Cyngor Sir Ynys Môn dogfennau , 6 Mawrth 2007

Agorwyd y cyfarfod gyda gweddi gan y Cynghorydd John Roberts.

1

DATGANIADAU O DDIDDORDEB

Gwnaeth y Cynghorydd R. Ll. Owen ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei ferch yn yr Adran Addysg.

Gwnaeth y Cynghorydd G. O. Parry MBE ddatganiad o ddiddorddeb mewn perthynas ag unrhyw eitem ar y rhaglen a allai ymwneud â chyflogaeth ei ddwy ferch yn yr Adran Gyllid.

Gwnaeth y Cynghorydd O. Glyn Jones ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei wraig yn yr Adran Tai a Gwasanaethau Cymdeithasol.  

Gwnaeth y Cynghorydd R. Ll. Hughes ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei fab yn yr Adran Briffyrdd.  

Gwnaeth y Cynghorydd G. Allan Roberts ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei fab-yng-nghyfraith yn yr Adran Gyllid.

Gwnaeth y Cynghorydd Fflur M. Hughes ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei mab yn yr Adran Addysg.

Gwnaeth y Cynghorydd Bryan Owen ddatganiad o ddiddordeb mewn perthynas ag unrhyw  eitem ar y rhaglen a allai ymwneud â chyflogaeth ei wraig a'i ferch gan yr Awdurdod Addysg Lleol.

Gwnaeth y Cynghorydd W. J. Chorlton ddatganiad o ddiddordeb mewn perthynas ag unrhyw eitem o fusnes ar y rhaglen a allai ymwneud â chyflogaeth ei ferched yn yr Adran Cynllunio a Gwasanaethau Amgylcheddol ac yn yr Adran Addysg.

Gwnaeth y Cynghorydd John Roberts ddatganiad o ddiddordeb yn eitem 4.1 o'r cofnodion hyn ac nid oedd yn bresennol yn y cyfarfod yn ystod y trafod na'r pleidleisio ar yr eitem.

Gwnaeth y Cynghorydd A Morris Jones ddatganiad o ddiddordeb mewn perthynas ag unrhyw eitem ar y rhaglen a allai ymwneud â chyflogaeth ei frawd yn yr Adran Addysg a Hamdden.

Gwnaeth y Cynghorydd G. W. Roberts OBE ddatganiad o ddiddordeb mewn perthynas ag  unrhyw eitem ar y rhaglen a allai ymwneud â chyflogaeth ei ferch yn yr Adran Cynllunio a Gwasanaethau Amgylcheddol.

Gwnaeth y Rheolwraig Gwsanaethau Cyfreithiol / Swyddog Monitro ddatganiad o ddiddordeb yn eitem 4.1 o'r cofnodion hyn ac nid oedd yn bresennol yn y cyfarfod yn ystod y trafod na'r pleidleisio ar yr eitem.

Roedd y Cynghorydd G. W. Roberts OBE yn dymuno nodi yn y cofnodion nad oedd raid iddo, ar ôl derbyn cyngor cyfreithiol, ddatgan diddordeb yng nghyswllt eitem 4.1 y cofnodion hyn.

2

DERBYN UNRHYW GYHOEDDIADAU GAN Y CADEIRYDD, YR ARWEINYDD, AELODAU’R PWYLLGOR GWAITH NEU BENNAETH Y GWASANAETH TÂL

Rhoes y Cadeirydd ei longyfarchiadau i'r Cynghorydd W. J. Williams MBE ar gael ei ethol ar banel o 7 aelod o Bwyllgor Rhanbarthau a fydd yn ymweld â Chroatia i gynnal trafodaethau gyda'r wlad honno cyn eu derbyn yn aelod o'r Undeb Ewropeaidd.  Hefyd llongyfarchwyd Mr. Jim Evans, Postfeistr Llanfair-pwll ar ddathlu hanner can mlynedd fel Postfeistr a 35 ohonynt wedi eu treulio yn Llanfair-pwll.

Nid oedd y Cynghorydd E. Schofield wedi bod yn dda yn ddiweddar a dymunwyd yn dda iddo.

