Cyngor Sir Ynys Môn dogfennau , 14 Rhagfyr 2006

1

DATGAN DIDDORDEB

Yng nghyswllt eitem 3 - Penhesgyn Gors, Llansadwrn cafwyd datganiadau o ddiddordeb gan Cynghorwyr W. J. Chorlton, J. M. Davies, H. Eifion Jones, G. W. Roberts OBE, John Roberts, Hefin W. Thomas a W. J. Williams gan fod y Pwyllgor Gwaith wedi trafod y mater a'i gymeradwyo yn ei gyfarfod ar 20 Chwefror 2006.  Gadawodd yr aelodau y cyfarfod am yr eitem hon.

Gan fod yr un eitem wedi ei thrafod mewn cyfarfod o'r Pwyllgor Gwaith yn 2002 cafwyd datganiadau o ddiddordeb gan y Cynghorwyr E. G. Davies, G. O. Parry MBE, Bob Parry OBE a Keith Thomas.  Gadawodd yr Aelodau y cyfarfod am y drafodaeth ar yr eitem.

2

DERBYN UNRHYW GYHOEDDIADAU GAN Y CADEIRYDD, YR ARWEINYDD, AELODAU'R PWYLLGOR GWAITH NEU BENNAETH Y GWASANAETHAU TÂL

Dywedodd y Cadeirydd y buasai'n cyflwyno cyhoeddiadau yng nghyfarfod llawn y Cyngor Sir yn y prynhawn.

3

CAIS RHIF 17LPA49H/CC - CAIS AMLINELLOL I DDATBLYGU CYFLEUSTERAU CYNHYRCHU PWER NWY AR YS AFLE TIRLENWI A DARPARU MYNEDFA, GWASANAETHAU SYLFAENOL A THIRLUNIO'R TIR AR SAFLE TIRLENWI PENHESGYN, PENHESGYN GORS, LLANSADWRN, PORTHAETHWY

Cyflwynwyd y cais i'r Pwyllgor benderfynu arno gan mai'r Cyngor Sir yw'r ymgeisydd.

Nodwyd fod tua 60 o lythyrau o wrthwynebiad wedi eu derbyn, 55 ohonynt yn llythyrau safonol a rannwyd gan Grwp Gweithredu Penhesgyn ac unigolion wedi eu llofnodi a'u dychwelyd.  Y prif resymau dros wrthwynebu a nodwyd yn y llythyr safonol oedd :-

Ÿ

dim digon o amser i ymateb i'r cyhoeddusrwydd

Ÿ

ni wnaed gwaith ymgynghori ystyrlon gyda'r cyhoedd

Ÿ

ansicrwydd ynghylch dyfodol y safle

4

(A)  CAIS RHIF 19C689K/ECON - CAIS AMLINELLOL I DDATBLYGIAD CYMYSG YM MHARC SIOPAU CAERGYBI, STAD DDIWYDIANNOL PENRHOS, PENRHOS, CAERGYBI

(B)  CAIS RHIF 19C689L/ECON - CAIS AMLINELLOL I SYMUD SWYDDFA DOSBARTHU'R POST BRENHINOL AC ADEILADU MYNEDFA NEWYDD I GERBYDAU AR DIR Y TU CEFN I SAFLE DATBLYGU SIOPAU PENRHOS.

(C)  CAIS RHIF 19C970/ECON - CAIS AMLINELLOL I DDYMCHWEL ADEILADAU A CHODI SIOP GWERTHU BWYDYDD CATEGORI A1, MAN GWASANAETHU CYSYLLTIEDIG, CYFLEUSTERAU PARCIO, MYNEDFA A GWNEUD GWAITH TIRLUNIO AR DIR GER FFORDD KINGSLAND, CAERGYBI

Dywedodd y Pennaeth Rheoli Datblygu y buasai'n delio gyda'r tri chais gyda'i gilydd.  

