Cyngor Sir Ynys Môn dogfennau , 9 Mai 2008

Agorwyd y cyfarfod gyda gweddi gan y Cynghorydd John Williams

1

CADEIRYDD

PENDERFYNWYD ethol y Cynghorydd Aled Morris Jones yn Gadeirydd Cyngor Sir Ynys Môn am 2008/2009.

Wrth dderbyn yr anrhydedd o gael ei benodi fe addawodd i'r Cyngor y byddai'n ymgymryd â'r dyletswyddau hyd eithaf ei allu.  Cymerodd y Cynghorydd Jones y cyfle i dalu teyrnged i'r Cadeirydd oedd yn ymddeol, y Cynghorydd W. J. Williams MBE am ei ymrwymiad yn cynrychioli'r Cyngor Sir trwy gydol ei gyfnod yn y swydd.

Diolchodd y Cynghorydd W. J. Williams MBE, sef y Cadeirydd oedd yn ymddeol, i'r holl aelodau ac i swyddogion y Cyngor am eu cefnogaeth a'u cydweithrediad yn ystod cyfnod ei swydd.  Rhoddodd hefyd grynodeb o'i ddyletswyddau fel Cadeirydd yn cynrychioli'r Cyngor Sir mewn gwahanol weithgareddau trwy gydol y flwyddyn.  Mynegodd ei ddymuniadau gorau i'r Cynghorydd Jones a'i wraig Olwen gan obeithio y byddent hwythau hefyd yn mwynhau cyfnod hapus a llwyddiannus iawn yn y swydd.

2

IS-GADEIRYDD

PENDERFYNWYD ethol y Cynghorydd O. Glyn Jones yn Is-Gadeirydd Cyngor Sir Ynys Môn am 2008/2009.

Diolchodd y Cynghorydd Jones i'r aelodau am eu hyder ynddo a diolchodd i'r aelodau am eu geiriau caredig.  Mynegodd ei fwriad i gydweithredu ac i gefnogi'r Cadeirydd newydd.

3

CYFLWYNIAD I’R AELODAU SY’N YMDDEOL GAN Y CADEIRYDD NEWYDD/ RHEOLWR- GYFARWYDDWR

Talodd y Cadeirydd deyrnged i'r Cynghorwyr canlynol oedd wedi datgan eu bwriad i ymddeol fel Cynghorwyr cyn etholiadau'r Cyngor :-

Y Cynghorydd P.J. Dunning

Mae’r Cynghorydd Peter Dunning wedi cynrychioli etholaeth Trearddur ers 2004.  Bu’r Cynghorydd Dunning yn gymorth mawr i’r Adran Briffyrdd gyda’r cynlluniau i gryfhau amddiffyniadau’r môr ym Mae Trearddur, gan gofio fod y broses wedi dechrau gydag ymgynghori gyda’r cyhoedd nol yn 2004.  Deallwn fod Peter am dreulio llawer o’i amser yn y dyfodol tua Phortiwgal a dymunwn yn dda iddo ef a’r teulu yno.

Y Cynghorydd J. Arwel Edwards

Mae’r Cynghorydd John Arwel Edwards fel aelod o Grwp Plaid Cymru wedi cynrychioli etholaeth Gwyngyll ers 2001.  Bu yn Is-Gadeirydd y Pwyllgor Cynllunio ac yn ystod yr amser yma roedd yn gefnogol iawn yn y Pwyllgor Cynllunio i’r polisïau ac i’r staff.  Bu hefyd yn weithgar a rhoddodd wasanaeth gwerthfawr fel Is-Gadeirydd y Panel Tâl a Chyflogaeth.

Y Cynghorydd G. Allan Roberts

Yn anffodus nid yw’r Cynghorydd Allan Roberts yn gallu bod gyda ni heddiw i dderbyn y rhodd yma a'n diolchiadau am ei wasanaeth.  Mae wedi cynrychioli etholaeth Parc a’r Mynydd ers 1998.  Bu’n aelod o’r Pwyllgor Safonau rhwng Medi 1998 a Rhagfyr 2003.  Cafodd ei ethol gan aelodau’r Cyngor Sir fel aelod fyddai’n ddiduedd i’w cynrychioli ar y Pwyllgor.  ‘Roedd y cyfnod yma yn adeg prysur iawn i’r Pwyllgor Safonau ac ‘rydym yn diolch iddo am ei gyfraniad.

