Pwyllgor Cynllunio a Gorchmynion dogfennau , 8 Tachwedd 2006

Pwyllgor Cynllunio a Gorchmynion

Cofnodion y cyfarfod gynhaliwyd ar 8 Tachwedd, 2006 

Mynegodd y Cadeirydd longyfarchiadau i swyddogion a staff yr Adran Gynllunio ar eu llwyddiant yn penderfynu ar 93% o geisiadau cynllunio o fewn yr amser penodedig fel yr adroddwyd yn y Wales Local Government Data am 2005/06.  

Mynegwyd dymuniadau gorau'r Pwyllgor i fam y Cynghorydd Glyn Jones am wellhad buan.

Gofynnodd y Cadeirydd am i bob gohebiaeth, cynlluniau, darluniau etc gael eu cyflwyno mewn da bryd cyn drechrau cyfarfodydd yn y dyfodol, hyn i alluogi swyddogion wneud copiau ymlaen llaw i'r aelodau. Ni fydd yn dderbyniol dosbarthu unrhyw ohebiaeth i aelodau unwaith y bydd cyfarfod wedi cychwyn yn y dyfodol.

5.2      GWEDDILL Y CEISIADAU

30C618  CAIS AMLINELLOL I GODI ANNEDD YNGHYD AG ADDASU'R FYNEDFA BRESENNOL YN TRAETH ARIAN, BENLLECH

5.4      CAIS YN TYNNU'N GROES

5.6      GWEDDILL Y CEISIADAU

Cyflwynwyd y cais hwn i'r Pwyllgor benderfynu arno gan ei fod yn cael ei gyflwyno ar ran y Cyngor.

Penderfynwyd caniatáu'r cais hwn ar 6 Medi.  Cyfeiriwyd y cais yn ôl i'r Pwyllgor yn wyneb materion a godwyd yn ystod yr ymgynghori a gofynnwyd am ohiriad pellach er mwyn cwblhau trafodaethau.      

Cyflwynwyd y cais hwn i’r Pwyllgor benderfynu arno yn ôl dymuniad Pennaeth y Gwasanaethau Cynllunio.  Penderfynwyd ymweld â’r safle ar 6 Medi, ac fe gafwyd hyn ar 20 Medi, 2006.  Dymuniad yr aelodau ar 4 Hydref oedd un o ganiatáu'r bwriad gan y teimlai'r aelodau fod hyn yn welliant ac yn adfywio'r ardal.  Yn unol â Chyfansoddiad y Cyngor cafodd y cais ei ohirio er mwyn rhoi cyfle i swyddogion baratoi adroddiad ar y rhesymau dros ganiatáu'r cais.

6.2      CAIS YN TYNNU'N GROES

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  Penderfynwyd ymweld â'r safle ar 4 Hydref ac fe gafwyd hyn ar 18 Hydref, 2006.

     Roedd gan y Cynghorydd Keith Thomas dri sail o wrthwynebiad i'r cais, sef:

     Gorddatblygu - buasai'n newid cymeriad y cyffiniau sydd ar hyn o bryd yn 5 byngalo a thri ty

     Dyluniad - roedd y bwriad yn un o ddau floc o dri thy tref

     Diogelwch ffordd - yn arbennig yn y fynedfa

     Yn ychwanegol at hyn clywyd sibrydion y buasai’r ty drws nesaf, Seabank, yn ymgeisio am ganiatâd cynllunio am annedd arall; gofynnodd y Cynghorydd Thomas am wrthod y cais hwn.

     Wedyn cafwyd gair o gadarnhad gan yr Uwch Beiriannydd Priffyrdd nad oedd bwriad i ddarparu palmant ac mai ffordd breifat oedd y ffordd at y safle; fodd bynnag cytunodd y buasai lledu ffordd y stâd o’r naill ben i’r llall yn beth buddiol iawn.

     Er gwaethaf y cynnydd yn y traffig nid oedd bwriad i ddarparu palmant, ac roedd hynny yn destun pryder i’r Cynghorydd John Roberts.

     Ni chredai’r Cynghorydd J Arthur Jones y câi’r cynnig effaith andwyol ar y lle a bod tai teras yn briodol i’r safle, ac aeth ymlaen i gynnig caniatáu.

     Ar ôl cael y cyfle i ymweld â’r safle teimlai’r Cynghorydd Eurfryn Davies fod y datblygiad yn cyfateb i orddatblygu’r lle a phryderai hefyd oherwydd y cynnydd yn y traffig.  Am nad oedd bwriad i ledu’r cyfan o’r lôn at y safle roedd y Cynghorydd Glyn Jones yn pryderu.

     Wedyn ychwanegodd y Pennaeth Rheoli Datblygu fod pob cais unigol yn cael sylw fesul un, a bod y safle hwn o fewn ffiniau datblygu Caergybi, ac ar ôl pwyso a mesur popeth daethpwyd i’r casglaid fod y gosodiad a’r dyluniad yn dderbyniol ac ni allai swyddogion amddiffyn penderfyniad i wrthod ar apêl.

     Gan y Cynghorydd J Arthur Jones cafwyd cynnig o ganiatáu'r cais, cafodd hyn ei eilio gan y Cynghorydd John Rowlands.

     Roedd y bleidlais fel a ganlyn:

     Derbyn adroddiad y swyddog a chaniatáu'r cais:  Y Cynghorwyr John Chorlton, J Arthur Jones, John Roberts, John Rowlands, WJ Williams MBE

     Gwrthod y cais, yn groes i argymhelliad y swyddog:  Y Cynghorwyr Eurfryn Davies, Arwel Edwards, O Glyn Jones, RL Owen, J Arwel Roberts

     Ymatal:  Y Cynghorwyr PM Fowlie, Aled Morris Jones

     Roedd y bleidlais yn bump yr un ac wrth i'r Cadeirydd ddefnyddio'r bleidlais fwrw fe benderfynwyd gwrthod y cais, a hynny'n groes i argymhelliad y swyddog, oherwydd consyrn priffyrdd a diogelwch cerddwyr.

