|
Y Cynghorydd R.L.Owen (Cadeirydd)
|
Y Cynghorydd Mrs B.Burns (Is-Gadeirydd)
|
Y Cynghorwyr J.Byast, E.G.Davies, J.M.Davies,
J.A.Edwards,
|
David D.Evans, C.L.Everett, P.M.Fowlie, D.R.Hughes, Fflur
Hughes, Dr.J.B.Hughes, R.Lloyd Hughes, Trefor Ll.Hughes,
W.I.Hughes, G.O.Jones, O.Gwyn Jones, Richard Jones, OBE, R.Llewelyn
Jones, W.Emyr Jones, G.O.Parry, MBE, Gwyn Roberts, John Roberts,
J.Arwel Roberts, W.T.Roberts, E.Schofield, Keith Thomas,
G.A.Williams, John Williams, W.J.Williams.
|
|
|
|
|
Cyfarwyddwr Corfforaethol Addysg a Hamdden
|
Cyfarwyddwr Corfforaethol Cyllid
|
Cyfarwyddwr Gwasanaethau Cyfreithiol/Swyddog
Monitro
|
Pennaeth Gwasanaeth (Hamdden a Chymuned)
|
Rheolwr Parciau a Maesydd (MO)
|
|
|
|
|
Y Cynghorwyr W.J.Chorlton, R.J.Jones, Rhian Medi,
R.G.Parry, OBE, G.W.Roberts, OBE, G.Allan Roberts, John
Rowlands.
|
|
|
|
|
|
|
Adroddodd y Cyfarwyddwr Corfforaethol Addysg a Hamdden fod
yr adroddiad uchod yn ymgorffori safbwynt gorfforaethol ynglyn
â'r ddarpariaeth caeau chwarae yn yr ystyr fod ei gynnwys yn
adlewyrchu'r holl ddidorddebau o ran swyddogion.Yn y cyfarfod hwn
dymunai ganolbwyntio ar rai o'r agweddau pwysicaf ynghlwm wrth y
mater fel a ganlyn:
|
|
|
|
|
2.1
|
Rhoddai'r cyfarfod arbennig hwn o'r Cyngor Sir gyfle i
gymeryd trosolwg o'r ddarpariaeth meysydd chwarae a chyfleusterau
hamdden yng nghyd-destun y sir gyfan yn hytrach nag yng
nghyd-destun ardaloedd unigol.Erbyn hyn roedd yna wybodaeth fanwl
wedi ei choladu ynglyn â phob maes chwarae unigol ar yr Ynys
a byddai'r wybodaeth honno ar gael i'r sawl a fynegai dymuniad i'w
gweld.Roedd y cyfarfod hwn hefyd yn gyfle i danlinellu pwysigrwydd
y cyfleusterau yma ynghyd â'u rôl a'u cyfraniad i fywyd
y gymuned.Bernid fod darparu cyfleusterau addas gogyfer plant a
phobl ifanc yn arwydd o iechyd a ffyniant cymuned, ac mewn hinsawdd
o amddifadedd cymdeithasol ac o ymddygiad gwrth-gymdeithasol,
roedd gwerth y cyfryw gyfleusterau fel cyfrwng i harnesio
diddordebau a gweithgareddau pobl ifanc mewn ffordd gadarnhaol yn
ystyriaeth bwysig iawn.
|
|
|
2.2
|
Bu i'r drafodaeth ynglyn â'r ddarpariaeth meysydd
chwarae godi o bryder a fynegwyd mewn sawl fforwm, gan gynnwys dau
o bwyllgorau craffu'r Cyngor, ynglyn ag ystyriaethau iechyd a
diogelwch ynghlwm wrth gyflwr dirywiedig nifer o feysydd chwarae'r
Ynys.Ysgogwyd y drafodaeth yn wreiddiol gan adroddiad a gynhyrchwyd
gan swyddog o Medrwn Môn ynglyn â chyflwr y
ddarpariaeth meysydd chwarae ym Môn yn sgîl arolwg a
gynhaliwyd gan Tony Chilton, arbenigwr Chwarae Cymru, sef y
sefydliad gogyfer chwarae plant yng Nghymru.Fodd bynnag, gwelwyd
erbyn hyn nad yw'r sefyllfa cynddrwg â'r hyn a gyflewyd gan
arolwg Tony Chilton oherwydd fod y dull arolygu a ddefnyddiodd yn
golygu fod nifer o feysysdd chwarae wedi cael eu condemnio ar
faterion technegol isel.Rhaid cofio hefyd fod arolwg Tony Chilton
wedi cael ei gynnal yn 2000, a bod ei gasgliadau wedi ysbarduno
nifer o gymunedau i edrych yn ofalus ar gyflwr eu meysydd chwarae
ac i roi sylw i'r gwendiadau a amlygwyd, ac i fuddsoddi
ynddynt.
