Cyngor Sir Ynys Môn dogfennau , 13 Gorffennaf 2004

1

DATGANIADAU O DDIDDORDEB

Cafwyd Datganiadau o Ddiddordeb gan yr Aelodau a ganlyn:

Gwnaeth yr Cynghorydd J. Byast ddatganiad o ddiddordeb mewn perthynas ag eitem 4 a gadawodd y cyfarfod yn ystod y drafodaeth a'r pleidleisio ar yr eitem hon.  Etholwyd y Cynghorydd Mrs. B. Burns i'r Gadair am yr eitem.

Gwnaeth y Cynghorydd Bob Parry OBE ddatganiad o ddiddordeb yng nghyswllt unrhyw eitem ar y rhaglen a allai ymwneud â phartner ei fab sy'n gweithio yn yr Adran Addysg.

Gwnaeth y Cynghorydd G.W. Roberts OBE ddatganiad o ddiddordeb mewn unrhyw eitem ar y rhaglen a allai ymwneud â gwaith ei ferch yn yr Adran Cynllunio a Gwasanaethau Amgylcheddol.

Gwnaeth y Cynghorydd O. Glyn Jones ddatganiad o ddiddordeb mewn unrhyw eitem ar y rhaglen a allai ymwneud â gwaith ei wraig yn yr Adran Tai a Gwasanaethau Cymdeithasol.

Gwnaeth y Cynghorydd W.J. Chorlton ddatganiad o ddiddordeb mewn unrhyw eitem ar y rhaglen a allai ymwneud â gwaith ei ferch yn yr Adran Cynllunio a Gwasanaethau Amgylcheddol.

2

CYHOEDDIADAU

Cydymdeimlodd yr Is-Gadeirydd gyda'r aelodau a'r staff a oedd wedi cael profedigaeth.

Llongyfarchwyd y staff a ganlyn ar ennill graddau M.A.:-

Anwen Davies (Adran Tai a Gwasanaethau Cymdeithasol)

Liz Jones (Adran Tai a Gwasanaethau Cymdeithasol)

Barbara Williams (Adran Tai a Gwasanaethau Cymdeithasol)

Nicola Day (Adran Priffyrdd, Trafnidiaeth ac Eiddo)

Rhian Hughes (Adran y Rheolwr-gyfarwyddwr)

Meirion Edwards (Yr Adran Gynllunio a'r Amgylchedd)

Dywedwyd bod Mr. Thomas Edwards (Yr Adran Priffyrdd, Trafnidiaeth ac Eiddo) wedi derbyn gwobr yr Arholwyr Allanol am y myfyriwr Lefel 1 gorau ar gwrs Rheoli Stadau ym Mhrifysgol John Moores, Lerpwl.

Dymunwyd yn dda i'r Cynghorydd Dennis Hadley a fydd, gyda phump o rai eraill, yn rhwyfo o gwmpas arfordir Ynys Môn gan ddechrau ar 19 Gorffennaf a chwblhau'r daith cyn pen 24 awr.  Roeddynt yn codi arian 'Row for Dough' i brynu offer chwaraeon i bobl ifanc sy'n bwriadu cystadlu yng Ngemau'r Ynysoedd 2009.

Dymunwyd yn dda i Mick McConville o Gaergybi a fydd yn rhan o Dîm Saethu Colomennod Clai Cymru ym Mhencampwriaethau'r Byd ar 15 - 17 Gorffennaf.

Llongyfarchwyd y rhai a ganlyn :-

Rhys Jones (17 oed) o Dalwrn ar fod yn Bencampwr Ieuenctid Prydain yng nghyfarfod diweddar Cymdeithas Saethyddiaeth Genedlaethol Prydain.

Andrew Goswell o Glwb Codi Pwysau Caergybi ar ennill Medalau Aur, Arian ac Efydd ym Mhencampwriaethau'r Gymanwlad ym Malta.  

Erbyn diwedd yr wythnos roedd y Cynghorydd Keith Thomas yn mynd i'r ysbyty a dymunodd yr aelodau yn dda iddo.

Wedyn cyhoeddodd Arweinydd y Cyngor ei fwriad i sefydlu Panel Adolygu Gweithdrefnau gyda  chydbwysedd gwleidyddol.  

3

CYNLLUN GWELLA 2004/2005

Cyflwynwyd - adroddiad gan y Pennaeth Gwasanaeth (Polisi) ar y pwnc uchod.

Dywedwyd bod raid i bob un o'r 22 Cyngor Unedol yng Nghymru, trwy gyfraith, gynhyrchu Cynllun Gwella bob blwyddyn a nodi yn y cynllun hwnnw amcanion, blaenoriaethau, targedau gwella a gwybodaeth am berfformiad.  