Y Cynghorydd John Rowlands

Dechreuodd ei ddiddordeb mewn llywodraeth leol yn 1961 pan gafodd ei ethol yn Gynghorydd Cymuned dros Llanddona.  Bu’n aelod o Gyngor Gwynedd rhwng 1984 - 1996 ac yna daeth i Gyngor Sir Ynys Môn yn 2000.  ‘Roedd yn aelod o’r Pwyllgor Gwaith am ddwy flynedd a bu yn Gadeirydd y Cyngor Sir yn 2006-07.

Y Cynghorydd Keith Thomas

Mae’r Cynghorydd Keith Thomas wedi cynrychioli etholaeth Ffordd Llundain ers 1999.  Bu yn Ddeilydd Portffolio Priffyrdd ac fe roedd yn gymorth i gael y Gang Gymunedol gyntaf yng Ngogledd Orllewin yr ynys, fel arbrawf.  Profodd yr arbrawf yn llwyddiannus iawn a nawr mae yna bum gang, h.y. dros bob rhan o’r ynys.

Y Cynghorydd W.J. Williams MBE

Mae’r Cynghorydd W.J. Williams wedi cynrychioli etholaeth Llanddyfnan ers 1960.  Mae ei holl gyfraniad i lywodraeth leol yn rhy niferus i'w rhestru.  Yn gyn Faer y Cyngor Bwrdeistref a chyn-Arweinydd y Cyngor Sir roedd heddiw yn sefyll i lawr fel Cadeirydd.  Mae wedi cyfrannu’n sylweddol fel Cadeirydd TAITH a hefyd fel cynrychiolydd Cymru ar Bwyllgor y Rhanbarthau ac wedi bod yn llysgennad ardderchog i ni yn Ewrop.  

Diolchodd y Cadeirydd yn fawr i’r chwe aelod am eu cyfraniad gwerthfawr a dymunodd yn dda iddynt ar gyfer y dyfodol.

Ar ran y Cyngor Sir cyflwynodd y Cadeirydd blac gwydr gyda logo'r Cyngor arno fel gwerthfawrogiad i'r aelodau o'u gwasanaeth i Lywodraeth Leol.

Talodd arweinwyr y pedwar Grwp Gwleidyddol eu teyrnged eu hunain i Mr. W. J. Williams am ei gyfraniad gwerthfawr i  weithgareddau'r Cyngor Bwrdeistref a'r Cyngor Sir dros y blynyddoedd.

PENDERFYNWYD cofnodi gwerthfawrogiad y Cyngor i bob un o'r chwe Cynghorydd am eu gwasanaeth gwerthfawr i Lywodraeth Leol ac i'w cymunedau dros y blynyddoedd.

4

DATGANIAD O DDIDDORDEB

Gwnaeth y Cynghorydd E. Schofield ddatganiad o ddiddordeb mewn unrhyw eitem ar y rhaglen a allai ymwneud â chyflogaeth ei wyr yn yr Adran Priffyrdd a Thrafnidiaeth.

Gwnaeth y Cynghorydd G.O. Parry MBE ddatganiad o ddiddordeb mewn unrhyw eitem ar y rhaglen a allai ymwneud â chyflogaeth ei ddwy ferch yn yr Adran Gyllid.

Gwnaeth y Cynghorydd O. Glyn Jones ddatganiad o ddiddordeb mewn unrhyw eitem ar y rhaglen a allai ymwneud â chyflogaeth ei wraig a’i ferch yn yr Adran Tai a Gwasanaethau Cymdeithasol.

Gwnaeth y Cynghorydd R.Ll. Hughes ddatganiad o ddiddordeb mewn unrhyw eitem ar y rhaglen a allai ymwneud â chyflogaeth ei fab yn yr Adran Priffyrdd.

Gwnaeth y Cynghorydd Eric Jones ddatganiad o ddiddordeb mewn unrhyw  fater a allai godi mewn perthynas a chartrefi preswyl y Cyngor.

Gwnaeth y Cynghorydd R.Ll. Jones ddatganiad o ddiddordeb mewn unrhyw eitem ar y rhaglen a allai ymwneud â chyflogaeth ei ferch yn yr Adran Addysg.

