Rhaglen a Phenderfyniadau

Derbyn unrhyw ddatganiad o ddiddordeb gan Aelod neu Swyddog mewn perthynas ag unrhyw eitem o fusnes.

Dim materion brys ar adeg anfon y rhaglen hon.

Cyflwyno i’w cadarnhau, gofnodion drafft cyfarfod y Pwyllgor Gwaith a gynhaliwyd ar 19 Mawrth 2024.

Penderfynwyd cadarnhau cofnodion cyfarfod blaenorol y Pwyllgor Gwaith a gynhaliwyd ar 19 Mawrth 2024 fel rhai cywir.

Cyflwyno adroddiad gan y Pennaeth Democratiaeth.

Penderfynwyd cadarnhau Blaen Raglen Waith y Pwyllgor Gwaith wedi’i diweddaru am y cyfnod Mehefin 2024 i Ionawr 2025 fel y’i cyflwynwyd.

Cyflwyno adroddiad gan y Cyfarwyddwr Addysg, Sgiliau a Phobl Ifanc.

Penderfynwyd –

·      Trosglwyddo disgyblion o Ysgol Carreglefn i Ysgol Llanfechell a chau Ysgol Carreglefn o 31 Awst 2024.

·      Awdurdodi Swyddogion i gyhoeddi rhybudd o’r penderfyniad terfynol ar ffurf llythyr penderfyniad yn unol â’r Côd Trefniadaeth Ysgolion 011/2018.

·      Ymestyn dalgylch Ysgol Llanfechell i ymgorffori dalgylch presennol Ysgol Carreglefn.

Ystyried mabwysiadau’r canlynol –

“Dan Adran 100 (A)(4) Deddf Llywodraeth Leol 1972, mae modd cau allan y wasg a’r cyhoedd o’r cyfarfod yn ystod y drafodaeth ar yr eitem ganlynol, oherwydd y posibilrwydd y caiff gwybodaeth ei rhyddhau a honno’n wybodaeth y gwna Atodlen 12A y Ddeddf a’r Prawf Budd y Cyhoedd eithriad ohoni.”

Cyflwyno adroddiad gan y Pennaeth Rheoleiddio a Datblygu Economaidd. 

Penderfynwyd –

·      Dirprwyo awdurdod i’r Prif Weithredwr mewn ymgynghoriad â’rArweinydd a’r Aelod Portffolio Datblygu Economaidd, y Cyfarwyddwr Swyddogaeth (Busnes y Cyngor)/Swyddog Monitro a’r Cyfarwyddwr Swyddogaeth (Adnoddau)/Swyddog Adran 151 i wneud y Cyngor yn Aelod Sefydlol o Borthladd Rhydd Ynys Môn Cyf. (y Cwmni Porthladd Rhydd) ar y cyd â rhanddeiliaid lleol allweddol.

·      Dirprwyo awdurdod i’r Prif Weithredwr mewn ymgynghoriad â’rArweinydd a’r Aelod Portffolio Datblygu Economaidd, y Cyfarwyddwr Swyddogaeth (Busnes y Cyngor)/Swyddog Monitro a’r Cyfarwyddwr Swyddogaeth (Adnoddau)/Swyddog Adran 151 i gwblhau ac arwyddo Erthyglau Porthladd Rhydd Ynys Môn Cyf. (y Cwmni Porthladd Rhydd) a’r Cytundeb Aelodau.

·      Dirprwyo awdurdod i’r Prif Weithredwr mewn ymgynghoriad â’rArweinydd a’r Aelod Portffolio Datblygu Economaidd, y Cyfarwyddwr Swyddogaeth (Busnes y Cyngor)/Swyddog Monitro a’r Cyfarwyddwr Swyddogaeth (Adnoddau)/Swyddog Adran 151 i gwblhau ac arwyddo Cytundebau Tirfeddiannwr rhwng CSYM, Porthladd Rhydd Ynys Môn Cyf. (y Cwmni Porthladd Rhydd) a phob perchennog tir a/neu feddiannwr perthnasol yn ôly gofyn.

·      Cymeradwyo cyllideb ddrafft arfaethedig Porthladd Rhydd Ynys Môn a rôl CSYM fel Corff Atebol.

·      Dirprwyo awdurdod i’r Cyfarwyddwr Swyddogaeth (Adnoddau)/ Swyddog Adran 151 mewn ymgynghoriad â’rAelod Portffolio Cyllid i adolygu a chymeradwyo’r gyllideb derfynol pan gaiff ei chyflwyno gan Gwmni Porthladd Rhydd Ynys Môn. Disgwylir gwariant (gan gynnwys cyllideb wrth gefn) yn unol â’r tabl ar dudalen 7 yr adroddiad.

·      Nodi y bydd unrhyw oblygiadau fydd yn effeithio ar gyllideb y Cyngor yn cael eu cynnwys i’w cymeradwyo yng Nghyllideb y Cyngor Llawn ar gyfer 2025/26.