Manylion y penderfyniad

7.1 20LPA962/CC – Cais ôl-ddyddiol i’r trac oedd wedi ei adeiladu yn ddiweddar a gwelliannau i’r fynedfa bresennol ar dir gyferbyn a Fron Heulog, Cemaes.

PENDERFYNWYD cymeradwyo’r cais yn unol ag argymhelliad y Swyddog a chyda’r amodau oedd yn yr adroddiad.

7.2 22C211C – Cais llawn i godi un tyrbin gwynt gydag uchafswm uchder i’r hwb o 25m, diametr rotor o 19.24m ac uchafswm uchder o 34.37m ar dir yn Yr Orsedd, Llanddona.

PENDERFYNWYD gohirio ystyried y cais hwn yn unol â dymuniad yr ymgeisydd.

7.3 34C648A – Cais amlinellol i godi annedd a gwneud gwaith altro i’r fynedfa bresennol ar dir yn Pwros, Rhosmeirch.

PENDERFYNWYD cadarnhau’r penderfyniad i ganiatáu’r cais, yn groes i argymhelliad y Swyddog ac am y rhesymau a roddwyd yn flaenorol, sef bod y cynnig yn estyniad bychan rhesymol i’r anheddiad.

7.4 41C8C – Cais llawn i newid defnydd tir i leoli 33 o garafannau symudol, codi bloc toiledau, adeiladu mynedfa i gerbydau a thirlunio yn Garnedd Ddu, Star.

PENDERFYNWYD caniatáu’r cais yn unol ag argymhelliad y Swyddog gyda’r amodau oedd yn yr adroddiad, a chydag amod ychwanegol yng nghyswllt llefydd pasio ychwanegol ar y briffordd.

7.5 42C231 – Cais llawn i godi 13 o anneddau newydd a chreu mynedfa newydd ar dir yn The Sidings, Pentraeth.

PENDERFYNWYD cymeradwyo’r cais a rhoi i’r Swyddogion y grym i weithredu wedi i’r cyfnod statudol o ymgynghori cyhoeddus ddod i ben.

7.6 47LPA966/CC – Cais amlinellol am ddatblygiad preswyl, ynghyd â dymchwel yr hen ysgol ar dir Ysgol Gynradd Llanddeusant, Llanddeusant.

PENDERFYNWYD gohirio ystyried y cais hwn a gofyn i’r ymgeisydd ystyried newid y cais i’w wneud yn fwy derbyniol i breswylwyr.