     Yn unol â Chyfansoddiad y Cyngor cafodd y cais ei ohirio'n otomatig i'r cyfarfod nesaf er mwyn rhoi cyfle i swyddogion baratoi adroddiad ar y rhesymau dros wrthod y cais.

6.5     GWEDDILL Y CEISIADAU

     28C367A  28C367A  DILEU AMOD (09) O GANIATÂD CYNLLUNIO 28C367 ER MWYN GOSOD FFENESTRI, FFASGIAU A GWTERI PLASTIG GWYN AR YR ADEILADAU ALLANOL YN BRYN HYFRYD, BRYNGWRAN

     Cyflwynwyd y cais hwn i’r Pwyllgor benderfynu arno yn ôl  dymuniad yr aelod lleol. Ar 4 Hydref penderfynwyd caniatáu'r cais, yn groes i argymhelliad y swyddog gan y teimlai'r aelodau y byddai'r math o ddeunyddiau a fwriedir yn gweddu gyda anheddau eraill yn yr ardal.  Yn unol â Chyfansoddiad y Cyngor cafodd y cais ei ohirio er mwyn rhoi cyfle i swyddogion baratoi adroddiad ar y rhesymau dros ganiatáu'r cais.  

     Gan y Cynghorydd Glyn Jones cafwyd cynnig i lynu wrth y penderfyniad i ganiatáu'r cais am y rhesymau a roddwyd eisoes, cafodd hyn ei eilio gan y Cynghorydd Fowlie.

     Roedd y bleidlais fel a ganlyn:

     Caniatáu'r cais, yn groes i argymhelliad y swyddog:  Y Cynghorwyr John Chorlton, PM Fowlie, Aled Morris Jones, O Glyn Jones, RL Owen, WJ Williams MBE

     Derbyn adroddiad y swyddog a gwrthod y cais:  Y Cynghorwyr Arwel Edwards,

     J Arthur Jones,  J Arwel Roberts, John Rowlands

     PENDERFYNWYD glynu wrth y penderfyniad blaenorol i ganiatáu'r cais, yn unol ag amodau safonol.

6.6     CAIS YN TYNNU'N GROES

     38C223  CAIS DABLYGIAD TRIGIANNOL I GODI 19 ANNEDD (YN CYNNWYS 6 ANNEDD FFORDDIADWY) AR DIR GER PEN Y BONT, MOUNTAIN ROAD, LLANFECHELL

     Cyflwynwyd y cais hwn i'r Pwyllgor benderfynu arno gan ei fod yn un yn tynnu'n groes i bolisïau a'r awdurdod cynllunio lleol yn argymell ei ganiatáu.  Dymuniad yr aelod lleol hefyd oedd ei gyflwyno i'r Pwyllgor. Yn y cyfarfodydd ar 6 Medi a 4 Hydref gohiriwyd ystyried y cais i roi cyfle i swyddogion gwblhau trafodaethau.

     Dywedodd y Pennaeth Rheoli Datblygu y buasai 4 annedd yn dai fforddiadwy trwy landlord cymdeithasol cofrestredig a’r ddwy annedd arall yn cael eu gwerthu fel tai pris rhesymol, ac i ofalu am hynny gwneid cytundeb dan Adran 106.

     Mynegi pryder a wnaeth y Cynghorydd Thomas Jones oherwydd colli llwybr rhwng y stad dai a’r ysgol gynradd leol a gofynnodd am ei adfer.  Ond nid llwybr cyhoeddus oedd hwn meddai’r Uwch Beiriannydd Priffyrdd, ond cytunodd i drafod y mater gyda’r datblygwr.  Cadarnhaodd fod y llwybr hwn yn cael ei ddefnyddio gan y bobl leol i gerdded rhwng yr ysgol a’r stad dai.  

     Y peth mwyaf priodol yn ôl y Cyfarwyddwr Corfforaethol (yr Amgylchedd a Gwasanaethau Technegol) oedd cyrraedd cytundeb trwy drafodaeth a than amgylchiadau felly roedd y Cynghorydd Thomas Jones yn fodlon cefnogi.  

     Gan y Cynghorydd J Arthur Jones cafwyd cynnig i dderbyn adroddiad y swyddog a'i argymhelliad i ganiatáu.  

     Yn unfrydol PENDERFYNWYD caniatáu'r cais am y rhesymau a roddwyd, yn unol a'r amodau a fanylwyd arnynt yn adroddiad y swyddog.

6.7      GWEDDILL Y CEISIADAU

     38C237  CAIS AMLINELLOL I GODI ANNEDD, CREU MYNEDFA NEWYDD A GOSOD TANC SEPTIG YM MAES MAWR, LLANFECHELL

     Cyflwynwyd y cais hwn i'r Pwyllgor benderfynu arno gan mai mab “aelod etholedig" yw'r ymgeisydd ac nid "aelod o'r Pwyllgor Cynllunio" fel a nodwyd yn yr adroddiad.

     Cafwyd datganiad o ddiddordeb gan y Cynghorydd Thomas Jones yn y cais hwn.

     Penderfynwyd ymweld â'r safle ar 4 Hydref, i weld a oedd y cais yn cydymffurfio â Pholisi 50, ac fe gafwyd hyn ar 18 Hydref, 2006.

     Canfu’r Cynghorydd Mrs Bessie Burns fod y safle yng nghanol 5 i 6 o dai, a Charreg Daran y tu mewn i’r ffiniau datblygu a gardd y ty yn union ger y safle, y tu mewn i’r cyfyngiad gyrru 30 mya a heb fod yn y cefn gwlad.  Apelio am gysondeb a wnaeth Mrs Burns wrth wneud penderfyniad a theimlai fod y cais yn cydymffurfio gyda Pholisi 50 gan ei fod ar gyrion y ffiniau datblygu lle rhoddir caniatâd i anheddau unigol.  Yr ymgeisydd oedd biau’r cae.  Mewn llythyr dyddiedig 25 Mehefin o’r Adain Briffyrdd cadarnhawyd nad oedd ganddynt wrthwynebiad mewn egwyddor i godi un annedd ychwanegol yn y lle hwn.  Mewn seminar gynllunio a gafwyd yn ddiweddar roedd cefnogaeth i wneud darpariaeth fel bod pobl ifanc yn parhau i fyw yn eu cymuned a hyrwyddo’r Gymraeg.  Un o’r ardal hon oedd y dyn ifanc dan sylw a chafodd addysg yn lleol ac roedd ef wedi rhentu tir heb fod ymhell yng Ngharreg-lefn.  Teimlai’r Cynghorydd Burns fod yma angen lleol a bod caniatâd yn mynd i fod o gymorth i gynnal y pentref.