Wedyn cafodd y Pwyllgor gyfle i weld ffotograffau a dynnwyd o'r awyr a hefyd y cyfle i weld llythyrau a ddaeth i law ar ôl gyrru'r agenda allan.

Cafwyd gair o gadarnhad gan y swyddog bod y ceisiadau'n gwyro oddi wrth bolisïau'r Cynllun Datblygu, h.y. y Cynllun Fframwaith a'r Cynllun Lleol.  Fodd bynnag, roedd yn rhaid rhoddi pwysau ar y Cynllun Datblygu Unedol a Stopiwyd.

Roedd rhannau o'r datblygiadau ar dir sy'n eiddo i'r Awdurdod hwn a chan ddibynnu ar y penderfyniad a wna'r Cyngor bydd raid trosglwyddo'r cais/ceisiadau llwyddiannus i Lywodraeth Cynulliad Cymru i bwrpas ymgynghori a chael penderfyniad.

Cafwyd asesiadau annibynnol ar yr Asesiad Ardrawiad ar y Siopau; yn yr asesiad annibynnol hwnnw y rhain oedd y casgliadau :-

(i)     mai capasiti i gynnal un siop fwydydd yn unig oedd yn yr ardal

(ii)      mai dim ond mewn un lle y gellid cefnogi yr elfen heb fwydydd

(iii)     roedd ardaloedd Penrhos a Kingsland y tu allan i ganol y dref ac o'r herwydd yn gyfartal o ran ystyriaeth ddilyniadol.

Felly, cyn gwneud penderfyniad, roedd yn rhaid i'r Cyngor ystyried materin perthnasol eraill.

Cyfeiriodd y Swyddog at y galw am y datblygiad arfaethedig y tu mewn i'r prif ddalgylch - gwnaeth hyn yn Atodiad 1 ynghlwm wrth yr adroddiad.  Onid oedd y gwariant sydd ar gael yn cael ei hawlio'n ôl buasai'r ardal yn parhau i golli symiau sylweddol o arian i ardaloedd y tu draw i Gaergybi a hefyd y tu draw i'r Ynys.

Wedyn cyfeiriodd y Swyddog at y materion, yr ystyriaethau, y casgliadau a'r argymhellion yn yr adroddiad gan gadarnhau ei fod wedi ceisio pwyso a mesur nodweddion cadarnhaol a negyddol y ddau gynllun a bod penderfyniad yr aelodau ar y cynllun a gâi eu cefnogaeth yn mynd i arwain at ganiatáu neu wrthod y cais i symud adeilad Swyddfa'r Post.

Er bod safle Kingsland cystal â safle Penrhos o ran polisïau roedd rhaid cydnabod bod safle Kingsland mewn lle mwy canolog yng nghyswllt y dref a hefyd roedd modd cael tripiau cysylltiedig i ganol y dref a hefyd mae'n parchu'r strategaethau adfywio economaidd ar gyfer Caergybi.  Fodd bynnag, er bod y strategaethau hynny yn nodi Penrhos fel lle cyflogaeth gyffredinol ar Ynys Môn mae'n ffaith fod y rhan hon o Gaergybi yn awr wedi datblygu yn ganolfan siopau yn sgil caniatáu siop Tesco, hefyd yn sgil codi siopau dan Ran 1 y datblygiad a mentrau gwerthu eraill sydd yn yr ardal.  Mae safle Penrhos yn rhoi cyfle i bobl wneud tripiau cysylltiedig oherwydd nifer neu  glystyrau'r siopau yn yr ardal.  Does dim sicrwydd y byddai hyn yn digwydd ar safle Kingsland - pe câi'r siop ei chodi yno mae'n fwy na thebyg y byddai'r cwsmeriaid yn dal i achub ar y cyfle i fynd i Barc Siopau Penrhos er mwyn siopio am nwyddau amrywiol ac yn y blaen.

