Rhaglen a chofnodion

Ethol Cadeirydd ar gyfer Cyngor Sir Ynys Môn am 2015-16.

(Cyfeirir yr Aelodau at Drefn y Busnes yng nghyswllt y seremoni i ethol Cadeirydd ac Is-Gadeirydd y Cyngor Sir a ddosberthir yn y cyfarfod).

Penderfynwyd ethol y Cynghorydd Jim Evans yn Gadeirydd y Cyngor Sir am 2015/16.

Wrth dderbyn yr anrhydedd o gael ei benodi, rhoes y Cynghorydd Jim Evans sicrwydd i’r Cyngor y byddai’n ceisio cyflawni ei ddyletswyddau fel Cadeirydd hyd orau ei allu a diolchodd i’w  ragflaenydd yn y swydd honno, sef y Cynghorydd Vaughan Hughes am y modd urddasol y bu iddo gyflawni ei ddyletswyddau dinesig yn ystod ei dymor fel Cadeirydd y Cyngor. Achubodd y Cynghorydd Evans hefyd ar y cyfle i ddiolch i Mr R. P. Jones, y Prif Weithredwr, am ei arweiniad  a’i gyngor doeth yn y rôl honno a dymunodd yn dda iddo am ei ymddeoliad ddiwedd Mai 2015.

Diolchodd y Cyn-Gadeirydd, y Cynghorydd Vaughan Hughes, i’r holl Aelodau a Swyddogion am eu cefnogaeth yn ystod ei dymor yn y swydd a dywedodd mai anrhydedd aruthrol ac amhrisiadwy oedd cael bod yn bennaeth dinesig Ynys Môn. Rhoes y Cynghorydd Hughes grynodeb o uchafbwyntiau ei flwyddyn fel Cadeirydd y Cyngor gan gynnwys codi £3,700 ar gyfer achosion da. Dymunodd y Cynghorydd Hughes yntau ymddeoliad hapus i Mr R. P. Jones a diolchodd iddo am  ei wasanaeth maith ac anrhydeddus i Ynys Môn.

Ethol Is-Gadeirydd ar gyfer Cyngor Sir Ynys Môn am 2015-16.

Penderfynwyd ethol y Cynghorydd R. G. Parry, OBE yn Is-Gadeirydd y Cyngor Sir am 2015/16.

Diolchodd y Cynghorydd R. G. Parry, OBE i’w gyd-Aelodau am yr anrhydedd a dywedodd ei fod yn edrych ymlaen at weithio gyda’r Cadeirydd a’i gefnogi yn ei ddyletswyddau yn ystod y flwyddyn i ddod.

Cydnabu Mr Richard Parry Jones, y Prif Weithredwr, y teyrngedau caredig a dalwyd iddo gan y Cadeirydd newydd a chan Aelodau’r Cyngor yn ystod y cyfarfod o’r Cyngor a gynhaliwyd y bore hwnnw a dywedodd ei fod yn gwerthfawrogi caredigrwydd a didwylledd y teimladau a fynegwyd. Soniodd Mr Jones am hanes ei gyswllt personol ef gydag Ynys Môn a diolchodd i’r Cadeirydd a oedd yn ymddeol am ei flwyddyn o wasanaeth lle bu’n llysgennad effeithiol ar gyfer Cyngor Sir

Ynys Môn. Dymunodd yn dda i’r Cynghorydd Jim Evans ar gyfer y flwyddyn i ddod, yr un modd, Arweinydd y Cyngor. Dywedodd ei fod yn gobeithio ei fod yn gadael y Cyngor mewn sefyllfa gryfach a chadarnach a bod modd priodoli llwyddiant hynny i ymdrechion Aelodau’r Cyngor. Yn ogystal, cydnabu Mr Jones y cyfraniad a wnaed gan staff y Cyngor sy’n haeddu canmoliaeth a pharch. Cyfeiriodd at y cyfleon unigryw sy’n wynebu Ynys Môn ynghyd â’r risgiau a all ddod gyda hynny a phwysleisiodd bwysigrwydd gwerthfawrogi a gwarchod cyfoeth yr Ynys o dreftadaeth a sicrhau bod unrhyw newidiadau yn cael eu gwneud er budd trigolion yr Ynys. Dymunodd yn dda iawn i’r Cyngor am y dyfodol a dywedodd y byddai’n parhau i ddilyn ei hynt a’i helynt gyda diddordeb.

