|
|
|
|
|
|
|
4.1
|
15C34M CAIS LLAWN AR GYFER CODI BYNGALO AR BLOT 6 MAES
GLAS, BETHEL
|
|
|
|
|
|
Cymerodd y Cynghorydd J. Arwel Edwards y Gadair yn ystod y
drafodaeth a'r broses o benderfynu ar y cais; gadawodd y Cynghorydd
R.Ll. Hughes y Gadair am mai ef a gyfeiriodd y cais i'r Pwyllgor
hwn a dymunai siarad ar y mater fel aelod lleol.
|
|
|
|
|
|
Ar 20 Awst 2003 yr ymwelwyd â safle'r
cais.
|
|
|
|
|
|
Yn y cyfarfod cynt roedd yr aelodau yn dymuno gwrthod
rhoddi caniatâd cynllunio a hynny'n groes i argymhelliad y
swyddogion o roddi caniatâd.
|
|
|
|
|
|
Dyma pam yr oeddent yn erbyn rhoddi
caniatâd:
|
|
|
|
|
|
(a) buasai'r cynnig hwn yn cyfateb i orddatblygu ar
y safle,
|
|
|
|
|
|
(b) câi'r bwriad effaith andwyol ar bleserau
cymdogion.
|
|
|
|
|
|
Yn unol â Chyfansoddiad y Cyngor gohiriwyd y cais er
mwyn rhoddi amser i'r swyddogion baratoi adroddiad arall ar
oblygiadau gwrthod.
|
|
|
|
|
|
Nid oedd gan y Rheolwr Rheoli Cynllunio ddim i'w ychwanegu
at ei adroddiad a dygodd sylw at y prif faterion cynllunio - y rhai
y manylwyd arnynt yn Adran 7.0 - 7.7 ei adroddiad. Teimlai
fod y bwriad yn dderbyniol o safbwynt cynllunio ac yng nghyswllt ei
effaith ar bleserau tai cyfagos ac yng nghyswllt yr egwyddor
defnydd tir.
|
|
|
|
|
|
Gan y Cynghorydd Goronwy Parry cafwyd cynnig i lynu wrth y
penderfyniad cynt, sef gwrthod, a theimlai yn gryf y buasai'r
bwriad yn cael effaith andwyol ar y tai cyffiniol ac eiliwyd ef gan
y Cynghorydd R.L. Owen.
|
|
|
|
|
|
Cynigiodd y Cynghorydd W.E. Jones fod y Pwyllgor yn derbyn
argymhelliad y Swyddog, sef rhoddi caniatâd, ac am y rhesymau
yn adroddiad y Swyddog; cafodd ei eilio gan y Cynghorydd Hefin
Thomas.
|
|
|
|
|
|
O 6 phleidlais i 3 ac yn groes i argymhelliad y
swyddog PENDERFYNODD yr aelodau lynu wrth y penderfyniad cynt, sef
gwrthod rhoddi caniatâd am y rhesymau a roddwyd o'r
blaen:
|
|
|
|
|
|
(a) buasai'r cynnig hwn yn cyfateb i
orddatblygu ar y safle,
|
|
|
|
(b) câi'r bwriad effaith andwyol ar
bleserau cymdogion.
|
|
|
|
|
|
(Ni phleidleisiodd y Cynghorwyr R. Lloyd Hughes na
Trevor Lloyd Hughes ar y cais).
|
|
|
|
|
4.2
|
18C146 - CAIS AMLINELLOL AR GYFER CODI ANNEDD A MODURDY
YNGHYD Â CHREU MYNEDFA NEWYDD AR RHAN O O.S. 9385, BRYNGLAS,
LLANRHUDDLAD
|
|
|
|
|
|
Dywedodd y Cadeirydd i'r cais hwn gael ei drosglwyddo i'r
Pwyllgor yn ôl dymuniad yr aelod lleol ac iddo gael ei ohirio
yn y cyfarfod cynt ar ôl i'r ymgeiswyr gyflwyno cynlluniau
diwygiedig yr oedd yn rhaid gwneud rhagor o waith ymgynghori yn eu
cylch.
|
|
|
|
|
|
Yma dywedodd y Rheolwr Rheoli Cynllunio mai'r
polisïau cynllunio perthnasol a ystyriwyd wrth benderfynu ar
argymhelliad y swyddog oedd polisïau 1, 42 a 50 Cynllun Lleol
Ynys Môn, polisi A2 Cynllun Fframwaith Gwynedd a Nodyn Cyngor
Technegol 12 (Dyluniad).
