Cyngor Sir Ynys Môn dogfennau , 6 Mai 2003

1

DATGANIADAU O DDIDDORDEB

Derbyniwyd datganiadau o ddiddordeb gan yr Aelodau canlynol:-

Gwnaeth y Cynghorydd R.Ll. Hughes ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei fab yn yr Adran Briffyrdd, Trafnidiaeth ac Eiddo.

Gwnaeth y Cynghorydd Keith Thomas ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei frawd yn yr Adran Tai a Gwasanaethau Cymdeithasol.  Yn ogystal, gwnaeth ddatganiad o ddiddordeb yng nghyswllt eitem 5 ar gofnodion y Pwyllgor Gwaith dyddiedig 14 Ebrill 2003 (Tudalen 123 Cyfrol y Cyngor) a doedd o ddim yn bresennol yn y cyfarfod yn ystod unrhyw drafodaeth neu bleidlais ar yr eitem.

Gwnaeth y Cynghorydd G.W. Roberts OBE ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei ferch yn yr Adran Cynllunio a Gwasanaethau Amgylcheddol.  Hefyd, gwnaeth ddatganiad o ddiddordeb yng nghyswllt eitem 9 ar y Rhaglen (Cymorth Dewisol gyda'r Dreth) a doedd o ddim yn bresennol yn y cyfarfod yn ystod unrhyw drafodaeth neu bleidlais ar yr eitem honno.

Gwnaeth y Cynghorydd T. Lloyd Hughes ddatganiad o ddiddordeb mewn perthynas ag eitem 5 cofnodion y Pwyllgor Gwaith a gynhaliwyd ar 14 Ebrill 2003 (Tudalen 123 Cyfrol y Cyngor), arhosodd yn y cyfarfod ond ni chymerodd unrhyw ran yn y drafodaeth neu unrhyw bleidlais arni.

Gwnaeth y Cynghorydd G.O. Parry MBE ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei ferch yn yr Adran Gyllid.  

Gwnaeth y Cynghorydd W.J. Chorlton ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei ferch yn yr Adran Cynllunio a Gwasanaethau Amgylcheddol. Yn ogystal, datganodd ddiddordeb yn eitem 5 yng nghofnodion y Pwyllgor Gwaith a gynhaliwyd ar 14 Ebrill 2003 (Tudalen 123 Cyfrol y Cyngor) a doedd o ddim yn bresennol yn y cyfarfod yn ystod unrhyw drafodaeth na phleidlais ar yr eitem honno).

Gwnaeth y Cynghorydd Rhian Medi ddatganiad o ddiddordeb yng nghyswllt eitem 9 y Rhaglen (Cymorth Dewisol gyda'r Dreth) a doedd hi ddim yn bresennol yn y cyfarfod yn ystod unrhyw drafodaeth neu bleidlais ar yr eitem.  

Gwnaeth y Cynghorydd E. Schofield ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei ferch yn Oriel Môn a chyflogaeth ei wyr yn yr Adran Briffyrdd, Trafnidiaeth ac Eiddo.  Hefyd, gwnaeth ddatganiad o ddiddordeb yn Eitem 9 ar y Rhaglen (Cymorth Dewisol gyda'r Dreth) a doedd o ddim yn bresennol yn y cyfarfod yn ystod unrhyw drafodaeth neu bleidlais ar yr eitem honno.

Gwnaeth y Cynghorydd J. Byast ddatganiad o ddiddordeb yng nghyswllt eitem 9 cofnodion y Pwyllgor Gwaith a gynhaliwyd ar 3 Mawrth 2003 (Tudalen 109 Cyfrol y Cyngor) ac nid oedd yn rhan o'r drafodaeth nac unrhyw bleidlais ar y mater.

Gwnaeth y Cynghorydd C.Ll. Everett ddatganiad o ddiddordeb mewn perthynas ag eitem 5 cofnodion y cyfarfod o'r Pwyllgor Gwaith a gynhaliwyd ar 14 Ebrill 2003 (Tudalen 123 Cyfrol y Cyngor) . Arhosodd yn y cyfarfod a siaradodd ar yr eitem ond ni phleidleisiodd arni.

Gwnaeth y Cynghorydd J.A. Roberts ddatganiad o ddiddordeb yng nghyswllt eitem 5 cofnodion y cyfarfod o'r Pwyllgor Gwaith a gynhaliwyd ar 14 Ebrill 2003 (Tudalen 123 Cyfrol y Cyngor) a doedd o ddim yn bresennol yn y cyfarfod yn ystod unrhyw drafodaeth neu bleidlais ar yr eitem.

