Pwyllgor Cynllunio a Gorchmynion dogfennau , 5 Ionawr 2005

1

DATGANIAD O DDIDDORDEB

2

COFNODION

3

YMWELIADAU Â SAFLEOEDD

4

CEISIADAU'N CODI O'R COFNODION

4.1

GWEDDILL Y CEISIADAU

4

15C132A - ADFER YR ANNEDD BRESENNOL YNGHYD AG EHANGU A GOSOD TANC SEPTIG NEWYDD Y TU ALLAN I'R CWRTIL YN NHYN FFLAT, TREFDRAETH

     Gwnaeth Mr. Barry J. Jones o'r Adran Briffyrdd ddatganiad o ddiddordeb yn y cais hwn.

     Cyflwynwyd y cais i'r Pwyllgor yn ôl dymuniad yr aelod lleol.

Yn y cyfarfod cynt ac yn groes i argymhelliad o wrthod gan y swyddog roedd yr aelodau yn tueddu i ganiatáu'r cais hwn am y rhesymau a ganlyn :

Ÿ     cais oedd yma i adfer annedd - nid addasu adeilad

Ÿ     y dyluniad a'r maint yn dderbyniol i'r safle

Ÿ     mewn ymateb i argymhelliad Asiantaeth yr Amgylchedd - nid oedd hwn yn ddatblygiad newydd

Ÿ     heb fod yn groes i fioamrywiaeth

     Dywedodd y Rheolwr Rheoli Cynllunio fod yr annedd yn  adfail a neb wedi byw ynddi ers diwedd y 70au.  Buasai unrhyw fwriad i'w hadfer yn cyfateb i godi annedd newydd, a hefyd roedd maint y cynnig yn annerbyniol fel y manylwyd ar hynny yn adroddiad y swyddog.  Roedd yr ymgeisydd yn cydnabod nad oedd modd byw yn yr adeilad a bod yr hawliau preswylio wedi darfod.  'Roedd y bwriad ddwywaith maint yr hen annedd.  Roedd effaith andwyol y cynnig y tu mewn i Safle o Ddiddordeb Gwyddonol Arbennig a thu mewn i Ardal Tirwedd Arbennig yn annerbyniol.  Pe rhoddid caniatâd dan yr amgylchiadau hyn buasai hynny'n creu cynsail i gynigion cyffelyb yn y dyfodol.  Roedd llythyr arall wedi dod i law oddi wrth Asiantaeth yr Amgylchedd yn ailddatgan yr hyn a ddywedwyd ganddynt gynt, sef ei bod hi'n annerbyniol adeiladu mewn gorlifdir.  Roedd y cynnig yn groes i TAN15 a chafwyd argymhelliad o wrthod.

     Ailadroddodd y Cynghorydd R.Ll Hughes yr hyn yr oedd wedi ei ddweud a chefnogodd y cais.  Er gwaethaf cyflwr adfeiliedig yr annedd roedd y Cynghorydd Hughes yn dal allan bod angen ystyried y cynnig fel bwriad i adfer oherwydd bod y ty wedi ei ddifrodi gan dân.  Roedd yr ymgeisydd angen codi ty mwy i'w deulu.  Ni chredai'r Cynghorydd Hughes y buasai'r bwriad hwn allan o gymeriad ond yn hytrach y buasai'n gwella gwedd yr ardal.  Dywedodd y Cynghorydd Hughes bod ffarm gywion ieir wedi ei sefydlu y drws nesaf; wedyn ¾m draw roedd ty ffrâm goed newydd wedi ei godi yn lle hen un ar lefel 1.5m AOD - roedd y cais gerbron ar lefel 3.7m AOD.  Felly credai'r Cynghorydd Hughes yn gryf iawn y dylid rhoddi caniatâd i'r cais.

     Cynigiodd y Cynghorydd Hughes fod y cais yn cael ei ganiatáu yn unol â'r penderfyniad gwreiddiol, ac fe eiliwyd hyn gan y Cynghorydd D. Lewis-Roberts.

4

  GWEDDILL Y CEISIADAU

     19C291A - CAIS AMLINELLOL I DDYMCHWEL Y TY TAFARN, CODI 12 ANNEDD 2 YSTAFELL WELY YNGHYD Â CHREU MYNEDFA NEWYDD I GERBYDAU YN Y DDRAIG GOCH, LLAIN-GOCH.

     Cyflwynwyd y cais i'r Pwyllgor yn ôl dymuniad yr aelod lleol.

     Dywedodd y Rheolwr Rheoli Cynllunio bod yr ymgeiswyr bellach wedi cyflwyno cynlluniau diwygiedig yn rhoddi sylw i faterion technegol yng nghyswllt materion priffyrdd a draenio - buasai'r cyfryw faterion yn destun ymgynghori pellach.  Yn y cyfamser roedd y swyddog yn argymell gohirio ystyried y cais.

     Am y rheswm a roddwyd gan y swyddog PENDERFYNWYD gohirio'r cais hwn.

4

  CEISIADAU ECONOMAIDD

     20C74K/DA - CYNLLUNIAU MANWL AR GYFER CODI 18 ANNEDD GYDA GAREJ YNGHYD Â MYNEDFA NEWYDD I DYDDYN GYRFA AR DIR GYFERBYN A STAD TYDDYN, CEMAES.

     Cyflwynwyd y cais i'r Pwyllgor yn ôl dymuniad yr aelod lleol0.  Ymwelwyd â'r safle ar 17 Tachwedd, 2004.  Yng nghyfarfod Rhagfyr gohiriwyd ystyried y cais yn ôl dymuniad yr aelod lleol a hynny am ei fod yn absennol.  