Gwnaeth y Cynghorydd Fflur M. Hughes ddatganiad o ddiddordeb mewn unrhyw eitem ar y rhaglen a allai ymwneud â chyflogaeth ei mab yn yr Adran Addysg.

Gwnaeth y Cynghorydd C.Ll. Everett ddatganiad o ddiddordeb mewn unrhyw eitem ar y rhaglen a allai ymwneud â chyflogaeth ei ferch yn yr Adran Hawliau Dynol.

Gwnaeth y Cynghorydd A.M. Jones ddatganiad o ddiddordeb mewn unrhyw eitem ar y rhaglen a allai ymwneud â chyflogaeth ei frawd yn yr Adran Addysg a Hamdden.

Gwnaeth y Cynghorwyr W.J. Chorlton, E.G. Davies, P.M. Fowlie, A. Morris Jones, O. Glyn a R.L. Owen ddatganiad o ddiddordeb mewn perthynas ag Eitem 16 ar y cofnodion ac nid oeddent yn bresennol yn y cyfarfod yn ystod unrhyw drafodaeth na phleidleisio arno.  ( y Cynghorydd T. Jones oedd yn y Gadair am yr eitem hon).

Yn dilyn derbyn cyngor cyfreithiol ar y diwrnod,  fe arhosodd y Cynghorwyr W. J. Chorlton ac R. L. Owen (sef cynrychiolwyr y Cyngor hwn ar Bwyllgor Pysgodfeydd Môr Gogledd Cymru) yn y cyfarfod ar gyfer eitem 19 o'r cofnodion hyn, a chaniatawyd iddynt gymryd rhan yn y drafodaethau ond ni wnaethant bleidleisio ar y mater.

5

COFNODION

Cyflwynwyd a chadarnhawyd, cofnodion y Cyngor Sir a gafwyd ar 4 Mawrth, 2008.

6

DERBYN UNRHYW GYHOEDDIADAU GAN Y CADEIRYDD, YR ARWEINYDD, AELODAU’R PWYLLGOR GWAITH NEU BENNAETH Y GWASANAETH TÂL

Estynnodd y Cadeirydd groeso cynnes i aelodau etholedig newydd y Cyngor Sir.

Llongyfarchwyd y Cynghorydd Peter Rogers ar ei benodi'n Uchel Siryf Gwynedd a dymunwyd yn dda iddo am ei flwyddyn yn y swydd.  Hefyd Mrs Sian Arwel Davies, gwraig y Cynghorydd E. G. Davies ar gael ei phenodi'n Llywydd y Bedyddwyr yng Nghymru.

Diolchodd y Cynghorydd P. S. Rogers i'r Cadeirydd am ei eiriau caredig a chymerodd y cyfle i dalu teyrnged i'r broses ddemocrataidd, ac i'r ffaith fod 14 o aelodau newydd wedi eu penodi i'r awdurdod.  Roedd am ddymuno pob llwyddiant iddynt yn eu gwaith.

Dywedodd y Cadeirydd bod y Gwasanaeth Cynllunio wedi penderfynu cyflwyno gwobr er cof am Sion Hardy, Myfyriwr oedd yn gweithio yn yr Adran ac a laddwyd yn Lerpwl ar ddiwedd y flwyddyn ddiwethaf.  Cyflwynwyd y wobr i Linda Lee am gael y marciau uchaf yn ei harholiadau cynllunio ôl-raddedig.  Roedd y cwrs yn cael ei noddi gan y Cyngor.

Roedd y dydd heddiw hefyd yn gyfle i ddathlu blwyddyn o amser ers agor Maes Awyr Ynys Môn.  Dadorchuddiodd Mr. Ieuan Wyn Jones, Aelod Cynulliad, blac i gofio'r achlysur.  Roedd dros 14,000 o bobl wedi defnyddio'r gwasanaeth hyd yn hyn - roedd yr awyrennau yn hedfan ar 80% o gapasiti (canran uwch nag unrhyw wasanaeth arall tebyg).  Y gobaith yw y bydd y gwasanaeth yn cael ei ymestyn yn y dyfodol.  Estynnwyd dymuniadau gorau iddynt.

