Pwyllgor Cynllunio a Gorchmynion dogfennau , 5 Mawrth 2003

Pwyllgor Cynllunio a Gorchmynion
Dydd Mercher, 5ed Mawrth, 2003

PWYLLGOR CYNLLUNIO A GORCHMYNION

 

Cofnodion y cyfarfod ar 5 Mawrth 2003  

 

YN BRESENNOL:

 

Y Cynghorydd W. Emyr Jones, Cadeirydd

Y Cynghorydd W.J. Chorlton, Is-Gadeirydd

 

Y Cynghorwyr J. Arwel Edwards, D.D. Evans, P.M. Fowlie,

Fflur M. Hughes R.Ll. Hughes, R.J. Jones, R.L. Owen,

Gwyn Roberts, John Roberts, W.T. Roberts.

 

HEFYD YN BRESENNOL:

 

Y Cynghorydd R.G. Parry (aelod lleol ar gyfer cais 16C101A - eitem 4.2)

 

WRTH LAW:

 

Cynllunio:

Pennaeth Gwasanaethau Cynllunio (JW)

Rheolwr y Gwasanaeth Rheoli Cynllunio (DFJ)

Cynorthwy-ydd Cynllunio (HR)

 

Priffyrdd:

Uwch Beiriannydd (Rheoli Datblygu a Hawliau Tramwy Cyhoeddus)(JRWO)

Swyddog Rheoli Datblygu (Priffyrdd) (RE)

 

Cyfreithiwr (RWJ)

Cynorthwy-ydd Gweinyddol (CWP)

 

YMDDIHEURIADAU:

 

Y Cynghorwyr T.Ll. Hughes, W.I. Hughes, J. Arwel Roberts,

John Rowlands.

 

 

 

 

1

DATGANIADAU O DDIDDORDEB

 

Cafwyd datganiadau o ddiddordeb gan Aelodau a Swyddogion fel y cawsant eu cofnodi dan yr eitemau hynny.

 

2

COFNODION

 

Cyflwynwyd a chadarnhawyd cofnodion cyfarfod y Pwyllgor Cynllunio a Gorchmynion a gynhaliwyd ar 5 Chwefror, 2003 gyda'r newidiadau a ganlyn:-

 

Eitem 4.5 (30C102A) - dylai dyddiad yr ymweliad â'r safle ddarllen 22 Ionawr, 2003 ac nid 20 Tachwedd, 2002.

 

Eitem 5.1 (14C158C) (fersiwn Gymraeg) - y Cynghorydd R.J. Jones ac nid y Cynghorydd R 'G' Jones eiliodd gynnig y Cynghorydd R.L. Owen.

(Cyfrol y Cyngor 4/3/03 - tudalennau 150 - 160).

 

YN CODI O'R COFNODION:-

 

Eitem 2  yn codi o gofnodion 5 Chwefror:

 

46C361/EIA - CODI GWAITH TRIN GWASTRAFF A CHREU MYNEDFA NEWYDD AR DIR RHWNG ALWMINIWM MÔN A STAD DDIWYDIANNOL PENRHOS, CAERGYBI
 

 
 

Dywedodd Rheolwr y Gwasanaeth Rheoli Cynllunio bod llythyr wedi'i dderbyn gan gyfreithwyr Dwr Cymru yng nghyswllt penderfyniad y Pwyllgor hwn ynghylch yr uchod. Dywedodd y byddai'n cysylltu â'r aelodau perthnasol i roi gwybod iddynt am unrhyw ddatblygiadau pan fo apêl yn cael ei derbyn.
 

 
 

RHAN 1 - MATERION CYNLLUNIO
 

 
 

3

YMWELIADAU Â SAFLEOEDD
 

 
 

Cyflwynwyd a chadarnhawyd - adroddiad yr Ymweliadau â Safleoedd Cynllunio a gynhaliwyd ar 19 Chwefror, 2003.
 

 
 

Dymunodd y Cynghorydd W.J. Chorlton gofnodi, er nad oedd yn bresennol yn yr ymweliad swyddogol â'r safle, ei fod wedi ymweld â safle 16C101A.  Dywedodd y Cynghorydd R.L. Owen hefyd ei fod wedi bod yn gweld y ffyrdd yng nghyffiniau cais cynllunio 39C166B.
 