Ynghlwm wrth yr adroddiad hwn roedd atodiad - un a gyflwynwyd i'r Pwyllgor hwn, ac a oedd wedi'i gyflwyno i'r Pwyllgor Gwaith ar 18 Mai 2004 ac a aeth wedyn i'r Cyngor Sir ar 27 Mai pan benderfynwyd:-

"     a.     'derbyn yr amserlen  ddiwygiedig ar gyfer cynhyrchu'r Cynllun Gwella;

b.     rhoi awdurdod i'r Cyfarwyddwr Corfforaethol - Priffyrdd, Trafnidiaeth ac Eiddo, mewn ymgynghoriad gyda'r Arweinydd, i barhau a bwrw ymlaen gyda'r gwaith o gwblhau'r Cynllun Gwella.

c.     bod y Cyngor yn derbyn a mabwysiadu'r Fframwaith Cynllunio Corfforaethol.  

ch.     dan y pennawd 'Gwella trwy Adfywio Cymunedau' yn Atodiad 2 y Fframwaith Cynllunio Corfforaethol y cyfeirir ato uchod, newid y frawddeg olaf i ddarllen fel a ganlyn:-

     'Datblygu diwylliannau a diogelu'r Iaith Gymraeg mewn cymunedau.'

d.     bod ymateb y Cyngor  i'r Asesiad Gwella Corfforaethol (AGC) yn cael ei ymgorffori yn y Cynllun Gwella.

dd.     derbyn y Fframwaith Rheoli Perfformiad (Atodiad 3 yr adroddiad i'r Pwyllgor hwn) mewn egwyddor  yn amodol ar ddatblygu ymhellach ac egluro'r cyfrifoldebau ar lefel Gorfforaethol a lefel Gwasanaeth.

e.     nodi y bydd adroddiad pellach ar Gytundebau Polisi yn cael eu cyflwyno i'r Pwyllgor Gwaith yn gynnar ym mis Gorffennaf 2004."

Yn ei gyfarfod ar 5 Gorffennaf, 2004 rhoes y Pwyllgor Gwaith newydd ragor o sylw i'r fersiwn ddrafft o'r Cynllun Gwella ar gyfer 2004/2005 a phenderfynu fel a ganlyn:-

Ÿ

Argymell i'r Cyngor Sir ei fod yn ailgadarnhau y penderfyniad a wnaed ganddo ar 27 Mai 2004 ynghylch paratoi'r Cynllun fel y manylir ar hynny ym mharagraffau 1-6 fel y cânt eu cynnwys dan baragraff 1.2 yr adroddiad i'r Pwyllgor hwn.

Ÿ

Nodi y bydd y Cynllun Drafft yn cael ei gyflwyno i'r Cyngor Sir ar 13 Gorffennaf 2004.

Ÿ

Rhoddi'r awdurdod i'r Arweinydd ac i'r Aelod Portffolio (Staff, Polisi a Pherfformiad) i benderfynu ar yr aelodau etholedig a fydd yn gwasanaethu ar y Panel Rheoli Perfformiad.

3.1

cadarnhau penderfyniad y Pwyllgor Gwaith ar 5 Gorffennaf, 2004.

3.2

rhoi'r awdurdod i Arweinydd y Cyngor, y Deilydd Portffolio (Personel, Polisi a Pherfformiad) a'r Cyfarwyddwr Corfforaethol (Priffyrdd, Trafnidiaeth ac Eiddo) symud ymlaen gyda'r Cynllun Gwella.

4

CYNLLUN LWFANSAU CADEIRYDD AC IS-GADEIRYDD Y CYNGOR

Cyflwynwyd - adroddiad y Cyfarwyddwr Corfforaethol (Cyllid) ar arolwg o'r lwfansau a delir i Gadeirydd ac Is-Gadeirydd y Cyngor Sir.

Dywedwyd bod y ddau lwfans yn cael eu talu dan Adrannau 22 a 24 Deddf Llywodraeth Leol 1972 ac yn hynny o beth yn wahanol i'r lwfansau eraill a delir i aelodau.

Hyd at 2000, talwyd lwfansau £4,000 i'r Cadeirydd a £1,500 i'r Is-Gadeirydd.  Yn dilyn trafodaeth ym Mhwyllgorau Gwaith 27 Mawrth a 17 Ebrill 2000, lleihawyd y cyfraddau hyn i £3,000 i'r Cadeirydd a £1,000 i'r Is-Gadeirydd.  Nid oedd yr arolwg gan y Cynulliad Cenedlaethol yn 2002 yn cael unrhyw effaith ar y cyfraddau hyn ac eithrio i'r graddau bod mynegeio i gydfynd â chwyddiant wedi'i gyflwyno yn achos y lwfansau hyn a hefyd y rhai eraill.