Cynhaliwyd Pencampwriaeth PGA Proffesiynol Ifanc Agored Cymru Cwpan Ryder yng Nghlwb Golff Porth Llechog Ynys Môn y mis diwethaf.  Roedd y digwyddiad yn cael ei gefnogi gan Gyngor Sir Ynys Môn a Chomisiwn Digwyddiadau Gogledd Orllewin Cymru ac fe ddenodd fwy o ymgeiswyr nag erioed o dlith chwaraewyr proffesiynol trwy Brydain gyfan gyda 132 o gystadleuwyr.  Estynnwyd llongyfarchiadau i'r rhai oedd wedi cymryd rhan a diolchwyd i'r holl staff oedd wedi bod ynglyn â pharatoi ar gyfer y digwyddiad.

Dymunwyd dymuniadau gorau i bawb oedd yn cystadlu yn Eisteddfod Môn (Eisteddfod Llandegfan) heno ac yn Rali'r Ffermwyr Ifanc.

Dymunwyd dymuniadau gorau am adferiad llwyr a buan i'r Cynghorydd T. Lloyd Hughes yn dilyn ei ymweliad â'r ysbyty yn ddiweddar.

Cyfeiriwyd hefyd at farwolaeth yr Henadur Thomas Dryhurst-Roberts yn ddiweddar.  Roedd yn aelod o hen Gyngor Sir Môn ac yn aelod o Gyngor Bwrdeistref Ynys Môn rhwng 1976 a 1987.  Etholwyd ef yn Faer yn 1983-84.  Roedd hefyd yn aelod o Gyngor Sir Gwynedd.  Estynnwyd cydymdeimlad y Cyngor i'w fab John a'r holl deulu.

Mynegwyd cydymdeimlad â theulu Mr. Raymond Williams oedd wedi marw yn ddiweddar.  Roedd wedi gweithio yn Adain Trafnidiaeth yr Adran Amgylcheddol a Gwasanaethau Technegol ers 1996 hyd ei ymddeoliad yn 2004 a dychwelodd i'r gwaith fel ymgynghorydd am ddiwrnod yr wythnos nes iddo gael ei daro'n wael yn Hydref 2007.  Cyn hynny, ers 1988, roedd wedi gweithio i Gyngor Gwynedd.

Mynegodd y Cadeirydd ei gydymdeimlad gydag unrhyw aelod o'r Cyngor neu aelod o staff oedd wedi colli perthynas.

Safodd yr aelodau a'r swyddogion mewn teyrnged ddistaw fel arwydd o'u parch.

7

ARWEINYDD

Penderfynwyd ethol y Cynghorydd P.M. Fowlie yn Arweinydd Cyngor Sir Ynys Môn.

(Dan Baragraff 4.1.1.2.6 ac yn arbennig dan Baragraff 2.7.3 Cyfansoddiad y Cyngor).

Diolchodd y Cynghorydd Fowlie am y fraint o gael ei apwyntio yn Arweinydd y Cyngor.

8

DIRPRWY ARWEINYDD

Penderfynwyd ethol y Cynghorydd R.G. Parry OBE yn Ddirprwy Arweinydd Cyngor Sir Ynys Môn.

(Dan Baragraff 4.1.1.2.6 ac yn arbennig dan Baragraff 2.7.3 Cyfansoddiad y Cyngor).

Diolchodd y Cynghorydd R.G. Parry OBE am y fraint o gael ei apwyntio yn Ddirprwy Arweinydd y Cyngor.

9

DIRPRWYO GAN YR ARWEINYDD/AELODAU’R PWYLLGOR GWAITH

Yn unol  â Rheol 4.4.1.2 Rheolau Gweithdrefn y Pwyllgor Gwaith, enwodd Arweinydd y Cyngor y canlynol fel aelodau yr oedd wedi eu dewis i wasanaethu ar y Pwyllgor Gwaith, ynghyd â'u cyfrifoldebau portffolio :-

Dywedodd yr Arweinydd y byddai'n enwi 8 o'r 9 Deilydd Portffolio heddiw ac y byddai, dros yr ychydig wythnosau nesaf, yn egluro eu cyfrifoldebau portffolio.

