Rhaglen, Penderfyniadau a Chofnodion.

Ethol Cadeirydd ar gyfer Cyngor Sir Ynys Môn am 2024/25.

(Cyfeirir yr Aelodau at y ddogfen ‘Trefn y Gweithgareddau’ ar gyfer ethol Cadeirydd y Cyngor Sir).

PENDERFYNWYD ethol y Cynghorydd Glyn Haynes yn Gadeirydd Cyngor Sir Ynys Môn ar gyfer 2024/25.

Wrth dderbyn yr anrhydedd o gael ei benodi, dywedodd y Cynghorydd Glyn Haynes wrth y Cyngor y byddai’n ceisio cyflawni ei ddyletswyddau fel Cadeirydd hyd orau ei allu. Diolchodd i’w ragflaenydd, y Cynghorydd Margaret Murley Roberts, am gyflawni ei dyletswyddau fel Cadeirydd y Cyngor Sir mor urddasol ac anrhydeddus a chyflwynodd rodd iddi er mwyn cydnabod ei gwasanaeth.

Diolchodd y cyn Gadeirydd, y Cynghorydd Margaret Murley Roberts, i’w theulu am eu cefnogaeth yn ystod ei chyfnod fel Cadeirydd Cyngor Sir Ynys Môn. Mynegodd ei thristwch o golli cyfaill annwyl a chyn aelod etholedig, Vaughan Hughes, a oedd wedi ei chynorthwyo i ddod yn aelod etholedig o’r Cyngor Sir. Cyfeiriodd y Cynghorydd Roberts at y digwyddiadau lu y bu iddi eu mynychu a’r fraint o gynrychioli’r Cyngor Sir yn y digwyddiadau hynny. Nododd mai Banc Bwyd Môn oedd yr elusen a ddewisodd ei chefnogi ac roedd hi wedi cyflwyno siec am £4,300 i’r Banc Bwyd yn ddiweddar.

Ethol Is-Gadeirydd ar gyfer Cyngor Sir Ynys Môn am 2024/25.

PENDERFYNWYD, yn unfrydol, ethol y Cynghorydd Non Dafydd yn Is-gadeirydd Cyngor Sir Ynys Môn ar gyfer 2024/2025.

Derbyn unrhyw ddatganiad o ddiddordeb gan Aelod neu Swyddog parthed unrhyw eitem o fusnes.

Ni dderbyniwyd yr un datganiad o ddiddordeb.

Derbyn unrhyw gyhoeddiadau gan y Cadeirydd neu'r Prif Weithredwr ac unrhyw sylwadau terfynol gan y Cadeirydd ar ei chyfnod yn y swydd y mae ei thymor yn dod i ben.

Nid oedd unrhyw gyhoeddiadau.

Yn unol â Pharagraff 4.1.1.2.7 y Cyfansoddiad, cael gwybod gan yr Arweinydd enwau’r Cynghorwyr y mae hi wedi eu dewis i fod yn Aelodau o'r Pwyllgor Gwaith, ynghyd â'u cyfrifoldebau Portffolio.

Yn unol â Pharagraff 4.1.1.2.7 o’r Cyfansoddiad, enwodd yr Arweinydd yr Aelodau canlynol a ddewiswyd ganddi i wasanaethu ar y Pwyllgor Gwaith, ynghyd â’u cyfrifoldebau Portffolio:-

Y Cynghorydd Llinos Medi – Arweinydd gyda chyfrifoldeb Portffolio am Ddatblygu Economaidd;

Y Cynghorydd Robin Williams – Dirprwy Arweinydd gyda chyfrifoldeb Portffolio am Gyllid;

Y Cynghorydd Gary Pritchard – Dirprwy Arweinydd gyda chyfrifoldeb Portffolio am Blant (Gwasanaethau Cymdeithasol), Ieuenctid a Gwasanaethau Tai;

Y Cynghorydd Neville Evans – gyda chyfrifoldeb Portffolio am Hamdden, Twristiaeth a Morwrol;

Y Cynghorydd Carwyn Jones – gyda chyfrifoldeb Portffolio am Fusnes Corfforaethol a Phrofiad y Cwsmer;

Y Cynghorydd Alun Roberts – gyda chyfrifoldeb Portffolio am Wasanaethau Oedolion (Gwasanaethau Cymdeithasol) a Diogelwch Cymunedol;

Y Cynghorydd Dafydd Roberts – gyda chyfrifoldeb Portffolio am Addysg a’r Gymraeg;

Y Cynghorydd Nicola Roberts – gyda chyfrifoldeb Portffolio am Gynllunio, Gwarchod y Cyhoedd a Newid Hinsawdd;

Y Cynghorydd Dafydd Rhys Thomas – gyda chyfrifoldeb Portffolio am Briffyrdd, Gwastraff ac Eiddo.

Yn unol â Pharagraff 3.4.12.3 y Cyfansoddiad, ethol Cadeirydd y Pwyllgor Gwasanaethau Democrataidd ar gyfer y flwyddyn sirol.

