Pwyllgor Cynllunio a Gorchmynion dogfennau , 9 Mai 2007

PWYLLGOR CYNLLUNIO A GORCHMYNION

Cofnodion y cyfarfod gafwyd ar  9 Mai, 2007

Croesawodd y Cadeirydd y Cynghorwyr Thomas Jones a Bryan Owen i'w cyfarfod cyntaf fel aelodau o'r Pwyllgor Cynllunio a Gorchmynion, diolchodd hefyd am gyfranogiad y Cynghorwyr Phil Fowlie ac Aled Morris Jones i gyfarfodydd y gorffennol.

     Gwelai'r Cynghorydd Glyn Jones fod yna ddigon o le i bario dau gar tra'n ymweld â'r safle.  

     Gan y Cynghorydd J Arthur Jones cafwyd cynnig i dderbyn adroddiad y swyddog a chaniatáu'r cais.

     Roedd y bleidlais fel a ganlyn:  

     Derbyn adroddiad y swyddog a chaniatáu'r cais:  Y Cynghorwyr John Byast, John Chorlton, Denis Hadley, Glyn Jones, J Arthur Jones, J Arwel Roberts, John Rowlands, WJ Williams MBE

     Ymatal:  Y Cynghorwyr Eurfryn Davies, Arwel Edwards

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

6.7     CAIS YN TYNNU'N GROES

     23C231B  CAIS AMLINELLOL I GODI ANNEDD FFORDDIADWY YNGHYD Â CHREU MYNEDFA NEWYDD I GEIR A GOSOD TANC SEPTIG AR DIR GER CAE FABLI, CAPEL COCH

     Gan y Cynghorydd J Arthur Jones cafwyd datganiad o ddiddordeb yn y cais a gadawodd y cyfarfod am y drafodaeth a'r pleidleisio.

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  Yn y cyfarfod blaenorol roedd yr aelodau yn dueddol o ganiatáu'r cais yn groes i argymhelliad y swyddog.  Yn

     unol â chyfansoddiad y Cyngor cafodd y cais ei ohirio er mwyn rhoi cyfle i swyddogion baratoi adroddiad ar y rhesymau dros ganiatáu'r cais.     

     Yma atgoffodd y Rheolwr Rheoli Datblygu yr aelodau bod y cais yn groes i'r polisïau - nid oedd y safle mewn pentref nac mewn treflan gydnabyddedig ac o'r herwydd roedd yn y cefn gwlad agored a hynny'n golygu nad oedd yn bodloni y meini prawf i dai fforddiadwy.  

     Ond roedd y cais hwn, yn ôl y Cynghorydd W. J. Williams, yn un priodol am dy fforddiadwy ac yn mynd i fod o gymorth i'r economi wledig ac roedd y tu mewn i dri chlwstwr - sef Capel Coch, Maenaddwyn a Hebron.  Heb fod ymhell roedd yr ysgol gynradd a oedd hefyd yn ganolfan gymuned.  Merch ifanc o'r ardal oedd yr ymgeisydd.  Yn yr ardal honno roedd plot wedi gwerthu'n ddiweddar am bron i £100,000.  Gofynnodd y Cynghorydd Williams yn daer i'r aelodau am eu cefnogaeth a phe rhoddir caniatâd roedd yn argymell rhoddi amod ynghlwm yn mynnu ar waith tirlunio.  Cafwyd cynnig i dderbyn a chaniatáu gan y Cynghorydd Williams.

     Er bod y cais yn bodloni yr holl feini prawf ar gyfer tai fforddiadwy ac eithrio lleoliad dywedodd y Rheolwr Rheoli Datblygu fod y cais yn y cefn gwlad ac felly yn annerbyniol fel safle eithriad.

     Teimlai'r Cynghorydd Glyn Jones bod hwn yn cydymffurfio â'r ymrwymiad i "wella bywyd Môn"; teimlai hefyd bod angen hybu adfywiad, eiliodd y Cynghorydd Jones y cynnig i ganiatáu.  

     Roedd y bleidlais fel a ganlyn:

     Caniatáu'r cais, yn groes i argymhelliad y swyddog:  Y Cynghorwyr Eurfryn Davies, Arwel Edwards, Glyn Jones, Thomas Jones, Bryan Owen, RL Owen, John Rowlands, WJ Williams MBE

     Derbyn adroddiad y swyddog a gwrthod y cais:  Y Cynghorwyr John Byast, John Chorlton, Denis Hadley, J Arwel Roberts

     Mewn ymateb i gais gan y Rheolwr Rheoli Datblygu cadarnhaodd y Pwyllgor y byddai'r annedd yn cael ei chyfuno i fod yn un fforddiadwy trwy gytundeb Adran106 .

     PENDERFYNWYD glynu wrth y penderfyniad blaenorol a chaniatáu'r cais am y rhesymau a roddwyd, gydag amodau safonol yn cynnwys cytundeb dan Adran 106 i sicrhau ei fod yn dy fforddiadwy.  

6.8     GWEDDILL Y CEISIADAU

     28C388  CAIS AMLINELLOL I GODI BYNGLO, CREU MYNEDFA NEWYDD A GOSOD TANC SEPTIG NEWYDD YN Y DDEORFA, BRYN DU

     Gan y Cynghorydd Bryan Owen cafwyd datganiad o ddiddordeb yn y cais a gadawodd y cyfarfod am y drafodaeth a'r pleidleisio.  

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  Tueddiad yr aelodau yn y cyfarfod blaenorol  oedd i ganiatáu'r cais yn groes i argymhelliad y swyddog gan y teimlai'r aelodau bod y cais hwn yn cydymffurfio â Pholisi 50.  Yn unol â Chyfansoddiad y Cyngor cafodd y cais ei ohirio er mwyn rhoi cyfle i swyddogion baratoi adroddiad ar y rhesymau dros ganiatáu'r cais.

     Dywedodd y Rheolwr Rheoli Cynllunio fod asiant yr ymgeisydd wedi cyflwyno llythyr cyn dechrau'r cyfarfod yn tynnu sylw  at:  

     Mewn ymateb i hyn dywedodd y Rheolwr Rheoli Cynllunio bod y tir y tu allan i'r ffin datblygu.  Buasai hwn yn creu ty marchnad agored a dylai penderfyniadau gael eu gwneud ar ddefnydd tir ac nid am resymau personol.