|
|
|
|
|
|
Yn ôl y Rheolwr Rheoli Cynllunio roedd y bwriad yn
cydymffurfio gyda Pholisi 50 (tai newydd yn y cefn gwlad). Ar
y naill law roedd y cynlluniau diwygiedig yn osgoi gorfod torri
coed a llwyni ond roedd ffordd y fynediad yn croesi tir amaethyddol
y tu allan i ffiniau'r pentref. O'r herwydd, roedd
argymhelliad i wrthod y cais gan resymu y câi'r ffordd
fynediad effaith annymunol ar bleserau ac ar nodweddion Ardal
Tirwedd Arbennig.
|
|
|
|
|
|
Ychwanegodd y Swyddog Priffyrdd bod yr ymgeiswyr bellach
wedi symud y fynedfa i lecyn gyferbyn â'r ysgol ar y
cynlluniau diwygiedig ac roedd hynny'n dderbyniol dan y meini prawf
priffyrdd a hefyd yn cwrdd ag anghenion yng nghyswllt y gallu i
weld yn y fynedfa.
|
|
|
|
|
|
Crybwyllwyd yn yr adroddiad y llythyrau o wrthwynebiad a
ddaeth i law.
|
|
|
|
|
|
Ni chytunai'r Cynghorwyr W.J. Williams a Hefin Thomas y
câi'r ffordd at y safle effaith annymunol ar y tirwedd ac y
gellid cynnwys yn y caniatâd gynllun i blannu coed.
|
|
|
|
|
|
Ond awgrymodd y Cynghorydd Arwel Edwards y gallai'r ffordd
hon gyflwyno nodweddion trefol i'r tirwedd amaethyddol ac y gallai
hefyd fod yn gynsail i ragor o ddatblygiadau yn y
dyfodol.
|
|
|
|
|
|
O 6 phleidlais i 5 PENDERFYNWYD gwrthod y cais am y
rhesymau yn adroddiad y swyddog.
|
|
|
|
|
4.3
|
20C197 - ADDASU AC EHANGU PEN Y BONT, 17 STRYD ATHOL,
CEMAES
|
|
|
|
|
|
Gohiriwyd y cais hwn yn y cyfarfod diwethaf ar ôl i'r
ymgeiswyr gyflwyno cynlluniau diwygiedig yr oedd yn rhaid gwneud
rhagor o waith ymgynghori yn eu cylch. Bu'r aelodau yn
ymweld â'r safle ar 17 Medi 2003.
|
|
|
|
|
|
Cafwyd nifer o wrthwynebiadau i'r cynnig gwreiddiol a
dywedwyd am hynny yn adroddiad y swyddog a gadawyd copi ohonynt ar
y bwrdd, a hefyd cyflwynwyd llythyr arall gan asiant yr
ymgeisydd.
|
|
|
|
|
|
Dywedodd y Swyddog Rheoli Cynllunio na châi'r cynnig
effaith annymunol
ar gymeriad nac ar wedd y dynodiad statudol
hwn yn groes i'r hyn a ymddangosodd ar dudalen 27 adroddiad y
swyddog.
|
|
|
|
|
|
Wedyn cafwyd y wybodaeth ddiweddaraf gan y Swyddog ar y
newidiadau i'r cynnig gwreiddiol ac a gyflwynwyd gan yr ymgeiswyr
fel a nodwyd yn ei adroddiad.
|
|
|
|
|
|
Y polisïau perthnasol y rhoes y swyddog sylw iddynt
wrth wneud ei argymhelliad i'r Pwyllgor oedd Polisïau 1, 4 a
42 Cynllun Lleol Ynys Môn a Pholisïau D4, 25 a 29 Cynllun
Fframwaith Gwynedd.
|
|
|
|
|
|
Y dyddiad cau i bwrpas derbyn sylwadau yn ôl y
Swyddog oedd 8 Hydref, 2003 a theimlai bod y cais hwn bellach yn
dderbyniol ac argymhellodd bod aelodau yn rhoddi'r awdurdod i
Bennaeth y Gwasanaeth Cynllunio roddi caniatâd ond gyda'r
amodau a nodwyd yn yr adroddiad a chyda'r amod hefyd na ddeuai
gwrthwynebiadau perthnasol i law yn ystod gweddill y cyfnod
ymgynghori.
|
|
|
|
|
|
Cafodd y Cynghorydd John Roberts hi'n anodd gwrthod y cais
hwn er gwaethaf effaith unrhyw gynnydd yn y traffig ar ddiogelwch y
ffordd.
|
|
|
|
|
|
Dywedodd y Swyddog Priffyrdd bod hon yn briffordd
gyhoeddus ac ni fuasai'r cais ynddo'i hun yn creu rhagor o draffig
ac nid oeddent yn gwrthwynebu'r bwriad am resymau priffyrdd.
