Rhaglen a chofnodion

Mynychodd Aelodau’r Pwyllgor yr ymweliad safle ar draeth Llanddona er mwyn gallu gweld y cais o gyfeiriad y traeth. Cafodd safle’r cais ei archwilio a dangoswyd y cynlluniau safle arfaethedig i’r Aelodau a chawsant weld yr annedd presennol. Mynegwyd pryderon am y strwythur gwydr cysylltiol rhwng yr annedd presennol ac estyniad newydd arfaethedig i’r ochr a’r potensial ar gyfer creu dau annedd preswyl. Eglurodd y Swyddogion y cais ac fe gadarnhawyd nad yw’r estyniad i’r ochr o’r eiddo presennol yn cynnwys unrhyw ystafelloedd gwely.  Cadarnhawyd hefyd y byddai’r cynnig yn golygu newid yr annedd presennol o dŷ 3 ystafell wely i dŷ 5 ystafell wely.