     Disgrifiodd y Rheolwr Rheoli Cynllunio y safle fel y manylwyd ar hynny yn ei adroddiad.  Sefydlwyd yr egwyddor o ddatblygu ar y tir hwn pan roddwyd caniatâd cynllunio amlinellol yn ystod y 90au.  Cais oedd yma yng nghyswllt materion wrth gefn, sef lleoliad, dyluniad, gwedd allanol, mynedfa ac ystyriaethau tirlunio i ddeunaw o fyngalos dormer o ddyluniad amrywiol.  Teimlai'r swyddogion bod y cynllun a gyflwynwyd yn dderbyniol o safbwynt cynllunio a hefyd yn cydymffurfio gyda pholisïau tai.  Nid oedd yr un rheswm dros wrthod a chafwyd argymhelliad o ganiatáu.

     Y boen fwyaf i'r bobl leol yn ôl y Cynghorydd John Williams, yr aelod lleol, oedd creu mynedfa newydd i stad Tyddyn Gyrfa - yn y llecyn arbennig hwn roedd y lôn yn gul ac yn beryglus ond roedd yr aelod yn gwerthfawrogi bod yr Adran Briffyrdd wedi rhoddi sylw priodol i bob agwedd o'r cais.  Ychwanegodd y Cynghorydd Williams nad oedd perchnogaeth y tir ym Mhen Cae wedi ei sefydlu eto.  Roedd angen diogelu pleserau nifer o dai o gwmpas y safle.

     Sylwodd y Cynghorydd Keith Thomas fod perchennog Manora mewn llythyr a gyflwynwyd ar 9 Awst 2004, yn crybwyll  fod yr ymgeisydd yn bwriadu gosod pibell garthffosiaeth ar draws ei dir - tir nad oedd yn eiddo i'r ymgeiswyr.  Mewn ymateb dywedodd y Rheolwr Rheoli Cynllunio bod yr ymgeisydd wedi cyflwyno tystysgrif yn cadarnhau fod hawddfraint wedi ei chaniatáu.

     Wedyn ychwanegodd y Rheolwr Rheoli Cynllunio fod caniatâd cynllunio amlinellol wedi ei roddi i'r safle yn y cyfnod cyn cyflwyno'r polisïau cyfredol ar ddarparu tai fforddiadwy - dywedodd hyn mewn ymateb i gwestiwn gan y Cynghorydd Denis Hadley.

     Mewn ymateb i gwestiwn gan y Cynghorydd Thomas Jones dywedodd y swyddog bod cytundeb dan Adran 106 wedi ei wneud yng nghyswllt ffyrdd a charthffosydd.

     Mewn ymateb i'r Cynghorydd R. Ll. Hughes dywedodd yr Uwch Beiriannydd Priffyrdd ei fod yn fodlon bod y fynedfa arfaethedig yn addas i gerbydau ac i gerddwyr gan ychwanegu eu bod am i'r ymgeiswyr sicrhau y bydd y llwybr cyhoeddus yn 2 fetr o led ac y bydd uchder y ffens rhwng y tir a'r llwybr yn cael ei ostwng o 2m i 1m.  

     Roedd y Cynghorydd W. T. Roberts o'r farn fod rhwydwaith ffyrdd yr ardal hon gyda'r rhwydwaith mwyaf peryglus ym Môn.  

     Gan y Cynghorydd P. M. Fowlie cafwyd cynnig i ganiatáu a chafodd ei eilio gan y Cynghorydd Eurfryn Davies.

     O 12 pleidlais PENDERFYNODD yr aelodau dderbyn adroddiad ac argymhelliad y swyddog o ganiatáu'r cais a hynny am y rhesymau yn adroddiad y swyddog a chyda'r amodau yn yr adroddiad hwnnw.

     Ni phleidleisiodd y Cynghorydd W. T. Roberts ar y cais.

4

GWEDDILL Y CEISIADAU

     Gwnaeth y Cynghorydd Aled Morris Jones ddatganiad o ddiddordeb yn y cais a gadawodd y           cyfarfod tra bu trafodaeth a phleidleisio arno.

     Cyflwynwyd y cais i'r Pwyllgor yn ôl dymuniad yr aelod lleol.  Gohiriwyd ystyried y cais hwn yng nghyfarfod mis Rhagfyr a hynny yn ôl dymuniad yr ymgeisydd a oedd eisiau cyflwyno rhagor o wybodaeth i gefnogi'r cais.

     Wedyn dywedodd y Rheolwr Rheoli Cynllunio nad oedd unrhyw wybodaeth newydd wedi dod i law gan yr ymgeisydd a bod y swyddog yn teimlo, i fod wedi cael digon o amser.

     Dywedodd y swyddog mai cais amlinellol oedd gerbron ac aeth ymlaen i ddisgrifio'r safle fel y manylwyd ar hynny yn adroddiad y swyddog.  Roedd y cyrff yr ymgynghorwyd â nhw yn statudol wedi cyflwyno sylwadau ond ddim yn gwrthwynebu'r bwriad.  Hefyd derbyniwyd dau lythyr o wrthwynebiad a llythyr oddi wrth y Cyngor Cymuned yn amgau deiseb ac arni 28 o enwau.  Nodwyd hefyd bod yr ymgeisydd eisoes wedi derbyn caniatâd i godi annedd arall yn y cyffiniau.

     Dygodd y swyddog sylw'r aelodau at y polisïau perthnasol yn adroddiad y Swyddog gan ychwanegu mai Polisi 50 (pentrefi rhestredig) oedd y polisi pennaf a ystyriwyd.  Roedd Llangwyllog yn bentref rhestredig yng Nghynllun Lleol Ynys Môn a'r mater a gafodd y sylw pennaf gan swyddogion oedd yr egwyddor o ddatblygu - effaith hynny ar y tirwedd - a buasai'r cynnig yn creu datblygiad rhubanaidd, a hefyd yn cael effaith andwyol ar y tirwedd ac yn erydu bwlch braf yn y cefn gwlad.  Cafwyd argymhelliad o wrthod gan y swyddog gan fod y cais yn groes i Bolisi 50 Cynllun Lleol Ynys Môn.

