Rhaglen, Penderfyniadau a Chofnodion.

Derbyn unrhyw ddatganiadau o ddiddordeb gan unrhyw Aelod neu Swyddog yng nghyswllt unrhyw eitem o fusnes.

Datganodd y Cynghorydd J. Arwel Roberts ddiddordeb personol yn Eitem 12 ac ni chymerodd ran yn y drafodaeth na’r pleidleisio.

Datganodd y Cynghorydd R. Ll. Jones ddiddordeb personol yn Eitem 12.  Caniatawyd iddo ofyn cwestiynau ynglŷn â’r eitem.

Dim materion brys ar adeg anfon y rhaglen hon.

Dywedodd y Prif Weithredwr ei fod wedi cymeradwyo ymweliad i Japan gan 3 chynrychiolydd o’r Cyngor Sir fel rhan o’r Rhaglen Ynys Ynni.

Cyflwyno i’w cadarnhau, gofnodion y cyfarfod o’r Pwyllgor Gwaith a gynhaliwyd ar 19 Mai 2014.

Cyflwynwyd i’w cadarnhau – cofnodion y cyfarfod o’r Pwyllgor Gwaith a gynhaliwyd ar 19 Mai 2014.

PENDERFYNWYD cadarnhau cofnodion y cyfarfod o’r Pwyllgor Gwaith a gynhaliwyd ar 19 Mai 2014 fel rhai cywir.

Cyflwyno adroddiad gan Bennaeth Dros Dro y Gwasanaethau Democrataidd.

Cyflwynwyd - Adroddiad gan Bennaeth Dros Dro  y Gwasanaethau Democrataidd yn ceisio cymeradwyaeth ar gyfer y diweddariad o Flaenraglen Waith y Pwyllgor Gwaith am y cyfnod rhwng Gorffennaf 2014 a Chwefror 2015.

Nododd Pennaeth Dros Dro y Gwasanaethau Democrataidd bod dwy eitem ychwanegol wedi eu cynnwys yn y Flaenraglen Waith :-

Eitem 11 – Opsiynau Llety Gofal Cymdeithasol i Oedolion Hŷn – Cybi

Eitem 12 – Opsiynau Llety Gofal Cymdeithasol i Oedolion Hŷn – Amlwch a Llangefni

Nodwyd y bydd y ddwy eitem yn cael eu trafod gan y Pwyllgor Sgriwtini perthnasol yn y lle cyntaf.

PENDERFYNWYD cadarnhau’r Flaenraglen Waith newydd am y cyfnod Mehefin, 2014 – Ionawr, 2015.

Cyflwyno adroddiad gan Bennaeth Dros Dro y Gwasanaethau Democrataidd.

Cyflwynwyd – Adroddiad Pennaeth Dros Dro i Gwasanaethau Democrataidd yn ceisio cymeradwyaeth y Pwyllgor Gwaith i’r adroddiad monitro’r Iaith Gymraeg blynyddol ac i awdurdodi ei gyflwyno i Gomisiynydd yr Iaith Gymraeg erbyn 30 Mehefin 2014.

PENDERFYNWYD derbyn yr adroddiad monitro ar gyfer 2013/14 a chymeradwyo ei gyflwyno i’r Comisiynydd Iaith Gymraeg.

Cyflwyno adroddiad gan y Pennaeth Swyddogaeth (Adnoddau) a Swyddog Adran 151 Dros Dro.

Cyflwynwyd – adroddiad gan y Pennaeth Adnoddau / Swyddog Adran 151 Dros Dro mewn perthynas â’r uchod.

Dywedodd y Deilydd Portffolio (Cyllid) y bydd cynllun y Cyngor Sir i helpu i ostwng Treth Gyngor pensiynwyr yn un am y cyfnod 2014/15 yn unig.

PENDERFYNWYD cymeradwyo cynllun y Cyngor Sir am 2014/15.

Cyflwyno adroddiad gan y Pennaeth Swyddogaeth (Adnoddau) a Swyddog Adran 151 Dros Dro.

Cyflwynwyd – adroddiad y Pennaeth Adnoddau (Cyllid) / Swyddog Adran 151 Dros Dro mewn perthynas â’r uchod.

PENDERFYNWYD nodi’r adroddiad.

Cyflwyno adroddiad gan y Pennaeth Swyddogaeth (Adnoddau) a Swyddog Adran 151 Dros Dro.

Cyflwynwyd – adroddiad y Pennaeth Adnoddau (Cyllid) / Swyddog Adran 151 Dros Dro mewn perthynas â’r gwariant yn erbyn cyllidebau gwasanaeth a chorfforaethol.

PENDERFYNWYD nodi’r adroddiad.

Cyflwyno adroddiad gan y Cyfarwyddwr Cymunedol.

Cyflwynwyd - adroddiad y Cyfarwyddwr Cymuned mewn perthynas â'r uchod.

Dywedodd y Deilydd Portffolio (Tai a Gwasanaethau Cymdeithasol) y bydd yn rhaid newid y modd y bydd gwasanaethau’n cael eu darparu er mwyn sicrhau ystod well ac ehangach o wasanaethau i fwy o bobl.  Nododd ei fod yn dymuno iddo gael ei gofnodi y bydd yn monitro’r ddarpariaeth yn ofalus ac y bydd yn gofyn i’r dangosydd perfformiad perthnasol gael ei fonitro ar y cerdyn sgorio corfforaethol.

