Rhaglen a chofnodion

Derbyn unrhyw ddatganiad o ddiddordeb gan unrhyw Aelod neu Swyddog parthed unrhyw eitem o fusnes.

Ni dderbyniwyd unrhyw ddatganiadau o ddiddordeb.

Derbyn diweddariad gan y Cadeirydd a/neu’r Is-Gadeirydd.

Gofynnodd y Cadeirydd i Aelodau'r Pwyllgor a oedd ganddynt unrhyw faterion i adrodd arnynt:-

Adroddodd y Cynghorydd Ann Griffith ar ei phresenoldeb yng nghyfarfod y Panel Rhiant Corfforaethol ar 7 Mawrth a dywedodd bod gan y Cyngor 116 o blant mewn gofal ar hyn o bryd. Cyfeiriodd at adroddiad y Swyddog Adolygu Annibynnol a nododd bod bron i 1m yn cael ei fuddsoddi yn y Gwasanaethau Plant.

Roedd y Cynghorydd Llinos Medi Huws wedi bod yng nghyfarfod y Bwrdd Trawsnewid Addysg ar 9 Mawrth. Adroddoddy Cynghorydd Huws fod y Bwrdd wedi edrych ar brosiectau ar gyfer Rhyd y Llan, Caergybi, a Bro Rhosyr. Yn ogystal, adolygwyd y Gofrestr Risg Gorfforaethol a’r strategaeth foderneiddio o ran ymateb i newidiadau arfaethedig mewn ardaloedd penodol e.e. Llangefni.

Rhoddodd y Cadeirydd y wybodaeth ddiweddaraf i’r Aelodau ar y cynnydd gydag adroddiad terfynol y Panel Canlyniad Sgriwtini ar Ddyledion Drwg a fydd yn cael ei gynnwys ar raglen cyfarfod nesaf y Pwyllgor Sgriwtini hwn a gynhelir ar 11 Ebrill 2016 ac a fydd yn cael sylw wedyn yn y Pwyllgor Gwaith ar 25 Ebrill, 2016.

Yn dilyn cyfarfod diwethaf y Pwyllgor Sgriwtini Corfforaethol, cadarnhaodd y Cadeirydd y byddai'r Aelodau canlynol yn eistedd ar y Panelau Canlyniadau Sgriwtini (PCS) isod:-

(a)   Diogelu Corfforaethol - (Nid Diogelu Plant)

Cadeirydd - Y Cynghorydd Meirion Jones

Y Cynghorwyr Ann Griffith, Llinos Medi Huws a Jim Evans

(b)   Gosod Tai yr Awdurdod (Anheddau gwag)

Cadeirydd - Y Cynghorydd Gwilym Jones

Y Cynghorwyr Raymond Jones, Lewis Davies, Robert Llewelyn Jones a Victor Hughes.

Gweithredu:

(b)  Rheolwr Sgriwtini i roi gwybod i’r Aelodau am ddyddiad cyfarfod y Panel.

Cyflwyno cofnodion cyfarfod blaenorol y Pwyllgor Sgriwtini Corfforaethol a gynhaliwyd ar 1 Chwefror, 2016.

Cyflwynwyd cofnodion cyfarfod diwethaf y Pwyllgor Sgriwtini Corfforaethol a gynhaliwyd ar 1 Chwefror, 2016 a chadarnhawyd eu bod yn gywir yn amodol ar y canlynol:

Materion yn codi

Eitem 3 – Cofnodion - 1 Rhagfyr, 2015 – Monitro’r Gyllideb: Cyllideb Gyfalaf Ch2 2015/16

Gofynnodd y Cadeirydd am eglurhad gan y Pennaeth Adnoddau ar wariant gan yr Adran Datblygu Economaidd ac ymatebodd y Pennaeth Adnoddau fod y cynnydd yn y cyllid yn fwy na'r hyn a ragwelwyd.

Eitem 9 – Cofnodion - 1 Rhagfyr, 2015 – Gwerthusiad Blynyddol AGGCC o Berfformiad y Gwasanaethau Cymdeithasol yn 2014/15

Cyfeiriodd y Cadeirydd at y Pwynt Gweithredu ar dudalen 3 a'r wybodaeth sydd i'w hadrodd i’r Pwyllgor. Ymatebodd y Prif Weithredwr trwy ddweud y byddai copi o gynllun gweithredu’r Gwasanaethau Plant yn mynd i’r afael ag agweddau ar adroddiad AGGCC.

Eitem 6 – Y Gwasanaeth Iechyd Meddwl Cymunedol

Cyfeiriodd y Cynghorydd Ann Griffith at bwynt bwled yn y cofnodion a oedd yn cyfeirio at "barn gadarnhaol am Ward Hergest". Gofynnodd am gywiriad i ddarllen "adolygiad cymysg" oherwydd y mynegwyd sylwadau cadarnhaol a negyddol.

Cyflwyno adroddiad monitro’r Gyllieb Refeniw am Chwarter 3 2015/16.

Cyflwynwyd – adroddiad y Pennaeth Swyddogaeth (Adnoddau) / Swyddog Adran 151 yn nodi perfformiad ariannol gwasanaethau’r Cyngor ar gyfer Chwarter 3.