Y Cynghorydd R.Ll. Hughes          -     Aelod Portffolio Tai a Gwasanaethau Cymdeithasol

Y Cynghorydd Bryan Owen          -     Aelod Portffolio Datblygu Economaidd

Y Cynghorydd E.G. Davies          -     Aelod Portffolio Addysg a Hamdden

Y Cynghorydd G.O. Parry MBE     -     Aelod Portffolio Cyllid

Y Cynghorydd R.Ll. Jones          -     Aelod Portffolio Cynllunio

Y Cynghorydd C. McGregor          -     Aelod Portffolio Priffyrdd

Y Cynghorydd R.G. Parry OBE     -     Aelod Portffolio Amgylchedd

10

CADARNHAU’R PWYLLGORAU

11

CADARNHAU’R CYNLLUN DIRPRWYO

12

RHAGLEN CYFARFODYDD CYFFREDIN Y CYNGOR SIR

13

BALANS GWLEIDYDDOL

Ÿ

bod y nifer o seddi ar y Panel Tâl a Graddfeydd yn cael ei ostwng o 6 i 5.

Ÿ

nodi’r trefniadau newydd ar gyfer cydbwysedd gwleidyddol a’r nifer o seddi a roddir i bob Grwp a’r Aelodau Heb Ymaelodi dan Ddeddf Llywodraeth Leol a Thai 1989;

Ÿ

cytuno ar y niferoedd cyflawn o seddi a ddyrennir i’r Aelodau Heb Ymaelodi;

Ÿ

gofyn i Arweinyddion y Grwpiau ddarparu rhestr o enwau cynrychiolwyr eu Grwp ar bob Pwyllgor i'r Rheolwr Gwasanaethau Pwyllgor mor fuan ag sy'n bosibl a gorau oll, yn union ar ôl y cyfarfod hwn o'r Cyngor Sir.

Ÿ

Gofyn i’r 3 Aelod Digyswllt benderfynu ymysg ei gilydd ynglyn â pha Bwyllgorau y maent yn dymuno bod yn aelodau ohonynt yn unol â’r trefniadau Cydbwysedd Gwleidyddol geir o fewn yr adroddiad i’r Cyngor hwn.  Pe baent yn methu dod i gytundeb ynglyn â hyn, rhoi awdurdod i Arweinydd y Cyngor benderfynu ar y dyraniadau .

14

Y DREFN GWYNO

Ÿ

Mabwysiadu siart llif y Weithdrefn Gwynion.

Ÿ

Gofyn i'r Pwyllgor Gwaith roddi ystyriaeth ar frys i benodi Swyddog Gofal Cwsmer neu ofyn os gall y Tîm Rheoli nodi aelod o'r staff presennol i wneud y dyletswyddau.

Ÿ

Gofyn i'r Is-Bwyllgor Canolbwyntio ar y Cwsmer neu'r Pwyllgor Gwaith edrych ar y materion a godwyd gan y Tîm Rheoli.

15

GORCHYMYN AWDURDODAU LLEOL (MODEL CÔD YMDDYGIAD) CYMRU 2008

Ÿ

Bod y Cyngor yn mabwysiadu’r Côd Enghreifftiol drafft o 9 Mai, 2008.

Ÿ

Bod y Cyngor yn mabwysiadu’r Côd Enghreiffiol drafft yn y ffurf a ddangosir yn Atodiad 1 i’r adroddiad hwn.

Ÿ

Bod y cyngor yn cadarnhau’r terfyn ariannol ar gyfer cofrestru rhoddion a lletygarwch, sef £20.00 (ugain punt).

16

OMBWDSMON GWASANAETHAU CYHOEDDUS CYMRU - DYFARNIAD O GAMWEINYDDU

17

DIRPRWYAETHAU GAN YR ARWEINYDD

18

CAU ALLAN Y WASG A’R CYHOEDD

19

DATBLYGIAD Y MARINA - PENRHYN SAFNAS, BIWMARES - ACHOS DATGANIADOL

Ÿ

Dirprwyo i'r Pwyllgor Gwaith y penderfyniad terfynol a ddylid gwneud apêl ai peidio yng ngoleuni'r cyngor cyfreithiol sy'n cael ei geisio ar hyn o bryd, gan gynnwys unrhyw awdurdodi gwariant fydd ei angen.

Ÿ

Bod gwahoddiad yn cael ei ymestyn i unrhyw aelod o'r Cyngor Sir sydd â diddordeb i fynychu ac i siarad yn y cyfarfod.