Yn ogystal nododd y Cadeirydd bod llythyr o gydymdeimlad wedi ei yrru ar ran y Cyngor Sir at wraig a theulu y diweddar Dr. Jim Davies.  Bu Dr. Davies yn brifathro y Coleg Normal, yn Gadeirydd i NSPCC Cymru ac yn rhan allweddol o'r ymgyrch i godi £2m i brynu peiriant sganio yn Ysbyty Gwynedd Bangor.  Hefyd cofiwn ei gyfraniadau yn ystod y Rhyfel, ei waith yn y maes Addysg a'i ymdrechion diflino i gynorthwyo elusennau.

Yn olaf cydymdeimlodd y Cadeirydd gydag aelodau o'r staff a gafodd brofedigaethau'n ddiweddar.

3

COFNODION

Cyflwynwyd i'w cadarnhau a'u harwyddo gofnodion y Cyfarfod o'r Cyngor Sir a gynhaliwyd ar y dyddiadau canlynol :

(a)  14 Rhagfyr, 2006 (am)

Yn codi -

Eitem 3 - Cais Rhif 17/LPA494H/CC - Penhesgyn Gors, Llansadwrn

Yn groes i'r hyn a ymddangosodd yn y cofnodion, sef bod y Cynghorydd John Roberts wedi pleidleisio ar y mater, roedd ef yn dymuno nodi iddo, mewn gwirionedd, ddatgan diddordeb ac nid oedd yn bresennol yn ystod y drafodaeth na'r pleidleisio.

(b)  14 Rhagfyr, 2006 (pm)

Y Cynghorydd P. S. Rogers - “Sorry, I want to.....” (not clear)

Cadair - “Cywirdeb ia?”

Y Cynghorydd P. S. Rogers - “Please, Yes. Thank you very much indeed. I’m going back to the extraordinary general meeting on 14th December. In a question to Councillor Hefin Thomas,”

Cadair - “Gai ofyn cywirdeb yn unig yw hyn, dim cwestiwn?”

Y Cynghorydd P. S. Rogers - “It is correctness, it is correctness.”

Cadair - “Cywirdeb”

Y Cynghorydd P. S. Rogers - “Yes it is a question, in that he misled in his response, he’s misled the Council in his response in the fact that he said that he didn’t vote, he wasn’t a member of the Committee and yet he did in fact vote on that planning application and in fact has misled the full Council which is a very serious matter.”  

Cadair - “Sorry, that is a question. I’m not accepting the question.”

Y Cynghorydd P. S. Rogers - “No, all right. When do you get a chance to enter these things, this Council can’t continue to operate in the way that it is operating unless these complaints are withheld. The Managing Director knows about what’s going on here and nothing is happening in disciplinary. Did David Lewis Roberts, for what he’s done, he’s involved the Planning Director, the Planning Director shouldn’t be here, he should be suspended pending these inquiries.”

Cadair - “Will you please, I have told you.” 

Y Cynghorydd P. S. Rogers - “There are allegations of financial gain, which is totally inappropriate.”

Cadair - “Councillor Rogers. I am warning you that if you insist on doing this I will ask you to leave the Chamber.”

Y Cynghorydd P. S. Rogers - “I will leave, because I don’t accept this Chairman.”

Cadair - “That is your prerogative.”

(Gadawodd y Cynghorydd Rogers y Siambr am 2.00pm yn fras)

(c)  21 Rhagfyr, 2006

(ch) 15 Chwefror 2007 yn amodol ar ychwanegu enw'r Cynghorydd J. Byast at y rheini oedd yn bresennol.

4

Y GYLLIDEB, TRETH Y CYNGOR, RHEOLI'R TRYSORLYS A DANGOSYDDION PWYLLOG 2007/08

4.1

Cyflwynwyd - Adroddiad y Cyfarwyddwr Corfforaethol (Cyllid), sef yr adroddiad hwnnw a dderbyniwyd yng nghyfarfod y Pwyllgor Gwaith ar 12 Chwefror, 2007.  Argymhelliad y Pwyllgor Gwaith oedd "argymell i'r Cyngor Sir bod y disgownt ar yr anheddau yn Nosbarth penodedig 'C' yn cael ei leihau o 50% i ddim o 1 Ebrill, 2007 ymlaen".