|
|
|
2.3
|
Ers cychwyn y drafodaeth ar y mater hwn ychydig fisoedd yn
ôl, ac mewn paratoad wedyn ar gyfer y drafodaeth yn y Cyngor
Sir, bu i swyddogion y Cyngor gynnal eu harolwg eu hunain o gyflwr
caeau chwarae'r sir er mwyn asesu difrifoldeb y sefyllfa o safbwynt
iechyd a diogelwch ynghyd â statws perchnogaeth a rheolaeth
pob un.Er y canfuwyd nad oedd y sefyllfa mor ddifrifol ag y tybiwyd
yn wreiddiol, roedd yna sefyllfaoedd a oedd yn peri risg, ac yn yr
amgylchiadau hynny, cymerwyd camau i weithredu i ddileu'r perygl.Un
o'r prif resymau dros i'r Cyngor weithredu a chymryd y camau
ymyrrol hyn i wella'r sefyllfa oedd yr ystyriaethau iechyd a
diogewlch a chyfrifoldeb lletach y Cyngor i warchod ac i hyrwyddo
lles y gymuned gyfan.Tra bod disgwyl i gyrff sy'n rheoli meysydd
chwarae gynnal archwiliad proffesiynol o'r offer, a'i gynnal a'i
gadw mewn safon derbyniol, roedd y gofyn bellach yn fwy na mater o
gynnal archwiliad blynyddol.Roedd angen goruchwyliaeth wythnosol ar
y safleoedd, nid yn unig i fwrw trosolwg dros gyflwr yr offer, ond
hefyd i sicrhau fod y safle yn ddiogel i blant chwarae
ynddo.
|
|
|
2.4
|
Mae gan y Cyngor, drwy'r adrannau Hamdden ac Eiddo yr
arbenigedd i gynnig arweiniad i gymunedau ar faterion diogelwch ac
addasrwydd offer a chyfarpar i gyfarfod ag anghenion plant a phobl
ifanc.Mae'r Cyngor yn ymwybodol hefyd fod rhai o'r cynghorau
cymuned llai yn ei chael yn gynyddol anos i gael mynediad at y math
o arbenigedd y mae ei angen i gynnal archwiliadau trwyadl o
gyfarpar meysydd chwarae.Fodd bynnag, o gymryd cyfrifoldeb
strategol dros arwain ar y mater hwn, bydd angen sicrhau fod
adnoddau ychwanegol ar gael i gyfateb i'r cyfrifoldeb
hwnnw.
|
|
|
2.5
|
Rhoddai'r adolygiad hwn gyfle i'r Cyngor yn ogystal i
edrych ar y darlun tymor hir ac i ystyried sut y byddid yn
dymuno gweld datblygu adnodd cymunedol mor werthfawr.Rhaid
iddo bwyso a mesur a yw'r cyfarpar presennol bellach yn ateb
gofynion plant a phobl ifanc o'u blynyddoedd cynnar hyd at eu
harddegau, a pha fath gyfleusterau fyddai yn diwallu sbectrwm eang
eu dymuniadau a'u hanghenion.Credir fod yma gyfle i sefydlu
partneriaeth weithredol effeithiol rhwng y Cyngor Sir, y cynghorau
tref a chymuned a'r sector wirfoddol nid yn unig at ddiben
uwchraddio cyfarpar ond i gynhyrchu gweledigaeth ddeinamig ar gyfer
y dyfodol.Mae all-lif cynyddol y boblogaeth ifanc o Fôn wedi
bod yn un o themau cyson trafodaethau'r Cyngor yn ddiweddar a rhaid
iddo ofyn i ba raddau mae diffyg cyfleusterau yn cyflyrru meddyliau
pobl ifanc i ymadael â'r Ynys.