     Roedd y Cynghorydd W. J. Williams, yr aelod lleol, yn cytuno gyda'r hyn a ddywedwyd gan y Rheolwr Rheoli Cynllunio gan deimlo y buasai'r cynnig yn creu datblygiad rhubanaidd, a bod safle'r cais ger Llyn Cefni lle 'roedd dau dy newydd wedi eu codi yn ystod y pum mlynedd ar hugain ddiweddar.  Ni chredai'r Cynghorydd Williams fod y cais hwn yn cael ei gyflwyno mewn ymateb i angen lleol.     

     Cafwyd cynnig o wrthod gan y Cynghorydd John Roberts a chafodd ei eilio gan y Cynghorydd W. T. Roberts.

     O 9 pleidlais PENDERFYNWYD derbyn adroddiad y swyddog a'r argymhelliad i wrthod a hynny am y rhesymau a roddwyd gan y swyddog.

4

  GWEDDILL Y CEISIADAU

     24C221 - NEWID DEFNYDD ADEILADAU ALLANOL I 3 UNED WYLIAU YNGHYD Â DARPARU TANC SEPTIG NEWYDD YN NHY'N RHOS, DULAS

     Gwnaeth y Cynghorydd J. Arthur Jones ddatganiad o ddiddordeb yn y cais ac nid oedd yn 0bresennol yn ystod y drafodaeth.

     Ymwelwyd â safle'r cais ar 17 Tachwedd, 2004.  Yn y cyfarfod cynt ac yn groes i argymhelliad o ganiatáu gan y swyddog roedd yr aelodau yn tueddu i wrthod y cais hwn am y rhesymau a ganlyn :

Ÿ     rhesymau diogelwch y briffordd - ni all rhwydwaith lleol y ffyrdd ymdopi gyda'r cynnydd yn y traffig.

Ÿ     y cynllun yn rhyw fawr i'r ardal.

4

  GWEDDILL Y CEISIADAU

     24C222 - NEWID DEFNYDD ADEILADAU ALLANOL I 3 UNED WYLIAU YNGHYD Â DARPARU TANC SEPTIG NEWYDD YN COCHWILLAN, DULAS

     Gwnaeth y Cynghorydd J. Arthur Jones ddatganiad o ddiddordeb yn y cais ac nid oedd yn bresennol yn ystod y drafodaeth.

     Ymwelwyd â safle'r cais ar 17 Tachwedd, 2004.  Yn y cyfarfod cynt ac yn groes i argymhelliad o ganiatáu gan y swyddog roedd yr aelodau yn tueddu i wrthod y cais hwn am y rhesymau a ganlyn :

Ÿ     Diogelwch y ffordd, y gallu i weld

Ÿ     Rhwydwaith lleol y ffyrdd yn methu derbyn y datblygiad a'i gynnal

4

GWEDDILL Y CEISIADAU

     Gwnaeth y Cynghorydd J. Arthur Jones ddatganiad o ddiddordeb yn y cais ac nid oedd yn bresennol yn ystod y drafodaeth.

     Ymwelwyd â safle'r cais ar 17 Tachwedd, 2004.  Yn y cyfarfod cynt ac yn groes i argymhelliad o ganiatáu gan y swyddog roedd yr aelodau yn tueddu i wrthod y cais ac ni fedrent gytuno gyda'r swyddog ar faterion priffyrdd.

4

GWEDDILL Y CEISIADAU

     28C244A - CAIS I NEWID DEFNYDD YR ADEILAD ALLANOL I 2 UNED WYLIAU YN FELIN UCHAF, BRYN DU

     Cyflwynwyd y cais i'r Pwyllgor yn ôl dymuniad yr aelod lleol.  Ymwelwyd â'r safle ar 20 Hydref, 2004.  Roedd yr ymgeisydd wedi cynnig gwelliannau i'r briffordd a'r Adain Briffyrdd yn gweld y cynnig yn dderbyniol.

     Roeddid yn disgwyl am y lluniadau ffurfiol i wneud rhagor o ymgynghori yn eu cylch ac yn y cyfamser cafwyd argymhelliad i ohirio ystyried y cais  gan y swyddog.

     Gan y Cynghorydd Glyn Jones, yr aelod lleol, cafwyd cynnig i wrthod y cais oherwydd ofni y buasai caniatâd yn golygu gorddatblygu'r lle a chafodd ei eilio gan y Cynghorydd W. T. Roberts.

     O 8 bleidlais i 7 PENDERFYNWYD gohirio ystyried y cais hyd nes cwblhau'r gwaith ymgynghori.

4

GWEDDILL Y CEISIADAU

     CAIS I GADW DEFNYDD RHAN O'R SAFLE ER MWYN STORFA CARAFANAU TEITHIO YNG NGORSAF REILFFORDD TY CROES, BRYN DU

     Cyflwynwyd y cais i'r Pwyllgor yn ôl dymuniad yr aelod lleol.      

     Yng nghyfarfod Rhagfyr gohiriwyd ystyried y cais oherwydd ymgynghori gyda'r Cyngor Cymuned anghywir (yr un cyffiniol) a hefyd nid oedd 'run o'r tai cyffiniol wedi derbyn rhybudd.

     Cafwyd disgrifiad o'r cynnig ac o'r safle gan y Rheolwr Rheoli Cynllunio fel y manylwyd ar y cyfryw bethau yn yr adroddiad.