Dywedodd y Cyfarwyddwr Corfforaethol (Cyllid) - Bod y Ddeddf Llywodraeth Leol 2003 cyflwyno pwerau mwy hyblyg fel bod Llywodraeth Cynulliad Cymru yn medru dynodi dosbarthiadau penodol o anheddau y gallai awdurdodau trethol ostwng unrhyw ddisgownt perthnasol yn eu cylch neu ddileu y disgownt yn llwyr.  Dan Reoliadau Awdurdodau Lleol (Cyfrifo Sylfaen Treth Gyngor) a'r Dreth Gyngor (Dosbarthau Rhagnodedig ar Anheddau)(Cymru)(Diwygio)  2004 cyflwynwyd Dosbarth C newydd.  Roedd y ddarpariaeth hon yn caniatáu i awdurdodau lleol ostwng neu ddileu'r disgownt 50% ar y Dreth Gyngor yng nghyswllt yr anheddau hynny oedd un ai yn wag neu i bob pwrpas heb ddodrefn ynddynt.  Bydd yr anheddau hynny sy'n perthyn i Ddosbarth C yn rhai sy'n weigion am gyfnod hir h.y. fel arfer am o leiaf 6 mis.  Bu'r rheoliad hon mewn grym ers 25 Chwefror 2004.

Mae'r eiddo dan sylw sy'n perthyn i Ddosbarth C yn wahanol i gartrefi gwyliau ac eiddo sydd wedi'u dodrefnu ond yn wag; yn wahanol hefyd i eiddo gwag y mae cyfyngiad ar yr hawl i fyw ynddo dan y gyfraith - sef cyfnod o 28 diwrnod dilynol o leiaf mewn unrhyw gyfnod 12 mis.  I ddibenion y Dreth Gyngor mae eiddo o'r fath yn perthyn i Ddosbarthiadau A a B ac mae'r Cyngor hwn eisoes wedi dileu'r disgownt 50% ar y Dosbarthiadau hyn.

Gwnaeth y Pwyllgor Gwaith ym mis Chwefror 2006 cytuno i wneud datganiad o fwriad ac argymell i'r Cyngor y dylid rhoi'r gorau i'r disgownt ar gyfer Dosbarth C yn y flwyddyn 2007/08.  Buasai Adain Refeniw yr Adran Gyllid yn rhoi gwybod i'r unigolion oedd yn gyfrifol am dalu'r dreth am y bwriad i ddod â'r disgownt i ben.  Câi'r adborth ei gasglu a'i gyflwyno i'r Pwyllgor Gwaith ynghyd ag argymhellion.

Rhwng Mehefin 2006 a Thachwedd 2006, anfonwyd dros 800 o lythyrau ac o ffurflenni i'r rhai oedd yn gyfrifol am filiau i eiddo oedd ar y pryd yn perthyn i Ddosbarth C a hefyd at y rheini oedd yn gyfrifol am filiau yng nghyswllt anheddau oedd yn debygol o fod yn perthyn i'r dosbarth hwn.  Yn yr Atodiadau sydd ynghlwm wrth yr adroddiad yma, mae enghreifftiau o'r llythyrau ac o'r ffurflenni a anfonwyd at yr unigolion cyfrifol.  Yn awr rydym wedi llunio adborth yn seiliedig ar yr ymatebion.

Ar ôl cynnal arolwg manwl yn ddiweddar ar yr holl anheddau Dosbarth C posib ar y rhestr, ac ar ôl ystyried yr adborth o'r arolwg, mae nifer yr anheddau a nodwyd yn awr yn 651.

Mae Cynulliad Cenedlaethol Cymru wedi cyflwyno'r pwer yma i leihau disgownt er mwyn cefnogi amcan polisi o ddechrau ail-ddefnyddio tai gweigion.  Petai'r Pwyllgor yn credu byddai lleihau'r disgownt yn cynorthwyo dod ag anheddau gwag tymor hir ym Môn yn ôl i gael eu defnyddio, yna dylid argymell fod y Cyngor yn gosod disgownt o ddim ar gyfer 2007-08.

Rhoddwyd digon o rybudd o'r newid yn y polisi fel bod yr unigolion cyfrifol yn medru ymateb i'r newid sydd ar y gweill.