     Teimlai'r Cynghorydd Glyn Jones fod hwn yn cydymffurfio â Pholisi 50 ac roedd angen lleol; anogodd yr aelodau i lynu wrth y penderfyniad blaenorol a chaniatáu'r cais.  

     Gan y Cynghorydd RL Owen cafwyd cynnig i dderbyn adroddiad y swyddog a gwrthod y cais; cafodd hyn ei eilio gan y Cynghorydd John Byast.

     Roedd y bleidlais fel a ganlyn:

     Derbyn adroddiad y swyddog a gwrthod y cais:  Y Cynghorwyr John Byast, Eurfryn Davies, Arwel Edwards, Denis Hadley, RL Owen, Arwel Roberts, John Rowlands

     PENDERFYNWYD diddymu'r penderfyniad blaenorol a derbyn adroddiad y swyddog a gwrthod y cais am y rhesymau a roddwyd.  

6.9     GWEDDILL Y CEISIADAU

     30C385B  DYMCHWEL Y GWESTY PRESENNOL, CODI ADEILAD TRI LLAWR YN CYNNWYS 21 O FFLATIAU PRYNU I OSOD, PWLL NOFIO DAN DO YNGHYD Â CHREU MYNEDFA NEWYDD I GEIR, ADDASU'R FYNEDFA I GEIR A'R GARTHFFOS YN LLIFO I'R GARTHFFOS GYHOEDDUS YNG NGHWESTY BRYN TIRION, TRAETH COCH

     Gan y Cynghorwyr J Arthur Jones a Hefin Thomas cafwyd datganiad o ddiddordeb yn y cais a gadawsant y cyfarfod am y drafodaeth a'r pleidleisio.  

     Penderfynwyd ymweld â'r safle ar 5 Gorffennaf, ac fe wnaed hynny ar 12 Gorffennaf, 2006.  Cafodd y cais ei ohirio yn y cyfamser er mwyn cwblhau trafodaethau ynglyn a mynedfa a charthffosiaeth.

     Cyfeiriodd y Pennaeth Rheoli Datblygu at y gwrthwynebiad cryf i'r cynnig hwn a hynny'n cynnwys gwrthwynebiad y Cyngor Cymuned.  Hefyd cyfeiriodd at y llu o lythyrau a oedd ar gael yn y cyfarfod.  Ymhellach roedd materion priffyrdd a charthffosiaeth wedi eu datrus a trafodaethau wedi'u cwblhau gyda'r cyrff statudol yr oedd yn rhaid ymgynghori gyda nhw. Nodwyd fod y datblygiad wedi gostwng o 28 i 21 apartment ac uchder y grib ddwy fetr yn is na chrib yr adeilad presennol.  Ar wal y siambr ac ar y taflynydd roedd cynlluniau a dygodd y swyddog sylw'r aelodau atynt.  Er bod yr adeilad mewn Ardal o Brydferthwch Naturiol Eithriadol roedd hefyd mewn cyflwr gwael ac ar safle llwyd.  Credai'r swyddog y buasai'r gymuned leol ar ei hennill o ddarparu carthffos gyhoeddus yn cysylltu gyda'r mëns carthffosiaeth.  Argymhelliad o ganiatáu oedd ganddo ond gydag amod dan Adran 106 (deiliadaeth).

     Gan y Cynghorydd Tecwyn Roberts gafwyd gair o gadarnhad yng nghyswllt gwrthwynebiad cryf gan bobl Traeth Coch.  Teimlo oedd y Cynghorydd bod y cynnig yn rhy fawr ac yn mynd i anharddu'r tirwedd y tu mewn i Ardal o Brydferthwch Naturiol Eithriadol; nid oedd yno digon o le i droi i gerbydau gwasanaethau argyfwng ac nid oedd y ffordd at y lle yn cyrraedd y safon ac o'r herwydd cafwyd ganddo argymhelliad o wrthod.

     Ond roedd gwaith ymgynghori wedi'i wneud gyda swydogion yr Ardal o Brydferthwch Naturiol Eithriadol a chyda'r Uned Cefn Gwlad a dywedodd y Pennaeth Rheoli Datblygu fod y swyddogion hynny yn anghytuno y buasai'r datblygiad yn niweidio tirwedd.  Fodd bynnag, cytunwyd fod y cynnig gwreiddiol yn annerbyniol ond ar ôl cael trafodaethau gyda'r asiant a chyda chyrff statudol tarwyd ar gyfaddawd derbyniol.  Symudwyd y fynedfa draw oddi wrth y gyffordd, a'r gwasanaethau argyfwng, a roeddynt bellach yn fodlon gyda'r trefniadau arfaethedig.  Edrychwyd yn dra manwl ar bob agwedd o'r cynnig ac ar ôl pwyso a mesur pob peth roedd y cynnig yn dderbyniol ac roedd y swyddog yn argymell caniatáu.  

     Ond ni fedrai'r Cynghorydd R. L. Owen gefnogi cynnig o'r fath mewn Ardal o Brydferthwch Naturiol Eithriadol.

     Ond nid oedd yma yr un ystyriaeth gynllunio berthnasol i wrthod y cais yn ôl y Cynghorydd John Chorlton ac y buasai'r ymgeiswyr yn llwyddo mae'n debyg wrth fynd i apël ac yn llwyddo gyda'r costau hefyd.

     Wedyn cafwyd gair gan yr Uwch Beiriannydd Priffyrdd yn dweud bod yr ymgeisydd wedi ychwanegu at y cyfleusterau parcio a bod y rheini yn cyrraedd safon derbyniol a hefyd roedd y fynedfa ymhellach oddi wrth y gyffordd ac yn cydymffurfio gyda'r gofynion.  

     Ond i bwrpas gweddu gyda nodweddion eraill yr ardal teimlai'r Cynghorydd Tecyn Roberts y dylid cadw wyneb yr adeilad yn hytrach na mynd am ddyluniad modern fel dyluniad y cynnig gerbron.  Hefyd roedd yn amheus a oedd y lôn gul at y safle yn bodloni'r safonau.  Petai'r ymgeisydd yn mynd i apël roedd y Cynghorydd Roberts yn berffaith fodlon amddiffyn penderfyniad o wrthod.  Credai'r Uwch Beiriannydd Priffyrdd y buasai'r fynedfa arfaethedig yn fwy diogel na'r fynedfa wreiddiol.  Mewn ymateb i gwestiwn arall gan y Cynghorydd Roberts dywedodd y Swyddog Priffyrdd y cedwid dau lecyn parcio arbennig i'r methedig yn unol â gofynion statudol.

