na’r Cyngor, gymeradwyo Datganiad Llywodraethu Blynyddol y Cyngor yn derfynol.

Penderfynwyd cefnogi cyflwyno’r datganiad Polisi Trwyddedu 2026 - 2931 drafft i’r Cyngor Llawn er mwyn ei fabwysiadu.

Penderfynwyd cadarnhau Blaen Raglen Waith y Pwyllgor Gwaith wedi’i diweddaru ar gyfer y cyfnod rhwng Mawrth a Hydref 2026, gyda’r newidiadau y cyfeiriwyd atynt yn y cyfarfod.

Penderfynwyd -

·      Argymell bod y Cyngor Llawn yn derbyn y gyllideb refeniw ddrafft arfaethedig, a chynnydd o 5.1% yn y Dreth Gyngor ar gyfer eiddo Band D, gan olygu fod y gost yn 2026/27 yn £1,792.98, gan nodi y cyflwynir cynnig ffurfiol, fydd yn cynnwys praeseptau Heddlu Gogledd Cymru a Chynghorau Tref / Cymuned, i’r Cyngor ar 5 Mawrth 2026.

·      Nodi argymhelliad y Swyddog Adran 151 y dylai’r Cyngor gadw o leiaf £10.4m o falansau cyffredinol.

·      Nodi sylwadau’r Swyddog Adran 151 ynglŷn â chadernid yr amcangyfrifon, fel y nodir yn Adran 5 o Atodiad 1 yr adroddiad.

·      Awdurdodi’r Swyddog Adran 151 i wneud unrhyw newidiadau angenrheidiol cyn cyflwyno’r cynigion terfynol i’r Cyngor.

·      Cytuno y gellir defnyddio cyllid o’r gyllideb wrth gefn gyffredinol i gwrdd ag unrhyw bwysau annisgwyl ar gyllidebau seiliedig ar alw yn ystod y flwyddyn ariannol.

·      Gofyn i’r Cyngor awdurdodi’r Pwyllgor Gwaith i ryddhau hyd at £250k o’r balansau cyffredinol os bydd y gyllideb wrth gefn gyffredinol yn cael ei hymrwymo’n llawn yn ystod y flwyddyn.

·      Dirprwyo i’r Swyddog Adran 151 yr hawl i ryddhau cyllid o hyd at £50k o’r gyllideb wrth gefn gyffredinol ar gyfer unrhyw eitem unigol. Ni ddylid caniatáu unrhyw eitem gwerth dros £50k oni bai bod y Pwyllgor Gwaith wedi rhoi ei ganiatâd ymlaen llaw.

·      Cadarnhau bod lefel Premiwm y Dreth Gyngor ar gyfer ail gartrefi a thai gwag yn aros ar 100%.

Penderfynwyd cefnogi’r canlynol –

·      Ymgymryd â phroses ymgynghori gyhoeddus mewn perthynas â’r  posibilrwydd o gyflwyno ardoll ymwelwyr ar Ynys Môn (yn unol â chanllawiau’r Cyngor a Llywodraeth Cymru).

·      Bod y broses ymgynghori yn cael ei chynllunio ar y cyd â Chynghorau Gwynedd a Chonwy, ond yn cael ei gweithredu’n annibynnol.

Penderfynwyd cadarnhau cofnodion cyfarfod blaenorol y Pwyllgor Gwaith a gynhaliwyd ar 27 Ionawr, 2026 fel rhai cywir.

Penderfynwyd nodi’r Datganiad Strategaeth Rheoli Trysorlys 2026/2027 ac i drosglwyddo’r datganiad i’r Cyngor Llawn heb unrhyw sylw pellach.

Penderfynwyd nodi’r canlynol -

·      Y sefyllfa a nodir mewn perthynas â pherfformiad ariannol y Cyfrif Refeniw Tai (CRT) ar gyfer Chwarter 3 2025/26.

·      Yr alldro a ragwelir ar gyfer 2025/26.