Gwnaeth y Cynghorydd H.W. Thomas ddatganiad o ddiddordeb mewn perthynas ag eitem 9 y Rhaglen (Cymorth Dewisol gyda'r Dreth) a doedd o ddim yn bresennol yn y cyfarfod yn ystod unrhyw drafodaeth neu bleidlais ar yr eitem.

2

CYHOEDDIADAU'R CADEIRYDD

Ar ran y Cyngor, dymunodd y Cadeirydd yn dda am adferiad llawn a buan i'r Cynghorydd R.J. Jones yn dilyn cyfnod yn yr ysbyty yn ddiweddar a hefyd tad y Cynghorydd P.M. Fowlie a oedd yn yr ysbyty ar hyn o bryd.

Ar ran yr Aelodau a'r Swyddogion a oedd yn bresennol, mynegodd y Cadeirydd hefyd ei gydymdeimlad dwysaf gydag unrhyw aelod o staff a oedd wedi dioddef profedigaeth ers y cyfarfod diwethaf o'r Cyngor hwn.

3

CWESTIYNAU A DDERBYNIWYD DAN REOL 12.4

Ni dderbyniwyd yr un cwestiwn dan Reol 12.4 Rheolau Gweithdrefn y Cyngor.

4

COFNODION

Cadarnhawyd, fel rhai cywir, gofnodion cyfarfodydd y Cyngor Sir a gynhaliwyd ar 4 a 20 Mawrth 2003 a 4 Ebrill 2003.

MATERION YN CODI :-

4.1

4 Mawrth 2003                                        Tudalen 1 - 24

Yn codi:-

Eitem 1 Datganiad o Ddiddordeb - Roedd y Cynghorydd H.E. Jones yn dymuno nodi ei fod wedi gadael y Siambr pan oedd y mater yn cael ei drafod.

4.2

20 Mawrth 2003                                    Tudalen 25 - 29

Yn codi:-

Eitem 1 Datganiad o Ddiddordeb

PENDERFYNWYD nodi yn fersiwn Gymraeg y cofnodion y dylai'r Cynghorydd J.A. Edwards ddarllen y Cynghorydd J. Arwel Roberts fel un a wnaeth ddatganiad o ddiddordeb fel Cadeirydd Partneriaeth Morawelon.

4.3

4 Ebrill 2003                                        Tudalen 30 - 31

5

Cyflwynwyd er gwybodaeth, ac i fabwysiadu'r argymhellion yn ôl yr angen, gofnodion y cyfarfodydd isod a gynhaliwyd ar y dyddiadau a nodir :-

5.1

CYSAG a gynhaliwyd ar 24 Chwefror 2003                     Tudalen 32 - 39

5.2

PWYLLGOR CYNLLUNIO A GORCHMYNION a gynhaliwyd ar 5 Mawrth 2003 Tudalen 40-49

5.3

PWYLLGOR CYSWLLT ALIWMINIWM MÔN a gynhaliwyd ar 7 Mawrth 2003 Tudalen 50 - 53

5.4

PWYLLGOR PENODI a gynhaliwyd ar 13 Mawrth 2003               Tudalen 54

Yn codi:-

Gofynnodd y Cynghorydd G.W. Roberts OBE a oedd hi'n briodol ai peidio i'r Cynghorydd E. Schofield fel yr Aelod Portffolio dros Adnoddau Dynol, Eiddo ac Arforol fynd i gyfarfodydd o'r Pwyllgor Penodiadau ?

Dywedodd Cyfarwyddwraig y Gwasanaethau Cyfreithiol / Swyddog Monitro bod hyn mewn trefn oherwydd bod y Pwyllgor Penodiadau yn bwyllgor o'r Cyngor ac nid pwyllgor o'r Pwyllgor Gwaith.