 
 

4

CEISIADAU'N CODI O'R COFNODION
 

 
 

CAIS SY'N TYNNU'N GROES I'R CYNLLUN DATBLYGU
 

 
 

4.1

 

4.1

1414C158C - CAIS AMLINELLOL I GODI ANNEDD AR DIR AR GAE O.S. 3942 GER BYNGALO PARCIAU, LLYNFAES
 

 
 

Dywedodd Rheolwr y Gwasanaeth Rheoli Cynllunio bod y cais hwn yn tynnu'n groes i'r cynllun datblygu, yn groes i'r hyn a nodwyd ar ddechrau adroddiad y swyddog.
 

 
 

Yn ei gyfarfod ar 5 Chwefror, 2003 roedd y Pwyllgor o blaid rhoi caniatâd cynllunio (yn groes i argymhelliad o wrthod y Cyfarwyddwr Cynllunio (Cynllunio a Gwasanaethau Amgylcheddol)).  Yn unol â Chyfansoddiad y Cyngor cafodd y cais ei ohirio er mwyn ystyried adroddiad ar oblygiadau rhoi caniatâd ac er mwyn penderfynu ar y cais.  
 

 
 

Cadarnhaodd Rheolwr y Gwasanaeth Rheoli Cynllunio yr hyn yr oedd eisoes wedi'i ddweud bod hanes o wrthod ceisiadau ar y safle hwn a bod caniatáu yn mynd yn groes i'r polisïau cynllunio.  Tynnwyd sylw at Bolisi 53 Cynllun Lleol Ynys Môn a Pholisi A6 Cynllun Fframwaith Gwynedd.  At hyn, atgoffodd Aelodau o Adran 54A y Ddeddf Cynllunio Gwlad a Thref sy'n nodi y dylid penderfynu ar geisiadau yn unol â'r cynllun datblygu onid yw ystyriaethau perthnasol yn nodi fel arall.  Yn yr achos hwn, roedd swyddogion o'r farn nad oedd ystyriaethau o'r fath ac nad rhesymau cynllunio oedd rhesymau blaenorol y Pwyllgor dros ganiatáu.  Yn ei farn ef, byddai caniatáu'r cais hwn yn gosod cynsail peryglus ar gyfer gwneud penderfyniadau yn y dyfodol ac yn tanseilio hyder y cyhoedd yn y system gynllunio'n arw.
 

 
 

 
 

Dywedodd mai dyletswydd Swyddog Monitro'r Cyngor oedd ymyrryd pe ceid camweinyddu neu anghyfiawnder, fel a nodir yn Neddf Llywodraeth Leol 1974.
 

 
 

Cynigiodd y Cynghorydd R.L. Owen ganiatáu'r cais oherwydd y byddai caniatáu yn ei gwneud yn bosib i'r ymgeisydd ymddeol a pharhau i fyw yn yr ardal; byddai'n rhyddhau'r ffarm ar gyfer ei gosod ac yn gymorth i gadw'r to ifancach mewn ardal wledig.  Roedd cyflwr meddygol yr ymgeisydd yn ei rwystro rhag cario 'mlaen gyda'i waith ffarmio presennol.  Eiliodd y Cynghorydd R.J. Jones y sylwadau hyn.
 

 
 

Dywedodd y Cynghorydd David Evans bod gwrthod y cais yn gorfodi'r ymgeisydd i symud o'r ardal.  
 

 
 

Dywedodd y Cynghorydd Gwyn Roberts, o ystyried popeth, er ei fod yn cydymdeimlo gyda'r ymgeisydd roedd yn cytuno gydag argymhelliad y swyddog ac nad oedd amgylchiadau eithriadol yma.
 

 
 

Cynigiodd y Cynghorydd R.L. Hughes lynu wrth argymhelliad y swyddog gan ofyn i aelodau fod yn gyson wrth wneud penderfyniadau.  Eiliodd y Cynghorydd P.M. Fowlie ei gynnig gan ddweud nad oedd digon o dystiolaeth ar gael ar hyn o bryd i gefnogi'r cais.  
 

 
 

Yn unol â chyngor y cyfreithiwr a pharagraff 18.5 Rheolau Gweithdrefn y Cyngor PENDERFYNODD aelodau gymryd pleidlais wedi'i chofnodi yng nghyswllt y cais hwn a dyma sut y pleidleisiwyd:
 

 
 

YN ERBYN ARGYMHELLIAD Y SWYDDOG:
 

 
 

Y Cynghorwyr J. Arwel Edwards, D.D. Evans, Fflur Hughes, R.J. Jones, R.L. Owen (5).
 