Efallai byddai'r newid yma yn creu caledfyd mewn nifer fechan o achosion.  Mae pwerau i ddileu dyledion neu i ohirio taliadau, wedi ei ddiogelu ar yr annedd.  Bydd swyddogion yn ymchwilio'r opsiynnau ac, efallai, y byddaf yn dymuno diwygiad i'r cynllun dirprwyo er mwyn darparu y pwerau priodol.  Mae arian annisgwyl unwaith ac am byth o hyd at £300,000 ar gael yn y flwyddyn gyntaf.

PENDERFYNWYD bod y disgownt ar yr anheddau yn Nosbarth Penodedig C yn cael ei leihau o 50% i ddim o 1 Ebrill, 2007 ymlaen.

4.2

Dywedodd y Deilydd Portffolio (Cyllid) - Bod y  Pwyllgor Gwaith wedi cwblhau ei gynigion cyllidebol terfynol.  Roedd yr adroddiad i'r Cyngor hwn yn cyfeirio at y materion a ganlyn :-

Ÿ

Y gyllideb refeniw arfaethedig am 2007-08 -  Tabl A,

Ÿ

Y cynllun cyfalaf arfaethedig hyd at 2009-10 -  Tabl B

Ÿ

Y gyllideb gyfalaf arfaethedig am 2007-08 - Tabl C.

Y Dreth Gyngor

Mae'r Pwyllgor Gwaith yn cynnig cynnydd o 4.9% yn y Dreth Gyngor Band D.  Bydd hyn yn codi ffigwr Band D i £755.46.  Mae'r Awdurdod Heddlu wedi penderfynu ar 16 Chwefror ar gynnydd o 6.75% ar ei braesept.  Bydd y cyfanswm a delir gan drethdalwyr unigol yn cynyddu o tua 5.2%, yn dibynnu ar braeseptau eu Cynghorau Tref a Chymuned.  Yn 2007-08 bydd y Dreth Gyngor ym Môn yn parhau i fod yn un o'r rhai isaf yn Lloegr a Chymru.

Ÿ

pwerau i wario pob pennawd cyllideb yn Nhablau A a C ar yr amcan, gwasanaeth neu'r prosiect penodol y mae'n ymwneud â nhw;

Ÿ

cyfyngiad o ddim ar drosglwyddo rhwng penawdau cyllideb yn Nhabl A;

Ÿ

pwerau i drosglwyddo o'r arian wrth gefn canolog, o'r arian wrth gefn Grant Cymell Perfformiad neu o ffynonellau newydd neu gynyddol o incwm;

Ÿ

pwerau i drosglwyddo o weddill yr arian Cynllun Cymell Twf Busnes i Awdurdodau Lleol tuag at ddelio a Iechyd a Diogelwch ac Asesiadau Risg Tân;

Ÿ

pwerau i drosglwyddo o'r gronfa wrth gefn gwelliannau hamdden i gefnogi cynigion sy'n gwella asedau'r Gwasanaeth Hamdden a chyfleusterau chwaraeon strategol.  Nid yw'r Pwyllgor Gwaith wedi, ac nid yw'n bwriadu, dirprwyo unrhyw ran o'r pwerau hyn i swyddogion;

Ÿ

pwerau i drosglwyddo'r cyllidebau rhwng prosiectau cyfalaf yn Nhabl C ac ymrwymo adnoddau yn y blynyddoedd dilynol y tu mewn i'r symiau a nodir yn y Cynllun Cyfalaf yn Nhabl B ac yn gyson gyda'r fframwaith gyllidebol.

Ÿ

Dyfarniad Tâl

Ÿ

Cyfraddau Llog

Ÿ

Cyllidebau sy'n dilyn y galw

Ÿ

Fforddiadwyaeth

Mae cynigion cyllidebol y Pwyllgor Gwaith yn rhoddi sylw llawn i fforddiadwyaeth.  Yn ddieithriad mae'r gyllideb gyfalaf wedi ei chyllido gan gyfuniad o grantiau allanol, derbynion cyfalaf, cronfeydd refeniw a benthyca.  Mae cyswllt hanfodol rhwng yr arian a ddisgwylir o grantiau ar y naill law a'r hyn sydd wedi ei gymeradwyo neu'n debygol o fewn rheswm ar y llaw arall; bydd rhai cynigion gwario yn cael eu cynnwys yn y gyllideb gyfalaf ond yn amodol ar dderbyn cadarnhad i'r grantiau; oni cheir cadarnhad i'r grantiau yna bydd y cynlluniau yn syrthio.  Mae derbynion cyfalaf yn seiliedig ar werthiannau a wnaed neu sy'n cael eu gwneud; diystyriwyd symiau a ddisgwylir ond sydd heb eu cadarnhau eto fel rhai pendant, ac unrhyw swrplws neu ddiffyg yn cael ei gludo ymlaen i gyllidebau blynyddoedd y dyfodol.  Mae cyllid refeniw yn ei le yn gyson gyda'r gyllideb refeniw.  