     Gan y Cynghorydd John Chorlton cafwyd cynnig i dderbyn adroddiad y swyddog a'r argymhelliad o ganiatáu; cafodd hyn ei eilio gan y Cynghorydd John Byast.

     Cafwyd cynnig i wrthod y cais gan y Cynghorydd RL Owen.

     Roedd y bleidlais fel a ganlyn:

     Derbyn adroddiad y swyddog a chaniatáu'r cais:  Y Cynghorwyr John Byast, John Chorlton, Eurfryn Davies, Arwel Edwards, Denis Hadley, Glyn Jones, J Arwel Roberts, John Rowlands, WJ Williams MBE

     PENDERFYNWYD derbyn adroddiad y swyddog a rhoddi'r awdurdod i Bennaeth y Gwasanaethau Cynllunio ganiatáu'r cais am y rhesymau a roddwyd, gydag amod Adran 106 (daliadaeth), ac amodau eraill fel y manylwyd arnynt yn yr adroddiad.

6.10      CAIS YN TYNNU'N GROES

     30C629  CAIS AMLINELLOL I GODI ANNEDD YNGHYD AG ADDASU'R FYNEDFA BRESENNOL A GOSOD TANC SEPTIG NEWYDD AR DIR GER TAN Y MARIAN, BRYN-TEG

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  Penderfynwyd ymweld â'r safle ar 7 Mawrth, ac fe wnaed hynny ar 21 Mawrth, 2007.  Cytunwyd i ohirio ystyried y cais yn y cyfarfod blaenorol er mwyn cwblhau trafodaethau ar y Dystysgrif Perchnogaeth.

     Dywedodd y Rheolwr Rheoli Datblygu fod llythyr ychwanegol o wrthwynebiad i law ynghyd â deiseb gyda 35 wedi ei llofnodi.  Cadarnhawyd perchnogaeth y tir ac roedd y safle 200m tu allan i'r ffin ddatblygu, roedd yma argymhelliad cryf o wrthod y cais.

     Mewn ymateb i gwestiwn gan y Cynghorydd RL Owen mewn perthynas a gwelliannau i'r ffordd, dywedodd y Swyddog Rheoli Datblygu Priffyrdd fod gwelliannau wedi'u cynnig.

     Credai'r Cynghorydd D. Lewis-Roberts bod yma fanteision cynllunio sylweddol a hefyd bod yma enghraifft o lenwi bwlch naturiol a chyfeiriodd wedyn at wella bywyd Môn.  Person lleol oedd yr ymgeisydd dan sylw, gyda phlentyn ac yn methu â chael ty Cyngor.  

     Yr hyn a wnaeth y Rheolwr Rheoli Datblygu oedd pwyso ar aelodau i fod yn gyson yn eu penderfyniadau - roedd y cais hwn yn groes i bolisïau.

     Mewn ymateb i gwestiwn gan y Cynghorydd Glyn Jones dywedodd y swyddog na allai gael ei ystyried fel cais am dy fforddiadwy gan ei fod 200m y tu allan i'r ffin ddatblygu.

     Ond tybiai'r Cynghorydd John Chorlton fod y safle rhwng dau dy ac yn llenwi bwlch naturiol a chadarnhau a wnaeth y Cynghorydd D. Lewis-Roberts mai felly yr oedd pethau gan ychwanegu fod hen sied ar y safle a'r tir o safon isel.  

     Cytunodd y Cynghorydd RL Owen fod hwn yn llenwi bwlch yn sensitif ac eiliodd ganiatáu'r cais.

     Roedd y bleidlais fel a ganlyn:

     Caniatáu'r cais yn groes i argymhelliad y swyddog:  Y Cynghorwyr John Byast, John Chorlton, Eurfryn Davies, Arwel Edwards, RL Owen, John Rowlands, WJ Williams MBE

     Y rheswm a roddwyd dros ganiatáu oedd y byddai hwn yn llenwi bwlch yn sensitif.  

     Yn unol â Chyfansoddiad y Cyngor cafodd y cais ei ohirio'n otomatig i'r cyfarfod nesaf er mwyn rhoi cyfle i swyddogion baratoi adroddiad ar y rhesymau dros ganiatáu'r cais.

6.11      CAIS YN TYNNU'N GROES

     32C155  CAIS AMLINELLOL I GODI ANNED YNGHYD Â CHREU MYNEDFA NEWYDD I GEIR AR DIR TU CEFN I CAE'R NANT, CAERGEILIOG

     Gan Mrs Nia Jones o'r Adran Gynllunio cafwyd datganiad o ddiddordeb yn y cais hwn.

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  Tueddiad yr aelodau yn y cyfarfod blaenorol  oedd caniatáu'r cais yn groes i argymhelliad y swyddog gan y teimlai'r aelodau bod y cais hwn yn cydymffurfio â Pholisi 50 Cynllun Lleol Ynys Môn.  Yn unol â Chyfansoddiad y Cyngor cafodd y cais ei ohirio er mwyn rhoi cyfle i swyddogion baratoi adroddiad ar y rhesymau dros ganiatáu'r cais.

     Teimlai'r Cynghorydd Gwilym Jones fod y safle yn gyfforddus o fewn y ffin i Gaergeiliog, roedd yr hen neuadd bentref yr ochr arall i'r lôn a gofynnodd am gefnogaeth gan yr aelodau.

     Gan y Cynghorydd Glyn Jones cafwyd cynnig i ganiatáu gan y teimlai bod hwn yn cydymffurfio â Pholisi 50, cafodd hyn ei eilio gan y Cynghorydd WJ Williams.

     Mewn ymateb i gwestiwn gan y Cynghorydd Thomas Jones cadarnhaodd y swyddog fod yr holl gae ym meddiant yr ymgeisydd.

