Cyngor Sir Ynys Môn dogfennau , 8 Rhagfyr 2011

Agorir y cyfarfod gyda gweddi gan y Cynghorydd E G Davies.

Rhaglen

Cyflwyniadau

Bydd Cadeirydd y Cyngor Sir yn cyflwyno Gwobrau Chwaraeon Ynys Môn am 2011 ar gyfer y categorïau isod:

Geneth y Flwyddyn
Bachgen y Flwyddyn
Tîm y Flwyddyn
Seren Chwaraeon y Flwyddyn
Gwirfoddolwr y Flwyddyn

1. Cofnodion

Cyflwyno i'w cadarnhau a'u llofnodi, gofnodion y cyfarfodydd o'r Cyngor Sir a gynhaliwyd ar y dyddiadau isod:

• 13 Medi 2011 (Papur A)
• 26 Medi 2011 (Arbennig) (Papur B)
• 17 Hydref 2011 (Arbennig) (Papur C)

2. Datganiad o ddiddordeb

Derbyn unrhyw ddatganiad o ddiddordeb gan unrhyw Aelod neu Swyddog mewn perthynas ag unrhyw eitem ar y Rhaglen.

3. Derbyn unrhyw ddatgniadau gan y Cadeirydd, Arweinydd y Cyngor, y Bwrdd Comisiynwyr neu Bennaeth y Gwasanaethau Tâl

4. Cyflwyno deisebau

Derbyn unrhyw ddeiseb yn unol â pharagraff 4.1.11 y Cyfansoddiad.

5. Newidiadau i'r Cyfansoddiad

5.1 Ychwanegiad at y ddeddfwriaeth yn yr Atodiad i‟r Cynllun Dirprwyo i Swyddogion ym Mharagraff 3.5.3.15
Dweud bod y Bwrdd Comisiynwyr ar ôl ystyried yr uchod yn eu cyfarfod ar 28 Tachwedd 2011, wedi penderfynu fel a ganlyn:

“Argymell i'r Cyngor a'r Gweinidogion Cymreig, y dylid diwygio Cyfansoddiad y Cyngor drwy ychwanegu at yr Atodiad yn y Cynllun Dirprwyo i Swyddogion yn 3.5.3.15 y ddeddfwriaeth yn CH 1.2 yr adroddiad ac awdurdodi Swyddogion i wneud unrhyw newidiadau canlyniadol i'r Cyfansoddiad.”

5.2 Newid i‟r “Nodyn” sy‟n cyfeirio at y diffiniad o “Ddiwrnod” sy‟n dilyn y mynegai ar gychwyn y Cyfansoddiad
Dweud bod y Bwrdd Comisiynwyr ar ôl ystyried yr uchod yn eu cyfarfod ar 28 Tachwedd 2011, wedi penderfynu fel a ganlyn:

“Argymell i'r Cyngor ac i'r Gweinidogion Cymreig, y dylid diwygio Cyfansoddiad y Cyngor trwy newid y “Nodyn” i'r ffurf yn CH 2.3 yr adroddiad ac awdurdodi Swyddogion i wneud unrhyw newidiadau canlyniadol i'r Cyfansoddiad.”

Cyflwyno adroddiad y Cyfreithiwr i'r Swyddog Monitro fel y cafodd ei gyflwyno i'r Bwrdd Comisiynwyr ar 28 Tachwedd 2011 mewn perthynas â'r newidiadau uchod.
(Papur D)

6. Penodi Pwyllgor Safonau Newydd

Cyflwyno adroddiad y Cyfreithiwr i'r Swyddog Monitro.
(Papur DD)

7. Datganiad ar Strategaeth Gyllidebol 2012-13

Cyflwyno Datganiad y Comisiynwyr ar Strategaeth Gyllidebol 2012-13.
(Papur E)

8. Polisi Cynllunio Dros Dro - Tai mewn Clystyrau Gwledig

(a) Dweud bod y Bwrdd Comisiynwyr yn eu cyfarfod ar 28 Tachwedd wedi penderfynu fel a ganlyn:

“PENDERFYNWYD argymell i'r Cyngor Sir y dylid mabwysiadu'r Polisi Clystyrau Gwledig fel Polisi Dros Dro hyd nes y bydd y Cynllun Datblygu Lleol ar y cyd yn cael ei fabwysiadu yn 2016.”
(b) Cyflwyno adroddiad gan y Pennaeth Gwasanaeth (Cynllunio a Gwarchod y Cyhoedd) fel y cafodd ei gyflwyno i'r Bwrdd Comisiynwyr ar 28 Tachwedd 2011.
(Papur F)

9. Canllawiau Cynllunio Atodol - Canllawiau Dylunio ar gyfer yr Amgylchedd Trefol a Gwledig

Cyflwyno adroddiad y Pennaeth Gwasanaeth (Cynllunio a Gwarchod y Cyhoedd).
(Papur FF)

10. Dirprwyiadau

Bydd y Prif Weithredwr yn cyflwyno er gwybodaeth, adroddiad yn nodi unrhyw newidiadau i'r cynllun dirprwyo mewn perthynas â'r swyddogaethau gweithredol a wnaed gan y Comisiynwyr ers y cyfarfod arferol diwethaf (Rheol 4.4.1.4 o Reolau Gweithdrefn y Cyfansoddiad).
(Papur G)

11. Awdurdod Tân ac Achub Gogledd Cymru

Derbyn adroddiad llafar gan y Cynghorydd Aled Morris Jones, un o gynrychiolwyr y Cyngor hwn ar Awdurdod Tân ac Achub Gogledd Cymru ar gyfarfodydd a gynhaliwyd gan yr Awdurdod hwnnw rhwng 1 Medi 2011 a 30 Tachwedd 2011.

12. Awdurdod Heddlu Gogledd Cymru

Derbyn adroddiad llafar gan y Cynghorydd P S Rogers, cynrychiolydd y Cyngor hwn ar Awdurdod Heddlu Gogledd Cymru ar gyfarfodydd a gynhaliwyd gan yr Awdurdod hwnnw rhwng 1 Medi a 30 Tachwedd 2011.

13. Cau allan y wasg a'r cyhoedd

Ystyried mabwysiadu'r canlynol:

“Dan 100(A)(4) Deddf Llywodraeth Leol 1972, gyrru'r wasg a'r cyhoedd allan o'r cyfarfod yn ystod y drafodaeth ar yr eitem isod oherwydd y tebygrwydd y caiff gwybodaeth ei rhyddhau a honno'n wybodaeth y gwneir eithriad ohoni yn Atodlen 12A y Ddeddf ac yn y Prawf Budd y Cyhoedd sydd ynghlwm”.

14. Trefniadau sefydliadol y Grwp Arweinyddiaeth Strategol a'r Gwasanaethau Corfforaethol

(a) Cyflwyno adroddiad llafar gan y Swyddog Adran 151 Dros Dro.
(b) Bydd argymhellion y Pwyllgor Penodiadau a gynhaliwyd yn gynharach heddiw yn cael eu rhoi ar y bwrdd.

15. Adroddiad Gwaith y Comisiynwyr ar yr Ail Chwarter

Cyflwyno adroddiad llafar gan y Comisiynydd Margaret Foster.