Ÿ

Benthyca heb gefnogaeth

Bwriedir trefnu benthyciadau heb gefnogaeth ar gyfer :-

Ÿ

cynhyrchu Trydan trwy brosiect y Nwy Tirlenwi, lle cyflwynwyd achos y bydd incwm uwch yn ad-dalu'r buddsoddiad cyfalaf;

Ÿ

prosiect Oriel Syr Kyffin Williams, trwy fenthyca yn erbyn gwerth y printiadau sydd mewn stoc ac y rhagwelir eu gwerthu;

Ÿ

yn ôl egwyddor wrth gefn yng nghyswllt ymrwymiadau posibl sy'n gysylltiedig gyda Ceuffos Penhesgyn.  Mae yma estyniad i'r amgylchiadau hynny pryd y bydd yr awdurdod yn ystyried trefnu benthyciadau heb gefnogaeth.

Yn ogystal fe ddylai'r Cyngor ystyried effaith ymylol ei benderfyniadau buddsoddi cyfalaf ar lefel y Dreth Gyngor ac ar lefel y Rhenti Tai.  Clandrir yr effaith ymylol trwy gyfeirio at y gwahaniaeth rhwng y Cynllun Cyfalaf sydd eisoes mewn grym (h.y. wedi ei fabwysiadu ym Mawrth 2006) a'r Cynllun Cyfalaf sy'n cael ei gynnig yn awr.

Ÿ

Pwyll

Rhoddir sylw yn yr adroddiad Rheoli'r Trysorlys i oblygiadau y gyllideb arfaethedig i fenthyciadau a buddsoddiadau allanol a’r Dangosyddion Pwyllog cysylltiedig.

Ÿ

Dangosyddion Pwyllog

Mae Tabl Ch ynghlwm yn rhestru'r terfynau pwyllog y mae'n rhaid eu mabwysiadu wrth i'r Cyngor bennu ei gyllideb a'i Dreth Gyngor am y flwyddyn.

Ÿ

Y Côd Pwyllog

Ÿ

Strategaeth Rheoli Trysorlys a Buddsoddi

Ÿ

Dangosyddion Pwyllog a Therfynau Benthyca

Ÿ

Cyllideb Costau Dyled

a)     Yn unol ag argymhellion y Pwyllgor Gwaith, mabwysiadu cyllideb refeniw ar gyfer 2007/08 fel sy'n ymddangos yn Nhabl A yn adroddiad y Pwyllgor Gwaith ond gydag un diwygiad, sef trosglwyddo £10,000 o'r gyllideb wrth gefn ganolog i'r Gwasanaeth Addysg yng nghyswllt Ysgolion Cymunedol.

b)     Yn unol ag argymhellion y Pwyllgor Gwaith, mabwysiadu cynllun cyfalaf tair blynedd fel sy'n ymddangos yn Nhabl B yn adroddiad y Pwyllgor Gwaith.

c)     Mabwysiadu cyllideb gyfalaf ar gyfer 2007/08 gydag ymrwymiadau i'r blynyddoedd dilynol fel sy'n ymddangos yn Nhabl C yn adroddiad y Pwyllgor Gwaith.