     Roedd y bleidlais fel a ganlyn:

     Caniatáu'r cais yn groes i argymhelliad y swyddog:  Y Cynghorydd Eurfryn Davies, Arwel Edwards, Glyn Jones, Thomas Jones, Bryan Owen, RL Owen, John Rowlands, WJ Williams MBE

     Ymatal:  Y Cynghorydd John Chorlton

     PENDERFYNWYD glynu wrth y penderfyniad blaenorol a chaniatáu'r cais am y rhesymau a roddwyd gydag amodau safonol.

6.12      GWEDDILL Y CEISIADAU

     33C256A  CAIS AMLINELLOL I GODI ANNEDD A GAREJ AR DIR YN LLOSG YR ODYN, PENTRE BERW

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol. Tueddiad yr aelodau yn y cyfarfod blaenorol  oedd caniatáu'r cais yn groes i argymhelliad y swyddog gan y teimlai'r aelodau bod y cais hwn yn cydymffurfio â Pholisi 50.  Yn unol â Chyfansoddiad y Cyngor cafodd y cais ei ohirio er mwyn rhoi cyfle i swyddogion baratoi adroddiad ar y rhesymau dros ganiatáu'r cais.

     Dywedodd y Cynghorydd Eric Jones nad oedd ganddo ddim i'w ychwanegu at yr hyn a ddywedwyd eisoes.

     Atgoffodd y Rheolwr Rheoli Datblygu'r aelodau bod y ffos yn creu ffin naturiol.

     Cyfeiriodd y Cynghorydd Glyn Jones at Bennod 9, PPW ac roedd o'r farn fod y cais hwn yn cydymffurfio â Pholisi 50; cynigiodd ganiatáu'r cais a chafodd hyn ei eilio gan y Cynghorydd RL Owen.

     Roedd y bleidlais fel a ganlyn:

     Caniatáu'r cais yn groes i argymhelliad y swyddog:  Y Cynghorwyr John Chorlton, Eurfryn Davies, Denis Hadley, Glyn Jones, Bryan Owen, RL Owen, J Arwel Roberts, John Rowlands, WJ Williams MBE

     Derbyn adroddiad y swyddog a gwrthod y cais:  Y Cynghorwyr Arwel Edwards, Arwel Roberts

     Ymatal:  Y Cynghorydd Thomas Jones

     PENDERFYNWYD glynu wrth y penderfyniad blaenorol a chaniatáu'r cais am y rhesymau a roddwyd gydag amodau safonol.

6.13      CAIS YN TYNNU'N GROES

     34C556  CAIS AMLINELLOL I GODI ANNEDD YNGHYD Â CHREU MYNEDFA NEWYDD I GEIR AR DIR GER GWERNHEFIN, LLANGEFNI

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  Cytunwyd i ohirio ystyried y cais yn y cyfarfod blaenorol er mwyn rhoi cyfle i'r ymgeisydd drafod materion priffyrdd gyda swyddogion perthnasol.   

     Ar ran yr ymgeisydd a'i bensaer, gofynnodd y Cynghorydd Fflur Hughes am ohiriad pellach i drafod materion priffyrdd.

     PENDERFYNWYD gohirio ystyried y cais am y rheswm a roddwyd.

6.14      CAIS YN TYNNU'N GROES

     35C259A  CAIS AMLINELLOL I GODI ANNEDD FFORDDIADWY YNGHYD Â CHREU MYNEDFA NEWYDD I GEIR YN NANT HEILYN, LLANGOED

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  Tueddiad yr aelodau yn y cyfarfod blaenorol  oedd caniatáu'r cais yn groes i argymhelliad y swyddog gan y teimlai'r aelodau fod y cais hwn yn angen lleol ar safle eithriadol fel y'i diffiniwyd ym Mholisi 52 Cynllun Lleol Ynys Môn.  Yn unol â Chyfansoddiad y Cyngor cafodd y cais ei ohirio er mwyn rhoi cyfle i swyddogion baratoi adroddiad ar y rhesymau dros ganiatáu'r cais.

     Dywedodd y Cynghorydd John Rowlands fod y cais hwn yn cyfarfod a'r meini prawf am dy fforddiadwy a chynigiodd ganiatáu'r cais; cafodd hyn ei eilio gan y Cynghorydd RL Owen a ychwanegodd fod yr ymgeisydd wedi symud y plot yn agosach at ffin y pentref.  

     Er bod y plot yn ymddangos ar ffin y CDU, roedd o rhyw 300m y tu allan i ffin ddatblygu Cynllun Lleol Ynys Môn meddai'r Rheolwr Rheoli Datblygu.

     Roedd y bleidlais fel a ganlyn:

     Caniatáu'r cais yn groes i argymhelliad y swyddog:  Y Cynghorwyr John Byast, Eurfryn Davies, Arwel Edwards, Denis Hadley, Glyn Jones, Thomas Jones, Bryan Owen, RL Owen, John Rowlands, WJ Williams MBE

     Gwrthod y cais:  Y Cynghorwyr J Arwel Roberts.

     Ar gais y Rheolwr Rheoli Datblygu cytunwyd i gyfyngu'r annedd i un fforddiadwy trwy amod dan Adran 106.  PENDERFYNWYD glynu wrth y penderfyniad blaenorol a chaniatáu'r cais am y rhesymau a roddwyd gydag amodau safonol gan gynnwys amod Adran 106 i sicrhau fod yr annedd yn un fforddiadwy.

6.15      GWEDDILL Y CEISIADAU

     41C54A  CAIS AMLINELLOL I GODI ANNEDD A GAREJ YNGHYD Â CHREU MYNEDFA NEWYDD A GOSOD TANC SEPTIG AR DIR GER FOUR WINDS, STAR

     Gan y Cynghorydd Eric Jones cafwyd datganiad o ddiddordeb yn y cais hwn.  

     Yr aelod i'r ward gyffiniol ofynnodd am drosglwyddo'r cais hwn i'r Pwyllgor a hynny oherwydd fod yr aelod lleol wedi datgan diddordeb yn y cais.  Penderfynwyd ymweld â'r safle ar 4 Ebrill, ac fe wnaed hynny ar 18 Ebill, 2007.