|
|
|
|
|
|
Yma mynegwyd pryderon gan y Cynghorydd R.L. Owen ynghylch
dymchwel y wal derfyn a oedd yn rhan o nodweddion yr ardal a
gofynnodd am i hon gael ei hailgodi fel ag yr oedd petai
caniatâd yn cael ei roddi i'r datblygiad.
|
|
|
|
|
|
Cynigiodd y Cynghorydd Dr. J.B. Hughes roddi caniatâd
i'r newidiadau a'r estyniadau i'r ty ond gwrthod y cynnig i greu
llecyn parcio a oedd yn golygu dymchwel y wal derfyn ac yn hyn o
beth cafodd ei eilio gan y Cynghorydd R.L. Owen.
|
|
|
|
|
|
Cynigiodd y Cynghorydd W.T. Roberts dderbyn argymhelliad y
swyddog ond gydag amod i gadw cymeriad y wal derfyn a chafodd ei
eilio gan y Cynghorydd Hefin Thomas.
|
|
|
|
|
|
O 6 phleidlais i 4 PENDERFYNWYD dirprwyo'r hawl i
ganiatáu'r cais i'r Pennaeth Gwasanaeth ond gyda'r amodau yn
adroddiad y swyddog a chyda'r amod bod yr ymgeiswyr yn cadw a
diogelu cymeriad y wal derfyn wrth ddarparu llecyn parcio ar y
safle a chyda'r amod hefyd na cheid gwrthwynebiadau perthnasol yn
ystod gweddill y cyfnod ymgynghori.
|
|
|
|
|
4.4
|
35C191A - NEWID DEFNYDD TIR AMAETHYDDOL AR GYFER CADW
CEFFYLAU YNGHYD AC ADDASU'R FYNEDFA AR O.S. 4947, TYDDYN WAEN,
LLANGOED
|
|
|
|
|
|
Ymwelodd yr aelodau â'r safle ar 20 Awst, 2003 ac yn
y cyfarfod diwethaf roeddent yn dymuno gwrthod y cais a hynny'n
groes i argymhelliad o roddi caniatâd gan y swyddog - roeddent
yn dymuno gwrthod am y rhesymau a ganlyn:-
|
|
|
|
|
|
i. nid yw
rhwydwaith y ffyrdd lleol at y safle yn ddigon da, h.y. mae'r
ffyrdd yn rhy gul, ac yn rhy droellog i ragor o
drafnidiaeth.
|
|
|
|
|
|
ii. nid
yw'r gallu i weld na'r lle i droi yn ddigon da yn y fynedfa.
Yn unol â Chyfansoddiad y Cyngor gohiriwyd y cais er
mwyn rhoi amser i'r swyddogion baratoi adroddiad arall ar
oblygiadau gwrthod.
|
|
|
|
|
|
Dywedodd y Rheolwr Rheoli Cynllunio ei fod bellach, ar
ôl derbyn adroddiad yr Adran Briffyrdd, yn argymell gwrthod y
cais hwn.
|
|
|
|
|
|
Roedd y Swyddog Priffyrdd yn argymell gwrthod y cais am
nad oedd y llain gweld yn y fynedfa na'r cyfleusterau i droi ar y
safle yn dderbyniol yn ôl meini prawf diogelwch y
briffordd.
|
|
|
|
|
|
Fodd bynnag, ni allai'r swyddog gefnogi penderfyniad y
Pwyllgor i wrthod caniatâd yn seiliedig ar gyflwr rhwydwaith
lleol y ffyrdd sy'n rhedeg at y safle ac fel a nodir yn (i)
uchod.
|
|
|
|
|
|
PENDERFYNWYD gwrthod y cais am nad yw'r gwelededd yn
y fynedfa yn cydymffurfio gyda gofynion diogelwch priffyrdd ac am
nad oedd y cyfleusterau i droi ar y safle yn
ddigonol.
|
|
|
|
|
4.5
|
46C360A - CYNLLUNIAU DIWYGIEDIG AR GYFER CODI BYNGALO
DORMER I GAEL EI DDEFNYDDIO FEL 'ANECS NAIN' YN SWN Y MÔR,
LÔN ST. FFRAID, TREARDDUR
|
|
|
|
|
|
Dywedodd y Cadeirydd bod y cais wedi cael ei drosglwyddo
i'r Pwyllgor yn ôl dymuniad yr aelod lleol ac iddo gael ei
ohirio yn y cyfarfod diwethaf ar ôl i'r ymgeiswyr gyflwyno
cynlluniau diwygiedig yr oedd yn rhaid gwneud rhagor o waith
ymgynghori yn eu cylch.
