Cyngor Sir Ynys Môn dogfennau , 1 Mai 2007

Agorwyd y cyfarfod gyda gweddi gan y Cynghorydd P M Fowlie.

1

CADEIRYDD

PENDERFYNWYD bod y Cynghorydd W J Williams, MBE yn cael ei ethol yn Gadeirydd Cyngor Sir Ynys Môn am 2007/08.

Wrth dderbyn yr anrhydedd o gael ei apwyntio fe addawodd i’r Cyngor y byddai’n ymgymryd â’i ddyletswyddau ac yn eu gwneud hyd orau ei allu.  Cymerodd y cyfle hefyd o dalu teyrnged i’r Cadeirydd oedd yn ymddeol, y Cynghorydd John Rowlands, am ei ymrwymiad yn cynrychioli’r Cyngor Sir trwy gydol tymor ei swydd.

Diolchodd y Cynghorydd John Rowlands, y Cadeirydd oedd yn ymddeol, i’r holl aelodau ac i swyddogion y Cyngor am eu cefnogaeth a’u cydweithrediad yn ystod tymor ei swydd.  Rhoddodd hefyd grynodeb o’i ddyletswyddau fel Cadeirydd yn cynrychioli’r Cyngor Sir mewn amrywiol weithgareddau trwy gydol y flwyddyn.  Mynegodd ei ddymuniadau gorau i’r Cynghorydd W J Williams ac i’w wraig Myfanwy gan obeithio y byddant hwythau hefyd yn mwynhau cyfnod hapus a llwyddiannus yn y swydd.

2

IS-GADEIRYDD

Cynigiwyd ac eiliwyd fod y Cynghorydd John Roberts yn cael ei ethol yn Is-Gadeirydd y Cyngor am 2007/08.  Ni dderbyniwyd unrhyw enwebiadau eraill.

Yn dilyn hyn, cafwyd cyngor gan y Cyfarwyddwr Gwasanaethau Cyfreithiol / Swyddog Monitro fod Adran 11 (7) o Ddeddf Llywodraeth Leol 2000 yn dweud “Ni chaiff Cadeirydd nac Is-Gadeirydd yr Awdurdod weithredu ar Bwyllgor Gwaith Awdurdod Lleol.”

Yng ngoleuni’r uchod, rhoddodd y Cadeirydd ganiatâd i’r Pwyllgor gael egwyl o 5 munud er mwyn trafod y mater.

Ailalwyd y cyfarfod, ac fe ddywedodd y Cynghorydd John Roberts y byddai’n sefyll i lawr o fod yn aelod o’r Pwyllgor Gwaith er mwyn iddo fedru derbyn swydd yr Is-Gadeirydd.

PENDERFYNWYD ethol y Cynghorydd John Roberts yn Is-Gadeirydd Cyngor Sir Ynys Môn am 2007/08.

Diolchodd y Cynghorydd Roberts i’r aelodau am eu hyder ynddo a diolchodd i’r aelodau am eu geiriau caredig.  Mynegodd ei fwriad i gydweithredu a chefnogi’r Cadeirydd newydd.

3

CYHOEDDIADAU

Dim

4

4

4

4

DADATGANIADAU O DDIDDORDEB

Ni dderbyniwyd unrhyw ddatganiadau o ddiddordeb gan aelod na swyddog.

5

5

DIRPRWYO GAN YR ARWEINYDD / AELODAETH Y PWYLLGOR GWAITH

Yn unol â Rheol 4.4.1.2 Rheolau Gweithdrefnau’r Pwyllgor Gwaith, enwodd Arweinydd y Cyngor y canlynol fel yr aelodau oedd wedi’u dewis i weithredu ar y Pwyllgor Gwaith, ynghyd â’u dyletswyddau portffolio:

Dywedodd yr Arweinydd ei fod hefyd wedi ailapwyntio’r Cynghorydd W J Williams, MBE i weithredu fel Ymgynghorydd y Cyngor ar faterion Ewropeaidd a Thrafnidiaeth.  Cymerodd y cyfle i ddiolch i’r Cynghorydd Williams am ei waith gwerthfawr yn y maes hwn.