     Cyfeiriodd y Cynghorydd John Roberts at safle'r cais fel y manylwyd arno yn yr adroddiad.  Nid oedd y Cyngor Cymuned lleol yn gwrthwynebu gyda'r amod mai un ty yn unig a godid a bod hwnnw yn cael ei ddefnyddio gan berson neu gan deulu lleol.  Cafwyd nifer fawr o wrthwynebiadau ynghyd â deiseb ac arni 82 o enwau.  Roedd y fynedfa at y safle ar lôn fechan sy'n rhedeg i briffordd Star - Ffordd Penmynydd ac ni wyddai'r Cynghorydd Roberts a oedd y datblygiad hwn yn mynd i gwblhau'n derfynol ar y llaw arall, a oedd yn mynd i arwain at ddatblygiad rhubanaidd.  Gyda'r cefndir hwn cynigiodd y Cynghorydd Roberts y dylid gwrthod y

     cais.

     Ond ni chredai'r Cynghorydd R. L. Owen y câi'r datblygiad effaith sylweddol a chynigiodd derbyn adroddiad y swyddog a chaniatáu'r cais.  

     Mewn ymateb i gwestiwn gan y Cynghorydd Thomas Jones dangoswyd ar y taflunydd leoliad Bwthyn Gwyn,  pa mor agos ydoedd i'r safle a hefyd dangoswyd plot annedd a gafodd ganiatâd yn ddiweddar.  Ychwanegodd y Rheolwr Rheoli Datblygu bod pob cais yn cael ei benderfynu fesul un yn ôl ei ragoriaeth.

     Cyfeiriodd y Cynghorydd John Arthur Jones at adroddiad y swyddog ble dywedir "Dan Bolisi 50 Cynllun Lleol Ynys Môn rhestrir Star fel Pentref Rhestredig a dywedir y bydd caniatâd cynllunio fel arfer yn cael ei roddi ..... gyda'r amod nad ydynt yn niweidio cymeriad ffisegol na chymeriad cymdeithasol yr ardal a chan fod yn ymwybodol:  1 Bod y bwriad yn amlwg o fewn, neu'n ffurfio estyniad bychan rhesymol i'r rhan honno o'r pentref neu'r dreflan sydd wedi'i datblygu eisoes, ac na fyddai'n golygu ymwthiad anaddas i'r tirlun na niwed i gymeriad a mwynderau y cyffiniau ..." Teimlai'r Cynghorydd J Arthur Jones y byddai hwn yn cael effaith ac eiliodd y cynnig i wrthod y cais.

     Eilio'r cynnig i ganiatáu a wnaeth y Cynghorydd Glyn Jones.

     Roedd y bleidlais fel a ganlyn:

     Gwrthod y cais yn groes i argymhelliad y swyddog:  Y Cynghorwyr John Byast, J Arthur Jones, John Roberts, WJ Williams MBE

     Derbyn adroddiad y swyddog a chaniatáu'r cais:  Y Cynghorwyr Eurfryn Davies, Arwel Edwards, Denis Hadley, Glyn Jones, Bryan Owen, RL Owen, J Arwel Roberts, John Rowlands

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

6.16      GWEDDILL Y CEISIADAU

     49LPA868/CC  CAIS AR GYFER DARPARU OFFER NEWYDD I DRIN CARTHION YN LLE'R UN PRESENNOL YNGHYD Â GOSOD ARLLWYSFA NEWYDD I WASANAETHU SAITH ANNEDD AR DIR Y TU CEFN I 1 TAI CYNGOR A BRYN REFAIL, LLANYNGHENEDL

     Cyflwynwyd y cais hwn i'r Pwyllgor benderfynu arno gan ei fod yn cael ei gyflwyno ar ran y Cyngor. Penderfynwyd caniatáu'r cais ar 6 Medi 2006 yn amodol ar gwblhau gwaith ymgynghori yn foddhaol.  Cyfeiriwyd y cais yn ôl i'r Pwyllgor yn wyneb materion a godwyd yn ystod yr ymgynghori.  

     Cyflwynodd y Cynghorydd Goronwy Parry ymddiheuriad am ei absenoldeb o'r cyfarfod ond dywedodd wrth y clerc nad oedd ganddo unrhyw sylw pellach ar yr amod fod yr holl faterion o bryder wedi derbyn sylw.

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

7.1     36C249B/ECON  NEWID DEFNYDD YR ANNEDD AC ADEILADAU ALLANOL I FOD YN WESTY GYDAG YSTAFELL GYFARFOD GYSYLLTIEDIG, YSTAFELLOEDD GWESTEION, 5 BWTHYN HUNANARLWYOL GAN GYNNWYS CYFLEUSTERAU ANABL, CODI TY GWYDR A STORFA YN MONA INN, LLANGRISTIOLUS

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.

     Dywedodd y Rheolwr Rheoli Datblygu nad oedd gwrthwynebiad i'r egwyddor o ddatblygu, ond argymhelliad o wrthod oedd yma a hynny oherwydd gwelededd is-safonol o'r fynedfa.  

     PENDERFYNWYD derbyn adroddiad y swyddog a gwrthod y cais am y rhesymau a roddwyd.

7.2     36C49C/AD  CODI ARWYDD WEDI EI OLEUO YN MONA INN, LLANGRISTIOLUS

     Roedd y cais hwn ynghlwm wrth y cais yn eitem 7.1 uchod, ac am y rheswm a roddwyd PENDERFYNWYD gwrthod y cais hwn hefyd.  

7.3     46C378B/ECON/EIA  CAIS I GODI DEPO CYNNAL RHEILFFORDD AR DIR STAD DDIWYDIANNOL PENRHOS, CAERGYBI

     Ymwelwyd â'r safle hwn ar 18 Ebrill, 2007 ar gais y swyddog.  

     Dywedodd y Rheolwr Rheoli Datblygu bod y cynllun yn yr adroddiad yn anghywir ac y dylai ddangos mynedfa i'r gogledd o safle Dwr Cymru.  

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

     Doedd dim ceisiadau am dai fforddiadwy i'w hystyried gan y cyfarfod hwn.

