Cyngor Sir Ynys Môn dogfennau , 13 Medi 2011

Agorir y cyfarfod gyda gweddi gan y Cynghorydd E G Davies

Rhaglen

Cyflwyniadau

(i) Y Cadeirydd ar ran y Cyngor i estyn croeso cynnes i'r Henadur Mrs M A Edwards MBE, cyn aelod o Gyngor Rhanbarth Gwledig Aethwy a Chyngor Bwrdeistref Ynys Môn ar achlysur dathlu ei phen-blwydd yn 100 oed ar 2 Awst 2011.

(ii) Bydd y Cadeirydd yn cyflwyno gwobrau i Aelodau'r Tîm llwyddiannus o Ynys Môn gymerodd ran yn ddiweddar yng Ngemau'r Ynysoedd ar Ynys Wyth.

(iii) Ceir cyflwyniad gan Mr Howard Davies, Prif Weithredwr, Cymdeithas Genedlaethol yr Ardaloedd o Harddwch Naturiol Eithriadol.
Bydd cyfle hefyd i'r aelodau gael sesiwn cwestiwn ac ateb yn dilyn y cyflwyniad.

1. Cofnodion

Cyflwyno i'w cadarnhau ac i'w llofnodi, gofnodion y cyfarfodydd o'r Cyngor Sir a gynhaliwyd ar y dyddiadau canlynol:

• 12 Mai, 2011 (Papur A)
• 12 Mai, 2011 (Cyfarfod Blynyddol) (Papur B)
• 9 Mehefin 2011 (Arbennig) (Papur C)
• 13 Gorffennaf 2011 (Arbennig) (Papur CH)
• 8 Awst 2011 (Arbennig) (Papur D)

2. Datganiad o ddiddordeb

Derbyn unrhyw ddatganiad gan unrhyw Aelod neu Swyddog yng nghyswllt unrhyw eitem o fusnes.

3. Derbyn unrhyw ddatganiadau gan y Cadeirydd, Arweinydd y Cyngor, Bwrdd Comisiynwyr neu Bennaeth y Gwasanaeth Tâl

4. Adroddiad Cynnydd Chwarter Cyntaf y Bwrdd Comisiynwyr

(a) Cyflwyniad gan y Comisiynydd Alex Aldridge.
(Adroddiad wedi'i gylchredeg eisoes i aelodau ac ar gael yma)

(b) Cyflwyno ymateb Carl Sargeant AC, Gweinidog Llywodraeth Leol a Chymunedau Llywodraeth Cymru i'r adroddiad.
(Papur DD)

5. Cyflwyno deisebau

Derbyn unrhyw ddeiseb yn unol â Pharagraff 4.1.11 y Cyfansoddiad.

6. Newidiadau i Gyfansoddiad y Cyngor

(Noder: Gweinidogion Cymru sy'n gyfrifol am gymeradwyo newidiadau i Gyfansoddiad y Cyngor a byddir yn ceisio eu cymeradwyaeth i'r newidiadau hyn, ond gofynnir i'r Cyngor gymeradwyo'r argymhellion y cyfeirir atynt yn 6.1 a 6.2 isod.)

6.1 Rheolau Gweithdrefn y Gyllideb

(a) Adrodd i'r Bwrdd Comisiynwyr yn ei gyfarfod ar 25 Gorffennaf 2011 benderfynu fel a ganlyn:

“Argymell i'r Cyngor Sir a Gweinidogion Cymru eu bod yn derbyn y newidiadau yn Atodiad 4 o reolau gweithdrefn y gyllideb a chymeradwyo eu hychwanegiad i Gyfansoddiad y Cyngor yn 4.3 ac i awdurdodi Swyddogion i wneud unrhyw newidiadau dilyniadol i'r Cyfansoddiad;”
Cyflwyno Atodiad 4 adroddiad y Cyfarwyddwr Corfforaethol (Cyllid) fel y'i cyflwynwyd i'r Bwrdd Comisiynwyr ar 25 Gorffennaf 2011.
(Papur E)

6.2 Mesur Llywodraeth Leol 2011 a chyfethol Aelodau Lleyg

(a) Adrodd bod y Bwrdd Comisiynwyr yn ei gyfarfod ar 5 Medi 2011 wedi penderfynu argymell i'r Cyngor Sir ac i Weinidogion Cymru fel a ganlyn:

• “Eu bod yn cymeradwyo'r newidiadau i'r Cyfansoddiad fel a nodir yn yr Atodiad i'r adroddiad gyda'r amod bod y dirprwyo cyfredol o dan 3.4.8.1(xi) yn parhau'n effeithiol trwy gydol 2011, ac i awdurdodi Swyddogion i wneud unrhyw newidiadau dilyniadol i'r Cyfansoddiad;
• Ei fod yn dirprwyo'r broses o benodi Aelodau Lleyg i'r Cynghorwyr sy'n Aelodau o'r Pwyllgor Archwilio.
• Bod yr hysbyseb a'r rhestr hir ar gyfer ceisiadau'r aelodau lleyg yn cael eu trefnu gan Adnoddau Dynol a bod y broses yn adlewyrchu arferion da mewn prosesau recriwtio fel y gall Cyllid ac Adnoddau Dynol ddarparu rhestr fer gytunedig o ymgeiswyr addas i'w penodi i'r Pwyllgor Archwilio.”