 
 

YN CEFNOGI ARGYMHELLIAD Y SWYDDOG I WRTHOD Y CAIS:
 

 
 

Y Cynghorwyr W.J. Chorlton, P.M. Fowlie, R.L. Hughes, W.E. Jones, Gwyn Roberts, W.T. Roberts (6).
 

 
 

YMATAL
 

 
 

Y Cynghorydd John Roberts (1).
 

 
 

PENDERFYNWYD gwrthod y cais am y rhesymau yn adroddiad y swyddog.
 

 
 

GWEDDILL Y CEISIADAU 
 

 
 

4.2

 

4.2

 

4.2

16C101A - DYMCHWEL Y PORTS YN Y CEFN AC ALTRO AC YMESTYN EILIAN HOUSE, STRYD FAWR, BRYNGWRAN
 

 
 

Yn y cyfarfod diwethaf gofynnodd Rheolwr y Gwasanaeth Rheoli Cynllunio am gael gohirio ystyried y cais hwn fel bod modd i swyddogion barhau gyda'u gwaith ymgynghori.  Ymwelwyd â safle'r cais ar 19 Chwefror, 2003 ar gais yr aelodau cyn penderfynu ar y cais.
 

 
 

Diolchodd y Cynghorydd R.G. Parry, yr aelod lleol, i aelodau am fynd i ymweld â'r safle a dywedodd nad oedd yn gwrthwynebu'r gwaith altro i'r ty ei hun ond ei fod yn gwrthwynebu'r maint yn gryf yn enwedig felly uchder y garej o'i chymharu â maint yr ardd.  Gofynnodd i aelodau ganiatáu'r cais yng nghyswllt y ty ond i wrthod y garej arfaethedig.
 

 
 

Cytunodd y Cynghorydd Gwyn Roberts gyda'r aelod lleol ac roedd yn bryderus ynghylch defnyddiau posib o'r garej.
 

 
 

Sicrhaodd Rheolwr y Gwasanaeth Rheoli Cynllunio yr aelodau y byddai amod yn cael ei roi yn cyfyngu'r defnydd a wneir o'r garej i annedd breifat.  Roedd cyffiniau'r safle yn gymysgedd o anheddau unllawr a deulawr gyda meddygfa wrth ymyl y safle yn y cefn.  Roedd o'r farn bod y bwriad yn cydymffurfio gyda pholisïau perthnasol y cynllun datblygu.  
 

 
 

Awgrymodd y Cynghorydd John Chortlon bod y garej yn cael ei gosod i'r dde o'r cwrtil fel bod modd cael mwy o le i gael at y tanc nwy yng nghefn yr ardd ac fel ei fod ymhellach oddi wrth y ty cyfagos, Dridwen.
 

 
 

Cynigiodd y Cynghorydd R.L. Hughes ganiatáu'r cais yn seiliedig ar y dystiolaeth a gyflwynwyd.
 

 
 

Dymunodd y Cynghorydd Fflur Hughes gofnodi ei bod wedi ymatal rhag pleidleisio ar y cais hwn.
 

 
 

PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog hwn.
 

 
 

4.2

 

4.3

 

4.3

30 30C102A - NEWID Y DEFNYDD A WNEIR O'R SIOP A'R LLE GOLCHI YN 3 FFLAT HUNANGYNHWYSOL YM MORANNEDD, FFORDD BANGOR, BENLLECH
 

 
 

Dywedodd Rheolwr y Gwasanaeth Rheoli Cynllunio nad oedd y cais hwn yn tynnu'n groes i'r cynllun datblygu, yn groes i'r hyn a nodwyd ar ddechrau adroddiad y swyddog.
 

 
 

Nodwyd bod yr ymgeisydd wedi anfon llythyr at aelodau'r Pwyllgor ac roedd copi ohono ar y bwrdd yn y cyfarfod hefyd.
 

 
 

Yn y cyfarfod diwethaf gofynnodd Rheolwr y Gwasanaeth Rheoli Cynllunio am gael gohirio ystyried y cais gan fod swyddogion yn parhau i edrych i mewn i'r materion a godwyd yn yr ymweliad â'r safle ar 22 Ionawr, 2003.
 

