Rhaglen a Phenderfyniadau

Derbyn unrhyw ddatganiad o ddiddordeb gan Aelod neu Swyddog mewn perthynas ag unrhyw eitem o fusnes.

Dim materion brys ar adeg anfon y rhaglen hon.

Cyflwyno adroddiad gan y Cyfarwyddwr Swyddogaeth (Adnoddau)/Swyddog Adran 151.

Penderfynwyd nodi’r Datganiad ar Strategaeth Rheoli’r Trysorlys am  2025/26 ac argymell ei gymeradwyo i’r Cyngor Llawn.

Cyflwyno adroddiad gan y Cyfarwyddwr Swyddogaeth (Adnoddau)/Swyddog Adran 151.

Penderfynwyd –

·      Defnyddio’r cyllid ychwanegol a gafwyd o ganlyniad i setliad terfynol Llywodraeth Cymru i ddiwygio’r cynnig cyllideb drafft cychwynnol fel a ganlyn –

-       Peidio â gweithredu’r cynnig i godi tâl gwasanaeth ar gyfer unedau diwydiannol a busnes yn 2025/26

-       Peidio â gweithredu’r cynnig i ostwng nifer cyfunol y diwrnodau  mae canolfannau ailgylchu’r Cyngor ar agor yn 2025/26

-       Lleihau’r cynnydd yn y Dreth Cyngor o 1% i 8.5% (7.85% ar gyfer Gwasanaethau’r Cyngor a 0.65% ar gyfer yr Ardoll Tân)

-       Bod £217k yn cael ei ddyrannu i gyfarch costau adnewyddu offer TG mewn ysgolion yn y dyfodol

·      Nodi argymhelliad y Swyddog Adan 151 y dylai’r Cyngor gadw o leiaf £9.75m o falansau cyffredinol.

·      Nodi sylwadau’r Swyddog Adran 151 ynglyn â chadernid yr amcangyfrifon, fel y nodir yn Adran 5 o Atodiad 1 yr adroddiad.

·      Argymell i’r Cyngor Llawn gyllideb net derfynol o £195.443m ar gyfer y Cyngor Sir ac yn sgîl hynny, cynnydd o 8.5% yn y Dreth Gyngor (7.85% ar gyfer Gwasanaethau’r Cyngor a 0.65% ar gyfer yr Ardoll Tân) gan nodi y caiff y cynnig ffurfiol yn cynnwys praeseptau Heddlu Gogledd Cymru a Chynghorau Tref a Chymuned, ei gyflwyno i’r Cyngor ar 6 Mawrth 2025.

·      Awdurdodi’r Swyddog Adran 151 i wneud unrhyw newidiadau angenrheidiol cyn cyflwyno’r cynigion terfynol i’r Cyngor.

·      Cytuno y gellir defnyddio cyllid o’r gyllideb wrth gefn gyffredinol i gwrdd ag unrhyw bwysau annisgwyl ar gyllidebau seiliedig ar alw yn ystod y flwyddyn ariannol.

·      Gofyn i’r Cyngor awdurdodi’r Pwyllgor Gwaith i ryddhau hyd at £250k o’r balansau cyffredinol os bydd y gyllideb wrth gefn gyffredinol yn cael ei hymrwymo’n llawn yn ystod y flwyddyn.

·      Dirprwyo i’r Swyddog Adran 151 yr hawl i ryddhau cyllid o hyd at £50k o’r gyllideb wrth gefn gyffredinol ar gyfer unrhyw eitem ychwanegol. Ni ddylid caniatáu unrhyw eitem gwerth dros £50k oni bai bod y Pwyllgor Gwaith wedi rhoi ei ganiatâd ymlaen llaw.

·      Cadarnhau bod lefel Premiwm y Dreth Gyngor ar gyfer ail gartrefi a thai wag yn cael ei gynnal ar 100%.

Cyflwyno adroddiad gan y Cyfarwyddwr Swyddogaeth (Adnoddau)/Swyddog Adran 151.

Penderfynwydargymell y rhaglen gyfalaf ganlynol i’r Cyngor Llawn ar gyfer 2025/26 –

                                                                                                          £’000  

Cynlluniau 2024/25 a Ddygwyd Ymlaen –

Cronfa Gyffredinol                                                                         6,439

Atgyweiro/Amnewid Asedau                                                      6,304

Diweddaru Systemau Gwresogi gan ddefnyddio’r

cyllid grant Gwres Carbon Isel                                                   4,463

Cymunedau Dysgu                                                                           152

Cynlluniau Lliniaru Llifogydd                                                        330

Caergybi: Trawsnewid yn seiliedig ar Ddiwylliant

a Threftadaeth                                                                                4,367

Safleoedd ac Adeiladau Datblygu Economiadd                      200

Isadeiledd Gwastraff                                                                     1,445

Cyfrif Refeniw Tai                                                                       20,594

Cyfanswm Rhaglen Gyfalaf Arfaethedig 2025/26              44,294

Cyllidir gan:

Grant Cyfalaf Cyffredinol                                                             2,661

Gronfa Gyffredinol- Benthyca â Chefnogaeth                       3,118

Cymunedau Dysgu- Benthyca Digefnogaeth                          152

Arian Wrth Gefn Derbyniadau Cyfalaf                                         500

Arian Wrth Gefn Clustnodedig                                                   1,160

Grantiau Llywodraeth Cymru a Llywodraeth y DU            14,816

Benthyca Digefnogaeth – Cronfa Gyffredinol                       1,293

Gwarged Cyfrif Refeniw’r CRT                                                   5,488

Grantiau Allanol y CRT                                                                4,483

Benthyca Digefnogaeth                                                            10,623                                                                                                 

Cyfanswm Cyllid Cyfalaf 2025/26                                           44,294