Rhaglen a Phenderfyniadau

Derbyn datganiad o ddiddordeb gan unrhyw Aelod neu Swyddog mewn perthynas ag unrhyw eitem o fusnes.

Dim materion brys ar adeg anfon y rhaglen hon.

Cyflwyno i’w cadarnhau, gofnodion drafft y cyfarfod o’r Pwyllgor Gwaith a gynhaliwyd ar 16 Mehefin 2026.

Penderfynwyd cadarnhau cofnodion cyfarfod blaenorol y Pwyllgor Gwaith a gynhaliwyd ar 16 Mehefin 2026 fel rhai cywir.

Cyflwyno adroddiad y Pennaeth Gwasanaethau Democrataidd.

Penderfynwyd cadarnhau Blaen Raglen Waith y Pwyllgor Gwaith wedi’i diweddaru am y cyfnod Awst 2026 i Fawrth 2027 gyda’r newidiadau a nodwyd yn y cyfarfod.

Cyflwyno adroddiad y Cyfarwyddwr Swyddogaeth (Adnoddau)/Swyddog Adran 151.

Penderfynwyd –

·      Nodi’r sefyllfa alldro drafft ar gyfer rhaglen gyfalaf 2025/26, yn amodol ar archwiliad.

·      Cymeradwyo ychwanegu £3.704m at gyllideb 2025/26 o ganlyniad i dderbyn cyllid ychwanegol yn ystod y chwarter olaf, sy’n golygu bod y gyllideb derfynol ar gyfer 2025/26 yn £70.648m.

·      Cymeradwyo dwyn ymlaen £8.949m o wariant, ynghyd â’r cyllid cysylltiedig i gyllideb 2026/27. Y gyllideb ddiwygiedig ar gyfer 2026/27 yw £63.033m.

Cyflwyno adroddiad y Cyfarwyddwr Swyddogaeth (Adnoddau)/Swyddog Adran 151.

Penderfynwyd nodi’r canlynol –

·      Y sefyllfa a nodir mewn perthynas â pherfformiad ariannol y Cyfrif Refeniw Tai (CRT) ar gyfer Chwarter 4 2025/26.

·      Yr alldro ar gyfer 2025/26.

Cyflwyno adroddiad y Cyfarwyddwr Swyddogaeth (Adnoddau)/Swyddog Adran 151.

Penderfynwyd –

·      Nodi’r datganiadau ariannol drafft sydd heb eu harchwilio ym y flwyddyn ariannol 2025/26. (Mae’r Datganiad Cyfrifon Drafft llawn 2025/26 wedi’i gyhoeddi ar https://www.ynysmon.llyw.cymru/ documents/Dogfennau-Cy/Cyllid/Datganiad-or-cyfrifon/2025-2026/datganiad-o-cyfrifon-drafft-2025-i-2026.pdf?nocache=1)

·      Nodi sefyllfa balansau cyffredinol y Cyngor fel ar 31 Mawrth 2026, sef  £19.037m.

·      Nodi balans y cronfeydd wrth gefn clustnodedig o £24.434m a chymeradwyo creu £0.510m o gronfeydd wrth gefn clustnodedig newydd.

·      Cymeradwyo’n ffurfiol trosglwyddo £0.716m o gronfeydd wrth gefn clustnodedig yn ôl i falansau cyffredinol y Cyngor.

·      Nodi balans cronfeydd wrth gefn ysgolion o £4.327m.

·      Nodi balans cronfa’r Cyfrif Refeniw Tai (CRT) o £3.063m.

·      Cymeradwyo defnyddio £2.373m o falansau cyffredinol a chronfeydd wrth gefn clustnodedig at y dibenion a nodir yn Nhabl 9 yr adroddiad.

Cyflwyno adroddiad y Pennaeth Digidol, Perfformiad a Moderneiddio.

Penderfynwyd derbyn y Cynllun Gweithredu sy’n nodi ymateb y Cyngor i’r wyth argymhelliad, fel yr amlinellir yn Atodiad 2 yr adroddiad.

Cyflwyno adroddiad y Pennaeth Rheoleiddio a Datblygu Economaidd.

Penderfynwyd –

·      Codi ymwybyddiaeth a phroffil yr adroddiad trwy ei rannu â’r holl randdeiliaid rhanbarthol (sector cyhoeddus – Heddlu Gogledd Cymru, Bwrdd Iechyd Prifysgol Betsi Cadwaladr a.y.y.b.) a phartneriaid yn y sector preifat.

·      Rhannu’r adroddiad ag Ysgrifennydd Gwladol Cymru Llywodraeth y DU a Gweinidog Cabinet dros Fenter, Cysylltedd ac Ynni Llywodraeth  Cymru a’r Dirprwy Weinidog Trafnidiaeth.

·      Trefnu cyfarfod â’r gweinidogion uchod i drafod dull cydweithredol o fynd i’r afael â problem Croesi’r Fenai, cytuno ar strwythurau llywodraethu ac amserlen arfaethedig ar gyfer y camau nesaf, a sicrhau fod cynnydd yn digwydd.