O ran cyflogaeth mae cais Penrhos yn cynnig mwy o swyddi, bron iawn ddwbl nifer cynllun Kingsland.  Mewn ardal o ddiweithdra uchel mae'n rhaid croesawu hyn.  Mae safle Penrhos ymhellach o ganol y dref ond mae'n gwneud y mwyaf o'r newid i weithgaredd siopio a welwyd yn y blynyddoedd diwethaf heb wneud niwed sylweddol i bolisïau cyflogaeth y Cyngor yn y dyfodol.

Nid yw datblygiad Penrhos o fewn pellter cerdded i ganol y dref.  Un o fanteision pendant y datblygiad arfaethedig hwn yw'r posibilrwydd i gysylltu tripiau i'r siopau ar gyrion y dref - y rhai sydd ar y safle neu gerllaw.  Bydd y datblygiad hefyd yn creu manteision cynllunio - sef ymestyn y gwasanaeth bysus presennol i'r parc siopau a bydd hynny o fantais i rai heb geir.  Hefyd cynigir £80,000 i ddarparu rhai mannau parcio am ddim yn y maes parcio yng nghanol y dref lle mae cyfle i barcio am gyfnodau byrion.  Yn ogystal, ceir llecyn chwarae, darpariaeth ailgylchu a lle i gerddwyr groesi.

Ond yn ogystal cafwyd gair o gadarnhad gan y swyddog fod datblygwr tir Kingsland hefyd wedi cynnig, mewn egwyddor, gyfleusterau parcio am ddim am gyfnod cyfyngiedig (2½ - 3 awr) a gwasanaeth bysus am ddim a gwelliannau i gerddwyr.

Roedd perthynas rhwng y tri chais â'i gilydd a thasg yr Aelodau oedd pwyso a mesur yr ystyriaethau hynny yn y datblygiadau siopau a oedd yn berthnasol i bolisïau cynllunio ac i ystyriaethau eraill o bwys.

Ar ôl ystyried y dadleuon o blaid ac yn erbyn roedd y Swyddog yn argymell rhoddi caniatâd i geisiadau (A) ac (C) a gwrthod cais (B) am y rhesymau a gyflwynwyd yn Atodiad 3 yr adroddiad.  Roedd argymhelliad i ganiatáu cais (A) gyda gwelliannau a hefyd yn amodol ar lofnodi Cytundeb dan Adran 106 i sicrhau'r swm a roddir ar gyfer darparu cyfleusterau parcio am ddim yng nghanol y dref.

Wedyn cafwyd cyngor y Rheolwr Gwasanaethau Cyfreithiol yn dweud fod y pwer i benderfynu ar geisiadau (B) ac (C) yn nwylo'r Pwyllgor Cynllunio a Gorchmynion a bod gofyn i'r Cyngor, yn y lle cyntaf, bleidleisio ar dynnu yn ôl bwerau dirprwyol y Pwyllgor yng nghyswllt y ceisiadau hynny cyn symud ymlaen i wneud penderfyniadau arnynt heddiw.

Roedd yr aelodau lleol i ardal y cynlluniau ynghyd ag aelodau Caergybi ac aelodau y Fali a Threarddur yn cytuno gydag argymhellion y swyddogion y dylid cefnogi safle Penrhos a gwrthod safle Kingsland.  Roedd yr aelodau yn ymwybodol iawn o'r problemau traffig a allai godi petai caniatâd yn cael ei roddi i gais Kingsland.

PENDERFYNWYD yn unfrydol :-

4.1

tynnu ymaith bwerau dirprwyol y Pwyllgor Cynllunio a Gorchmynion i benderfynu ar geisiadau cynllunio 19C689L/ECON a 19C970/ECON.

4.2

derbyn adroddiad y Swyddog a chaniatáu cais cynllunio amlinellol 19C689K/ECON gydag amodau a hefyd gyda chytundeb dan Adran 106 i sicrhau'r swm cyllidol ar gyfer cyfleusterau parcio cyfyngedig yng nghanol y dref.