     Roedd gan y Cynghorydd Glyn Jones, yr aelod lleol, amheuaeth ynghylch a oedd yr ymgeisydd wedi cyflwyno cais arall am dystysgrif defnydd cyfreithlondeb.  Nid oedd y Cynghorydd yn cytuno bod y cais hwn yn cydymffurfio gydag egwyddorion Polisïau B1, B8 a B9 Cynllun Fframwaith Gwynedd a chyda Pholisi 2 Cynllun Lleol Ynys Môn - dros y tair blynedd diwethaf roedd perchennog y safle wedi preswylio yn Llundain ac ni fuasai rhoddi caniatâd i'r safle yn creu swyddi.  Wedyn rhannodd y Cynghorydd ffotograffau lliw i aelodau'r Pwyllgor yn cefnogi ei ddatganiad bod y safle, fel y mae, yn ddolur llygaid.  Hefyd roedd y Cynghorydd Jones yn poeni ynghylch dulliau o reoli gwastraff ar y safle yn y dyfodol.  

     Gofyn wnaeth y Cynghorydd D. Lewis-Roberts a fuasai rhoddi caniatâd mewn gwirionedd yn gwella gwedd y safle.

     Cafwyd cynnig gan y Cynghorydd Glyn Jones i wrthod y cais a chafodd ei eilio gan y Cynghorydd W. T. Roberts.

     Dywedodd y Rheolwr Rheoli Cynllunio y rhoddid amodau ynghlwm wrth unrhyw ganiatâd i sicrhau cydymffurfiad gyda'r ddeddfwriaeth mewn grym.  Cymerid camau gorfodaeth pe methid â chydymffurfio gyda'r cyfryw amodau.

     O 9 pleidlais i 6 PENDERFYNWYD rhoi'r awdurdod i'r Pennaeth Gwasanaethau Cynllunio ganiatáu'r cais, gyda'r amod na ddeuai sylwadau newydd i mewn yn ystod gweddill y cyfnod ymgynghori a hefyd gyda'r amodau yn adroddiad y swyddog.

4

CEISIADAU ECONOMAIDD

     29C103B - CODI ADEILAD AR GYFER DEFNYDD BUSNES AM YSTAFELL FWG YNGHYD AG ADDASU Y FYNEDFA GERBYDAU BRESENNOL, A GOSOD TANC SEPTIG NEWYDD YN Y BORTHWEN, LLANFAETHLU

     Dygwyd y cais hwn i'r Pwyllgor benderfynu arno oherwydd sylwadau a gafwyd gan yr aelod lleol.

     Ymwelwyd â safle'r cais ar 15 Rhagfyr 2004 a chadarnhaodd y Rheolwr Rheoli Cynllunio fod caniatâd wedi ei roddi i greu mynedfa i'r safle fel y gwelodd yr aelodau yn ystod yr ymweliad â'r safle.  

     O safbwynt cywirdeb y cofnod dywedodd y Rheolwr Rheoli Cynllunio bod hwn yn gais economaidd ac nid oedd yn rhan o "gweddill y ceisiadau" fel a nodwyd yn adroddiad y swyddog.  Hefyd cafwyd sylwadau gan y cyrff hynny yr ymgynghorwyd â nhw yn statudol ond ni chafwyd ganddynt yr un gwrthwynebiad.  Roedd 1 llythyr o wrthwynebiad wedi ei dderbyn a chrynhowyd hwnnw yn adroddiad y swyddog a hefyd roedd y llythyr ar gael yn y cyfarfod.

     Wedyn crybwyllodd y swyddog brif faterion cynllunio'r cais gan gynnwys cynaliadwyaeth a'r egwyddor o ddatblygu, lleoliad, gwedd allanol a defnyddiau, ac effaith y cynnig ar yr Ardal o Brydferthwch Naturiol Eithriadol a manylwyd ar y pleserau, y priffyrdd a'r draeniad fel y crybwyllwyd y cyfryw bethau yn adroddiad y swyddog.

     Y polisïau economaidd ac amgylcheddol oedd y rhai pennaf a ystyriwyd wrth lunio argymhelliad i'r Pwyllgor a theimlai'r swyddogion bod modd canfod safleoedd eraill, rhai digon da, y tu allan i'r Ardal o Brydferthwch Naturiol Eithriadol hon.

     Ni fedrai'r Cynghorydd Bessie Burns, yr aelod lleol, dderbyn adroddiad y swyddog.  Roedd y siopau lleol wedi cau, roedd nifer y plant yn gostwng yn yr ysgol leol a hefyd roedd yr ardal wedi dioddef diweithdra.  Yn 2003 rhoddwyd caniatâd i gynllun cyffelyb yn nwyrain yr Ynys.  

     Cynnig oedd hwn i godi adeilad bychan - llai na'r rhan fwyaf o'r siediau, ac nid yw'r cyfan o'r siediau yn cael eu defnyddio i ddibenion amaethyddol; nid adeilad diwydiannol mawr oedd dan sylw yn y lle hwn.  Buasai rhoddi caniatâd yn creu 8 swydd ar y safle a 2 swydd arall i weithwyr maes.  Hefyd roedd modd ailgylchu'r mwg a ddeuai o'r offer mygu a dim ond ager a gâi ei ollwng o'r adeilad.  Yn wir roedd Adran Datblygu Economaidd y Cyngor ei hun yn gynnig pob anogaeth i gynnyrch lleol trwy yr "Ynys Fwyd" a hefyd roedd gan yr ardal dan sylw draddodiad o brosesu pysgod.  Roedd yr ymgeisydd yn cyflenwi i westyau mawrion ar draws y wlad, a chan gynnwys Llundain, a hefyd roedd yn fodlon symud yr adeilad a diwygio ei wedd allanol i greu'r argraff o dy petai hynny'n ddymunol.  Beth amser yn ôl roedd cig moch yn cael ei fygu yn y Borthwen.  

     Mewn ymateb i gwestiwn gan y Cynghorydd John Roberts dywedodd y Rheolwr Rheoli Cynllunio fod cyfleusterau mygu wedi eu caniatáu yn Nulas, ond mater o addasu adeilad oedd hwnnw ac nid oedd mewn Ardal o Brydferthwch Naturiol Eithriadol.