|
|
|
|
|
|
Nododd y Rheolwr Rheoli Cynllunio mai cais cynllunio
ôl-ddyddiol oedd hwn a bod yr egwyddor o ganiatáu anecs
nain wedi ei chymeradwyo ar 7 Hydref, 2002 dan y cais cynllunio
rhif 46C360. Fodd bynnag, nid oedd y gwaith a wnaed yn
cydymffurfio gyda'r caniatâd a roddwyd. Roedd y
newidiadau yn ymwneud â chodiad yn uchder rhan ganolog yr
annedd, ychwanegiad 0.9 metr at yr hyn a ymddangosodd yn y
caniatâd a'r ychwanegiad yn hwyluso gwaith adeiladu'r llawr
cyntaf. Hefyd cyfeiriodd y swyddog at wrthwynebiadau a
gafodd.
|
|
|
|
|
|
Yma mynegodd y Cynghorydd Goronwy Parry bryderon difrifol
ynghylch nifer y ceisiadau cynllunio ôl-ddyddiol a ddeuai i'r
Pwyllgor, a bod hynny yn tanseilio pwer y Pwyllgor, ac yn hyn o
beth yr oedd nifer o aelodau yn gytûn. Hefyd roedd y
Cynghorydd Parry yn pryderu ynghylch diogelwch y ffordd yn y
cyffiniau hyn ar hyd Lôn St. Ffraid.
|
|
|
|
|
|
PENDERFYNWYD caniatáu'r cais gyda'r amodau yn
adroddiad y swyddog.
|
|
|
|
|
Roedd yr Aelodau yn teimlo'n gryf iawn yn erbyn yr
egwyddor o roddi sylw cydradd i geisiadau cynllunio
ôl-ddyddiol - cydradd â cheisiadau eraill oedd dilyn
trefniadau priodol a chafwyd pryderon mawr iawn ynghylch nifer fawr
y ceisiadau ôl-ddyddiol a ddeuai i'r Pwyllgor.
CYTUNODD yr Aelodau i ofyn
i'r Deilydd Portffolio ddwyn pryderon difrifol yr aelodau i sylw'r
Pwyllgor Gwaith a phwyso ar Gymdeithas Llywodraeth Leol Cymru ac ar
y Cynulliad i gymryd safiad cryfach yn erbyn ceisiadau cynllunio
ôl-ddyddiol.
|
|
|
|
Hefyd roedd yr Aelodau yn
siomedig iawn gyda'r aelodau lleol hynny oedd yn cyfeirio ceisiadau
cynllunio i'w hystyried ac i'w penderfynu ganddo a wedyn ddim yn
mynychu a ddim yn achub ar y cyfle i fynegi pryderon i'r Pwyllgor
ac i roddi iddo wybodaeth leol angenrheidiol.
|
|
|
|
5 CEISIADAU ECONOMAIDD
|
|
|
|
Ni chyflwynwyd unrhyw
geisiadau economaidd i'r cyfarfod hwn.
|
|
|
|
|
|
6 CEISIADAU'N TYNNU'N GROES I'R CYNLLUN
FFRAMWAITH
|
|
|
|
Ni chyflwynwyd unrhyw
geisiadau'n tynnu'n groes i'r cyfarfod hwn.
|
|
|
|
7 GWEDDILL Y CEISIADAU
|
|
|
|
7.1
|
12C66F - ADDASU AC EHANGU YNGHYD Â NEWID DEFNYDD
Y GANOLFAN FOROL I FOD YN WESTY, BAR A LLE BWYTA YN 'THE OLD
BATHS', BIWMARES
|
|
|
|
|
Argymhellodd y Rheolwr
Rheoli Cynllunio bod yr aelodau yn ymweld â'r safle er mwyn
deall yn well effaith y datblygiad arfaethedig ar yr Ardal
Gadwraeth ac ar yr Ardal o Brydferthwch Naturiol
Eithriadol.
|
|
|
|
PENDERFYNWYD ymweld
â'r safle am y rhesymau a roddwyd cyn gwneud penderfyniad ar y
cais.
|
|
|
|
7.2
|
17C122H - CODI ANNEDD AR DIR GER ISCOED,
LLANDEGFAN
|
|
|
|
|
Cafodd y cais ei
drosglwyddo i'r Pwyllgor yn ôl dymuniad yr aelod lleol ac
oherwydd hanes y safle. Cyflwynodd y Cynghorydd Eurfryn
Davies ymddiheuriad am fethu bod yn bresennol i annerch y cyfarfod
a gofynnodd i'r aelodau ymweld â safle'r cais.