9     CEISIADAU'N TYNNU'N GROES

9.1     11C405B  CODI ADEILAD UNLLAWR AR GYFER SAFLE CYFARFOD CRISTNOGOL, MYNEDFA NEWYDD, 46 O LEFYDD PARCIO A GWAITH TIRLUNIO YN PEN Y BRYN, AMLWCH

     Dywedodd y Rheolwr Rheoli Cynllunio y daethpwyd â'r cais hwn i'r Pwyllgor benderfynu arno gan ei fod yn groes i Gynllun Lleol Ynys Môn ond yn un a gefnogir dan Bolisi CC1 o'r Cynllun Datblygu Unedol sydd yn caniatáu lleoli cyfleusterau cymunedol y tu mewn neu yn ymyl ffin ddatblygu.  

     Doedd gan y Cynghorydd John Byast ddim gwrthwynebiad i'r egwyddor o ddatblygu, fodd bynnag roedd consyrn am y fynedfa trac sengl a'r ffaith ei bod yn agos i'r ysgol ac yn y cyd-destun hwn roedd y Cynghorydd Byast yn croesawu'r cyfyngiadau ar oriau agor.

     Gan y Cynghorydd John Byast cafwyd cynnig i dderbyn adroddiad y swyddog a'r argymhelliad o ganiatáu; cafodd hyn ei eilio gan y Cynghorydd Eurfryn Davies.

     Roedd y bleidlais fel a ganlyn:

     Derbyn adroddiad y swyddog a chaniatáu'r cais:  Y Cynghorwyr John Byast, John Chorlton, Eurfryn Davies, Arwel Edwards, Denis Hadley, Glyn Jones, Thomas Jones, RL Owen, J Arwel Roberts, John Rowlands, WJ Williams MBE

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

9.2     17C406  CAIS AMLINELLOL I GODI ANNEDD AR DIR YN ALLT Cichle, Llandegfan

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.

     Dywedodd y Rheolwr Rheoli Datblygu fod llythyr ychwanegol o wrthwynebiad i law.  Roedd yr ardal hon yn cael ei hadnabod fel clwstwr gwledig yn y CDU a stopiwyd;  fodd bynnag roedd y ffordd yn arwain tuag at y safle a'r fynedfa yn cael ei hystyried yn is-safonol, oherwydd hyn argymhelliad o wrthod oedd yma ar sail priffyrdd.  

     Gan fod y cais yn cydymffurfio a HP5 o'r CDU a stopiwyd  " a chredir  bod y lleoliad yn y tirwedd yn dderbyniol"  cafwyd cynnig i ymweld â'r safle; cafodd hyn ei eilio gan y Cynghorydd RL Owen.

     PENDERFYNWYD ymweld â'r safle am y rheswm a roddwyd.  

9.3     31C134B  CAIS AMLINELLOL AR GYFER DATBLYGIAD TRIGIANNOL YN CAE CYD, LLANFAIR-PWLL

     Gan Mr Richard Eames o'r Adran Briffyrdd cafwyd datganiad o ddiddordeb yn y cais a gadawodd y cyfarfod am y drafodaeth a'r pleidleisio.  

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol..

     Ar gais yr aelod lleol PENDERFYNWYD ymweld â'r safle.

9.4     45C360A  CAIS AMLINELLOL I GODI ANNEDD AR DIR YN PEN WAL BACH, PEN LÔN, NIWBWRCH

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.

     Dywedodd y Rheolwr Rheoli Datblygu bod y cais hwn yn groes i Gynllun Lleol Ynys Môn ac er bod yr ardal wedi ei hadnabod fel treflan wledig a chlwstwr dan Bolisi HP5 yr CDU a Stopiwyd nid oedd y safle yn llenwi bwlch - roedd yr eiddo cyffiniol tua'r gogledd i'r safle rhyw 94m i ffwrdd a'r eiddo tua'r de 200m.

     Ond yn ystod y 12 mis diwethaf dywedodd y Cynghorydd Peter Rogers bod caniatâd cynllunio wedi'i roddi i ddwy annedd - un ym mhen y lôn a'r llall ar draws y ffordd a theimlai fod y safle mewn clwstwr.  Roedd yr ymgeisydd yn berson lleol a fudodd i Awstralia ond ar ôl dychwelyd i'r wlad hon cafodd waith mewn ysbyty lleol a'i dymuniad oedd byw'n lleol gyda'i phartner sydd yn

     gogydd hyfforddedig.  Hefyd roedd y lôn fechan hon eisoes yn brysur gyda gwarchodfa natur yn ei phen.

Gan y Cynghorydd RL Owen cafwyd cynnig i ymweld â'r safle a chafodd hyn ei eilio gan y Cynghorydd Glyn Jones; teimlai'r Cynghorydd WJ Williams hefyd y byddai'n fuddiol ymweld â'r safle hwn.

Holodd y Rheolwr Rheoli Datblygu am bwrpas ymweld â'r safle oedd yng nghanol cae agored.  

Gan y Cynghorydd John Chorlton cafwyd cynnig i dderbyn adroddiad y swyddog â'r argymhelliad o wrthod; cafodd hyn ei eilio gan y Cynghorydd John Byast.

Mewn ymateb i gwestiwn dywedodd y Swyddog Rheoli Datblygu Priffyrdd bod un o'r safleoedd eraill yn darparu man pasio; byddai un ychwanegol yn gwella llif traffig.

     PENDERFYNWYD ymweld â'r safle.

10      GWEDDILL Y CEISIADAU

10.1      11C288G  CAIS AMLINELLLOL I GODI DWY ANNEDD YN MAES EDNYFED, AMLWCH

     Gan y Cynghorydd John Byast cafwyd datganiad o ddiddordeb yn y cais; dywedodd y buasai'n cymryd rhan yn y drafodaeth ond ni fyddai'n pleidleisio.  Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.

     Pryderu oedd y Cynghorydd John Byast ynghylch agweddau diogelwch y datblygiad graddol oedd wedi digwydd yn y cyffiniau hyn dros y blynyddoedd ar hyd y ffordd stad a gwaith heb ei gwblhau.  Hefyd deallwyd bod yr ymgeisydd presennol wedi gwneud gwaith datblygu blaenorol yma.  Roedd y Cynghorydd Byast yn croesawu amodau (11) a (12) i sicrhau y bydd y ffordd stad yn cael ei chwblhau cyn dechrau ar ragor o ddatblygiadau.

