Cyngor Sir Ynys Môn dogfennau , 15 Chwefror 2007

Agorwyd y cyfarfod gyda gweddi gan y Cynghorydd Eurfryn G.Davies.

1

DATGANIAD O DDIDDORDEB

Gofynnodd y Cadeirydd i’r Cyfreithiwr annerch yr Aelodau ynglyn â’u gorfodaeth i Ddatgan Diddordeb. Dywedodd y Cyfreithiwr fod gan yr Aelodau hynny sydd yn Aelodau o Gyd Bwyllgor Cwmni Gwastraff Môn Arfon  ddiddordeb i’w ddatgan o dan baragraff 5.1.3.3 o’r Cod ymddygiad i Aelodau gan eu bod wedi eu penodi yn Aelodau o Gorff gan yr Awdurdod ac felly o dan baragraff 5.1.3.7.(i) mae’n rhaid i Aelod gyda diddordeb ddatgan y diddordeb hwnnw ar y cychwyn. Mae’n rhydd i’r Aelodau aros yn y cyfarfod i drafod y mater ond ni allant bleidleisio ar y mater. Cyn i’r bleidlais gael ei chymeryd, rhaid i unrhyw Aelod sydd wedi datgan diddordeb adael y cyfarfod. Bydd hyn yn cael ei gofnodi.  Yn unol â’r cyfarwyddyd, bu i’r Cynghorydd Eurfryn Davies, P.M.Fowlie, R.Llewelyn Jones, J.Arthur Jones, R.G.Parry OBE, John Roberts a John Williams ddatgan diddordeb gan eu bod yn aelodau o Gyd-Bwyllgor Cwmni Gwastraff Môn Arfon.

2

DERBYN DATGANIADAU GAN Y CADEIRYDD, ARWEINYDD, AEODAU'R PWYLLGOR GWAITH NEU BENNAETH Y GWASANAETHAU TÂL

Croesawodd y Cadeirydd y Cynghorydd Eric Jones, Aelod wedi ei benodi i gynrychioli Llanfihangel Ysceifiog, i’w gyfarfod cyntaf fel Cynghorydd a dymunodd yn dda iddo i’r dyfodol.

Mynegwyd cydymdeimlad â’r Cynghorydd R.L.Owen ar ei brofedigaeth diweddar o golli ei chwaer a gyda’r Cynghorydd P.M.Fowlie, yntau wedi colli ei nain yn ddiweddar. Diolchodd y ddau Aelod i’r Cadeirydd ac i’r Aelodau am eu llythyrau a’u negeseuon o gydymdeimlad. Yn ogystal, dyweddodd y Cadeirydd fod Ms June Williams, Adran y Rheolwr Gyfarwyddwr, wedi colli ei thad a bod Mrs Eileen Ann Thomas wedi colli ei gwr, Mr John Thomas.

Safodd yr Aelodau fel arwydd o barch tuag at bawb a oedd wedi dioddef profedigaeth.

“Dan Adran 100(A)(4) Deddf Llywodraeth Leol 1974, cauwyd allan y wasg a’r cyhoedd o’r cyfarfod yn ystod y drafodaeth ar yr eitem a ganlyn oherwydd y cafodd gwybodaeth ei rhyddhau a honno’n wybodaeth y gwna Paragraffau 7,8,9 Atodlen 12A y  Ddeddf eithriad ohoni. “

Cyflwynwyd a derbyniwyd - gopi o adroddiad gan KPMG fel a gyflwynwyd i Gyd-Bwyllgor Gwmni Gwastraff Mon Arfon a gynhaliwyd ar 9 Chwefror 2007 ynghyd â’r penderfyniad yn deillio o gyfarfod y Cwmni Gwastraff Môn Arfon gynhaliwyd ar 9 Chwefror 2007.

Dywedodd Cadeirydd Cwmni Gwastraff Môn Arfon wrth yr Aelodau mai pwrpas y cyfarfod o’r Cyngor oedd i ddiweddaru Aelodau ar y sefyllfa bresennol ac i ofyn eu caniatâd i barhau gyda thrafodaethau gyda KPMG. Pwysleisiodd nad oedd disgwyliad ar i aelodau ddod i  benderfyniad terfynol yn y cyfarfod ac y byddai cyfarfod pellach o’r Cyngor Sir yn cael ei alw unwaith y byddai’r holl wybodaeth berthnasol i law.

Rhoddwyd cyfle i’r Aelodau holi Cadeirydd y Cyd-Bwyllgor, Y Cyfarwyddwr Corfforaethol Cyllid a’r Cyfarwyddwr Corfforaethol (Amgylcheddol a Thechnegol) ac i fynegi eu barn ynglyn â’r sefyllfa bresennol.

4.1

  derbyn adroddiad KPMG;

4.2

  awdurdodi Cyd-Bwyllgor Cwmni Gwastraff Môn Arfon i symud ymlaen gyda’r trafodaethau ac y byddai adroddiad manwl, ynghyd â chynllun bwriad pum mlynedd yn cael ei eu cyflwyno i’r Cyngor Sir maes o law;

4.3

pe byddai angen, y byddai cyfarfod arbennig o’r Cyngor Sir yn cael ei alw i alluogi symud ymlaen gyda’r mater.