     Er bod y Cynghorydd John Roberts yn cydymdeimlo â’r ymgeisydd nid oedd y cais yn gais am dy fforddiadwy nac yn gais am annedd amaethyddol a hefyd roedd y safle ei hun gryn bellter o’r ffiniau datblygu. Cytuno a wnaeth y Cynghorydd J Arthur Jones.

     Ond cyfeiriodd y Cynghorydd Fowlie at safle arall y rhoddwyd caniatâd cynllunio iddo yn y cyffiniau hyn a chynigiodd roddi caniatâd i’r cais gerbron.  Gan fod y safle yn union ger eiddo arall a’r tu mewn i’r ffiniau datblygu, ac felly yn cydymffurfio â Pholisi 50 fel safle eithriad eiliwyd y cynnig gan y Cynghorydd Glyn Jones o blaid caniatáu.  Wrth roddi caniatâd teimlai’r Cynghorydd Aled Morris Jones fod hynny yn gyfle i adfywio’r gymuned leol ac eiliodd ef hefyd y cynnig i ganiatáu.

     Ond ni fedrai’r Pennaeth Rheoli Datblygu gytuno gyda’r aelodau fod y cais hwn yn cydymffurfio â Pholisi 50 y Cynllun Lleol.  Ym Mholisi HP4 yr CDU a stopiwyd roedd ffiniau datblygu pendant a chlir i Lanfechell a rhaid oedd i unrhyw ddatblygiad fod ar y ffin ac yn fforddiadwy.  Nid cais amaethyddol oedd hwn.  Atgoffwyd yr aelodau gan y swyddog fod caniatâd cynllunio amlinellol wedi ei roddi yn Nhyn Llain gerllaw ym mis Mehefin eleni, a hynny’n groes i argymhelliad y swyddog.

     Roedd y bleidlais fel a ganlyn:

     Caniatáu'r cais, yn groes i argymhelliad y swyddog:  Y Cynghorwyr Eurfryn Davies,

     PM Fowlie, Aled Morris Jones, O Glyn Jones, RL Owen, WJ Williams MBE

     Derbyn adroddiad y swyddog a gwrthod y cais:  Y Cynghorwyr John Chorlton,

     Arwel Edwards, J Arthur Jones, John Roberts, J Arwel Roberts, John Rowlands

     Roedd y bleidlais yn chwech yr un ac wrth i'r Cadeirydd ddefnyddio ei bleidlais fwrw PENDERFYNWYD derbyn adroddiad y swyddog a gwrthod y cais am y rhesymau a roddwyd.  

6.8     CAIS YN TYNNU'N GROES

     44C239C  CODI ANNEDD, MODURDY PREIFAT A MYNEDFA NEWYDD YN RHIWMOEL, RHOSYBOL

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  Ar 6 Medi penderfynwyd ymweld â'r safle ac fe gafwyd hyn ar 20 Medi, 2006.  Ar 4 Hydref cafwyd gohiriad er mwyn cwblhau trafodaethau.

     Mewn ymateb i bwynt 1 yn adroddiad y swyddog lle dywedwyd fod y safle “ar gyrion y pentref” dywedodd y Cynghorydd Aled Morris Jones ei fod, yn hytrach, “y tu mewn i’r pentref, y tu mewn hefyd i’r cyfyngiad 30 mya ac roedd yna oleuadau stryd a dwy annedd ymhellach o ganol y pentref.  Roedd y Cyngor Cymuned yn cefnogi a gofynnodd y Cynghorydd Jones am ystyried y cais dan Bolisi 50 gan gredu fod y safle y tu mewn i’r pentref, ac ychwanegodd fod yr ymgeisydd yn ddyn ifanc lleol, yn dymuno aros yn y gymuned ac erfyniodd am gefnogaeth yr aelodau.

     Dan Bolisi 50 y Cynllun Lleol roedd Rhosybol, meddai’r Pennaeth Rheoli Datblygu, yn bentref rhestredig, a hefyd yn bentref dan Bolisi HP4 yr CDU a stopiwyd - heb amheuaeth  roedd y tu allan i’r ffiniau datblygu ac ni chafwyd unrhyw dystiolaeth o blaid ei ystyried yn safle eithriad.  Gwnaed cytundeb dan Adran 106 ar y tir yn 1989 i rwystro rhagor o waith datblygu a chafwyd sawl gwrthwynebiad.  Cyn creu mynedfa i’r cae roedd yn rhaid dymchwel clawdd. Er iddo ddweud yn wreiddiol y byddai angen gwneud i ffwrdd â chlawdd i gael mynediad i’r cae, cadarnhaodd y Swyddog yn ddiweddarach bod y cynlluniau yn nodi bwriad i adfer y clawdd.  Serch hynny, nid oedd o’r farn y byddai hynny’n ddigon i gymeradwyo cais a oedd yn amlwg yn groes i bolisi.

     Ond yn ôl y Cynghorydd Aled Morris Jones roedd llythyr arall o gefnogaeth wedi ei dderbyn a châi clawdd newydd ei godi a thirlunio’r safle i rwystro rhagor o ddatblygiadau.  

     Holodd y Cynghorydd John Roberts pam fod ochr ogleddol y ffordd y tu mewn i’r ffiniau datblygu, ac ochr ddeheuol yr un ffordd yn y cefn gwlad.