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

10.2      11C500  NEWID DEFNYDD YR HEN GAPEL I FOD YN 10 FFLAT FFORDDIADWY YNGHYD AG ADDASU'R FYNEDFA I GEIR YNG NGHAPEL BETHEL, STRYD WESLA, AMLWCH

     Gan y Cynghorydd John Byast cafwyd datganiad o ddiddordeb yn y cais; dywedodd y buasai'n cymryd rhan yn y drafodaeth ond ni fyddai'n pleidleisio.    Cyflwynwyd y cais hwn i'r Pwyllgor benderfynu arno gan yr honnir i ran o'r safle fod ym mherchnogaeth y Cyngor.

     PENDERFYNWYD ymweld â'r safle ar gais yr aelod lleol.

10.3      13LPA877A/CC  CAIS ÔL-DDYDDIOL I SYMUD Y MAES PARCIO A GANIATAWYD DAN GAIS RHIF 13LPA877/CC YN YSGOL UWCHRADD, BODEDERN

     Gan y Cynghorydd Arwel Roberts cafwyd datganiad o ddiddordeb yn y cais a gadawodd y cyfarfod yn ystod y drafodaeth a'r pleidleisio.    Yr Is-Gadeirydd, y Cynghorydd Denis Hadley oedd yn y Gadair ar gyfer yr eitem hon.  

     Cyflwynwyd y cais hwn i'r Pwyllgor benderfynu arno gan iddo gael ei gyflwyno ar ran y Cyngor ac yn effeithio ar dir ym mherchnogaeth y Cyngor.

     Gan y Cynghorydd John Chorlton cafwyd cynnig i dderbyn adroddiad y swyddog a'r argymhelliad o ganiatáu; cafodd hyn ei eilio gan y Cynghorydd Glyn Jones.

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

10.4      13LPA877B/CC CAIS I GODI TWNEL POLI I BWRPAS ADDYSGIADOL YN YSGOL UWCHRADD, BODEDERN

     Gan y Cynghorydd Arwel Roberts cafwyd datganiad o ddiddordeb yn y cais a gadawodd y cyfarfod yn ystod y drafodaeth a'r pleidleisio.    Yr Is-Gadeirydd, y Cynghorydd Denis Hadley oedd yn y Gadair ar gyfer yr eitem hon.  

     Cyflwynwyd y cais hwn i'r Pwyllgor benderfynu arno gan ei fod yn effeithio ar dir ym mherchnogaeth y Cyngor.

     Gan y Cynghorydd John Chorlton cafwyd cynnig i dderbyn adroddiad y swyddog a'r argymhelliad o ganiatáu; cafodd hyn ei eilio gan y Cynghorydd Glyn Jones.

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

10.5      19C202B  NEWID DEFNYDD Y SIOP I SIOP GWERTHU PRYDAU POETH I'W BWYTA ALLAN YN 1 STRYD WILLIAM, CAERGYBI

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.

     Roedd y Cynghorydd Cliff Everett yn cofio problem yr ochr draw i'r ffordd ryw 12 mlynedd yn ôl a dim cyfyngiadau yno ar yr oriau agor.  Cafwyd argymhelliad i ganiatáu ganddo gydag amod i gyfyngu ar yr oriau agor fel bod raid cau erbyn hanner nos a dilyn patrwm eiddo arall yn y cyffiniau.  Yn ôl y Cynghorydd Everett roedd defnydd cymysg yn cael ei wneud o adeiladau'r cyffiniau, h.y. swyddfeydd a thai.

     Dywedodd y Cynghorydd John Chorlton, mewn ymateb i gwestiwn gan y Cynghorydd Glyn Jones, mai siop oedd yma gynt a honno wedi cau.

     Teimlai'r Cynghorydd R. L. Owen y buasai'r datblygiad hwn yn hyrwyddo adfywiad ac o'r herwydd cynigiodd roddi caniatâd iddo a chafodd ei eilio gan y Cynghorydd Eurfryn Davies.  Hefyd roedd y Cynghorwyr John Chorlton a Thomas Jones yn gefnogol.

     Dygodd y Rheolwr Rheoli Datblygu sylw'r aelodau at bryderon Adain Iechyd yr Amgylchedd oherwydd y posibilrwydd o effaith ar fwynderau trigolion lleol.  

     Roedd y Pwyllgor yn dueddol o ganiatáu, gyda'r amod eu bod yn cau am hanner nos.  Yn unol â Chyfansoddiad y Cyngor cafodd y cais ei ohirio'n otomatig i'r cyfarod nesaf er mwyn rhoi cyfle i swyddogion baratoi adroddiad ar y rhesymau dros ganiatáu'r cais.

     Rhoddwyd y rhesymau a ganlyn dros ganiatáu:  

10.6      19C966  CODI CHWE FFLAT AR DIR CYFAGOS I 8 TERAS MILLBANK, CAERGYBI

     Cyflwynwyd y cais hwn i'r Pwyllgor benderfynu arno gan fod y tir ym mherchnogaeth y Cyngor; hefyd ar gais yr aelod lleol.  

     Ar gais y Cynghorydd Denis Hadley PENDERFYNWYD ymweld â'r safle.

10.7      20LPA51D/CC  ADDASU AC EHANGU YSGOL GYNRADD, CEMAES

     Cyflwynwyd y cais hwn i'r Pwyllgor benderfynu arno gan iddo gael ei gyflwyno gan y Cyngor.  

     Gan y Cynghorydd Eurfryn Davies cafwyd cynnig i dderbyn adroddiad y swyddog a chaniatáu'r cais; cafodd hyn ei eilio gan y Cynghorydd Glyn Jones.

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

10.8      28C116K  CAIS AMLINELLOL AR GYFER DATBLYGIAD TRIGIANNOL YNG NGHANOLFAN ARDDIO MAELOG, LLANFAELOG

     Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.

     Nododd y Rheolwr Rheoli Datblygu fod neges e-bost wedi cyrraedd yr adran ar ôl i'r cyfarfod ddechrau yn gofyn am ohirio gwneud penderfyniad ar y cais fel bod modd cynnal trafodaethau ar y gosodiad arfaethedig a hefyd ar ofynion TAN 18.  Gan fod yr ymgeisydd yn mynd i gael y cyfle i gyflwyno cais arall yn ystod y 12 mis nesaf heb dalu'n ychwanegol roedd yr argymhelliad yn dal i fod yn argymhelliad o wrthod.