     Wedyn cafwyd awgrym gan y Cynghorydd Denis Hadley y gellid symud yr adeilad a'i guddio.  Mewn ymateb i gwestiwn gan y Cynghorydd Arwel Edwards dywedodd y Rheolwr Rheoli Cynllunio y buasai'n rhaid ailymgynghori pe câi'r adeilad ei symud ac yn wir mae'r peth hwylusaf fuasai cyflwyno cais newydd.

     Credai'r Cynghorydd Arthur Jones fod creu swyddi yn ffactor o bwys yn yr ardal hon.  

     Teimlai'r Cynghorydd Aled Morris Jones bod y math hwn o fusnes yn mynd i ymdoddi'n naturiol yn y cefn gwlad.

     Ond ychwanegodd y Cynghorydd R. Ll. Hughes bod safleoedd eraill, rhai megis unedau diwydiannol, wedi eu dynodi y tu mewn i'r CDU i'r math hwn o fusnes.

     Gan y Cynghorydd Tecwyn Roberts cafwyd cynnig i ganiatáu'r cais am na chafwyd yr un broblem pan sefydlwyd uned gyffelyb yn Nulas, a chafodd ei eilio gan y Cynghorydd Arthur Jones.

     Cynigiodd y Cynghorydd Thomas Jones dderbyn argymhelliad y swyddog, sef gwrthod, a hynny oherwydd dyluniad yr adeilad.

     Roedd y bleidlais yn 8 yr un ond trwy bleidlais fwrw'r Cadeirydd PENDERFYNWYD gwrthod y cais am y rhesymau yn adroddiad y swyddog.

4.13

CEISIADAU ECONOMAIDD

     Dywedodd y Rheolwr Rheoli Cynllunio bod ymgynghorwyr annibynnol wedi eu comisiynu i asesu effaith weledol y bwriad ar y tirwedd a'r disgwyl oedd y buasai adroddiad llawn ar gael ac yn cael ei gyflwyno i Bwyllgor Chwefror.

     Am y rheswm a roddwyd PENDERFYNWYD gohirio ystyried y cais.     

4

CEISIADAU YN TYNNU'N GROES I'R POLISI

Ÿ     mae'r cais yn cael ei gefnogi gan y Cyngor Cymuned Lleol

Ÿ     mae'r safle y tu mewn i glwstwr o dai eraill - llenwi bwlch

Ÿ     mae digon o fannau pasio ar hyd y lôn

4

CEISAIDAU ECONOMAIDD

     34C303F/1 - CODI 15 O ANHEDDAU - SEF CHWE THY AR WAHÂN A THERAS TRI THY YM MRO EDNYFED, LLANGEFNI

     Gwnaeth y Cynghorydd Aled Morris Jones ddatganiad o ddiddordeb yn y cais.

     Cyflwynwyd y cais i'r Pwyllgor yn ôl dymuniad yr aelod lleol.

     Dywedodd y Rheolwr Rheoli Cynllunio bod y swyddogion yn y broses o ymgynghori gyda'r ymgeiswyr ynghylch cynnwys tai fforddiadwy yn y cynllun ac roedd y swyddogion yn disgwyl bod mewn sefyllfa i gyflwyno adroddiad i gyfarfod nesaf y Pwyllgor.

     PENDERFYNWYD gohirio ystyried y cais hyd nes cwblhau gwaith ymgynghori gyda'r ymgeiswyr.

     Cyflwynwyd y cais i'r Pwyllgor yn ôl dymuniad yr aelod lleol.  Ymwelwyd â'r safle ar 17 Tachwedd, 2004.

     Cafwyd gwybod gan y Rheolwr Rheoli Cynllunio bod yr ymgeiswyr wedi gofyn am ohirio ystyried y cais hyd nes cynnal rhagor o drafodaethau yn ei gylch.

     PENDERFYNWYD gohirio ystyried y cais hyd nes cwblhau'r gwaith ymgynghori gyda'r ymgeiswyr.     

4

CAIS SY'N TYNNU'N GROES I'R POLISI

     34C83C - DATBLYGIAD TRIGIANNOL YN CYNNWYS CODI 21 O DAI YNGHYD Â CHREU MYNEDFA NEWYDD I GEIR AR DIR YN FFORDD GLANHWFA, LLANGEFNI

     Gwnaeth Mr. J. R. W. Owen o'r Adran Briffyrdd ddatganiad o ddiddordeb yn y cais ac nid oedd yn bresennol yn ystod y drafodaeth.

     Dywedodd y Rheolwr Rheoli 0Cynllunio bod y swyddogion yn dal i fod mewn trafodaethau gyda'r ymgeiswyr ynghylch darparu llwybr cerdded a chafwyd argymhelliad i ohirio ystyried y cais.

     PENDERFYNWYD gohirio ystyried y cais hyd nes cwblhau'r gwaith ymgynghori gydag asiant yr ymgeisydd.     

4

GWEDDILL Y CEISIADAU

     36C237 - CAIS LLAWN AR GYFER DYMCHWEL YR ANNEDD BRESENNOL YNGHYD Â CHODI ANNEDD NEWYDD YM MRYN GWENITH, RHOSTREHWFA

     Gwnaeth y Cyfarwyddwr Corfforaethol (Cynllunio a'r Amgylchedd) ddatganiad o ddiddordeb yn y cais.

     Dygwyd y cais hwn i'r Pwyllgor benderfynu arno gan fod y Cyfarwyddwr Corfforaethol (Cynllunio a'r Amgylchedd) wedi datgan diddordeb ynddo a hefyd wedi cyflwyno gwrthwynebiadau.Ymwelwyd â safle'r cais gan yr aelodau ar 17 Tachwedd 2004.  