 
 

Dywedodd mai Polisi 1 Cynllun Lleol Ynys Môn oedd y brif ystyriaeth gynllunio, gydag effaith colli unedau o fath a fyddai'n cyfrannu at lewyrch a llwyddiant economaidd parhaus ardal wledig.  At hyn, roedd y swyddog o'r farn nad oedd y fynedfa i'r briffordd yn cyrraedd y safon a hynny'n seiliedig ar argymhelliad yr Adran Briffyrdd.  
 

 
 

Dywedodd y Cynghorydd W.T. Roberts ei fod o'r farn bod y fynedfa i'r A5025 yn beryglus ac nad oedd yn cyrraedd y safon.  Dywedodd bod yr Heddlu yn cefnogi'r argymhelliad o wrthod y cais hwn ac at hyn roedd deiseb yn gwrthwynebu ac arni 200 o enwau wedi'i derbyn.  
 

 
 

Dywedodd y Cynghorydd W.J. Chorlton ei fod o'r farn y byddai siopau yn creu mwy o draffig na'r datblygiad arfaethedig.  Yn ôl y Cynghorydd Fowlie gallai fod yn anodd prydlesu'r unedau hyn ac y byddai eu gadael yn wag yn creu mwy o broblemau.
 

 
 

Dywedodd yr Uwch Beiriannydd (Rheoli Datblygu a Hawliau Tramwy Cyhoeddus) bod ei Adran yn gwrthwynebu'r bwriad oherwydd y byddai yna fwy o draffig yn mynd trwy'r fynedfa gul ac ohoni ac oherwydd nad oedd modd gweld yn ddigon da o'r fynedfa.  
 

 
 

Cynigiodd y Cynghorydd Fowlie roi caniatâd a chafodd ei eilio gan y Cynghorydd Chorlton.
 

 
 

Cynigiodd y Cynghorydd W.T. Roberts dderbyn argymhelliad o wrthod y swyddog a chafodd ei eilio gan y Cynghorwyr Fflur Hughes a John Roberts.
 

 
 

PENDERFYNWYD gwrthod y cais am y rhesymau yn adroddiad y swyddog.
 

 
 

4.4

 

4.4

39C166B - NEWID DEFNYDD O FOD YN HEN IARD LO I FOD YN UNEDAU GWYLIAU I'W GOSOD YN REFAIL NEWYDD, PORTHAETHWY
 

 
 

Datganodd y Cynghorydd David Evans ddiddordeb yn y cais hwn ac nid oedd yn bresennol yn y cyfarfod pan drafodwyd y mater a phleidleisio arno.  
 

 
 

Roedd y cais yn cael ei gyfeirio i'r Pwyllgor oherwydd natur y datblygiad arfaethedig a'r ymateb a gafwyd yn sgil yr ymgynghori.
 

 
 

I bawb gael gwybod, gofynnodd y Cynghorydd Arwel Edwards am gael gwared â'r gair "hen" o'r disgrifiad o'r cais gan fod y safle yn parhau i gael ei ddefnyddio fel iard lo.
 

 
 

Yn y cyfarfod diwethaf, gofynnodd Rheolwr y Gwasanaeth Rheoli Cynllunio am gael gohirio ystyried y cais hwn fel bod modd i swyddogion barhau gyda'u gwaith ymgynghori.  Ymwelwyd â safle'r cais ar 19 Chwefror, 2003 ar gais yr aelodau cyn penderfynu arno.
 

 
 

Dywedodd Rheolwr y Gwasanaeth Rheoli Cynllunio bod gan y safle hwn hanes o nifer fawr o ddefnyddiau.  Tynnodd sylw'r Aelodau at bolisïau perthnasol yng Nghynllun Fframwaith Gwynedd a hefyd at bolisïau 2, 8 a 31 Cynllun Lleol Ynys Môn.
 

 
 

Roedd yr Adran Briffyrdd yn gwrthwynebu'r cais hwn oherwydd agweddau diogelwch y ffordd - y ffordd leol annigonol sy'n gwasanaethu'r safle ond yr argymhelliad cynllunio oedd rhoi caniatâd gan eu bod yn rhagweld y byddai'r defnydd arfaethedig yn creu llai o draffig na'r defnydd presennol posib. ?
 

      
 

     Cynigiodd y Cynghorydd John Roberts wrthod y cais hwn am resymau priffyrdd.  Cafodd ei eilio gan y Cynghorydd Fflur Hughes.
 