Derbyn unrhyw ddatganiad o ddiddordeb ynghylch unrhyw eitem ar y Rhaglen gan unrhyw Aelod neu Swyddog.

Ni chafwyd yr un datganiad o ddiddordeb.

Yn unol â Pharagraff 4.4.1.2 o’r Cyfansoddiad, derbyn gwybodaeth gan yr Arweinydd ynghylch enwau’r Cynghorwyr y mae ef/hi wedi’u dewis i fod yn aelodau o’r Pwyllgor Gwaith, ynghyd â’u cyfrifoldebau portffolio.

Yn unol â Pharagraff 4.1.1.2 y Cyfansoddiad, enwodd yr Arweinydd yr isod fel yr Aelodau yr oedd wedi eu dewis i wasanaethu ar y Pwyllgor Gwaith ynghyd â’u cyfrifoldebau Portffolio –

Y Cynghorydd Richard Dew a fydd yn gyfrifol am y Portffolio Cynllunio a'r Amgylchedd Y Cynghorydd Kenneth Hughes a fydd yn gyfrifol am y Portffolio Addysg

Y Cynghorydd Aled Morris Jones a fydd yn gyfrifol am y Portffolio Tai a Gwasanaethau Cymdeithasol

Y Cynghorydd H. Eifion Jones a fydd yn gyfrifol am y Portffolio Cyllid

Y Cynghorydd J. Arwel Roberts a fydd yn gyfrifol am y Portffolio Priffyrdd, Eiddo a Rheoli Gwastraff

Y Cynghorydd Alwyn Rowlands a fydd yn gyfrifol am y Portffolio Busnes y Cyngor, Trawsnewid Perfformiad ac Adnoddau Dynol

Y Cynghorydd Ieuan Williams (Arweinydd) a fydd yn gyfrifol am y Portffolio Datblygu Economaidd, Hamdden a Thwristiaeth

Ethol Cadeirydd yn unol â Pharagraff 3.4.12.3 o’r Cyfansoddiad.  

Yn unol â Pharagraff 3.4.12.3, penderfynwyd ethol y Cynghorydd Vaughan Hughes yn Gadeirydd y Pwyllgor Gwasanaethau Democrataidd am 2015/16.

Bydd y Cadeirydd yn cadarnhau unrhyw rannau o’r Cynllun Dirprwyo y mae’n rhaid i’r Cyngor, yn unol â’r Cyfansoddiad, gytuno arnynt (fel y nodir ym Mharagraff 3.2 y Cyfansoddiad).

Penderfynwyd cadarnhau’r rhan honno o’r Cynllun Dirprwyo sydd, yn ôl y cyfansoddiad, yn fater i’r Cyngor gytuno arno fel y pennir yn Rhan 3.2 y Cyfansoddiad.

Cyflwyno adroddiad y Pennaeth Gwasanaethau Democrataidd. 

Cyflwynwyd i’w ystyried - adroddiad gan y Pennaeth Gwasanaethau Democrataidd a oedd yn adolygu trefniadau cydbwysedd gwleidyddol y Cyngor.

Penderfynwyd –

•  Cadarnhau’r trefniadau cydbwysedd gwleidyddol a nifer y seddau a ddyrannwyd i bob un o’r grwpiau yn unol â Deddf Llywodraeth Leol a Thai 1989, a nifer y seddau a roddir yn ôl arferiad i’r Aelodau hynny nad yw cydbwysedd gwleidyddol yn berthnasol iddynt fel a nodir yn y matrics a oedd ynghlwm wrth yr adroddiad.

•  Yn amodol ar yr uchod, cadarnhau bod y seddau a ddyrennir i Aelodau nad ydynt yn rhan o unrhyw grŵp yn parhau ar sail y penodiadau cyfredol.

•  Bod yr Arweinyddion Grwpiau yn rhoi gwybod i’r Pennaeth Gwasanaethau Democrataidd cyn gynted ag sy’n bosibl os bydd unrhyw newidiadau i Aelodau y Grwpiau ar Bwyllgorau.

Cyflwyno adroddiad y Pennaeth Gwasanaethau Democrataidd.

Cyflwynwyd i’w ystyried - adroddiad y Pennaeth Gwasanaethau Democrataidd ar y cynllun cydnabyddiaeth ariannol i Aelodau yn 2015/16.

Penderfynwyd -

•  Cadarnhau dyrannu Uwch Gyflogau ar gyfer y rheini sydd yn dal swyddi yn 2015/16 fel sydd wedi ei nodi ym mharagraff 2.19 uchod.