     Yn y cyfarfod cynt ac yn groes i argymhelliad o wrthod gan y swyddog roedd yr aelodau yn tueddu o blaid caniatáu'r cais am y rhesymau a ganlyn :

Ÿ     mae safle'r cais a'r annedd sydd yno yn amlwg iawn o ardal eang, ac ni fuasai'r annedd newydd fawr amlycach

Ÿ     priffyrdd digonol

Ÿ     yn dderbyniol o safbwynt codi annedd newydd yn lle hen un

     Yn unol â Chyfansoddiad y Cyngor gohiriwyd ystyried y cais tan y cyfarfod nesaf er mwyn rhoi cyfle i swyddogion baratoi adroddiad ar y rhesymau dros ganiatáu'r cais hwn.

     Dywedodd y Rheolwr0 Rheoli Cynllunio nad oedd y cais yn cydymffurfio gyda'r polisïau a bod y bwriad hwn ag arwynebedd dair gwaith cymaint â'r annedd sydd yno a hefyd buasai'n dra amlwg yn y tirwedd.  Roedd yn argymell gwrthod am y rhesymau a eglurwyd yn y cyfarfod blaenorol.

     Dywedodd y Cynghorydd W. I. Hughes, yr aelod lleol, ei fod yn gefnogol i'r cais am y rhesymau a roddwyd o'r blaen ond ychwanegodd fod y ty hwn o faint cyffelyb i dai newydd eraill yn y cyffiniau.

     Gan y Cynghorydd Aled Morris Jones cafwyd gynnig o ganiatáu am y rhesymau uchod a chafodd ei eilio gan y Cynghorydd Denis Hadley.

     O 10 pleidlais i 2 PENDERFYNWYD glynu wrth benderfyniad blaenorol y Pwyllgor i ganiatáu'r cais am y rhesymau uchod a chyda'r amodau safonol perthnasol.     

4

I'R POLISI

     38C209 - CAIS AMLINELLOL AR GYFER CODI ANNEDD, 4 YSTAFELL WELY AR DIR GYFERBYN Â THAN Y BRYN, MYNYDD MECHELL

     Dygwyd y cais hwn i'r Pwyllgor benderfynu arno yn ôl dymuniad yr aelod lleol a oedd yn ystyried bod y safle yn "dir o safon isel iawn".

     Yn y cyfarfod cynt ac yn groes i argymhelliad o wrthod gan y swyddog, roedd yr aelodau yn tueddu i ganiatáu'r cais am y rhesymau a ganlyn :

Ÿ     mae nifer dda o dai o gwmpas safle'r cais - y tu mewn i glwstwr ac yn cyfateb i lenwi bwlch

Ÿ     tir o safon isel iawn.

4

  CEISIADAU'N TYNNU'N GROES I'R POLISI 

     44C230 -  CAIS AMLINELLOL AR GYFER CODI ANNEDD YNGHYD Â CHREU MYNEDFA NEWYDD I GERBYDAU AR RAN O O.S. 5806, RHIWMOEL, RHOS-Y-BOL

     Cyflwynwyd y cais i'r Pwyllgor yn ôl dymuniad yr aelod lleol.

     Yn y cyfarfod cynt ac yn groes i argymhelliad o wrthod gan y swyddog roedd yr aelodau yn tueddu i ganiatáu'r cais am y rhesymau a ganlyn :

Ÿ     roedd y cynnig yn cydymffurfio gyda Pholisi 50 y Cynllun Lleol

     Yn unol â Chyfansoddiad y Cyngor gohiriwyd ystyried y cais er mwyn i'r swyddogion gael cyfle i baratoi adroddiad ar y rhesymau tros ei gymeradwyo.

     Dywedodd y Rheolwr Rheoli Cynllunio nad oedd y cais yn cydymffurfio gyda Pholisi 50 (Pentrefi Rhestredig) y Cynllun Lleol.  Er bod y pentref yn un rhestredig roedd y safle y tu allan i'w ffiniau.  Hefyd roedd y tu allan i ffiniau arfaethedig yr CDU ac felly cafwyd argymhelliad o wrthod.

     Credai y Cynghorydd Aled Morris Jones, yr aelod lleol, fod safle'r cais yn cyfateb i lenwi bwlch a mater o farn oedd cydymffurfio gyda Pholisi 50 ai peidio a chafwyd cynnig ganddo i ganiatáu'r cais.

     Cafwyd cyngor gan y Cyfreithiwr i gofnodi'r bleidlais ar y cais hwn.

     Mewn ymateb i gwestiwn y Cynghorydd D. Lewid-Roberts cadarnhaodd y Cyfreithiwr nad oedd y Cyfansoddiad yn mynnu ar gofnodi y bleidlais ond yn yr achos penodol hwn buasai'n beth doeth i'w wneud rhag ofn y cyflwynir cwyn i'r Ombwdsmon.

     Yn unol â pharagraff 18.5 Rheolau Gweithdrefn y Cyngor PENDERFYNWYD cofnodi'r bleidlais fel a ganlyn :     

     RHODDI CANIATÂD (YN GROES I ARGYMHELLIAD Y SWYDDOG) :

     Y Cynghorwyr Eurfryn Davies, P. Dunning, P. M. Fowlie, Denis Hadley, Aled Morris Jones, O. Glyn Jones, Thomas Jones, D. Lewis-Roberts, J. Arwel Roberts, W. T. Roberts (10)

     GWRTHOD CANIATÂD YN UNOL AG ADRODDIAD Y SWYDDOG :

     Y Cynghorwyr J. Arwel Edwards, R. Ll. Hughes, R. L. Owen, John Roberts (4)

     YMATAL :

     Y Cynghorwyr J. Arthur Jones, Keith Thomas (2)

4

GWEDDILL Y CEISIADAU

4

GWEDDILL Y CEISIADAU

     49C243A - CAIS LLAWN AR GYFER DYMCHWEL YR ADEILAD PRESENNOL, CODI 9 BYNGALO AC 8 O ANHEDDAU YNGHYD AG ADDASU'R FYNEDFA BRESENNOL I GERBYDAU A CHERDDWYR YN VISTA DEL MAR, PENRODYN, Y FALI

     Cyflwynwyd y cais i'r Pwyllgor yn ôl dymuniad yr aelod lleol.