|
|
|
|
Yma atgoffodd y Cadeirydd
yr aelodau iddynt ymweld â safle'r cais hwn yn ystod mis Mai,
2003 a than adran 4.6.18 (ii) y Cyfansoddiad "ni fydd angen ymweld â safle .... pan fo'r
Aelodau eisoes wedi ymweld â'r safle yn y 12 mis cynt, onid
yw'r amgylchiadau yn eithriadol".
|
|
|
|
Dywedodd y Rheolwr Rheoli
Cynllunio bod y bwriad hwn wedi'i newid rhyw fymryn chwedl y bwriad
a ganiatawyd gan y Pwyllgor ym mis Mehefin 2003. Nid oedd y
cynlluniau diwygiedig yn cyflwyno cynnydd perthnasol yn yr effaith
y gallai'r annedd ei chael ar dai cyffiniol. Y bwriad mewn
gwirionedd oedd symud yr annedd arafethedig un metr tuag at
ffiniau'r de-orllewin ar y safle, symud y garej a chreu
mynedfa ychwanegol.
|
|
|
|
Amlinellodd y swyddog y
polisïau perthnasol a ystyriwyd wrth benderfynu ar
argymhelliad y Swyddog, sef Polisïau 42, 49 a 30 Cynllun Lleol
Ynys Môn a Pholisi D1 Cynllun Fframwaith Gwynedd.
Dangosodd y swyddog gynlluniau manwl o'r safle gan nodi'r
gwahaniaeth rhwng y cynnig a ganiatawyd ar y naill law a'r
newidiadau ar y llaw arall ac a oedd dan sylw ac aeth ymlaen i
argymell rhoddi caniatâd i'r cais.
|
|
|
|
Gan y Cynghorydd R.L. Owen
cafwyd cynnig i dderbyn argymhelliad y swyddog i roddi
caniatâd ac eiliwyd ef gan y Cynghorwyr Emyr Jones a Goronwy
Parry.
|
|
|
|
PENDERFYNWYD
caniatáu'r cais gyda'r amodau yn adroddiad y swyddog.
|
|
|
|
7.3
|
23C74D - ADDASU AC EHANGU BRO DAWEL,
LLANGWYLLOG
|
|
|
|
|
Dywedodd y Cadeirydd bod y
cais wedi cael ei gyfeirio i'r Pwyllgor ar gais yr aelod
lleol.
|
|
|
|
Dywedodd y Rheolwr Rheoli
Cynllunio mai polisïau 42, 58 a 31 Cynllun Lleol Ynys Môn
a Pholisi D4 Cynllun Fframwaith Gwynedd a TAN 12 oedd y
polisïau perthnasol i'w hystyried yng nghyswllt y cais hwn.
Roedd y rhan fwyaf o'r gwaith a wnaed yn y lle uchod wedi'i
ganiatáu dan ganiatâd cynllunio rhif 23C74C. Nid
oedd y cyfan o'r gwaith yn cydymffurfio gyda'r caniatâd a
chais oedd hwn i gywiro hyn a hefyd yng nghyswllt ychwanegiadau
eraill a gwaith altro i'r cynllun.
|
|
|
|
Dywedodd y Rheolwr Rheoli
Cynllunio iddo dderbyn cyngor nad oedd yr anghydffurfio'n ddigon
mawr i gyfiawnhau camau gorfodaeth ac nad oedd er budd y cyhoedd i
fynd ar drywydd camau o'r fath.
|
|
Ychwanegodd y swyddog nad
oedd yr un corff statudol yr ymgynghorwyd ag ef yn gwrthwynebu ar
ôl cyhoeddi adroddiad y swyddog. Fodd bynnag, roedd y
Cyngor Cymuned yn pryderu oherwydd bod yr awdurdod hwn wedi
comisiynu ymgynghorwyr 'Cynefin' i ymchwilio i'r mater.
|
|
|
|
Yma dywedodd y Cynghorydd
W.J. Williams fod y "sied" yn yr ardd a gafodd ganiatâd ar
apêl dan y rhif 23C74A bellach yn "sied botio
ddeulawr".
|
|
|
|
Nid oedd y Cynghorydd Emyr
Jones yn hapus gyda rhai datblygiadau diawdurdod ar y safle a
theimlai'r Cynghorydd Trevor Hughes y dylid cael deddfwriaeth i
geisio rhwystro pobl rhag gwneud gwaith heb dderbyn caniatâd
cynllunio.
|
|
|
|
PENDERFYNWYD
caniatáu'r cais gyda'r amodau yn adroddiad y swyddog.
|
|
|
|
Roedd y Cynghorydd W.J.