Dywedodd y Cadeirydd fod yr eitem uchod, ynghyd ag eitemau 5 a 6 isod, wedi cael eu hystyried yn gynharach heddiw gan y Pwyllgor Gwaith. Codwyd mater yn ystod y drafodaeth ynghylch amseriad y Pwyllgor Sgriwtini heddiw gan nad yw’r Pwyllgor hwn wedi cael cyfle i ystyried adroddiadau Ch3 a chyflwyno sylwadau i'r Pwyllgor Gwaith.

Rhoddodd Pennaeth y Gwasanaethau Democrataidd wybod i’r Pwyllgor fod y Rhestr o Gyfarfodydd Pwyllgorau ar gyfer 2016/17 wedi cael ei adolygu i fynd i'r afael â'r pwynt hwn.

PENDERFYNWYD nodi'r adroddiad.

Cyflwyno adroddiad monitro’r Gyllideb Gyfalaf am Chwarter 3 2015/16.

Cyflwynwyd – adroddiad y Pennaeth Swyddogaeth (Adnoddau) / Swyddog Adran 151 yn nodi perfformiad ariannol y Gyllideb Gyfalaf ar gyfer Chwarter 3.

PENDERFYNWYD nodi'r adroddiad.

Cyflwyno’r Cerdyn Sgorio Corfforaethol am Chwarter 3 2015/16.

Cyflwynwyd – adroddiad y Pennaeth Trawsnewid yn crynhoi Ch3 a’r camau gweithredu allweddol a nodwyd.

Yn deillio o'r drafodaeth, cyfeiriodd yr Aelodau at lefel y gwariant ar ymgynghorwyr a gofynnwyd am eglurhad ar y wybodaeth a oedd wedi’i chynnwys yn yr adroddiadau. Nododd y Pennaeth Adnoddau fod y costau o £1.6m y cyfeiriwyd atynt yn awr wedi cael eu haddasu i lawr i £1.2 miliwn yn dilyn adolygiad o wariant yn erbyn y côd ar gyfer ymgynghorwyr.

Canolbwyntiodd y drafodaeth hefyd ar yr angen i gyflogi ymgynghorwyr ar sail tymor byr i bwrpas rheoli gofynion statudol a lliniaru risgiau ac i sicrhau capasiti arbenigol e.e. ar gyfer delio â’r prosiect Wylfa Newydd.

Gofynnodd yr aelodau am eglurhad ynghylch ffioedd ymgynghori a dadansoddiad o staff asiantaeth a gyflogir gan yr Awdurdod hwn.

Gweithredu: Cyflwyno dadansoddiad o'r ffioedd ymgynghori i gyfarfod nesaf y Pwyllgor hwn.

PENDERFYNWYD nodi'r adroddiad.

Ystyried mabwysiadu’r canlynol:-

"Dan Adran 100 (A)(4) Deddf Llywodraeth Leol 1972, gwahardd y wasg a'r cyhoedd o'r cyfarfod yn ystod y drafodaeth ar yr eitem ganlynol oherwydd y posibilrwydd y  caiff gwybodaeth eithriedig ei rhyddhau fel y diffinnir hi yn Atodlen 12A y Ddeddf a'r Prawf Budd y Cyhoedd sydd ynghlwm".

PENDERFYNWYD mabwysiadu'r canlynol: -

"Dan Adran 100 (A) (4) Deddf Llywodraeth Leol 1972, cau allan y wasg a'r cyhoedd o'r cyfarfod yn ystod y drafodaeth ar yr eitem a ganlyn, oherwydd y tebygolrwydd y câi gwybodaeth eithriedig ei datgelu fel y diffinnir hi yn Atodlen 12A y Ddeddf honno a’r Prawf Budd y Cyhoedd sydd ynghlwm".

Cyflwyno’r Gofrestr Risg Gorfforaethol.

Cyflwynwyd adroddiad gan y Pennaeth Swyddogaeth (Adnoddau) / Swyddog Adran 151 ar y Gofrestr Risg Gorfforaethol mewn perthynas â'r uchod.

Nododd y Pennaeth Adnoddau fod y Gofrestr yn cael ei hadolygu gan yr Uwch Dîm Arweinyddiaeth (UDA) bob chwarter ac y cynhaliwyd yr adolygiad diwethaf ar 16 Chwefror 2016.

PENDERFYNWYD bod y Pwyllgor yn nodi'r risgiau critigol a sylweddol ac yn ystyried effaith y risgiau hyn wrth ymgymryd â'r swyddogaeth sgriwtini yn  ystod rhaglen flynyddol y Pwyllgor.

Cyflwyno Blaen Rhaglen Waith y Pwyllgor.

Cyflwynwyd Blaenraglen Waith y Pwyllgor am y cyfnod Mai, 2015 i Fai, 2016.

Mewn perthynas â chyfeiriad y Pwyllgor at adroddiad ar y Trefniadau Ôl-Ofal (Gwasanaethau Plant), nododd y Rheolwr Sgriwtini y byddai amserlennu’r eitem hon yn cael ei adolygu fel rhan o'r Rhaglen Waith ar gyfer 2016/17.

Gweithredu:  Fel y nodwyd uchod.

PENDERFYNWYD derbyn yr adroddiad.