     Yng nghyfarfod mis Tachwedd cafwyd argymhelliad gan y swyddogion i wneud penderfyniad deublyg ar y cais hwn ond yn groes i hynny roedd yr aelodau yn tueddu i roddi caniatâd llawn gyda chytundeb dan Adran 106 yng nghyswllt darparu Tai Fforddiadwy ac am y rhesymau0 a ganlyn:-     

Ÿ     roedd y tir wedi'i ddynodi yn unol â'r Cynllun Datblygu Unedol

Ÿ     darparu tai fforddiadwy

Ÿ     manteision cynllunio

     Yn unol â Chyfansoddiad y Cyngor gohiriwyd y cais fel bod swyddogion yn medru paratoi adroddiad ar y rhesymau dros ganiatáu.

5     CEISIADAU ECONOMAIDD

     Nodwyd nad oedd yr un cais cynllunio economaidd gerbron i'w ystyried.

6     CEISIADAU'N TYNNU'N GROES I'R POLISI

6.1

12C6F - CAIS AMLINELLOL I GODI ANNEDD  YNGHYD Â CHREU MYNEDFA NEWYDD A GOSOD SYSTEM TRIN CARTHFFOSIAETH NEWYDD A PHREIFAT AR DIR GER DOLWAR, LLANFAES

6

  17C288B - CYNLLUNIAU LLAWN I GODI ANNEDD YN LLE HEN GANIATÂD CYNLLUNIO DILYS DAN Y RHIF DA/1/24/A74D/1 A GOSOD OFFER PREIFAT I DRIN CARTHION AR DIR GER CRAIG Y DON, GLYN GARTH

     Cyflwynwyd y cais i'r Pwyllgor yn ôl dymuniad yr aelod lleol a oedd yn ei gefnogi.

     Gan y Rheolwr Rheoli Cynllunio cafwyd disgrifiad o'r bwriad a chyfeiriodd yr aelodau at hanes o wrthod ar y safle.  Yn y Pwyllgor rhannwyd cynllun safle yn dangos lleoliad yr hen ganiatâd a lleoliad y bwriad.  Wedyn eglurodd y swyddog mai cynnig oedd hwn i ildio'r hen ganiatâd cynllunio a roddwyd yn y 1970au yng Nghoed Celyn gerllaw dan gytundeb cyfreithiol ac yn ei le codi ty newydd ar dir Craig y Don.

     Cyfeiriodd y swyddog yr aelodau at y polisïau perthnasol a restrwyd yn adroddiad y swyddog gan ddwyn sylw yn arbennig at bolisïau 30 a 53 y Cynllun Lleol.  Pwysleisiwyd effaith andwyol cynnig o'r fath ar gymeriad y llecyn arfordirol a choediog hwn ond serch hynny agored.  Ym marn y swyddogion buasai caniatáu'r bwriad presennol yn gwneud mwy o ddrwg na datblygu dan yr hen ganiatâd.  Nid oedd presenoldeb yr hen ganiatâd o bwys mwy na'r polisi cynllunio presennol a chafwyd argymhelliad cryf o wrthod gan y swyddog - gwrthod cais oedd yn gwyro.

     Wrth annerch dywedodd y Cynghorydd Eurfryn Davies, yr aelod lleol, fod y cynlluniau a gyflwynwyd gan yr ymgeiswyr wedi creu argraff dda eithriadol arno a theimlai y buasai'r cynnig yn ategu'r tir o gwmpas, roedd rhai o'r coed y buasai'n rhaid eu torri eisoes wedi marw ac eraill mewn cyflwr gwael.  Roedd asiant yr ymgeisydd wedi rhoddi sylw i bryderon penodol yng nghyswllt y polisïau.  Nid oedd y cais a gyflwynwyd yn 1998 yn cydymffurfio gyda'r gofynion angenrheidiol ac ni chredai'r Cynghorydd Davies y câi'r cais hwn unrhyw effaith andwyol ar yr arfordir nac ar yr Ardal o Brydferthwch Naturiol Eithriadol a châi y safle ei dirlunio trwy blannu coed newydd.

     Roedd trafodaethau wedi eu cynnal ar y cynnig hwn ers 1997 a dywedwyd mewn llythyr gan y Cyfarwyddwr Cynllunio i gyfreithiwr yr ymgeisydd yn 1998 nad oedd yr un gwrthwynebiad mewn egwyddor i'r hyn oedd dan sylw yn y cais hwn.

     Credai'r Cynghorydd Aled Morris Jones bod y cais gerbron yn welliant gan fod y bwriad newydd ymhellach draw o'r môr.

     Gofynnodd y Cynghorydd R. Ll. Hughes a oedd y caniatâd dilys yng Nghoed Celyn yn ganiatâd llawn neu yn un amlinellol a gofynnodd hefyd a oedd y defnyddiau adeiladu arfaethedig yng nghyswllt y bwriad gerbron o safon uwch na'r rheini a nodwyd yn yr hen ganiatâd.

     Credai'r Cynghorydd Arwel Edwards bod y cynlluniau gerbron yn rhai o safon uchel.

     Gan y Cynghorydd D. Lewis-Roberts cafwyd cynnig i ganiatáu'r cais a chafodd ei eilio gan y Cynghorydd Eurfryn Davies.