(b) Cyflwyno adroddiad y Cyfarwyddwr Corfforaethol (Cyllid)
(Papur F)

7. Adroddiad Blynyddol Drafft Panel Annibynnol Cymru ar Gydnabyddiaeth Ariannol - Rhagfyr 2011

(a) Adrodd i'r Bwrdd Comisiynwyr yn ei gyfarfod ar 5 Medi 2011 yn dilyn ystyried yr uchod, benderfynu “bod y mater yn cael ei gyfeirio'n ôl i'r Cyngor Sir i'w ystyried a bod awdurdod yn cael ei roddi yn y cyfamser i'r Prif Weithredwr a'r Cyfarwyddwr Corfforaethol (Cyllid) ymgynghori ymhellach gydag arweinwyr y grwpiau i baratoi ymateb i'r ymgynghoriad.”

(b) Cyflwyno adroddiad y Cyfarwyddwr Corfforaethol (Cyllid) fel y'i cyflwynwyd i'r Bwrdd Comisiynwyr ar 5 Medi 2011.
(Papur 'FF')

8. Eithriad i'r Rheolau Gweithdrefn Contract mewn perthynas â'r gwaith arfaethedig ar y Gofeb, Caergybi

Yn unol â pharagraff 4.5.16.10 o Gyfansoddiad y Cyngor, cyflwyno, er gwybodaeth, adroddiad y Pennaeth Gwasanaeth (Cynllunio a Gwarchod y Cyhoedd).
(Papur G)

[Noder: Ymdriniwyd â'r mater hwn fel mater brys yng nghyfarfod y Bwrdd Comisiynwyr ar 25 Gorffennaf 2011. Mae'r Cyfansoddiad yn dweud bod yn rhaid i benderfyniadau a gymerwyd fel mater o frys gael eu hadrodd yn ôl i'r cyfarfod nesaf o'r Cyngor i roi'r rhesymau am y brys].

9. Adroddiad Blynyddol Rheoli'r Trysorlys 2010/11

Cyflwyno adroddiad y Cyfarwyddwr Corfforaethol (Cyllid).
(Papur NG)

10. Cytundeb Darparu CDLl ar y Cyd

Cyflwyno adroddiad y Pennaeth Gwasanaeth (Cynllunio a Gwarchod y Cyhoedd)
(Papur H) Dogfen ar wahân

11. Caniatáu Statws Rhyddfraint i Gatrawd Frenhinol Cymru

Cyflwyno adroddiad gan y Pennaeth Gwasanaeth (Polisi).
(Papur I)

12. Adroddiad gan Ombwdsmon Gwasanaethau Cyhoeddus Cymru

(a) Ystyried diddordeb cyhoeddus ryddhawyd ar 29 Mehefin 2011 gan Ombwdsmon Gwasanaethau Cyhoeddus Cymru yn dilyn ymchwiliad i gŵyn o gamweinyddu yn erbyn y Cyngor. (Cyfeirnod Achos yr Ombwdsmon 200902138).

(b) Cyflwyno adroddiad y Prif Weithredwr.
(Papur L)

13. Dirprwyo

Bydd y Prif Weithredwr yn cyflwyno er gwybodaeth, adroddiad yn nodi unrhyw newidiadau i'r cynllun dirprwyo mewn perthynas â swyddogaethau Gweithredol wnaed gan y Comisiynwyr ers y cyfarfod Cyffredin diwethaf (Rheol 4.4.1.4 y Cyfansoddiad yng nghyswllt Rheolau Gweithdrefn)
(Papur LL)

14. Awdurdod Tân ac Achub Gogledd Cymru

Derbyn adroddiad llafar gan y Cynghorydd Aled Morris Jones, un o gynrychiolwyr y Cyngor hwn ar Awdurdod Tân ac Achub Gogledd Cymru, ar gyfarfodydd a gynhaliwyd gan yr Awdurdod hwnnw rhwng 1 Mai 2011 a 31 Awst 2011.

15. Awdurdod Heddlu Gogledd Cymru

Derbyn adroddiad llafar gan y Cynghorydd P. S. Rogers, cynrychiolydd y Cyngor hwn ar Awdurdod Heddlu Gogledd Cymru, ar gyfarfodydd a gynhaliwyd gan yr Awdurdod hwnnw rhwng 1 Mai a 31 Awst 2011.