      
 

     Cynigiodd y Cynghorydd R. L. Owen yr argymhelliad a chafodd ei eilio gan y Cynghorydd R. L. Hughes gan ei fod o'r farn ei fod yn fantais gynllunio.  At hyn, roedd yr Adain Datblygu Economaidd yn hyrwyddo hwn fel safle diwydiannol.
 

      
 

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.
 

      
 

4.5

45C290 - CAIS I ADOLYGU AMODAU DAN DDEDDF AMGYLCHEDDOL 1995 YN CHWAREL HENGAE, LLANGAFFO
 

      
 

     Dywedodd Rheolwyr Gwasanaeth Rheoli Cynllunio, yn wyneb rhagor o wybodaeth ddaeth i law bod swyddogion yn rhagweld y byddant mewn sefyllfa i gyflwyno adroddiad llawn ar yr uchod yng nghyfarfod nesaf y Pwyllgor hwn.
 

      
 

5     CEISIADAU YN TYNNU'N GROES I'R CYNLLUN DATBLYGU
 

      
 

5.1

21C115A - CAIS AMLINELLOL I GODI ANNEDD AMAETHYDDOL AR DIR YN GLANRAFON, LLANEDWEN
 

      
 

     Dywedodd Rheolwr y Gwasanaeth Rheoli Cynllunio bod y cais hwn yn tynnu'n groes i'r cynllun datblygu a'i fod yn argymell gwrthod yn gryf am y rhesymau a nodwyd yn adroddiad y swyddog.  Roedd o o'r farn nad oedd yr ymgeiswyr wedi cyflwyno digon o dystiolaeth yn yr adroddiad amaethyddol oedd ynghlwm i gyfiawnhau eu hangen ac nad oeddynt wedi ystyried yn llwyr opsiynau eraill.
 

      
 

     Gofynnodd i aelodau gadw hanes cynllunio perthnasol y safle hwn mewn cof.  Tynnodd sylw aelodau at Bolisi 53 Cynllun Lleol Ynys Môn a Pholisi A6 Cynllun Fframwaith Gwynedd.
 

      
 

     PENDERFYNWYD gwrthod y cais am y rhesymau yn adroddiad y swyddog.
 

      
 

5.2

35C103J - CYNLLUNIAU MANWL DIWYGIEDIG I GODI/SYMUD A GOSOD ANNEDD RHEOLWR A GAFODD GANIATÂD YN FLAENOROL DAN GAIS 35C103C YM MAES CARAFANNAU Y WERN, LLANGOED
 

      
 

     (Datganodd y Cynghorwyr R. Ll. Hughes ac R. J. Jones ddiddordeb yn y cais hwn ac nid oeddynt yn bresennol yn y cyfarfod pan drafodwyd y mater a phleidleisio arno)
 

      
 

     Dywedodd Rheolwr y Gwasanaeth Rheoli Cynllunio bod caniatâd cynllunio ar y safle hwn am annedd i reolwr dan gyfeirnod 35C103C.  Y cais hwn yw symud annedd y rheolwr yn nes at geg y safle.  Dywedodd y swyddog nad oeddynt yn gwrthwynebu'r cais hwn unwaith y byddai caniatâd cynllunio 35C103C yn cael ei ddiddymu a chyda Cytundeb Adran 106 (meddiannaeth).
 

      
 

     PENDERFYNWYD caniatáu'r cais am y rhesymau a roddwyd a chyda Cytundeb Adran 106 (meddiannaeth) a chyda'r amodau yn adroddiad y swyddog.
 

      
 

5.3

36C135B - CAIS AMLINELLOL I GODI ANNEDD AR DIR GER CARTREFLE, RHOSTREHWFA
 

      
 

     Nodwyd bod eitem 3 ar dudalen 21 adroddiad y swyddog yn nodi bod caniatâd cynllunio wedi'i wrthod yng nghyswllt cais 36C135 ar 04.03.92 ac nid 2002.
 

      
 

     Dywedodd Rheolwr y Gwasanaeth Rheoli Cynllunio bod y cais hwn yn tynnu'n groes i'r cynllun datblygu, ni fyddai modd ystyried y bwriad dan Polisi 50 (trefi/pentrefi rhestredig) ac y byddai yn gyfystyr â 'tai yn y cefn gwlad' (Polisi 50) Cynllun Lleol Ynys Môn.  Argymhellodd wrthod oherwydd yr hyn a nodwyd yn adroddiad y swyddog.  At hyn, dywedodd y swyddog bod y ffyrdd lleol yn hynod gul.  Mae'r Adran Briffyrdd yn argymell gwrthod y cais hwn am resymau priffyrdd.
 