Williams yn dymuno cofnodi na chymerodd ran yn y trafodaethau
gyda'r Cyngor Cymuned ar y cais hwn.
|
|
|
|
Ni phleidleisiodd y
Cynghorwyr Trevor Hughes, Emyr Jones na Tecwyn Roberts ar y cais.
|
|
|
|
7.4
|
31C271 - DYMCHWEL YR ANNEDD BRESENNOL YNGHYD Â
CHODI PEDAIR ANNEDD NEWYDD AR DIR YN ROSE HILL COTTAGE, FFORDD
PENMYNYDD, LLANFAIRPWLL
|
|
|
|
|
Datganodd Richard
Eames o'r Adran Briffyrdd ddiddordeb yn y cais hwn ac nid oedd yn
bresennol yn y cyfarfod pan gafodd ei ystyried a phan bleidleisiwyd
arno.
|
|
|
|
Trosglwyddwyd y cais i'r
Pwyllgor yn ôl dymuniad yr aelod lleol, y Cynghorydd John
Roberts, a chynigiodd ef bod aelodau yn ymweld â safle'r cais
i gael gwell dealltwriaeth o'r safle ac asesu'r sefyllfa eu hunain
a chafodd hyn ei eilio gan y Cynghorydd W.J. Williams.
|
|
|
|
PENDERFYNWYD ymweld
â'r safle uchod am y rhesymau a roddwyd - a chyn penderfynu ar
y cais.
|
|
|
|
7.5 39C259A -
CODI MORDURDY, FFENS A CADW'R GWAITH YN 22 GWÊL YR WYDDFA,
PORTHAETHWY
|
|
|
|
Datganodd David
Pryce Jones o'r Adain Rheoli Datblygu ddiddordeb yn y cais.
|
|
|
|
Dywedodd y Rheolwr Rheoli
Cynllunio i'r cais hwn gael ei drosglwyddo i'r Pwyllgor oherwydd
iddo gael ei gyflwyno gan un o swyddogion y Cyngor. Yn
ôl y Swyddog Cynllunio nid oedd yr un corff yr ymgynghorwyd ag
ef yn statudol wedi gwrthwynebu a'r polisiau perthnasol a ystyriwyd
wrth benderfynu ar ei argymhelliad oedd Polisi Cyffredinol 1 a
Pholisïau 42 a 58 Cynllun Lleol Ynys Môn. Roedd ef
yn hapus na châi y bwriad hwn effaith andwyol ar gymeriad nac
ar bleserau tai cyfagos a bod y bwriad yn debyg iawn i waith a
wnaed ar dai eraill yn yr ardal.
|
|
|
|
PENDERFYNWYD
caniatáu'r cais gyda'r amodau yn
adroddiad y swyddog.
|
|
|
|
7.6
|
45LPA829/CC - CREU ARDAL CHWARAEON AML-DDEFNYDD GYDA
FFENS PERIMEDR A LLIFOLEUADAU AR DIR YN YSGOL GYNRADD NIWBWRCH,
NIWBWRCH
|
|
|
|
|
Trosglwyddyd y cais hwn
i'r Pwyllgor am iddo gael ei gyflwyno gan y Cyfarwyddwr
Corfforaethol (Priffyrdd, Cludiant ac Eiddo) ar ran Cyngor Sir Ynys
Môn.
|
|
|
|
Dywedodd y Rheolwr Rheoli
Cynllunio mai'r polisïau perthnasol a ystyriwyd wrth
benderfynu ar argymhelliad y swyddog oedd Polisïau 1, 17 a 42
ac nid oedd yr un corff statudol yr ymgynghorwyd ag ef wedi
gwrthwynebu ac eithrio yng nghyswllt y goleuni a fuasai'n taflu
drosodd i'r briffordd gyhoeddus. Argymhellodd bod aelodau yn
caniatáu'r cais ar ôl ymgynghori yn foddhaol yng
nghyswllt y goleuni.
|
|
|
|
Cynigiodd y Cynghorydd
John Roberts roddi caniatâd i'r cais gyda'r amod uchod a
chafodd ei eilio gan y Cynghorydd R.L. Owen.
|
|
|
|
PENDERFYNWYD
dirprwyo'r hawl i roddi caniatâd i'r
cais i Bennaeth y Gwasanaethau Cynllunio unwaith y buasai wedi
cwblhau'r gwaith ymgynghori yn foddhaol a hefyd gyda'r amodau yn
adroddiad y swyddog.