Dywedodd y Cynghorydd Ann Griffith fod ganddi bryderon ynglŷn â’r ddarpariaeth o Wasanaeth Cymunedol/Gofal Cartref oherwydd ei bod yn dymuno gweld y ddarpariaeth orau i bobl Ynys Môn.  Roedd yn credu y  dylai’r Cyngor llawn gael y cyfle i drafod y ddarpariaeth bwysig hon.  Adleisiodd y Cynghorydd R. Ll. Jones y pryderon yng nghyswllt y ddarpariaeth hon.

Ymatebodd y Cyfarwyddwr Cymuned drwy ddweud bod dadansoddiad manwl o’r ddarpariaeth Gwasanaeth Cymunedol/Gofal Cartref wedi ei wneud er mwyn sicrhau bod y gwasanaeth yn gynaliadwy a’i fod yn darparu cefnogaeth i unigolion i wneud dewisiadau am eu gofynion gofal eu hunain yn y dyfodol.  Mae’r AGGCC yn rheoleiddio pob agwedd o ofal cymdeithasol trwy ddefnyddio rheoliadau a safonau cenedlaethol sylfaenol a bennwyd gan Lywodraeth Cymru.

PENDERFYNWYD

• Cymeradwyo’r cynnig bod y ddarpariaeth o wasanaethau gofal cartref yn cael eu rhannu ar sail 70% i’w darparu’n allanol a 30% i’w darparu’n fewnol.

• Y bydd y dangosydd perfformiad perthnasol yn cael ei fonitro ar y cerdyn sgorio corfforaethol.

Cyflwyno adroddiad gan Bennaeth y Gwasanaethau Amgylcheddol a Thechnegol

Cyflwynwyd – adroddiad y Pennaeth Gwasanaeth (Gwasanaethau Amgylcheddol a Thechnegol) mewn perthynas â thrafodaethau anffurfiol gyda Horizon Nuclear Power dros y 12 mis diwethaf ar nifer o faterion yn cynnwys eu bwriadau i wneud/ariannu gwaith adeiladu a gwelliannau i’r A5025.

PENDERFYNWYD

• I nodi’r trafodaethau hyd yn hyn gyda  Horizon Nuclear Power (HNP) mewn perthynas â’r gwaith gwella ac adeiladu posibl y bydd angen ei wneud i’r A5025 i hwyluso’r gwaith o adeiladu a gweithredu’r orsaf bŵer niwclear newydd arfaethedig yn Wylfa;

• Awdurdodi Swyddogion i fwrw ymlaen â thrafodaethau gyda HNP i sefydlu’r dull mwyaf priodol i sicrhau cyflawni’r gwaith y mae angen ei wneud ar yr A5025 yn cynnwys gwaith ymchwilio mewn partneriaeth â HNP a thrafod a llunio fframwaith ar gyfer symud ymlaen gyda chytundeb.

• Nodi y bydd unrhyw drefniadau cydweithio/partneriaeth a sefydlir dan yr uchod yn cael eu cyflwyno’n ôl i’r Pwyllgor Gwaith eu hystyried cyn eu cyflwyno  i’r Cyngor llawn.

Cyflwyno adroddiad gan y Cyfarwyddwr Dysgu Gydol Oes.

Cyflwynwyd - adroddiad y Cyfarwyddwr Dysgu Gydol Oes yn mofyn caniatâd y Pwyllgor Gwaith i ddechrau’r broses ymgynghori ar y bwriad i ostwng yr oed mynediad yn Ysgol Llanfairpwllgwyngyll.

PENDERFYNWYD rhoi’r awdurdod i swyddogion ymgynghori ar y bwriad i ostwng oed mynediad i Ysgol Llanfairpwll.

Cyflwyno adroddiad gan y Cyfarwyddwr Dysgu Gydol Oes

Cyflwynwyd - adroddiad y Cyfarwyddwr Dysgu Gydol Oes yng nghyswllt y codiad angenrheidiol ym mhris prydau ysgolion o fis Medi 2014.

Mynegodd y Cynghorydd Llinos M. Huws ei phryderon y bydd rhai teuluoedd yn methu fforddio’r cynnydd.  Mae rhai teuluoedd nad ydynt yn gymwys i dderbyn prydau ysgol am ddim eisoes yn dibynnu ar fanciau bwyd.  Ategodd y Cynghorydd R. Ll. Jones y pryderon mew perthynas â’r codiad ym mhris prydau ysgol.

Dywedodd y Cyfarwyddwr Dysgu Gydol Oes bod cost prydau ysgol ym Môn yn cymharu’n ffafriol gyda siroedd eraill.  Nid oedd y Cyngor Sir wedi codi pris prydau ysgol ers Medi 2012.

PENDERFYNWYD y bydd pris pob pryd ysgol yn codi gan 10c o fis Medi 2014.

Cyflwyno adroddiad gan y Cyfarwyddwr Dysgu Gydol Oes

Cyflwynwyd - adroddiad y Cyfarwyddwr Dysgu Gydol Oes i geisio cael cytundeb mewn egwyddor i ddefnyddio arian wrth gefn i gefnogi cynllun adfer cyllideb yn Ysgol Uwchradd Caergybi. Roedd y cynnig yn golygu gwneud defnydd cynllunedig o arian wrth gefn Dysgu Gydol Oes i gefnogi cynllun adfer cyllideb yr ysgol i’w weithredu dros gyfnod o 3 blynedd.

PENDERFYNWYD cytuno i’r bwriad i ddefnyddio arian wrth gefn yr Adran Dysgu Gydol Oes i gefnogi cynllun adfer cyllideb ar gyfer Ysgol Uwchradd Caergybi.