|
|
|
2.6
|
Yn wyneb y dystiolaeth a gyflwynwyd o sawl cyfeiriad
ynglyn â chyflwr meysydd chwarae'r Ynys, cydnabyddir y bydd
angen buddsoddiad cyfalaf sylweddol i'w codi i safonau
cydnabyddedig, a bydd sicrhau'r cyllid hwn yn fater o flaenoriaethu
ac o ganfod beth sydd ar gael o ffynonellau tu allan i'r rhai
arferol.Bydd y dasg hon gymaint rhwyddach o sefydlu partneriaeth
gadarn, egniol a brwd all ddenu incwm i mewn ac all ddwyn
perswâd ar gyrff cyllido allanol fod y datblygiad hwn yn
flaenoriaeth gymunedol wirioneddol.At hynny, bydd angen yn y lle
cyntaf i adnabod cyllid ar gyfer sefydlu a chynnal y Bartneriaeth
arfaethedig ac i sefydlu hefyd, Grwp Llywio i lunio cynllun
strategol i ymgynghori arno.Rhaid cytuno hefyd ar yr egwyddor o
gael swyddog datblygu i fynd â'r gwaith yn ei flaen a'i
gyd-gordio, a swyddogion goruchwylio i sicrhau fod holl offer a
chyflwr caeau chwarae'r Ynys mewn cyflwr derbyniol.Heb y mewnbwn
arbenigol yma, ni fydd modd gwireddu'r weledigaeth. Mae'r
argymhellion a gynhwysir yn yr adroddiad yn adlewyrchu'r gofynion
hyn, ac isod rhoddir amlinelliad bras o’r hyn y rhagwelir y
bydd costau refeniw’r cyfryw ofynion:
|
|
|
|
|
2.7.1
|
Gweinyddu’r Bartneriaeth
|
|
|
|
(cyfarfod a chostau cynnal a chefnogi’r Grwp Llywio)
£5,000
|
|
|
2.7.2
|
Swyddog Datblygu Rhan-amser
|
|
|
|
Costau swydd (SO1 + on-cost x 0.5)
|
|
|
|
|
2.7.3
|
Swyddi Goruchwylwyr Meysydd Chwarae
|
|
|
|
|
|
Costau swydd (APT Gr 4 + on-costs x 2)
|
|
|
|
Costau Teithio (cyfalaf 2 fan gwaith a
thanwydd)
|
|
|
|
Cost cyfarpar ac offer
£50,000
|
|
|
|
Bu i’r Cyfarwyddwr Corfforaethol Priffyrdd,
Trafnidiaeth ac Eiddo ychwanegu’r sylwadau a ganlyn ynglyn
â’r mater:
|
|
|
|
|
2.8
|
Rhaid i’r Cyngor ymagweddu’n gadarnahol tuag
at ddatrys y mater hwn a phenderfynu cymryd camau gweithredol
rhagblaen i fynd i’r afael ag ef fel na fydd rhaid ail ymweld
â’r mater yn y fath ffordd mewn ychydig o
flynyddoedd.Er mwyn gwneud hynny mae’n allweddol llunio
strategaeth gadarn ac ymrwymo adnoddau digonol i gynnal a
chefnogi’r strategaeth honno.
|
|
|
2.9
|
Rhagwelai y byddai’r strategaeth yn seiliedig ar 4
brif pennawd, sef ;
|
|
|
|
|
2.9.1
|
Sefydlu diffiniad manwl a chlir o rôl a
chyfrifoldebau
|
|
|
2.9.2
|
Sicrhau fod yna berchnogaeth leol o’r
ddarpariaeth
|
|
|
2.9.3
|
Darparu cefnogaeth o ran arbenigedd
|
|
|
2.9.4
|
Darparu’r adnoddau dynol priodol i alluogi cynnal y
gefnogaeth a’r arbenigedd.Rhaid cael ymrwymiad i roi’r
adnoddau cyllidol a staffio angenrheidiol i mewn er mwyn
sicrhau’r weledigaeth a ddaw o'r strategaeth.