      
 

     PENDERFYNWYD gwrthod y cais am rhesymau yn adroddiad y swyddog.
 

      
 

5.4

36C50J - CAIS AMLINELLOL I GODI ANNEDD I REOLWR AR DIR YM MHARC GWLEDIG HENBLAS, BODORGAN
 

      
 

     Dywedodd Rheolwr y Gwasanaeth Rheoli Cynllunio bod y cais hwn yn tynnu'n groes i'r cynllun datblygu ac nad oedd tystiolaeth gref wedi'i chyflwyno i ddangos bod angen tymor hir gwirioneddol am annedd yn y lleoliad penodol hwn.  Roedd y swyddog o'r farn bod adeiladau allanol addas y byddai modd eu hystyried ar gyfer eu troi yn annedd dan Polisi 55 (addasu).
 

      
 

     Dywedodd y Cynghorydd R. Ll. Hughes fod hwn yn fusnes arallgyfeirio amaethyddol llewyrchus a sefydlwyd 15 mlynedd yn ôl ac sy'n cynorthwyo'r economi gwledig a lleol.  Roedd o'r farn ei fod yn bwysig cael annedd i reolwr am rhesymau gofalu am anifeiliaid a diogelwch.  Roedd y cais yn dangos angen tymor hir yn unol â Pholisi 53. Roedd y safle hwn yn y Parc gwledig ac yn agos i adeiladau eraill.  Ni fyddai'n rhesymol addasu adeiladau allanol os oedd hyn yn golygu symud crefftwyr.  Efallai y byddai'r busnes yn methu heb y caniatâd hwn ac roedd polisïau'r Cyngor yn ceisio cefnogi mentrau o'r fath.
 

      
 

     Cynigiodd y Cynghorydd R. Ll. Hughes ganiatáu yn yr achos a chafodd y cynnig ei eilio gan y Cynghorydd P. M. Fowlie a oedd o'r farn mai hwn oedd un o brif atyniadau twristaidd Môn.
 

      
 

     Cynigiodd y Cynghorydd Gwyn Roberts dderbyn argymhelliad o wrthod y swyddog a chafodd ei eilio gan y Cynghorwyr Fflur Hughes a W. T. Roberts.
 

      
 

     PENDERFYNWYD gwrthod y cais am y rhesymau yn adroddiad y swyddog.
 

      
 

     Ymataliodd y Cynghordd R. L. Owen rhag pleidleisio ar y cais hwn.
 

      
 

5.5

44C178B - CADW CARAFAN BRESWYL DROS DRO AR DIR GER GEUFRON ISAF, RHOS-Y-BOL
 

      
 

     Dywedodd Rheolwr y Gwasanaeth Rheoli Cynllunio bod y cais hwn yn tynnu'n groes i'r cynllun datblygu ac nad oedd yn cydymffurfio gyda Pholisïau 50, 53 a 57 Cynllun Lleol Ynys Môn.
 

      
 

     PENDERFYNWYD gwrthod y cais am y rhesymau yn adroddiad y swyddog.
 

      
 

6     GWEDDILL Y CEISIADAU
 

      
 

6.1

14C170 - CREU DWY BONT DROED/SEICLO, LLWYBR STYLLOG A LLWYBR GRADDFA "A" UN POMPBREN DROS REILFFORDD AMLWCH GYDA RAMPIAU YN ARWAIN AT LWYBR SEICLO CEFNI, OCHR DDEHEUOL CRONFA DDWR CEFNI AC I OCHR OGLEDDOL RHEILFFORDD AMLWCH, BODFFORDD
 

      
 

     Trosglwyddwyd y cais uchod i'r Pwyllgor gan ei fod wedi'i gyflwyno ar ran y Cyngor Sir.
 

      
 

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.
 

      
 

6.2

17C276B - CODI YSTAFELL HAUL YN 1 BRYN EGLWYS, LLANSADWRN
 

      
 

     Roedd y cais uchod wedi'i drosglwyddo i'r Pwyllgor gan ei fod wedi'i gyflwyno gan unigolyn a staff y Cyngor.  (Datganodd Christine Williamson, yr Adran Addysg, ddiddordeb yn y cais hwn)
 

      
 

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.
 