|
|
|
|
7.7
|
46C137D - CAIS LLAWN AR GYFER CODI 34 O DAI TRI LLAWR
YNGHYD Â CHREU MYNEDFA I GERBYDAU A CHERDDWYR AR DIR YN YR HEN
GAE CRICED, TREARDDUR
|
|
|
|
|
Cafwyd argymhelliad gan y
Rheolwr Rheoli Cynllunio bod aelodau yn ymweld â'r safle cyn
ystyried y cais a phenderfynu arno er mwyn gwerthfawrogi'n well
beth fydd effaith y bwriad.
|
|
|
|
Cynigiodd y Cynghorydd
Goronwy Parry bod yr aelodau yn ymweld â'r safle i gael gwell
dealltwriaeth o effaith y bwriad ac i sicrhau hefyd bod y cais yn
cael sylw y tu mewn i'r cyfnod amser priodol.
|
|
|
|
PENDERFYNWYD
ymweld â'r safle uchod am y rhesymau
a roddwyd cyn penderfynu arno.
|
|
|
|
7.8
|
48C130A/DA - CAIS MANWL AR GYFER CODI ANNEDD YNGHYD
AG ADDASU Y FYNEDFA BRESENNOL AR DIR GERBRYN Â CROSS KEYS,
GWALCHMAI
|
|
|
|
|
Cafwyd datganiad o
ddiddordeb gan Lynn Ball o'r Adain Gyfreithiol ar y cais
hwn.
|
|
|
|
Dywedodd y Rheolwr Rheoli
Cynllunio bod caniatâd amlinellol wedi'i roddi i'r datblygiad
uchod gan y Pwyllgor hwn ar 5 Rhagfyr 2001dan y cais cynllunio rhif
48C130.
|
|
|
|
Rhyddhawyd caniatâd i
faterion wrth gefn dan bwerau dirprwyol cyn sylweddoli y dylid bod
wedi trosglwyddo'r cais i'r Pwyllgor hwn benderfynu arno o gofio
iddo gael ei gyflwyno gan un o weithwyr y Cyngor.
|
|
|
|
Cafwyd trafodaethau rhwng
y swyddogion, y cyfreithiwr a Chyfarwyddwr y Gwasanaethau
Cyfreithiol/Swyddog Monitro a chadarnhaodd y Swyddog Monitro, ar
ôl siecio'r ffeil gynllunio, ei bod yn fodlon bod y trefniadau
arferol wedi'u dilyn yng nghyswllt ystyried ceisiadau o'r fath.
Yn y cyfamser cymerwyd camau i sicrhau bod y Swyddogion
Cynllunio yn ymwybodol o'r angen i ymgynghori gyda'r Swyddog
Monitro yn y dyfodol pryd bynnag y bydd cais cynllunio fel yr un
hwn yn cael ei gyflwyno gan swyddogion.
|
|
|
|
PENDERFYNWYD
nodi'r penderfyniad i ryddhau
caniatâd i faterion wrth gefn gyda'r amod fod raid
cydymffurfio gyda'r amodau a nodwyd yn adroddiad y swyddog.
|
|
|
|
8 CEISIADAU A DDIRPRWYWYD
|
|
|
|
Cyflwynwyd a derbyniwyd -
adroddiad y Cyfarwyddwr Corfforaethol (Cynllunio a Gwasanaethau
Amgylcheddol) ar y materion dirprwyol y penderfynwyd arnynt ers
cyfarfod diwethaf y Pwyllgor hwn a nodwyd bod 73 o geisiadau wedi
cael sylw ers y dyddiad hwnnw. Rhoes y Cynghorydd R.L. Owen
ei longyfarchiadau i'r staff am wneud gwaith caled.
|
|
|
|
Yma roedd y Cynghorydd
Goronwy Parry yn dymuno mynegi pryderon ynghylch problemau parcio
yn Nhan y Bryn, y Fali (rhif 49C220A ar dudalen 8 y rhestr
ddirprwyol).
|
|
|
|
PENDERFYNWYD derbyn
yr adroddiad.
|
|
|
|
9 APELIADAU CYNLLUNIO - ADRAN 78 DEDDF CYNLLUNIO GWLAD
A THREF 1990
|
|
Penterfyn
Rhostrehwfa
|
|
|
|
Nodwyd bod y fersiwn
Gymraeg ar y rhaglen yn anghywir - roedd yr apêl yn ymwneud
â Phenterfyn, nid Cartrefle, Rhostrehwfa.
|
|
|
|
Cyflwynwyd a derbyniwyd,
adroddiad yr Arolygwr Cynllunio a benodwyd gan y Cynulliad i gynnal
apêl yn erbyn penderfyniad yr Awdurdod hwn - penderfyniad i
wrthod caniatâd cynllunio i ddymchwel annedd a chodi annedd
newydd ym Mhenterfyn, Rhostrehwfa dan gais cynllunio rhif 36C215.