     Ond sylwodd y Cynghorydd J Arthur Jones nad oedd y cais wedi ei gyflwyno fel un eithriad, ac efallai bod yma ddatblygiad rhubanaidd a chynigiodd wrthod y cais, a chafodd ei eilio gan y Cynghorydd Arwel Edwards.

     Gan y Cynghorydd Glyn Jones cafwyd cynnig i ganiatáu, cafodd hyn ei eilio gan y Cynghorydd Aled Morris Jones.

     Roedd y bleidlais fel a ganlyn:

     Derbyn adroddiad y swyddog a gwrthod y cais:  Y Cynghorwyr John Chorlton, Arwel Edwards, J Arthur Jones, John Roberts, J Arwel Roberts, John Rowlands WJ Williams MBE

     Caniatáu'r cais, yn groes i argymhelliad y swyddog:  Y Cynghorwyr PM Fowlie, Aled Morris Jones, O Glyn Jones, RL Owen

     PENDERFYNWYD derbyn adroddiad y swyddog a gwrthod y cais am y rhesymau a roddwyd.  

6.9     CAIS YN TYNNU'N GROES

     45C79E  CAIS AMLINELLOL I GODI 15 O ANHEDDAU YNGHYD Â CHREU MYNEDFA NEWYDD I GERBYDAU AC I GERDDWYR AR DIR GER MEDDYGFA PENBRYN, STRYD Y CAPEL, DWYRAN

     Cyflwynwyd y cais hwn i'r Pwyllgor benderfynu arno ar gais yr aelod lleol.  Gohiriwyd ystyried y cais ar 4 Hydref er mwyn cwblhau trafodaethau.

     Pryder pennaf y Cynghorydd Peter Rogers oedd y ddarpariaeth i ddraenio’r lle o gofio am hanes o lifogydd ar y tir - roedd llifogydd annisgwyl wedi taro dau eiddo ar yr A4080; ychwanegid at y problemau parcio oherwydd y cynnydd yn y traffig ac roedd y fynedfa i’r safle yn rhy agos i fynedfa’r feddygfa leol.  Peth arall y pryderai y Cynghorydd Rogers amdano oedd prinder cyfleusterau hamdden yn y pentref.  Wedyn ychwanegodd fod Asiantaeth yr Amgylchedd yn dweud mai dyletswydd y Cyngor yw gweithio ar y cwlfert i’r dwr llifogydd, ond

     fod y Cyngor heb unrhyw gynigion i wella ar hyn o bryd.  Awgrymodd y dylid cael ymweliad â’r safle i weld y ffordd a’r traffig yno.

     Ni fedrai’r Cynghorydd RL Owen gefnogi’r cais fel yr oedd, ac o’r herwydd cynigiodd ymweliad, a chafodd ei eilio gan y Cynghorydd Arwel Edwards.

     Yn ôl yr Uwch Beiriannydd Priffyrdd roedd gosodiad y fynedfa yn cyrraedd y safonau dylunio perthnasol ac y buasai’n rhaid i’r datblygwr ddarparu pafin ar hyd y safle er mwyn y bobl leol.

     Wedyn dygodd y Pennaeth Rheoli Datblygu sylw at adroddiad manwl y swyddog a llythyr oddi wrth yr Asiantaeth yr Amgylchedd a oedd yn cynghori y "bydd llif dwr wyneb ar ôl y gwaith datblygu yn llai nag a fydd cyn y gwaith datblygu".  Roedd y cais yn cydymffurfio gyda’r CDU, ac ni châi caniatâd ei ryddhau hyd nes datrys materion draenio a’r materion hynny a oedd dan reolaeth amodau ac argymhellodd roddi caniatâd. Ni chredai ef fod unrhyw reswm dros ohirio ystyried y cais.

     Gan y Cynghorydd J Arthur Jones cafwyd cynnig i dderbyn adroddiad y swyddog a chaniatáu'r cais.

     Roedd y bleidlais fel a ganlyn:

     Derbyn adroddiad y swyddog i ganiatáu'r cais:  Y Cynghorwyr John Chorlton,

     Eurfryn Davies, Arwel Edwards, PM Fowlie, J Arthur Jones, John Roberts, J Arwel Roberts,

     John Rowlands WJ Williams MBE

     Gwrthod y cais, yn groes i argymhelliad y swyddog:  Y Cynghorydd RL Owen

     Ymatal:  Y Cynghorwyr Aled Morris Jones, Glyn Jones

     PENDERFYNWYD caniatáu'r cais am y rhesymau a roddwyd, yn unol ag amodau y manylwyd arnynt yn adroddiad y swyddog.

     Doedd dim ceisiadau economaidd i'w hystyried gan y cyfarfod hwn.

8.1     37C154  CAIS LLAWN I GODI 12 ANNEDD A 2 FYNGALO YNGHYD Â CHREU MYNEDFA NEWYDD I GERBYDAU AC I GERDDWYR AR DIR YN BRYN TAWEL, BRYNSIENCYN

     Cafwyd y cais hwn i'r Pwyllgor benderfynu arno gan fod y cais ar dir ym meddiant y Cyngor.  

     Dywedodd y Cynghorydd Eifion Jones fod y tir yng nghanol y pentref a'r bwriad 100% yn dai fforddiadwy.  Roedd yn gyfle unigryw i gyfarfod ag anghenion tai i bobl leol.  

     Mewn ymateb i gwestiwn gan y Cynghorydd John Roberts fe nodwyd fod y cae oedd y drws nesaf i’r safle wedi ei brynu o gwmpas 1978 ac yn cael ei adnabod fel safle hamdden.

     Ar gyfer y cofnodion dywedodd y Pennaeth Rheoli Datblygu fod yna niferoedd o wrthwynebiadau a deiseb i law, argymhelliad y swyddog oedd un o ganiatáu'r cais.

     Gan y Cynghorydd J Arthur Jones cafwyd cynnig i ganiatáu, a chafodd hyn ei eilio gan y Cynghorydd Eurfryn Davies.