      
 

6.3

34C465B - CODI LLWYBR PREN RHWNG MAES PARCIO'R EGLWYS A'R LLWYBR GER MAES PARCIO'R ORSAF YN Y DINGLE, LLANGEFNI
 

      
 

     Roedd y cais uchod yn cael ei drosglwyddo i'r Pwyllgor gan bod safle'r cais ym mherchnogaeth y Cyngor.
 

      
 

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.
 

      
 

6.4

34LPA418G/CC - YMESTYN Y PORTACABIN FEL SWYDDFA DROS DRO YN Y PORTACABIN CYNLLUNIO, LLANGEFNI
 

      
 

     Roedd y cais uchod yn cael ei drosglwyddo i'r Pwyllgor gan ei fod wedi'i gyflwyno gan y Cyngor Sir.
 

      
 

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog ar yr amod na dderbynnir ymatebion anffafriol yn sgil y gwaith ymgynghori.
 

      
 

6.5

34LPA471/CC - DARPARU PARC BWRDDSGLEFRIO YNG NGHANOLFAN HAMDDEN PLAS ARTHUR, LLANGEFNI
 

      
 

     Roedd y cais uchod yn cael ei drosglwyddo i'r Pwyllgor gan ei fod wedi'i gyflwyno gan y Cyngor Sir ac yn ymwneud â thir yn eu perchnogaeth.
 

      
 

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.
 

 
 

6.6

34LPA700C/CC - YMESTYN Y MAES PARCIO GER Y MAES PARCIO PRESENNOL, SWYDDFEYDD Y CYNGOR, LLANGEFNI
 

      
 

     Roedd y cais uchod yn cael ei drosglwyddo i'r Pwyllgor gan ei fod wedi'i gyflwyno gan y Cyngor Sir.
 

      
 

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.
 

      
 

6.7

35C50D - DILEU AMODAU (02), (03), (04) A (05) ODDI AR GAIS CYNLLUNIO 35C50 FEL BOD MODD I BOBL FYW YN YR UNEDAU'N BARHAOL A CHREU UNEDAU ANNIBYNNOL AR WAHÂN YN NHROS YR AFON, PENMON
 

      
 

     Roedd y cais uchod yn cael ei drosglwyddo i'r Pwyllgor gan fod y cais wedi'i gyflwyno gan aelod o'r Cyngor Sir.  (Datganodd y Cynghorydd Elwyn Schofield diddordeb yn y cais hwn).
 

      
 

     PENDERFYNWYD caniatáu'r cais am y rhesymau a roddwyd a chyda'r amodau yn adroddiad y swyddog.
 

      
 

7     CEISIADAU A DDIRPRWYWYD
 

      
 

     Cyflwynwyd a derbyniwyd - adroddiad y Cyfarwyddwr Corfforaethol (Cynllunio a Gwasanaethau Amgylcheddol) ar faterion a ddirprwywyd ac a benderfynwyd arnynt ers cyfarfod diwethaf y Pwyllgor hwn.
 

      
 

8     CEISIADAU'N DISGWYL SYLW - CYTUNDEBAU ADRAN 106
 

      
 

     Cyflwynwyd a derbyniwyd adroddiad y Pennaeth Rheoli Datblygu bod y cais a ganlyn, yr oedd y Pwyllgor eisoes wedi'i ganiatáu gyda Chytundeb Adran 106, wedi'i dynnu'n ôl yn swyddogol :-
 

      
 

     1/11/C114 - defnyddio safle gwag fel iard adeiladu yn hen safle HRT Engineering, Stad Ddiwydiannol Llwyn Onn, Amlwch (caniatawyd 6 Ionawr, 1988) tynnwyd yn ôl 2 Chwefror, 2003.
 

      
 

9     SIARTER Y GWASANAETH CYNLLUNIO A CHANLLAWIAU I'R CWSMER AR Y GWASANAETH
 

      
 

     Cyflwynodd Pennaeth y Gwasanaethau Cynllunio gopi o "Canllawiau i'r Cwsmer ar y Gwasanaeth Cynllunio" sydd ar gael yn Nerbynfa'r Adran Gynllunio.  Dywedodd y byddant yn cael eu hadolygu yn y flwyddyn ariannol hon dan y Cynllun Busnes Gwasanaeth Cynllunio.  Yn ddiweddar ailystyriodd grwp staff sgôp a manylion y Siarter a'r Canllawiau gan ddod i'r casgliad eu bod, yn gyffredinol, yn parhau i gynnwys athroniaeth a chylch gorchwyl y Gwasanaeth Cynllunio.  Argymhellwyd mân-newidiadau i'r Canllawiau fel a nodwyd.
 