6

CYDBWYSEDD GWLEIDYDDOL

Caniataodd y Cadeirydd drafodaeth ar y mater hwn o weld yr angen i benderfynu ar y trefniadau yn ymwneud â chydbwysedd gwleidyddol o fewn y Cyngor yn dilyn newidiadau diweddar yn aelodaeth dau o’r grwpiau gwleidyddol.

Dosbarthwyd tabl i’r aelodau yn dangos cydbwysedd gwleidyddol o fewn Pwyllgorau’r Cyngor yn unol â gofynion Deddf Llywodraeth Leol a Thai 1989.

Roedd y tabl yn dangos 5 Grwp Gwleidyddol 15,9,6,4 a 3 o Aelodau yn olynol gyda 3 o Aelodau Digyswllt ar wahân.  Cyfanswm y seddau oedd i’w dyrannu yn awr oedd 99.

Roedd y ffigyrau wedi’u paratoi er mwyn sicrhau fod y cydbwysedd gwleidyddol yn cael ei gadw ar bob Pwyllgor yn ogystal ag yn ei gyfanswm yn seiliedig ar y ddarpariaeth ddeddfwriaethol.  Roedd dyraniad theoretig o 99 sedd yn dangos dyraniad o 37.125 sedd i Môn Ymlaen, 14.85 sedd i Plaid Cymru, 22.275 sedd i’r Annibynwyr Gwreiddiol, 7.425 sedd i Cadwyn, 9.9 sedd i’r Annibynwyr Radicalaidd a 7.425 sedd i’r Aelodau Digyswllt.  Er mwyn sicrhau cydbwysedd “ yn ôl pwyllgor” ac i gyrraedd rhifau cyfan fel rhywbeth ymarferol fe gafodd y ffigyrau hyn eu talgrynu i 37, 15, 22, 8, 10 a 7.

Ni all yr un grwp gwleidyddol ar y Cyngor ond dyrannu’r seddau yr oedd wedi’i dderbyn o dan y trefniadau cydbwysedd gwleidyddol i’w aelodau ei hun ac ni all ddyrannu i Gynghorydd nad yw’n aelod o’r un grwp gwleidyddol hwnnw.

PENDERFYNWYD

Ÿ

Nodi’r trefniadau cydbwysedd gwleidyddol newydd a niferoedd y seddau oedd wedi’u dyrannu i bob un o’r Grwpiau a’r Aelodau Digyswllt o dan Ddeddf Llywodraeth Leol a Thai, 1989.

Ÿ

Cytuno ar y nifer cyfan o seddau oedd i’w dyrannu i’r Aelodau Digyswllt.

Ÿ

Gofyn i Arweinyddion y Grwpiau ddarparu rhestr o enwau cynrychiolwyr eu Grwp ar bob Pwyllgor i Reolwr y Gwasanaethau Pwyllgor mor fuan ag oedd yn bosibl a gorau oll petai modd gwneud hynny’n syth wedi’r cyfarfod hwn o’r Cyngor Sir.

7

CADARNHAU’R PWYLLGORAU

Cadarnhaodd y Cadeirydd dderbyn eto strwythur presennol y Pwyllgorau fel y cyfeirir ato o dan Adran 3.4 o Gyfansoddiad y Cyngor.

8

CADARNHAU’R CYNLLUN O DDIRPRWYO

Cadarnhaodd y Cadeirydd y rhan o’r Cynllun Dirprwyo fel y’i ceir ym Mharagraff 3.2 o Gyfansoddiad y Cyngor.

9

RHAGLEN CYFARFODYDD CYFFREDIN Y CYNGOR

PENDERFYNWYD cymeradwyo’r rhaglen ganlynol o gyfarfodydd cyffredin y Cyngor am y flwyddyn i ddod:-

18 Medi, 2007                     2:00 p.m.

13 Rhagfyr, 2007                    2:00 p.m.

4 Mawrth, 2008                    2:00 p.m.

8 Mai, 2008 (Cyfarfod Blynyddol)           2:00 p.m.