     Yn unfrydol PENDERFYNWYD derbyn adroddiad y swyddog a chaniatáu'r cais am y rhesymau a roddwyd ac yn unol â'r amodau y manylwyd arnynt yn adroddiad y swyddog.

9.1     38C231A  CAIS LLAWN I GODI BYNGALO YNGHYD Â CHREU MYNEDFA NEWYDD I GERBYDAU AC ADDASU'R FYNEDFA BRESENNOL I GERBYDAU AR DIR GER TYN LLAIN, LLANFECHELL

     Cyflwynwyd y cais hwn i'r Pwyllgor benderfynu arno ar gais yr aelod lleol.  

     Eglurodd y Pennaeth Rheoli Datblygu fod caniatâd amlinellol wedi ei roddi eisoes a hynny’n groes i argymhelliad y swyddog, a hyn wedi sefydlu’r egwyddor o ddatblygu.  Nid oedd y swyddogion yn gwrthwynebu a chafwyd argymhelliad ganddynt i ganiatáu.  Gofynnodd y swyddog am roddi amod ychwanegol i rwystro unrhyw ddatblygiad pellach ac mai’r bwriad gerbron yn unig a ganiateir ar y safle.

     Gan y Cynghorydd John Chorlton cafwyd cynnig o ganiatáu, cafodd hyn ei eilio gan y Cynghorydd  Glyn Jones.

     Yn unfrydol PENDERFYNWYD derbyn adroddiad y swyddog a chaniatáu'r cais am y rhesymau a roddwyd yn unol ag amodau y manylwyd arnynt yn adroddiad y swyddog, yn cynnwys amod i rwystro unrhyw ddatblygiad pellach.  

9.2     38C238  CODI ANNEDD UNLLAWR AR GAE O.S. 9420, MYNYDD MECHELL

     Cyflwynwyd y cais hwn i'r Pwyllgor benderfynu arno ar gais yr aelod lleol.  

     Nid oedd y cynllun ynghlwm wrth y cais yn gywir yn ôl y Cynghorydd Thomas Jones am nad oedd yn dangos y ffrâm awgrymiadol.  Roedd Mynydd Mechell yn cael ei gydnabod fel “treflan wledig neu glwstwr yn yr CDU a’r safle yn gorwedd y tu mewn i’r ffram awgrymiadol.  Dyn ifanc lleol oedd yr ymgeisydd, a gerllaw roedd stad dai o 15 o anheddau a rhyw 50 o dai i gyd yn yr ardal yma ac acw;  tir gwael oedd tir y safle.

     Gan y Pennaeth Rheoli Datblygu cafwyd fersiwn lafar o ddarpariaethau HP5 yr CDU a stopiwyd - roedd y cais yn groes i’r polisïau er fod y safle ei hun y tu mewn i’r ffrâm awgrymiadol ond nid oedd hynny, o angenrheidrwydd, yn reswm i ganiatáu’r cais.  Bythynod a thyddynod traddodiadol oedd yn yr ardal yn bennaf a’r safle gerbron yn amlwg yn y cefn gwlad draw o’r datblygiadau eraill ac ni chafwyd unrhyw dystiolaeth fod yma angen lleol - yr argymhelliad oedd gwrthod.  Mewn ymateb i gwestiwn gan y Cynghorydd Thomas Jones ynghylch beth oedd ystyr y ffrâm awgrymiadol, dywedodd y swyddog fod ffram o’r fath yn dangos y patrwm datblygu mewn ardal lle nad oedd ffiniau diffiniedig i’r pentref.  Nid rheswm dros ganiatáu oedd bodolaeth ffrâm.

     Cytuno a wnaeth y Cynghorydd J Arthur Jones nad oedd y cais hwn yn cydymffurfio â'r polisïau a chynigiodd wrthod y cais, cafodd hyn ei eilio gan y Cynghorydd John Chorlton.   

     Roedd y bleidlais fel a ganlyn:  

     Derbyn adroddiad y swyddog a gwrthod y cais:  Y Cynghorwyr John Chorlton, Eurfryn Davies, Arwel Edwards, Aled Morris Jones, J Arthur Jones, O Glyn Jones, RL Owen, John Roberts, J Arwel Roberts, John Rowlands

     Ymatal: Y Cynghorwyr PM Fowlie, WJ Williams MBE

     PENDERFYNWYD derbyn adroddiad y swyddog a gwrthod y cais am y rhesymau a roddwyd.

9.3     44C233B  CAIS AMLINELLOL I GODI ANNEDD YNGHYD Â CHREU MYNEDFA NEWYDD I GERBYDAU A GOSOD TANC SEPTIG AR RAN O GAE 5173, RHOSYBOL

     Cyflwynwyd y cais hwn i'r Pwyllgor benderfynu arno ar gais yr aelod lleol.  

     Dywedodd y Cynghorydd Aled Morris bod yr ymgeisydd wedi darparu tystiolaeth o angen lleol am annedd unllawr, a hynny am resymau meddygol a gofynnodd am i’r cais gael ei drin fel eithriad.  Roedd y safle yng nghanol clwstwr a hefyd roedd y Cyngor Cymuned yn gefnogol.

     Atgoffwyd yr aelodau gan y Pennaeth Rheoli Datblygu mai hwn oedd y trydydd cais i gael sylw ar y safle, ac roedd yr aelodau wedi ymweld a’r lle yn y gorffennol.  Hefyd roedd Rhosybol yn bentref rhestredig yn y Cynllun Lleol ac roedd iddo ffiniau diffiniedig yn yr CDU a stopiwyd.  Roedd rhyw 300m y tu allan i’r ffiniau datblygu, ac o’r herwydd gwnai hynny’r cais yn groes i bolisïau ac roedd angen gwneud penderfyniad yn seliedig ar ddefnydd tir; yr argymhelliad oedd gwrthod.

     Gan y Cynghorydd John Chorlton cafwyd cynnig i dderbyn yr argymhelliad, cafodd hyn ei eilio gan y Cynghorydd John Roberts.