Penderfynwyd -

·      Nodi cynnydd y gwariant a’r derbyniadau yn erbyn cyllideb gyfalaf 2025/26 yn ystod Chwarter 3.

·      Cymeradwyo’r cynlluniau ychwanegol gwerth £7.276m i’r rhaglen gyfalaf a newidiadau mewn cyllid, yn unol ag Atodiad C, fydd yn rhoi cyllideb gyfalaf ddiwygiedig o £66.945m ar gyfer 2025/26.

Penderfynwyd gwrthod y cais a gyflwynwyd mewn cynllun busnes gan Gyngor Tref Biwmares i drosglwyddo Maes Parcio’r Castell, Biwmares i’r Cyngor Tref, a chynnig prydles newydd iddynt hyd at 31 Mawrth 2026 yn seiliedig ar yr un amodau â’r brydles wreiddiol.

Penderfynwyd argymell y rhaglen gyfalaf ganlynol i’r Cyngor llawn ar gyfer 2026/27:-

                                                                                     £’000  

Cynlluniau a Ddygwyd Ymlaen o 2025/26

(Cronfa Gyffredinol)                                                         8,394   

Adnewyddu Asedau / Prynu Asedau Newydd              6,937

Seilwaith Gwastraff                                                     3,806                                        

Pier a Phontynau Porthaethwy                                         225                                       

Gwaith Adnewyddu Plas Arthur Cam 2                         1,650               

Balchder Bro                                                                  1,500

Cyfrif Refeniw Tai                                                         31,572

Cyfanswm Rhaglen Gyfalaf a argymhellir 2026/27     54,084   

Ariennir Gan:

Grant Cyfalaf Cyffredinol                                              2,761

Benthyca â Chymorth Cyffredinol                               5,047

Cymunedau Dysgu

Benthyca heb Gymorth                                                  0,000

Cronfa Wrth Gefn Derbyniadau Cyfalaf                          271

Cronfeydd Wrth Gefn Clustnodedig                             3,452   

Grantiau Llywodraeth y DU a Llywodraeth Cymru     10,044

Benthyca Digymorth

(Cronfa Gyffredinol)                                                         937

Gwarged Cyfrif Refeniw’r CRT                                                   5,418

Grantiau Allanol y CRT                                               17,291   

Benthyca heb Gymorth y CRT                                     8,863

Cyfanswm Cyllid Cyfalaf 2026/27                                54,084

Penderfynwyd cymeradwyo’r rhestr Ffioedd a Thaliadau ar gyfer 2026/27, fel a amlinellir yn y llyfryn a gyflwynwyd.

Penderfynwyd -

·      Cymeradwyo’r argymhelliad i gynyddu lefel y ffioedd fel a ganlyn:-

·         Gofal Preswyl (Pobl Hŷn) - £874.18 yr wythnos

·         Preswyl (Dementia) - £976.89 yr wythnos

·         Gofal Nyrsio (Elfen Gofal Cymdeithasol) - £952.07 yr wythnos (heb gynnwys gofal nyrsio di-dâl gan yr awdurdod lleol a’r bwrdd iechyd)

·         Nyrsio (Dementia) (Elfen Gofal Cymdeithasol) - £1,125.03 yr wythnos (heb gynnwys gofal nyrsio di-dâl gan yr awdurdod lleol a’r bwrdd iechyd).

·      Awdurdodi’r Gwasanaethau Cymdeithasol a’r Gwasanaeth Cyllid i ymateb i unrhyw geisiadau gan gartrefi unigol i ymchwilio i’w cyfrifon penodol a defnyddio’r ymarfer fel sail i ystyried unrhyw eithriadau i’r ffioedd a gytunwyd. Bydd rhaid i’r Aelod Portffolio Gwasanaethau Oedolion, y Cyfarwyddwr Swyddogaeth (Adnoddau) / Swyddog Adran 151 a’r Pennaeth Gofal Cymdeithasol Oedolion gytuno ar unrhyw eithriadau o fewn y cyllidebau presennol.