5.5

PWYLLGOR SGRIWTINI CYMUNEDAU IACH A DIOGEL

a gynhaliwyd ar 18 Mawrth 2003                              Tudalen 55 - 61

5.6

PWYLLGOR SGRIWTINI'R AMGYLCHEDD A CHLUDIANT

a gynhaliwyd ar 20 Mawrth 2003                               Tudalen 62 - 69

5.7

PWYLLGOR SGRWITINI CYNHWYSIAD CYMDEITHASOL

a gynhaliwyd ar 25 Mawrth 2003                               Tudalen 70 - 74

5.8

PWYLLGOR RHEOLI J.E. O'TOOLE a gynhaliwyd ar 26 Mawrth 2003     Tudalen 75 - 77

5.9

PWYLLGOR SGRIWTINI ADDYSG A HAMDDEN a gynhaliwyd ar

27 Mawrth 2003                                        Tudalen 78 - 87

5.10

PWYLLGOR SGRIWTINI DATBLYGU ECONOMAIDD a gynhaliwyd

ar 31 Mawrth 2003                                   Tudalen 88 - 91

ar 2 Ebrill 2003                                         Tudalen 92 - 102

5.12

PWYLLGOR GWAITH a gynhaliwyd ar y dyddiadau isod:-

5.12.1

     3 Mawrth 2003                              Tudalen 103 - 111

5.12.2

   11 Mawrth 2003                              Tudalen 112 - 120

5.12.3

   31 Mawrth 2003                              Tudalen 121

5.12.4

   14 Ebrill 2003                                    Tudalen 122 - 132

6

TRAFODAETH AR GYFLWR YR ARDAL

O ganlyniad i newidiadau gwleidyddol diweddar o fewn y Cyngor, dywedodd yr Arweinydd na fu'n bosibl cydymffurfio gyda'r gofyniad yn y Cyfansoddiad iddo drefnu trafodaeth flynyddol ar gyflwr yr ardal.  Yn dilyn trafodaethau gyda Chadeirydd y Cyngor a'r Rheolwr-gyfarwyddwr, bwriedid cynnal trafodaeth gyhoeddus ar hyn tuag at ddiwedd mis Gorffennaf.  

Roedd y Cynghorydd C.L. Everett yn dymuno iddo gael ei nodi yn y cofnodion ei fod wedi'i siomi nad oedd yr Arweinydd blaenorol,  y Cynghorydd G.O. Parry MBE wedi cwrdd â'i gyfrifoldebau o ran cyflwyno adroddiad i'r Cyngor ar hyn.

Dywedodd y Cynghorydd G.O. Parry MBE mewn ymateb y gwnaed trefniadau ond nad oedd y mater wedi symud ymlaen oherwydd y newid i'r cydbwysedd gwleidyddol yn y Cyngor a'i fod yn gobeithio cael y cyfle i gyfrannu yn hwyrach ymlaen.

7

MATERION A DDIRPRWYWYD GAN YR ARWEINYDD

Cyflwynwyd a nodwyd er gwybodaeth adroddiad gan y Rheolwr-gyfarwyddwr yn nodi'r newidiadau i'r Cynllun Dirprwyo mewn perthynas â swyddogaethau gweithredol a wnaed gan yr Arweinydd ers y cyfarfod arferol diwethaf.

8

POLISI DIOGELU DATA CORFFORAETHOL

Dywedwyd - Bod y Pwyllgor Gwaith yn ei gyfarfod ar 28 Ebrill 2003 ar ôl trafod yr adroddiad uchod gan Gyfarwyddwraig y Gwasanaethau Cyfreithiol / Swyddog Monitro wedi penderfynu argymell fel a ganlyn i'r Cyngor Sir :-

1)  Bod y Cyngor Sir yn cydnabod pwysigrwydd hyfforddiant yn y maes Diogelu Data.

2)  Annog holl Aelodau'r Cyngor i fynd i unrhyw gyrsiau hyfforddi sy'n cael eu cynnig.

PENDERFYNWYD cymeradwyo'r uchod.

9

CYMORTH DEWISOL GYDA'R DRETH

Dywedwyd bod y Pwyllgor Gwaith yn ei gyfarfod ar 28 Ebrill 2003, wedi ystyried yr adroddiad uchod gan y Cyfarwyddwr Corfforaethol (Cyllid) wedi penderfynu (inter alia) i argymell i'r Cyngor Sir y dylid ychwanegu'r paragraff canlynol at y cynllun dirprwyo ar gyfer y Pennaeth Gwasanaeth (Cyllid):-

"(9)  Penderfynu ar geisiadau dan adrannau 44A, 47 a 49 Deddf Cyllid Llywodraeth Leol 1988 ac unrhyw ddiwygiad neu ailweithredu ohoni gan gymryd i ystyriaeth unrhyw ganllawiau polisi a fabwysiadwyd gan y Cynulliad Cenedlaethol, y Cyngor neu'r Pwyllgor Gwaith".

PENDERFYNWYD cytuno i gynnwys y paragraff uchod yn y cynllun dirprwyo ar gyfer y Pennaeth Gwasanaeth (Cyllid).

Daeth y cyfarfod i ben am 11.45 p.m.

Y CYNGHORYDD R.L. OWEN

CADEIRYDD