     Gan y Cynghorydd Aled Morris Jones cafwyd cynnig i ganiatáu, cafodd hyn ei eilio gan y Cynghorydd Glyn Jones.

     Roedd y bleidlais fel a ganlyn:

     Derbyn adroddiad y swyddog a gwrthod y cais:  Y Cynghorwyr John Chorlton, Arwel Edwards, J Arthur Jones, John Roberts, J Arwel Roberts, John Rowlands

     Caniatáu’r cais, yn groes i argymhelliad y swyddog:  Y Cynghorwyr Eurfryn Davies, PM Fowlie, Aled Morris Jones, O Glyn Jones, WJ Williams MBE

     PENDERFYNWYD derbyn adroddiad y swyddog a gwrthod y cais.

9.4     45C356  CAIS AMLINELLOL I GODI ANNEDD AC ADEILAD AMAETHYDDOL YNGHYD Â GOSOD SUSTEM TRIN CARTHFFOSIAETH BREIFAT A CHREU MYNEDFA NEWYDD I GERBYDAU AR DIR GER PLAS, LLANGAFFO

     Cyflwynwyd y cais hwn i'r Pwyllgor benderfynu arno ar gais yr aelod lleol.  

     Nodwyd fod y cais hwn wedi ei dynnu’n ôl.

10.1     19C967  GOSOD CYNHWYSYDD I STORIO OFFER ATHLETIG YNG NGHAE CHWARAE MILLBANK, CAERGYBI

     Cyflwynwyd y cais hwn i'r Pwyllgor benderfynu arno gan ei fod yn effeithio ar dir ym mherchnogaeth y Cyngor.

     Dywedodd y Pennaeth Rheoli Datblygu nad oedd gan y Cyngor Tref ddim gwrthwynebiad.  

     Gan y Cynghorydd John Chorlton cafwyd cynnig i ganiatáu, cafodd hyn ei eilio gan y Cynghorydd WJ Williams.

     PENDERFYNWYD derbyn adroddiad y swyddog a chaniatáu’r cais am y rhesymau a roddwyd yn unol ag amodau y manylwyd arnynt yn yr adroddiad.

10.2      28C373 DATBLYGIAD TRIGIANNOL YN CYNNWYS 4 TY, 4 LLOFFT A 4 FFLAT 2 LOFFT YNGHYD Â CHREU MYNEDFA NEWYDD I GERBYDAU AR DIR GYFERBYN Â FFORDD Y STESION, RHOSNEIGR

     Cyflwynwyd y cais hwn i'r Pwyllgor benderfynu arno ar gais yr aelod lleol.

     Dymunai’r Cynghorydd Fowlie ddatgan yn agored nad oedd ganddo unrhyw wrthwynebiad i’r egwyddor o ddatblygu’r safle, ond teimlai fod 4 o dai 4 ystafell wely yr un a 4 o fflatiau 2 ystafell yr un yn cyfateb i orddatblygu a châi hynny effaith ar bleserau o leiaf ddau o’r tai cyfagos, ac yn y cyswllt hwn cyfeiriodd at y tafluniad a gafwyd o’r ardal a chynigiodd wrthod, cafodd ei eilio gan y Cynghorydd WJ Williams.

     Teimlai’r Cynghorydd Glyn Jones y gwnâi 8 annedd greu 100 o symudiadau traffig ychwanegol bob dydd.

     Dywedodd y Pennaeth Rheoli Datblygu fod y safle o fewn y ffin datblygu a phob agwedd o’r cais wedi edrych arno’n ofalus ac, wedi pwyso a mesur, argymhelliad i ganiatáu oedd yma.  

     Roedd y bleidlais fel a ganlyn:

     Gwrthod y cais, yn groes i argymhelliad y swyddog:  Y Cynghorwyr John Chorlton,  

     PM Fowlie, O Glyn Jones, RL Owen, John Rowlands WJ Williams MBE

     Derbyn adroddiad y swyddog a chaniatáu’r cais:  Y Cynghorydd J Arthur Jones,

     J Arwel Roberts

     Ymatal:  Y Cynghorydd Eurfryn Davies

     Penderfynwyd gwrthod y cais, yn groes i argymhelliad y swyddog a hynny oherwydd y teimlai’r aelodau fod yma orddatblygu ac y buasai tai cyfagos yn colli mwynderau.

     Yn unol â Chyfansoddiad y Cyngor cafodd y cais ei ohirio’n otomatig i’r cyfarfod nesaf i alluogi swyddogion i baratoi adroddiad ar y rhesymau dros wrthod y cais.

     Gofynnodd y Cynghorydd J Arthur Jones am ragor o fanylion i’r cyfarfod nesaf ar ddwysedd yr adeiladu o’i gymharu â maint y safle.

10.3      28C84A  CAIS AMLINELLOL I GODI ANNEDD AR DIR GER TERAS GLAN GORS,

        BRYN DU

     Cyflwynwyd y cais hwn i'r Pwyllgor benderfynu arno ar gais yr aelod lleol.

     Yr ymgeisydd oedd y bedwaredd genhedlaeth o’r teulu lleol yn ôl y Cynghorydd Glyn Jones.  Am gartrefi dwy ystafell wely yn y cyffiniau hyn roedd yn rhaid talu dros £150k.  Y teulu oedd biau’r tir ac o’r herwydd roedd modd adeiladu arno am bris fforddiadwy.  Ar y naill law yr oedd y plot yn croesi’r ffiniau datblygu ond hefyd yn union gerllaw roedd melin wynt restredig Graddfa II a chai’r datblygiad effaith ddrwg ar yr adeilad hwnnw petai’r safle yn cael ei symud; credai’r Cynghorydd Jones fod y cais yn cydymffurfio gyda Pholisi 50 a bod modd ei ystyried fel datblygiad yn llenwi bwlch.  

     Ond yn ôl y Pennaeth Rheoli Datblygu roedd Polisi HP4 y CDU a stopiwyd yn dangos yn glir leoliad y ffiniau datblygu i Fryn Du ac ni chafwyd unrhyw dystiolaeth y buasai’r annedd yn un fforddiadwy.