|
|
|
|
|
|
Bu i aelodau’r Cyngor ymateb fel a ganlyn i’r
adroddiad uchod:
|
|
|
|
|
2.10
|
Croesawyd yr adroddiad uchod ynghyd â’r
cysyniad o fynd i bartneriaeth gyda chynghorau tref a chymuned
a’r sector wirfoddol i sefydlu darpariaeth chwarae o ansawdd
gogyfer plant yr Ynys.Nodwyd fod nifer o’r cynghorau llai yn
ei chael yn gynyddol anodd a beichus i ysgwyddo’r
cyfrifoldebau am gynnal a chadw’r ddarpariaeth meysydd
chwarae, a lle roedd cyngor tref neu chymuned yn mynegi dymuniad i
uwchraddio’r cyfarpar, roedd yn aml yn wynebu anhawster i
gael mynediad at y fath o adnoddau roedd eu hangen i gyflawni
hynny. Cytunwyd fod angen mewnbwn cefnogol, arbenigol a strategol
o’r canol i alluogi cymunedau i gymryd perchnogaeth dros y
ddarpariaeth, a’i chynnal yn y dyfodol.Fodd bynnag,
tra’n cydnabod pwysigrwydd strategaeth o’r fath i fynd
â’r mater hwn yn ei flaen, nodwyd fod gofyn ymatal rhag
bod yn rhy uchelgeisiol, ac osgoi llunio strategaeth gorymestynnol
na all wedyn gyflawni’r hyn mae’n ei addo.
|
|
|
2.11
|
Roedd consensws ynglyn â’r pwysigrywdd o
ymagweddu’n gyfartal tuag at bob ardal a chymuned yn hyn o
beth, ac na ddylid cosbi’r cymunedau hynny sydd eisoes wedi
gweithredu i wella’r ddarpariaeth, nac ychwaith y cymunedau
hynny sydd yn derbyn cymorth am eu bod eisoes wedi eu
hadnabod a’u dynodi yn ardaloedd difreintiedig.
|
|
|
2.12
|
Nodwyd ei bod yn hanfodol bwysig bod unrhyw ddarpariaeth
yn adlewyrchu dymuniadau a dyheadau plant a phobl ifanc yr Ynys, ac
na ddylai adlewyrchu gweledigaeth unffurf y Cyngor a’i
swyddogion.Awgrymwyd fod unrhyw gynlluniau gwella felly yn amodol
ar ymgynghori gyda phlant a phobl ifanc ynglyn â‘u
dymuniadau.
|
|
|
2.13
|
Tra’n derbyn fod llwyddiant unrhyw gynlluniau i
wella cyflwr meysydd chwarae’r Ynys yn ddibynnol ar fewnbwn
arbenigol ac ar staff cymwysiedig, mynegwyd anesmythdod ynglyn
â chyflogi staff o’r newydd, ac awgrymwyd y
dylai’r swyddogion yr arfaethir eu cyflogi fod ar gyflogres y
Cyngor neu Medrwn Môn.
|
|
|
2.14
|
Cyfeiriwyd at bolisi chwarae Llywodraeth Cynulliad Cymru a
nodwyd y deëllir o ymatebion i gwestiynau a ofynnwyd ar lawr y
Cynulliad fod swm gwerth £800,000 eisoes wedi ei ddyrannu i
Ynys Môn gogyfer dibenion chwarae plant yn ogystal â
£49,000 ar gyfer chwarae agored gan gynnwys swyddog
datblygu.Gofynnwyd sut y defnyddiwyd y cyllid hwn.At hynny, nodwyd
y deëllir fod yna hefyd Grwp Strategaeth Chwarae eisoes yn
weithredol ar yr Ynys ac arno gynrychiolaeth o wahanol
ddiddordebau, a holwyd oni ellir manteisio ar arbenigedd y grwp hwn
i fynd â’r bartneriaeth yn ei blaen.
|
|
|
|
|
|
Mewn ymateb i bwynt 2.14 uchod, nododd y Cyfarwyddwr
Corfforaethol Addysg a Hamdden nad oedd y swm o £849,000 y
cyfeiriwyd ato wedi ei ddynodi’n benodol ar gyfer
gweithgareddau chwarae, a bod amrediad eang o gynlluniau yn
gynwysiedig yn y swm megis cynlluniau Cychwyn Cadarn ac yn y
blaen.Mae gan y Cyngor Sir Strategaeth Plant a Phobl Ifanc sydd yn
ymwneud â chynlluniau cynhwysiad cymdeithasol, a
thrwy’r strategaeth honno mae’r Cyngor yn denu adnoddau
cyllidol sylweddol i mewn.O dan ymbarel y Strategaeth hon, mae
nifer o is-grwpiau wedi’u sefydlu, gan gynnwys grwp ac arno
gynrychiolaeth o blith y sector gwirfoddol sydd yn ymwneud â
dyrannu arian at bwrpasau chwarae, ond byddai ei ddiffinio fel grwp
strategaeth yn gamarweiniol am mai fel panel i ddosbarthu arian
mae’n gweithredu. Un elfen gymharol fechan o fewn y
strategaeth hon yw agweddau chwarae ac nid yw‘n gweithredu
fel y math o bartneriaeth a arfaethir yn yr adroddiad ar gyfer
datblygu’r ddarpariaeth meysydd chwarae sydd ag iddi
weledigaeth cynhwysfawr ar gyfer yr Ynys gyfan.O ran y swyddog
datblygu y cyfeiriwyd ato, mae’r Cyngor Sir wedi derbyn
cyllid yn benodol i gyflogi swyddog i hyrwyddo cyfleoedd i alluogi
pobl ag anabledd fanteisio ar gynlluniau chwarae agored.