Ar ôl codi'r lwfansau i gyd-fynd â chwyddiant talwyd £3,068 i'r Cadeirydd a £1,023 i'r Is-Gadeirydd yn 2003/04.  

Roedd y rhain yn lwfansau trethadwy a'r bwriad oedd ad-dalu'r sawl sydd yn y swyddi am gostau fyddai fel arfer yn drethadwy.

Roedd costau eraill yn gysylltiedig gyda dyletswyddau dinesig Cadeirydd y Cyngor.  Roedd gan y Cyngor "Gronfa i'r Cadeirydd", sydd, yn ôl traddodiad ac arfer, wedi bod ar gael i Gadeirydd y Cyngor i gefnogi achosion haeddiannol yn ôl ei ddisgresiwn.  Rhoes y Cyngor y gorau i dalu arian o'r fath yn uniongyrchol i'r Cadeirydd rai blynyddoedd yn ôl.  Hefyd roedd y gyllideb "Ddinesig a Seremonïol" yn cwrdd â chostau'r swyddogaethau dinesig.

Fel rhan o'r adroddiad i'r Cyngor amgaewyd arolwg a gynhaliwyd yn ddiweddar gan Gyngor Sir Caergrawnt o Lwfansau'r Maer a'r Dirprwy Faer.  Yng Nghymru roedd y wybodaeth a gafwyd gan y rhan fwyaf o'r awdurdodau yn dangos bod y lwfansau yn amrywio ond ar y cyfan yn uwch na'r lwfansau a dalwyd gan awdurdodau Lloegr, gyda'r Maer/Cadeirydd yn derbyn lwfans oddeutu £9,000 ar gyfartaledd.  Roedd lwfans Ynys Môn yn un o'r rhai isaf yng Nghymru.

Petai'r Cyngor yn dymuno codi'r lwfans i'r Cadeirydd a'r Is-Gadeirydd buasai'n rhaid cadw mewn cof mai dim ond i gwrdd â threuliau'r swydd y gellid yn statudol awdurdodi'r fath daliadau ac roedd y rhan fwyaf o'r treuliau yn cael eu talu'n uniongyrchol gan y Cyngor.    'Doedd gan y Cyfarwyddwr Corfforaethol ddim tystiolaeth o dreuliau uniongyrchol y Cadeirydd a'r Is-Gadeirydd a rhoes gyngor yn erbyn caniatáu cynnydd sylweddol yn y lwfans oni bai bod tystiolaeth ar gael i gefnogi hynny.  

Fodd bynnag, petai'r Cyngor yn dymuno codi'r lwfans er mwyn ad-dalu'r Cadeirydd a'r Is-Gadeirydd am eu hamser a'u cyfrifoldeb y ffordd iawn o wneud hynny fyddai talu lwfans cyfrifoldeb arbennig hefyd.  Byddai hwnnw wedyn yn cyfrif yn erbyn uchafswm nifer y Lwfansau Cyfrifoldeb Arbennig ac efallai yn arwain at ddileu Lwfansau Cyfrifoldeb Arbennig eraill dan y cynllun.  Buasai'n rhaid adlewyrchu costau unrhyw newidiadau yn y Gyllideb Lwfansau Aelodau.  Roedd "trosiant" 2004-05 yn debygol o gynnwys hyn yn y gyllideb ond buasai'n rhaid ei chynyddu yn y dyfodol.

O'r herwydd rhoes y Cyfarwyddwr Corfforaethol wahoddiad i'r Cyngor ystyried y materion a ganlyn:-

Ÿ

symiau diwygiedig i'r ddau lwfans;

Ÿ

a ddylid ôl-ddyddio'r taliad i ddyddiad cyfarfod blynyddol y Cyngor;

Ÿ

a ddylid mynegeio'r lwfansau yn y dyfodol yn yr un ffordd â'r lwfansau cyfrifoldeb arbennig.

Ÿ

Neilltuo £5,000 a £2,000 i Gadeirydd ac Is-Gadeirydd y Cyngor Sir

Ÿ

Y buasai'r ffigyrau hyn yn cael eu cyflwyno o ddyddiad y cyfarfod cyffredinol blynyddol ar 24 Mehefin 2004 a'u mynegeio yn yr un ffordd â'r lwfansau sylfaenol yn y dyfodol.

5

PWYLLGOR SAFONAU -  AELODAETH

PENDERFYNWYD

5.1

gohirio ystyried yr eitem hon

5.2

nodi y bydd y Panel Adolygu Gweithdrefnau a sefydlwyd yn delio gyda'r eitem hon yn y man ac wedi hynny'n cyflwyno adroddiad i'r Cyngor llawn.

Daeth y cyfarfod i ben am 3.20 p.m.

Y CYNGHORYDD J. BYAST