Cyngor Sir Ynys Môn dogfennau , 20 Ionawr 2010

1

DATGANIAD O DDIDDORDEB

Dim i’w ddatgan.

2

CAIS CYNLLUNIO RHIF 19C599X/ECON - CAIS LLAWN i YMESTYN Y STÔR ADWERTHU BRESENNOL, LLUNIO LLAWR MEZZANINE, CODI DEC PARCIO CEIR, FFURFIO MAES PARCIO STAFF A GWAITH ALTRO I’R FYNEDFA i GERBYDAU A CHERDDWYR YN SIOP TESCO, STAD DDIWYDIANNOLL, PENRHOS, CAERGYBI

Cafwyd cyfarfod o’r Aelodau a’r Swyddogion ar y safle a rhoddodd yr Arweinydd Tîm Cynllunio fraslun byr o fanylion y cais i’r aelodau.  Cyfeiriwyd yn arbennig at leoliad maes parcio oedd i’w godi i fyny ar ddec a darparu ffens acwstig 2m ar hyd rhan o’r terfyn gyda’r eiddo preswyl oedd ger y safle er mwyn lleddfu rhai o’r pryderon oedd yn cael eu codi.

Cyfeiriwyd hefyd at le croesi i gerddwyr ar Ffordd Cyttir i helpu cerddwyr ddod i’r siop o ardal Kingsland.

Rhoddwyd cyfle i’r aelodau weld y gwelliannau y bwriedir eu gwneud yn y groeslon ar Ffordd Cyttir, Ffordd Llundain er mwyn i draffig ychwanegol fedru llifo’n rhydd i faes parcio’r staff ac ar gyfer ei ddefnyddio fel maes parcio ychwanegol yn ystod y gwaith o greu’r estyniad i’r siop a hefyd i’r maes parcio ar y dec.

3

CAIS CYNLLUNIO RHIF 46C13E/1 - YMGYNGHORI - ADRAN YNNI A NEWID YN YR HINSAWDD - CODI GORSAF BIO-MASS i GYNHYRCHU TRYDAN YNG NGHWAITH PENRHOS, CAERGYBI

Cyfarfu’r Aelodau a’r Swyddogion ar y safle a rhoddodd yr Uchel Swyddog Cynllunio fraslun o fanylion y cais i’r Aelodau a dangosodd hefyd faint y lle oedd yn cael ei fwriadu i’w ddatblygu.

Eglurodd mai rôl y Cyngor Sir yn gyntaf oedd un o ymgynghorwr statudol allweddol, gyda gwahoddiad i gyflwyno sylwadau ac awgrymu amodau ar y cais i’r Ysgrifennydd Gwladol dros Ynni a Newid yn yr Hinsawdd fyddai’n gwneud penderfyniad ar y cais.

Nodwyd pethau fel agosrwydd yr A5, yr effaith ar nodweddion ecolegol o fewn y safle a rhoddwyd copïau i’r aelodau yn dangos sut y byddai’r datblygiad yn edrych ac i’w weld o wahanol lefydd.