     Yna cyfeiriodd y Cynghorydd J Arthur Jones at bryderon a fynegwyd ar achlysur o’r blaen o herwydd cynnydd yn y traffic yn sgil cais arall yn yr ardal - cais nad oedd a wnelo fo ddim byd â’r cais dan sylw.  Ond ni cheid unrhyw gynnydd yn y traffig meddai’r Cynghorydd Glyn Jones gan fod yr ymgeisydd eisoes yn byw yn Nheras Glan Gors.  

     Rhoddwyd rhesymau pam y dylid caniatáu - sef fod y plot yn croesi’r ffiniau datblygu ac na châi y lleoliad unrhyw effaith negyddol.

     Nodwyd fod ¾ y safle y tu allan i ffin datblygu Bryn Du.

     Gan y Cynghorydd Glyn Jones cafwyd cynnig i ganitatáu, cafodd hyn ei eilio gan y Cynghorwyr  RL Owen a John Roberts.

     Roedd y bleidlais fel a ganlyn:

     Caniatáu’r cais, yn groes i argymhelliad y swyddog:  Y Cynghorwyr John Chorlton, Eurfryn Davies, Arwel Edwards, PM Fowlie, Aled Morris Jones, O Glyn Jones, RL Owen, John Roberts, John Rowlands WJ Williams MBE

     Y rhesymau a roddwyd dros ganiatáu oedd bod y plot yn gorwedd y naill ochr a’r llall i’r ffin datblygu ac ni fyddai lleoliad y datblygiad arfaethedig yn cael effaith negyddol.

     Yn unol â Chyfansoddiad y Cyngor cafodd y cais ei ohirio’n otomatig i’r cyfarfod nesaf i alluogi swyddogion baratoi adroddiad ar y rhesymau dros ganiatáu’r cais.

10.4      29C121  NEWID DEFNYDD 4 ADEILAD ALLANOL I 10 ANNEDD YNGHYD Â CHREU MYNEDFA NEWYDD I GERBYDAU AC I GERDDWYR YNGHYD Â GOSOD SUSTEM TRIN CARTHFFOSIAETH BREIFAT YN BORTHWEN, LLANFAETHLU

     Cyflwynwyd y cais hwn i'r Pwyllgor benderfynu arno ar gais yr aelod lleol.

     Fe nodwyd fod y bwriad gwreiddiol yn golygu 10 o anheddau ond fod hyn nawr wedi ei ostwng

     i 9.

     Doedd y Cynghorydd Bessie Burns ddim yn ymwybodol o unrhyw wrthwynebiad lleol gan gynnwys y cyngor cymuned, er fod yna gonsyrn priffyrdd.

     Dywedodd yr Uwch Beirianydd Priffyrdd y byddai’r ddwy fynedfa bresennol yn cael eu cau ac un arall yn cael ei chreu i’r dde o’r safle.  Buasai uchder y wal yn y fynedfa yn cael ei gostwng i 1m fel bod modd gadael y safle’n ddiogel.

     Gan y Cynghorydd J Arthur Jones cafwyd cynnig i dderbyn adroddiad y swyddog a chaniatáu’r cais, cafodd hyn ei eilio gan y Cynghorydd Eurfryn Davies.

     Yn unfrydol PENDERFYNWYD derbyn adroddiad y swyddog a chaniatáu’r cais am y rhesymau a roddwyd, yn unol â’r amodau y manylwyd arnynt yn yr adroddiad.

10.5      29C121/A/LB  CAIS ADEILAD RHESTREDIG I NEWID DEFNYDD 4 ADEILAD ALLANOL I 10 ANNEDD YNGHYD Â CHREU MYNEDFA NEWYDD I GERBYDAU AC I GERDDWYR YNGHYD A GOSOD SUSTEM TRIN CARTHFFOSIAETH BREIFAT YN BORTHWEN, LLANFAETHLU

     Cyflwynwyd y cais hwn i'r Pwyllgor benderfynu arno ar gais yr aelod lleol.

     PENDERFYNWYD hysbysu CADW fod yr Awdurdod hwn am gymeradwyo’r cais, yn unol â’r amodau y manylwyd arnynt yn adroddiad y swyddog.

10.6      33C87D  CAIS LLAWN I GODI 27 ANNEDD AR DIR GAERWEN UCHAF, GAERWEN

     Cyflwynwyd y cais hwn i'r Pwyllgor benderfynu arno ar gais yr aelod lleol.

Nodwyd fod y cais hwn wedi’i dynnu’n ôl.  

10.7      33LPA869/CC  CODI ADEILAD AMAETHYDDOL YN BRYN ESCEIFIOG, GAERWEN

     Cyflwynwyd y cais hwn i'r Pwyllgor benderfynu arno gan fod y cais yn cael ei gyflwyno gan y Cyngor ar dir yn ei feddiant.

     PENDERFYNWYD derbyn adroddiad y swyddog a chaniatáu’r cais am y rhesymau a roddwyd, yn unol â’r amodau y manylwyd arnynt yn yr adroddiad.  

10.8      35LPA870/CC  ADDASU AC EHANGU 9 TAWELFAN, LLANGOED

     Cyflwynwyd y cais hwn i'r Pwyllgor benderfynu arno gan fod y cais yn cael ei gyflwyno gan yr awdurdod lleol.

     Mynegodd y Cynghorydd John Rowlands ei gefnogaeth i’r cais.

     PENDERFYNWYD rhoddi awdurdod i Bennaeth y Gwasanaethau Cynllunio i ganiatáu’r cais am y rhesymau a roddwyd, yn unol â’r amodau y manylwyd arnynt yn yr adroddiad ar derfyn y cyfnod ymgynghori.

10.9      42C20F/1  ADDASU AC EHANGU LÔN LWYD ISAF, PENTRAETH

     Cyflwynwyd y cais hwn i'r Pwyllgor benderfynu arno ar gais yr aelod lleol.  Dywedodd y Cynghorydd Hefin Thomas fod cyfaddawdu ar y materion dadleuol.

