Rhaglen a chofnodion

Derbyn datganiad o ddiddordeb gan unrhyw Aelod neu Swyddog mewn perthynas ag unrhyw eitem of fusnes.

Bu’r Cynghorydd Dylan Rees ddatgan diddordeb personol mewn perthynas ag eitem 4 ar yr agenda. Nododd ei fod yn adnabod un o’r ymgeiswyr gan ei fod wedi eistedd gydag ef fel aelod ar y Cyngor Iechyd Cymunedol.

  Cyflwyno i’w cadarnhau, gofnodion drafft y cyfarfod o’r Panel a gynhaliwyd ar 

  6 Mehefin 2023.     

Cadarnhawyd cofnodion cyfarfod blaenorol Panel Dethol y Pwyllgor Safonau, a gynhaliwyd ar 6 Mehefin 2023, fel cofnod cywir.  

Ystyried mabwysiadu’r isod:-

“Dan Adran 100(A)(4) Deddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem ganlynol oherwydd y posibilrwydd y caiff gwybodaeth eithriedig ei datgelu fel y’i diffinnir yn Atodlen 12A y Ddeddf ac yn y Prawf Budd y Cyhoedd sydd ynghlwm”.

PENDERFYNWYD mabwysiadu’r canlynol:-

“Dan Adran 100(A)(4) Deddf Llywodraeth Leol 1972, cau allan y wasg a’r cyhoedd o’r cyfarfod yn ystod y drafodaeth ar yr eitem ganlynol oherwydd y posibilrwydd y caiff gwybodaeth eithriedig ei ddatgelu fel y’i diffinnir yn Atodlen 12A y Ddeddf ac yn y Prawf Budd y Cyhoedd sydd ynghlwm.”

Cyflwyno adroddiad gan y Cyfarwyddwr Swyddogaeth (Busnes y Cyngor)/Swyddog Monitro.

Cyflwynwyd – adroddiad gan y Cyfarwyddwr Swyddogaeth (Busnes y Cyngor)/Swyddog Monitro ar y broses ddethol ar gyfer penodi Aelod Annibynnol newydd ar y Pwyllgor Safonau.

Adroddodd y Cyfreithiwr (Llywodraethiant Corfforaethol) yn dilyn cyfarfod y Panel Dethol a gynhaliwyd ar 6 Gorffennaf 2023 bod y swydd wag ar gyfer  Aelod Annibynnol wedi’i hysbysebu ar wefan y Cyngor, Twitter, Facebook, y Bangor and Anglesey Mail ac yn y Daily Post. Y dyddiad cau ar gyfer derbyn ceisiadau oedd 5:00pm ar 7 Gorffennaf 2023.  

Ystyriodd y Panel y ceisiadau a dderbyniwyd yn erbyn y meini prawf gosod a oedd wedi’i gytuno arno ymlaen llaw fel y nodwyd yn yr adroddiad a hynny er mwyn llunio rhestr fer o ymgeiswyr i’w cyfweld.

Mewn perthynas â’r cwestiynau cyfweliad (Atodiad 4) fe gytunwyd y dylid rhoi Cwestiwn 7 cyn Cwestiwn 8 ar y daflen asesu cyfweliad.

PENDERFYNWYD:-

•  Bod y Panel Dethol wedi ystyried pob cais (a oedd wedi eu cynnwys yn Atodiad 1 yr adroddiad) a lluniwyd rhestr fer o ymgeiswyr i’w cyfweld.

•  Cytunodd y Panel Dethol ar yr ohebiaeth arfaethedig i’w hafnon at yr ymgeiswyr a lwyddodd / na lwyddodd i dderbyn cyfweliad, fel y nodwyd yn Atodiad 3 o’r adroddiad.

•  Trafododd y Panel Dethol y broses gyfweld a chadarnhawyd y cwestiynau a fyddai’n cael eu gofyn ynghyd â’r drefn, y sgorio a’r matrics sgorio fel y nodwyd yn Atodiad 4 o’r adroddiad. 

•  Nodwyd mai’r cyfnod mewn perthynas â Chwestiwn 7 o Atodiad 4 yw 6 mis.

•  Penderfynwyd derbyn y llythyrau arfaethedig i’w hanfon at ymgeiswyr llwyddiannus/aflwyddiannus yn dilyn y cyfweliadau fel y nodwyd yn Atodiadau 5.1 a 5.2. 

•  Cytunodd y Panel y dylid gwahodd yr ymgeiswyr a oedd wedi eu rhoi ar y rhestr fer am gyfweliad ar ddyddiad ac amser i’w gadarnhau.

•  Cytunodd y Panel na fydd cais am eirda yn cael ei wneud tan ar ôl y broses ddethol.