     O 11 pleidlais i 3 PENDERFYNWYD caniatáu'r cais am y rhesymau a ganlyn :-

Ÿ     rhoddir y caniatâd hwn yn lle caniatâd dilys arall gerllaw

Ÿ     buasai safon uchel y dyluniad yn ategu nodweddion y cyffiniau

Ÿ     roedd y dyluniad yn well na hwnnw i Goed Celyn

7     GWEDDILL Y CEISIADAU

7.1

  17C78D - ADDASU AC EHANGU ADEILAD ER MWYN CREU UN UNED BRESWYLIO ANNIBYNNOL UWCHBEN SIOP YN SIOP SPAR, LLANDEGFAN

7

  18C162 - TROI ADEILAD ALLANOL YN ANNEDD YN Y GILFACH, LLANFAIR-YNG-NGHORNWY

     Cyflwynwyd y cais i'r Pwyllgor yn ôl dymuniad yr aelod lleol.

     Credai'r Uwch Beiriannydd Priffyrdd bod y ffordd at y lle hwn yn gul, yn droellog ac yn brin o fannau pasio ac argymhellodd wrthod y cais.

     Ni fedrai'r Cynghorydd Thomas Jones, yr aelod lleol, gefnogi'r cais a chytunodd gydag adroddiad y swyddog a'r argymhelliad o wrthod.

     PENDERFYNWYD gwrthod y cais am y rhesymau yn adroddiad y swyddog.

7

   23LPA848CC - CAIS I DORI 3 COEDEN OEDD YN DESTUN GORCHYMYN DIOGELU COED AR Y B5109, TALWRN

     Cyflwynwyd y cais hwn i'r Pwyllgor oherwydd iddo gael ei gyflwyno gan y Cyngor ac roedd yn cael effaith ar dir y Cyngor.

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.

7

   25LPA849CC - ALTRO AC YMESTYN 31 MAES ATHEN, LLANNERCH-Y-MEDD

     Cyflwynwyd y cais hwn i'r Pwyllgor oherwydd iddo gael ei gyflwyno gan y Cyngor ac roedd yn cael effaith ar dir y Cyngor.

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.

7

   33C236 - GOSOD UNED HYFFORDDIANT SYMUDOL AR DIR DEPO'R CYNGOR, Y GAERWEN

     Cyflwynwyd y cais hwn i'r Pwyllgor oherwydd iddo gael ei gyflwyno gan y Cyngor ac roedd yn cael effaith ar dir y Cyngor.

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.

7

   34LPA341F/CC - ALTRO AC EHANGU ORIEL YNYS MÔN, LLANGEFNI

     Cyflwynwyd y cais hwn i'r Pwyllgor oherwydd iddo gael ei gyflwyno gan y Cyngor ac roedd yn cael effaith ar eiddo'r Cyngor.

     Nodwyd fod hwn yn gais i ehangu ac altro y llecyn caeedig hwnnw yng nghanol yr Oriel gyda golwg ar greu Oriel newydd, lle agored aml bwrpas a lle storio.

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.    

7

   34LPA847/CC - DARPARU LLWYBR DWY FETR O LED I'W DDEFNYDDIO AR Y CYD, A DARPARU DWY BONT A LLWYBR UCHEL AR DIR RHWNG Y DINGLE A LLYN CEFNI, LLANGEFNI

     Gwnaeth y Cynghorydd J. Arthur Jones ddatganiad o ddiddordeb yn y cais ac nid oedd yn bresennol yn ystod y drafodaeth.

     Cyflwynwyd y cais hwn i'r Pwyllgor gan fod y Cyngor yn ei gyflwyno.

     PENDERFYNWYD dirprwyo'r hawl  i ganiatáu'r cais i'r Pennaeth Gwasanaethau Cynllunio am y rhesymau a roddwyd a hefyd gyda'r amodau yn adroddiad y swyddog.

7

   38C151A - GLYNU WRTH Y DEFNYDD O'R ADEILAD FEL TAIR ANNEDD ANNIBYNNOL, CADW DWY SIED AC ALTRO'R FYNEDFA YN YR HEN NEUADD BENTREF, LLANFECHELL

     Cyflwynwyd y cais  i'r Pwyllgor yn ôl dymuniad y Cyfarwyddwr Cynllunio a Gwasanaethau Amgylcheddol.

     Gofynnodd y Cynghorydd Thomas Jones, yr aelod lleol, i'r aelodau ymweld â'r safle er mwyn cael cyfle i asesu'r sefyllfa drostynt eu hunain.

     Am y rheswm a roddwyd PENDERFYNWYD ymweld â safle'r cais.

7

   38C169C - CADW DWY ANNEDD A GAREJYS AR WAHÂN AR BLOT GER NEUADD Y PENTREF, LLANFECHELL

     Cyflwynwyd y cais  i'r Pwyllgor yn ôl dymuniad y Cyfarwyddwr Cynllunio a Gwasanaethau Amgylcheddol.

     Yn yr un modd ag eitem 7.8 uchod gofynnodd y Cynghorydd Thomas Jones, yr aelod lleol, i'r aelodau ymweld â'r safle er mwyn cael cyfle i asesu'r sefyllfa drostynt eu hunain.

     Am y rheswm a roddwyd PENDERFYNWYD ymweld â safle'r cais.      

8     MATERION A DROSGLWYDDWYD YN ÔL

8.1

   46C137D - CAIS CYNLLUNIO LLAWN I GODI 34 ANNEDD TRI LLAWR YNGHYD Â CHREU MYNEDFA NEWYDD I GERBYDAU A CHERDDWYR AR DIR YR HEN FAES CRICED, TREARDDUR

Cyflwynwyd a derbyniwyd adroddiad y Cyfarwyddwr Corfforaethol (Cynllunio a Gwasanaethau Amgylcheddol) ar geisiadau a ddirprwywyd ac y gwnaethpwyd penderfyniad arnynt ers cyfarfod diwethaf y Pwyllgor hwn.

     CADEIRYDD