•  Cadarnhau y dylid talu ar sail lefel C fel y penderfynir gan y Panel Cydnabyddiaeth Ariannol ar gyfer swyddi Pennaeth Dinesig a Dirprwy Bennaeth Dinesig, gan gymryd y baich gwaith a’r cyfrifioldebau a ragwelir i ystyriaeth (paragraff 2.7).

•  Nodi bod y Pwyllgor Gwasanaethau Democrataidd yn ei gyfarfod ar 25 Mawrth 2015 wedi penderfynu y dylid rhoi sylw i’r gofyniad i adolygu lefel y cymorth a roddir i aelodau i gyflawni eu dyletswyddau fel rhan o’r rhaglen waith ar gyfer 2015/16.

•  Nodi manylion eraill ynghylch taliadau a lwfansau ar gyfer 2014 /15 a bennwyd gan y Panel ac a amlinellir yn yr adroddiad hwn.

Cyflwyno adroddiad y Pennaeth Gwasanaethau Democrataidd

Cyflwynwyd i’w ystyried – adroddiad y Pennaeth Gwasanaethau Democrataidd yn gofyn am gadarnhau’r rhestr o benodiadau a wnaed i gyrff allanol.

Rhoddwyd gwybod i’r Cyngor for y Cynghorydd R. G. Parry, OBE am gynrychioli’r Cyngor ar Grŵp mynediad Ynys Môn yn lle’r Cynghorydd Ann Griffith (rhif 14 ar y rhestr).

Penderfynwyd cadarnhau’r penodiadau fel y manylwyd arnynt yn y rhestr a gyflwynwyd ar yr amod fod enw’r Cynghorydd R. G. Parry, OBE yn cael ei gynnwys fel cynrychiolydd y Cyngor ar Grŵp Mynediad Ynys Môn.

Cyflwyno adroddiad y Pennaeth Gwasanaethau Democrataidd

Cyflwynwyd i’w ystyried – adroddiad y Pennaeth Gwasanaethau Democrataidd yn ymgorffori’r Cynllun Datblygu Aelodau am 2015/16.

Penderfynwyd mabwysiadu ac ymgymryd â’r Cynllun Hyfforddiant ar gyfer Aelodau fel y caiff ei nodi yn Atodiad 1 yr adroddiad.

Bydd y Cadeirydd yn cadarnhau ailbenodi’r strwythur Pwyllgorau cyfredol canlynol fel y cyfeirir at hynny yn Adran 3.4 Cyfansoddiad y Cyngor, ynghyd â’r canlynol:-

·           Panel Tâl a Graddfeydd (Is-Bwyllgor o’r Cyngor Sir)

·           Panel Penodiadau’r Pwyllgor Safonau

·           Cyngor Ymgynghorol Sefydlog ar Addysg Grefyddol

·           Cyd-Bwyllgor Anghenion Addysgol Arbennig

Is-Bwyllgor Indemniadau

Cadarnhaodd y Cadeirydd ailbenodi’r strwythur Pwyllgorau fel y cyfeirir at hynny yn Adran 3.4 Cyfansoddiad y Cyngor, ynghyd â’r canlynol –

•  Panel Tâl a Graddfeydd

•  Panel Penodiadau’r Pwyllgor Safonau

•  Cyngor Ymgynghorol Sefydlog ar Addysg Grefyddol

•  Cyd-bwyllgor Anghenion Addysgol Arbennig

•  Is-Bwyllgor Indemniadau

Cymeradwyo’r rhaglen ganlynol o gyfarfodydd cyffredin y Cyngor Sir am y flwyddyn i ddod:-

·           29 Medi, 2015                 -            2.00 pm

·           9 Rhagfyr, 2015              -            2.00 pm

·           24 Chwefror, 2016          -            2.00 pm

·           12 Mai, 2016                   -           2.00 pm (Cyfarfod Blynyddol)

Penderfynwyd cymeradwyo’r rhaglen ganlynol ar gyfer cyfarfodydd arferol y Cyngor Sir am y flwyddyn i ddod –

•  29 Medi, 2015 am 2:00 p.m.

•  9 Rhagfyr, 2015 am 2:00 p.m.

•  24 Chwefror, 2016 am 2:00 p.m.

•  12 Mai, 2016 am 2:00 p.m. (Cyfarfod Blynyddol)