Yn unol â Pharagraff 3.4.12.3 o’r Cyfansoddiad, PENDERFYNWYD ethol y Cynghorydd Keith Roberts yn Gadeirydd ar y Pwyllgor Gwasanaethau Democrataidd.

Bydd y Cadeirydd yn cadarnhau'r rhan honno o'r Cynllun Dirprwyo y mae'r Cyfansoddiad yn nodi mai mater i'r Cyngor yw cytuno arno (fel y nodir ym Mharagraff 3.2 o'r Cyfansoddiad).

PENDERFYNWYD cadarnhau’r rhan honno o’r Cynllun Dirprwyo y mae’r Cyfansoddiad yn nodi mai mater i’r Cyngor yw cytuno arno, fel y nodir yn Rhan 3.2 o’r Cyfansoddiad.

Bydd y Cadeirydd yn cadarnhau ailbenodi'r strwythur Pwyllgorau a ganlyn fel y cyfeirir ato yn Adran 3.4 o Gyfansoddiad y Cyngor, ynghyd â'r canlynol: -

·     Panel Penodi i'r Pwyllgor Safonau

·     Cyngor Ymgynghorol Sefydlog (CYS)

·     Is-Bwyllgor Indemniadau

Cadarnhaodd y Cadeirydd y byddai’r strwythur Pwyllgorau, y cyfeirir ato yn Adran 3.4 o Gyfansoddiad y Cyngor, yn cael ei ailbenodi, ynghyd â’r canlynol:-

·      Panel Dethol y Pwyllgor Safonau

·      Cyngor Ymgynghorol Sefydlog (CYS)

·      Is-bwyllgor Indemniadau

Cymeradwyo'r rhaglen ganlynol o gyfarfodydd y Cyngor Sir ar gyfer y flwyddyn i ddod: -

 ·  26 Medi 2024                                 -           2:00 pm

·  3 Rhagfyr 2024                               -           2:00 pm

·  6 Mawrth 2025                                -           2:00 pm

·  Mai 2025 (Cyfarfod Blynyddol)        -          dyddiad i’w gadarnhau

PENDERFYNWYD cymeradwyo’r rhaglen ganlynol o gyfarfodydd cyffredinol y Cyngor Sir ar gyfer y flwyddyn i ddod:-

·      26 Medi, 2024                    -           2.00 pm

·      5 Rhagfyr, 2024                 -           2.00 pm

·      6 Mawrth, 2025                  -           2.00 pm

·      Mai, 2025                           -           dyddiad i’w gadarnhau

Cyflwyno adroddiad gan y Pennaeth Democratiaeth.

Cyflwynwyd, i’w ystyried, adroddiad y Pennaeth Democratiaeth ynglŷn â threfniadau cydbwysedd gwleidyddol y Cyngor.

PENDERFYNWYD :-

·      Cadarnhau’r trefniadau cydbwysedd gwleidyddol a nifer y seddau a ddyrennir i bob Grŵp o dan Ddeddf Llywodraeth Leol a Thai 1989;

·      Bod Arweinyddion Grwpiau yn hysbysu’r Pennaeth Democratiaeth, cyn gynted â phosib, os bydd unrhyw newid o ran Aelodaeth Grwpiau ar Bwyllgorau.

Cyflwyno adroddiad gan y Pennaeth Democratiaeth.

Cyflwynwyd, i’w ystyried, adroddiad y Pennaeth Democratiaeth mewn perthynas â phenodiadau i gyrff allanol.

PENDERFYNWYD cytuno a chadarnhau’r penodiadau fel y’u nodir yn yr atodlen sydd ynghlwm i’r adroddiad.

Cyflwyno adroddiad gan y Pennaeth Democratiaeth, fel y’i cyflwynwyd i’r Pwyllgor Gwasanaethau Democrataidd ar 20 Mawrth 2024.

Cyflwynwyd, i’w ystyried, adroddiad y Pennaeth Democratiaeth ynglŷn ag Adroddiad Blynyddol Panel Annibynnol Cymru ar Gydnabyddiaeth Ariannol ar gyfer 2024/2025.

PENDERFYNWYD :-

·      Derbyn penderfyniadau Panel Annibynnol Cymru ar Gydnabyddiaeth Ariannol ar gyfer 2024/2025;

·      Cadarnhau y bydd deilyddion yr un swyddi â 2023/24 â’r hawl i dderbyn uwch gyflogau yn 2024/2025, h.y.

Cadeirydd y Cyngor

Is-gadeirydd y Cyngor

Arweinydd y Cyngor

Dirprwy Arweinydd y Cyngor

Aelodau Eraill y Pwyllgor Gwaith (7)

Arweinydd yr Wrthblaid Fwyaf

Cadeiryddion y Pwyllgorau Sgriwtini (2)

Cadeirydd y Pwyllgor Cynllunio a Gorchmynion

·      Awdurdodi swyddogion i ddiwygio Rhan 6 o Gyfansoddiad y Cyngor (Rhestr Cydnabyddiaeth Ariannol Aelodau) i adlewyrchu’r penderfyniadau a wnaed yn yr Adroddiad Blynyddol ar gyfer 2024/2025.