ch)     Dirprwyo i'r Pwyllgor Gwaith am y flwyddyn ariannol 2007/08 y pwerau i drosglwyddo cyllidebau  rhwng penawdau  fel a ganlyn:

     i)     Pwerau heb eu cyfyngu i wario'r penawdau cyllideb yn Nhabl A ar yr amcan, gwasanaeth neu prosiect a enwir;

     ii)     Cyfyngu i ddim y swm y gaiff y Pwyllgor Gwaith  wyro rhwng y penawdau yn Nhabl A;

     iii)     Pwerau heb eu cyfyngu i wyro allan o'r gronfa wrth gefn canolog, y gronfa Grant Cymell Perfformiad,  neu incwm arall newydd neu ychwanegol;

     iv)     pwerau i drosglwyddo o weddill yr arian Cynllun Cymell Twf Busnes i Awdurdodau Lleol tuag at ddelio a Iechyd a Diogelwch ac Asesiadau Risg Tân;

     v)     pwerau i drosglwyddo o'r gronfa wrth gefn gwelliannau hamdden i gefnogi cynigion sy'n gwella asedau'r Gwasanaeth Hamdden a chyfleusterau chwaraeon strategol.

     vi)     pwerau i drosglwyddo'r cyllidebau rhwng prosiectau cyfalaf yn Nhabl C ac ymrwymo adnoddau yn y blynyddoedd dilynol y tu mewn i'r symiau a nodir yn y Cynllun Cyfalaf yn Nhabl B ac yn gyson gyda'r fframwaith gyllidebol.

d)     Cadarnhau y daw'r eitemau a i ch yn rhan o fframwaith gyllideb y Cyngor.

a)     28,614.53 yw'r swm a bennwyd gan y Pwyllgor Gwaith, yn unol â rheoliad 3 Rheoliadau Awdurdodau Lleol, (Cyfrifiad o Sail y Dreth Gyngor) (Cymru) 1995, yn sail y Dreth Gyngor am y flwyddyn.

b)     Rhan o ardal y Cyngor  :

a)

£164,421,065     sef cyfanswm y symiau y mae'r Cyngor yn eu  hamcangyfrif ar gyfer yr eitemau a nodwyd yn Adran 32(2) (a) i (d) y Ddeddf.

b)

£ 53,214,230     sef cyfanswm y symiau y mae'r Cyngor yn eu hamcangyfrif ar gyfer eitemau a nodwyd yn Adran 32(3) (a) ac (c) y Ddeddf.

c)

£111,206,835     sef y swm sy'n cyfateb i'r gwahaniaeth rhwng cyfanswm 7(a) uchod a chyfanswm 7(b) uchod, a bennwyd gan y Cyngor, yn unol ag Adran 32(4) y Ddeddf, yn gyllideb angenrheidiol ar gyfer y flwyddyn.

ch)

£88,861,393     sef cyfanswm y symiau y mae'r Cyngor yn amcangyfrif y byddant yn daladwy yn ystod y flwyddyn i gronfa'r cyngor gyda golwg ar drethi annomestig a ailddosberthir, a grant cynnal refeniw gan dynnu unrhyw swm a bennwyd yn unol ag Adran 33(3B) y Ddeddf.

d)

£      780.91     sef y swm yn 7(c) uchod llai'r swm yn 7(ch) uchod, gan rannu'r cyfan â'r swm a nodir yn 6(a) uchod, a bennwyd gan y Pwyllgor Gwaith, yn unol ag Adran 33(1) y Ddeddf, sef sail y dreth gyngor am y flwyddyn.

dd)

£728,309.36     sef cyfanswm yr holl eitemau arbennig y cyfeirir atynt yn Adran 34(1) y Ddeddf.

e)

£      755.46     sef y swm yn 7(d) uchod llai'r canlyniad a geir wrth rannu'r swm yn 7(dd) uchod â'r swm yn 6(a) uchod, a bennwyd gan y Pwyllgor Gwaith, yn unol ag Adran 34 (2) y Ddeddf, sef sail y dreth gyngor am y flwyddyn ar gyfer tai annedd yn y rhannau honno o'r ardal lle na bo unrhyw eitem arbennig yn berthnasol.

sef y symiau a geir trwy ychwanegu at y swm a geir yn 7(e) uchod symiau'r eitem neu'r eitemau arbennig sy'n berthnasol i dai annedd yn y rhannau hynny o ardal y Cyngor y cyfeiriwyd atynt uchod wedi'u rhannu ym mhob achos gan y swm yn 6(b) uchod, a bennwyd gan y Pwyllgor Gwaith yn unol ag Adran 34(3) y Ddeddf, sef sail y dreth gyngor am y flwyddyn ar gyfer tai annedd yn y rhannau hynny o'i ardal lle bo un eitem arbennig neu fwy'n berthnasol.