      
 

     Dywedodd Pennaeth y Gwasanaeth Cynllunio nad oedd Cadeirydd y Pwyllgor na'r Aelod Portffolio wedi llofnodi Siarter y Gwasanaeth Cynllunio hyd yn hyn.  Gan fod gwelliant sylweddol mewn perfformiad dros y 12 mis diwethaf a bod hyder y cyhoedd wedi gwella roedd yn argymell ailfabwysiadu'r Siarter
 

      
 

     Dywedodd  y swyddog bod Fforwm Cynllunio o ddefnyddwyr y gwasanaeth yn cyfarfod ddwywaith y flwyddyn a bod hwn yn fodd o ysgogi ymateb yng nghyswllt gwelliannau  a monitro perfformiad.
 

      
 

     PENDERFYNWYD derbyn yr adroddiad a chytuno i ailfabwysiadu Siarter y Gwasanaeth Cynllunio a fersiwn diwygiedig Canllawiau i'r Cwsmer ar y Gwasanaeth Cynllunio.
 

      
 

10     AROLWG BARN CWSMERIAID
 

      
 

     Dywedodd Pennaeth y Gwasanaeth Cynllunio mai un o'r materion allweddol yn sgil yr Adolygiad Gwerth Gorau o Reoli Cynllunio a ddaeth i'r wyneb oedd atebolrwydd i gwsmeriaid.  Cynhaliwyd arolwg barn cwsmeriaid gan Ymchwil Marchnad Cymru a nododd bod y gwasanaeth eisoes wedi gwella o 59% i 70% dros y ddwy flynedd diwethaf a bod targed oddeutu 1 neu 2% o welliant yn rhesymol i anelu ato eleni.  Nodwyd y meysydd a ganlyn ar gyfer gwella :
 

      
 

Ÿ

cael digon o staff i ddelio ag ymholiadau, yn enwedig felly galwadau ffôn
 

Ÿ

sicrhau bod yr holl lythyrau sy'n cael eu derbyn yn cael eu hateb.  Lle nad yw'n bosibl ymateb iddynt o fewn amser penodol yna dylid anfon cydnabyddiaeth.
 

Ÿ

gwella'r broses ar gyfer delio gyda'r e-bost.  Gyda thri chwarter y cwsmeriaid â mynediad i'r rhyngrwyd ac un mewn 6 â diddordeb mewn gwneud cais electronig, mae'r galw am y gwasanaeth hwn yn debygol o godi.
 

Ÿ

cynnal adolygiad o'r ffurflenni a chyfarwyddiadau
 

Ÿ

rheoli disgwyliadau cwsmeriaid o gyflymder y broses, unai ar lafar (wrth siarad hefo'r person) neu trwy lunio taflen.
 

 
 

Dywedodd Pennaeth y Gwasanaethau Cynllunio ei fod wedi'i galonogi gan y casgliadau gan ddweud bod ffurflenni cais cynllunio wedi'u hadolygu gyda'r bwriad o'u gwneud yn haws i'w deall a'u bod yn cael eu defnyddio ar hyn o bryd.  At hyn roedd taflen wedi'i pharatoi i egluro'r gwahanol brosesau cynllunio.
 

 
 

Dywedodd y Cynghorydd R. L. Owen y dylid llongyfarch aelodau o staff yr Adran Cynllunio, yn enwedig y rhai yn y dderbynfa, am fod yn gwrtais ac yn barod i gynorthwyo bob amser.  Dymunodd y Cynghorydd Fflur Hughes ategu'r sylwadau hynny.
 

 
 

Lluniwyd Cynllun Gweithredu a chytunwyd i gyflwyno adroddiad ar y datblygiadau i'r Pwyllgor Cynllunio a Gorchmynion.
 

 
 

 
 

Daeth y cyfarfod i ben am 4.15 p.m.
 

 
 

Y CYNGHORYDD W. EMYR JONES
 

CADEIRYDD