Rhoes yr Arolygwr ei ganiatâd i'r Apêl.
|
|
|
|
10 RHEOLI PERFFORMIAD - RHEOLI
CYNLLUNIO
|
|
|
|
Cyflwynwyd a derbyniwyd
adroddiad y Pennaeth Gwasanaeth Cynllunio ar archwiliad diweddar
gan y Comisiwn Archwilio yn awgrymu y ffordd ymlaen ynghylch
monitro a gweithredu ar Gynllun Gwella yn y Gwasanaeth Rheoli
Cynllunio.
|
|
|
|
Ynghlwm wrth yr adroddiad
roedd copi o adroddiad arall ac o Gynllun Gweithredu a gyflwynwyd
i'r Pwyllgor Sgriwtini yr Amgylchedd a Chludiant ar 16 Medi, 2003 a
hefyd ddyfyniad o gasgliadau'r Comisiwn Archwilio ac awgrymiadau ar
gyfer rhagor o welliannau. Hefyd amgaewyd graffiau yn dangos
y newid sydyn a dramatig yn y perfformiad ers yr Arolwg Gwerth
Gorau ym mis Rhagfyr 2001.
|
|
|
|
Roedd yr adroddiad yn
argymhell fel a ganlyn i'r Pwyllgor Amgylchedd a Chludiant ar 16
Medi, 2003:
|
|
|
|
"argymell i'r
Pwyllgor Gwaith bod perfformiad Rheoli Cynllunio yn cael ei fonitro
yn unol â Phrotocol Cyflwyno Adroddiadau a Monitro'r Cyngor
(ii) newid cyfrifoldebau'r Grwp Monitro, Grwp ac arno Gadeirydd y
Pwyllgor yr Amgylchedd a Chludiant, Cadeirydd y Pwyllgor Cynllunio
a Gorchmynion, y Deilydd Portffolio (Datblygu Economaidd a
Chynllunio) y Cyfarwyddwr Corfforaethol (Cynllunio a'r Amgylchedd)
a Phennaeth Gwasanaeth y Gwasanaethau Cynllunio i gynnwys monitro a
gweithredu ar y Cynllun Gwella i'r cyfan o'r Gwasanaeth
Cynllunio."
|
|
|
|
Roedd yr adroddiad yn
cadarnhau gwelliannau yn y perfformiad (codi o'r gwaelod yn 2001 i
gyrraedd y brig fel y perfformiad gorau yng Nghymru yn 2003) yng
nghyswllt delio gyda cheisiadau cynllunio ac o'r herwydd nid yw'r
gwasanaeth bellach yn y categori risg uchel a chafwyd argymhellion
i fabwysiadu trefniadau newydd i bwrpas monitro perfformiad y
gwasanaeth yn y dyfodol.
|
|
|
|
Rhoes y Rheolwr Rheoli
Cynllunio ei longyfarchiadau i bawb a fu'n rhan o'r gwaith gan
gynnwys y staff a'r Pwyllgor ac ychwanegodd fod casgliadau'r
Arolygwyr yn her i'r gwasanaeth - her i gynnal y gwelliant ac aros
yn y chwarter uchaf. Roedd y Cadeirydd a'r aelodau yn cefnogi
sylwadau'r sywddog.
|
|
|
|
Derbyniwyd yr
adroddiad gan yr Aelodau a nodwyd hefyd y buasai'r Grwp Monitro yn
parhau i gyfarfod er mwyn sicrhau gwelliannau parhaus yn y
gwasanaeth i'r cyfan o'r Gwasanaeth Cynllunio.
|
|
|
|
11 ACHLYSURON HYFFORDDI I'R AELODAU
|
|
|
|
Dywedodd y Rheolwr Rheoli
Cynllunio bod seminar wedi'i chynnal ar 30 Medi, 2003 ar y pynciau
a ganlyn - tai yn y cefn gwlad/tai fforddiadwy, a'r Cynllun
Datblygu Unedol - materion cyn pryd, a rhagor o sesiynau wedi'u
trefnu yn y dyfodol agos ar faterion cynllunio yn gyffredinol.
|
|
|
|
Nodwyd bod yr aelodau yn
gwerthfawrogi'r sesiynau yn fawr ac yn dymuno'u cael yn
rheolaidd.
|
|
|
|
Daeth y cyfarfod i ben am 3.45 p.m.
|
|
|
|
CYNGHORYDD ROBERT LL. HUGHES
|
|
CADEIRYDD
|