     Gan y Cynghorydd Glyn Jones cafwyd cynnig i dderbyn adroddiad y swyddog a'r argymhelliad o wrthod; cafodd hyn ei eilio gan y Cynghorydd Bryan Owen.

     PENDERFYNWYD derbyn adroddiad y swyddog a gwrthod y cais am y rhesymau a roddwyd.

10.9      31C49D  CODI CANOPI GWYDR AR FLAEN ADEILAD GWESTY PENRHOS ARMS, FFORDD CAERGYBI, LLANFAIR-PWLL

     Gan Mr Richard Eames o'r Adran Briffyrdd cafwyd datganiad o ddiddordeb yn y cais a gadawodd y cyfarfod yn ystod y drafodaeth â'r pleidleisio.  Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  

     Ar gais yr aelod lleol, cynigiodd y Cynghorydd Eurfryn Davies ymweld â'r safle; cafodd hyn ei eilio gan y Cynghorydd John Chorlton.

     PENDERFYNWYD ymweld â'r safle.

10.10      31C86B  NEWID DEFNYDD Y PARLWR PRYDFERTHU I GLINIG TRIN TRAED YN OXFORD HOUSE, FFORDD CAERGYBI, LLANFAIR-PWLL

     Gan Mr Richard Eames o'r Adran Briffyrdd cafwyd datganiad o ddiddordeb yn y cais a gadawodd y cyfarfod yn ystod y drafodaeth â'r pleidleisio.  Cyflwynwyd y cais hwn i'r Pwyllgor benderfynu arno yn ôl dymuniad yr aelod lleol.  

     Gan y Cynghorydd Eurfryn Davies cafwyd cynnig i dderbyn adroddiad y swyddog a chaniatáu'r cais.  

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gydag amodau y manylwyd arnynt yn adroddiad y swyddog.

10.11      32LPA878/CC/AD  CAIS I GODI ARWYDD WEDI EI OLEUO YM MAES AWYR SIFIL R.A.F.   Y FALI

     Cyflwynwyd y cais hwn i'r Pwyllgor benderfynu arno gan ei fod wedi'i gyflwyno gan y Cyngor.

     Gan y Cynghorydd Glyn Jones cafwyd cynnig i dderbyn adroddiad y swyddog a chaniatáu'r cais; cafodd hyn ei eilio gan y Cynghorydd John Chorlton.

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gyda'r amodau y manylwyd arnynt.

10.12      34LPA173B/CC  CODI CANOLFAN DYDD / ANABLEDD DYSGU YN PLAS PENLAN, LLANGEFNI

     Cyflwynwyd y cais hwn i'r Pwyllgor benderfynu arno gan ei fod wedi'i gyflwyno gan y Cyngor ac yn cael effaith ar dir sy'n eiddo iddo.

     Gan y Cynghorydd Eurfryn Davies cafwyd cynnig i dderbyn adroddiad y swyddog a'r argymhelliad o ganiatáu, cafodd hyn ei eilio gan y Cynghorydd Glyn Jones.

     PENDERFYNWYD derbyn adroddiad y swyddog a chaniatáu'r cais am y rhesymau a roddwyd gyda'r amodau y manylwyd arnynt.

11      CEISIADAU A DDIRPRWYWYD

     Cyflwynwyd a derbyniwyd adroddiad y Cyfarwyddwr Corfforaethol (Amgylchedd a Gwasanaethau Technegol) ar geisiadau a ddirprwywyd ac y gwnaethpwyd penderfyniad arnynt ers cyfarfod diweddaf y Pwyllgor hwn ac eithrio rhifau 127 - 142 ar dudalennau 21 - 23 yr adroddiad oedd yn geisiadau y gwnaethpwyd penderfyniad arnynt gan y Pwyllgor hwn a dim dan y cynllun dirprwyo.   Cytunodd y Rheolwr Rheoli Datblygu i drefnu i'r swyddog achos gysylltu â'r Cynghorydd RL Owen ynglyn â chais rhif 6 (32 Stryd yr Eglwys, Biwmares).  

12      HYFFORDDIANT

     Cyflwynwyd a nodwyd, er gwybodaeth, gopi o fanylion a dyddiadau hyfforddiant i aelodau.

     Wrth gymryd i sylw y nifer o safleoedd i ymweld â hwy ar 23 Mai, dywedodd y Pennaeth Rheoli Datblygu y byddai dyddiad arall yn cael ei drefnu ar gyfer Adolygiad ar Benderfyniadau Cynllunio (rhif 4 yr adroddiad).

13     APELIADAU

13.1      TREMARFOR, LLANEILIAN

     Cyflwynwyd a nodwyd, er gwybodaeth, gopi o grynodeb penderfyniad yr Arolygwr benodwyd gan Gynulliad Cenedlaethol Cymru ar apêl yn erbyn penderfyniad yr Awdurdod hwn i wrthod caniatâd cynllunio i osod tyrbin gwynt dan gais cynllunio 24C165A  - cafodd yr apêl ei chaniatau gydag amodau.

13.2      CAE O.S. 1960 & 3166 LLANEILIAN

     Cyflwynwyd a nodwyd, er gwybodaeth, gopi o grynodeb penderfyniad yr Arolygwr benodwyd gan Gynulliad Cenedlaethol Cymru ar apêl yn erbyn penderfyniad yr Awdurdod hwn i wrthod caniatâd cynllunio i leoli dwy garafan statig i'w defnyddio at ddibenion storio a llety preswyl mewn cysylltiad  â defnydd amaethyddol o'r tir dan gais cynllunio 24C246 - gwrthodwyd yr apêl.

13.2      MAES Y GEINIOG, YNYS LAWD, CAERGYBI

     Cyflwynwyd a nodwyd, er gwybodaeth, gopi o grynodeb penderfyniad yr Arolygwr benodwyd gan Gynulliad Cenedlaethol Cymru ar apêl yn erbyn penderfyniad yr Awdurdod hwn i wrthod caniatâd cynllunio i newid defnydd ysgubor i annedd dan gais cynllunio 46C80H - gwrthodwyd yr apêl.  

     Dechreuodd y cyfarfod am 1.00 p.m. a daeth i ben am 3.50 p.m.

     J ARWEL ROBERTS

     CADEIRYDD