|
|
|
|
|
|
O dderbyn yr eglurhad uchod, nodwyd o’r llawr os nad
oes Grwp Strategol Chwarae yn bodoli ar yr Ynys yna dylir ei
sefydlu a gwnaethpwyd argymhelliad i’r perwyl.
|
|
|
|
|
|
|
|
|
2.15
Fod y Cyngor Sir yn cadarnhau ei fwriad i
gymryd cyfrifoldeb strategol am arwain yn gorfforaethol i greu Grwp
Strategaeth Chwarae ar fyrder gyda Chynghorau Tref a Chymuned a
chyrff gwirfoddol perthnasol o fewn y sir i lunio cynllun ar gyfer
gwella safon ac uwchraddio a datblygu caeau chwarae’r Ynys er
budd a lles plant a phobl ifanc.
|
|
|
|
2.16
Yn awdurdodi’r Rheolwr Gyfarwyddwr
a’r swyddogion perthnasol o adrannau’r Cyngor i gymryd
camau angenrheidiol, o fewn pwerau statudol y Cyngor, i sicrhau
safonau Iechyd a Diogelwch ym mhob maes chwarae drwy symud offer
peryglus ac is-safonol o dir ym mherchnogaeth y Cyngor a chyhoeddi
rhybuddion mewn perthynas ag offer ar dir ym mherchnogaeth cyrff
eraill.
|
|
2.17
Yn derbyn mewn egwyddor :
|
|
|
|
2.17.1
Yr angen i sefydlu Partneriaeth Datblygu
Meysydd Chwarae , ac yn gofyn i’r Pwyllgor Gwaith roi
ystyriaeth bellach i’r mater yng nghyd-destun blaenoriaethau
strategol a chyllideb y Cyngor gan gynnwys ymgynghori
â’r Cynghorau Tref a Chymuned a’r sector
Gwirfoddol ar y mater cyn dod i benderfyniad;
|
|
2.17.2
Yr angen i sefydlu Swyddog Datblygu a
Swyddogion Goruchwylio gan ofyn i swyddogion perthnasol y Cyngor
Sir edrych yn y lle cyntaf ar y gallu yn fewnol i gyflenwi’r
swyddi ac adrodd yn ôl ar y mater.
|
|
|
|
2.18
Yn awdurdodi’r Rheolwr Gyfarwyddwr
a swyddogion perthnasol o’r adrannau i lunio cynllun
strategol drafft ar gyfer gwella cyfleusterau y gellid ei ystyried
i’w fabwysiadu maes o law gan y Bartneriaeth.
|
|
|
|
2.19
Yn awdurdodi’r Rheolwr Gyfarwyddwr
a’i swyddogion i lunio bidiau i gronfeydd allanol am gyllid i
wella cyfleusterau, yn amodol ar dderbyn argymhellion y Grwp
Strategaeth Chwarae y penderfynwyd ei greu yn 2.15 uchod, ac ar
ymgynghori ar fyrder gyda phlant a phobl ifanc yr Ynys ynglyn
â’u dymuniadau, gyda golwg ar fanteisio i’r
eithaf ar y cynlluniau cyllid cystadleuol sy’n debygol o
ddirwyn i ben yn fuan, ac i lunio argymhellion ar gyfer cynlluniau
hir dymor y gellid ymgynghori ar eu cynnwys gyda’r
Bartneriaeth cyn eu cymeradwyo gan y Grwp Strategaeth
Chwarae.
|
|
|
|
R.L.OWEN
|
|
Cadeirydd
|