     PENDERFYNWYD caniatáu’r cais am y rhesymau a roddwyd, yn unol â’r amodau y manylwyd arnynt yn yr adroddiad, hefyd gydag amod ychwanegol i godi ffens rhwng yr eiddo uchod ag eiddo cymydog.   

10.10     45C311C/DA  CAIS MANWL I GODI ANNEDD YNGHYD AG ADDASU’R FYNEDFA BRESENNOL I GERBYDAU AR DIR RHWNG RUSHMEAD & PEN Y BONT, PEN LÔN, NIWBWRCH

     Cyflwynwyd y cais hwn i'r Pwyllgor benderfynu arno gan fod yr ymgeisydd yn perthyn i swyddog o’r Adran Gynllunio.

     Gan Mrs Gwen Jones o’r Adran Gynllunio cafwyd datganiad o ddiddordeb yn y cais hwn.  

     Dywedodd y Pennaeth Rheoli Datblygu mai argymhelliad i ganiatáu oedd yma gydag amod ychwanegol i godi lefel orffenedig y lloriau ar argymhelliad Asiantaeth yr Armgylchedd.

     PENDERFYNWYD derbyn adroddiad y swyddog a chaniatáu’r cais am y rhesymau a roddwyd, yn unol â’r amodau y manylwyd arnynt yn adroddiad y swyddog.  

10.11      48LPA851B/CC  CAIS I DDIWYGIO UCHDER Y TO YN CHWAREL CAE'R GLAW, GWALCHMAI

     Cyflwynwyd y cais hwn i'r Pwyllgor benderfynu arno gan ei fod yn cael ei gyflwyno gan yr awdurdod lleol.

     Gan y Cynghorydd J Arthur Jones cafwyd datganiad o ddiddordeb yn y cais ac nid oedd yn bresennol yn ystod y drafodaeth a’r pleidleisio.  

     Dywedodd y Pennaeth Rheoli Datblygu mai argymhelliad i ganiatáu oedd yma.

     PENDERFYNWYD derbyn adroddiad y swyddog a chaniatáu’r cais am y rhesymau a roddwyd, yn unol â’r amodau y manylwyd arnynt yn adroddiad y swyddog.

11     CEISIADAU A DDIRPRWYWYD

     Cyflwynwyd a derbyniwyd adroddiad y Cyfarwyddwr Corfforaethol (Amgylchedd a Gwasanaethau Technegol) ar geisiadau a ddirprwywyd ac y gwnaethpwyd penderfyniad arnynt ers cyfarfod diwethaf y Pwyllgor hwn.

12.1     O.S. 1960 & 3166 GYFERBYN AG ARGRAIG, LLANEILIAN

     Cyflwynwyd a derbyniwyd, er gwybodaeth, gopi o grynodeb penderfyniad yr Arolygydd a benodwyd gan Gynulliad Cenedlaethol Cymru ar apêl yn erbyn rhybudd gorfodaeth a gyflwynwyd gan yr Awdurdod hwn ar 18 Ionawr, 2006 dan gyf: 2005/24/83, am dor rheolaeth cynllunio i newid defnydd o amaethyddiaeth i ddefnydd cymysg - cafodd yr apêl ei gwrthod a chadarnhawyd y rhybudd gorfodaeth gyda chywiriadau a newidiadau (cyf APP/L6805/C/06/1197994).

12.2      O.S. 1960 & 3166 GYFERBYN AG ARGRAIG, LLANEILIAN

     Cyflwynwyd a derbyniwyd, er gwybodaeth, gopi o grynodeb penderfyniad yr Arolygydd a benodwyd gan Gynulliad Cenedlaethol Cymru ar gais gan yr Awdurdod hwn am gostau llawn mewn perthynas â’r apêl yn erbyn rhybudd gorfodaeth y cyfeirir ato yn eitem 12.1 o’r cofnodion hyn  - caniatawyd y cais (cyf: APP/L6805/C/06/1197994).

12.3      TY UCHAF, MYNYDD BODAFON

     Cyflwynwyd a derbyniwyd, er gwybodaeth, gopi o grynodeb penderfyniad yr Arolygydd a benodwyd gan Gynulliad Cenedlaethol Cymru ar apêl yn erbyn methiant yr Awdurdod hwn i wneud penderfyniad ar gais cynllunio o fewn y cyfnod dynodedig dan gais cynllunio 40C253 dyddiedig 27 Ionawr, 2005 i godi garej, ystafell gawod a storfa coed tân (cyf APP/L6805/A/06/1198914) - gwrthodwyd yr apêl ac ni roddwyd caniatâd cynllunio.

12.4      THE DOUGLAS INN, TREGELE

     Cyflwynwyd a derbyniwyd, er gwybodaeth, gopi o grynodeb penderfyniad yr Arolygydd a benodwyd gan Gynulliad Cenedlaethol Cymru ar apêl yn erbyn methiant yr Awdurdod hwn i wneud penderfyniad ar gais cynllunio o fewn y cyfnod dynodedig dan gais cynllunio 20C28D dyddiedig 3 Ebrill, 2006 i addasu ac ehangu’r bwyty (cyf: APP/L6805/A/06/1199146) - caniatwyd yr apêl yn unol ag amodau.

12.5      O.S. 2033 GER TY NEWYDD, PENRHOSLLUGWY

     Cyflwynwyd a derbyniwyd, er gwybodaeth, gopi o grynodeb penderfyniad yr Arolygydd a benodwyd gan Gynulliad Cenedlaethol Cymru ar apêl yn erbyn penderfyniad yr Awdurdod hwn i wrthod tystysgrif defnydd cyfreithlon i leoli tair carafan sefydlog a garej (cyf yr apêl: APP/L6805/X/06/1198493) - gwrthodwyd yr apêl.

     Dechreuodd y cyfarfod am 1.00 p.m. a daeth i ben 4.15p.m.       

     J ARWEL ROBERTS

     CADEIRYDD