Rhaglen, Penderfyniadau a Chofnodion.

Fel y nodir uchod.

Derbyn unrhyw ddatganiad o ddiddordeb gan unrhyw Aelod neu Swyddog parthed unrhyw eitem o fusnes.

Fe wnaeth y Cynghorydd Neville Evans ddatgan diddordeb personol a oedd yn rhagfarnu yn gysylltiedig â chais 6.1 gan ei fod yn aelod o’r Pwyllgor Gwaith sydd wedi trafod y datblygiad.

Fe wnaeth y Cynghorydd Dafydd Roberts ddatgan diddordeb personol a oedd yn rhagfarnu yn gysylltiedig â chais 6.1 gan ei fod yn aelod o’r Pwyllgor Gwaith sydd wedi trafod y datblygiad.

Cyflwyno, i’w cadarnhau, gofnodion y cyfarfod blaenorol o’r Pwyllgor Cynllunio a Gorchmynion a gynhaliwyd ar 4 Chwefror, 2026.

Cyflwynwyd cofnodion cyfarfod blaenorol y Pwyllgor Cynllunio a Gorchmynion a gynhaliwyd ar 4 Chwefror 2026 a chadarnhawyd eu bod yn gywir.

Cyflwyno cofnodion yr Ymweliad Safle a gynhaliwyd ar 18 Chwefror, 2026.

Cadarnhawyd bod cofnodion yr Ymweliadau Safle a gynhaliwyd ar 18 Chwefror, 2026 yn gywir yn amodol ar gynnwys enw’r Cynghorydd Euryn Morris ar y rhestr ymddiheuriadau.  

Cafwyd Siaradwyr Cyhoeddus yn gysylltiedig â cheisiadau 7.1, 10.1 a 10.2.

6.1 – FPL/2024/228 - Tir ger Glanynys, Tyddyn Mostyn, Porthaethwy

FPL/2024/228

6.1           FPL/2024/228 –  Cais llawn ar gyfer codi cyfleuster gofal ychwanegol a chartref gofal preswyl gyda chyfleusterau cymunedol, creu mynedfa newydd i gerbydau, gwaith i wella’r briffordd, dymchwel yr annedd bresennol ar y safle ynghyd â datblygiad cysylltiedig ar dir ger Glasynys, Tyddyn Mostyn, Porthaethwy

Cyflwynwyd y cais i’r Pwyllgor Cynllunio a Gorchmynion gan fod y cais yn cael ei gyflwyno gan y Cyngor.  

Dywedodd y Rheolwr Datblygu Cynllunio bod y datblygiad hwn yn gais cynllunio sylweddol a’i fod yn argymell cynnal ymweliad safle.  Nododd bod dau Aelod Lleol hefyd wedi gofyn am ymweliad safle oherwydd maint y datblygiad a phryderon sydd wedi cael eu codi gan drigolion lleol.  

PENDERFYNWYD cynnal ymweliad safle un unol ag argymhelliad y Swyddog a chais yr Aelodau Lleol.

7.1 – FPL/2025/275 – Aberhoccwn, Hermon

FPL/2025/275

7.1  FPL/2025/275 – Cais ôl-weithredol ar gyfer cadw lloches cae yn Aberhoccwn, Hermon

Cyflwynwyd y cais i’r Pwyllgor Cynllunio a Gorchmynion ar gais Aelod Lleol.   Yn ei gyfarfod ar 4 Chwefror, 2026 argymhellodd yr aelodau y dylid cynnal ymweliad safle, a chynhaliwyd ymwelid safle ar 18 Chwefror, 2026.

Siaradwr Cyhoeddus

Siaradodd Ms Nia Hughes, yr ymgeisydd o blaid y cais, a dywedodd ei bod wedi bod yn cadw anifeiliaid ers dros 30 mlynedd a’i bod yn lleol ac yn byw yn Niwbwrch.   Dywedodd bod ganddi dorllwyth o ddefaid Ryeland prin, dwy ferlen, alpacaod a chŵn.   Bwriad y lloches yw gofalu am yr anifeiliaid.  Mae lloches wedi bod ar y safle ers 2010.  Cafodd y lloches wreiddiol ei adeiladu ar ôl cael caniatâd cynllunio ond cafodd ei ddinistrio mewn storm yn 2013.   Am resymau diogelwch, penderfynwyd dymchwel y lloches a chodi lloches arall yn is i lawr gan fod y lloches wreiddiol yn amharu ar olygfeydd bwthyn bach Aberhoccwn.   Dywedodd nad oedd yn ymwybodol bod angen cysylltu â’r Adran Cynllunio a bod angen caniatâd cynllunio i ailadeiladu’r lloches gan fod caniatâd cynllunio wedi cael ei roi yn y gorffennol.  Nododd bod rhaid iddi aros yn y lloches 2 i 3 mis o’r flwyddyn i ofalu am yr anifeiliaid yn ystod y tymor wyna.  Aeth ymlaen i ddweud ei bod wedi cael sylwadau positif am y lloches dros y blynyddoedd gan drigolion lleol ac ymwelwyr.  

Dywedodd y Rheolwr Datblygu Cynllunio mai cais yw hwn i gadw’r lloches bresennol ar y safle, sy’n cynnwys ystafell ar gyfer cadw anifeiliaid, decin â gorchudd, cawod, toiled a sinc. Mae’r cais hefyd yn cynnwys cadw’r garafán deithio sydd yn sownd yn y lloches.  Yn ystod ymweliad safle ar 18 Chwefror, 2026 roedd dafad a dau oen yn y lloches a gwellt ar y llawr. Roedd y drysau Ffrengig wedi cael eu tynnu ac roedd rhai o’r ffenestri wedi cael eu bordio.  Yn ystod ymweliad gan Swyddog Gorfodi ym mis Awst 2025, nid oedd unrhyw dystiolaeth bod y lloches erioed wedi cael ei defnyddio i gadw anifeiliaid ac roedd y lloches wedi’i dodrefnu gyda soffa a dodrefn eraill yn ogystal â stôf goed.   Pan ymwelodd y Swyddog Achos â’r safle ym mis Rhagfyr 2025, roedd 3 alpaca yn y lloches.  Roedd yn glir bod y garafán a'r ystafell gawod wedi cael eu defnyddio am gyfnod hir ac nid oedd yn ymddangos bod y lloches yn cael ei defnyddio fel lle dros dro i lochesu.  Mae’r ffaith bod y garafán wedi cael ei chysylltu i’r tanc septig hefyd yn profi bod y lloches yn cael ei defnyddio’n barhaol.   Nid yw’r llawr pren yn addas ar gyfer anifeiliaid, gan y bydd yn pydru a bydd baw yn syrthio rhwng yr estyll.  Fe ddylai’r llawr fod yn llawr concrid fel y gellir rhoi gwellt glân i’r anifeiliaid.    Aeth ymlaen i ddweud nad yw maint a dyluniad yr adeilad presennol yn addas.    Ers mis Rhagfyr 2025, mae’r perchennog wedi ceisio troi’r adeilad yn lloches i anifeiliaid ond nid yw rhoi  ...  Gweld y Cofnodion llawn ar gyfer eitem 7.

Dim i’w hystyried gan y cyfarfod hwn.

Ni ystyriwyd unrhyw geisiadau o’r fath yn ystod y cyfarfod hwn o’r Pwyllgor Cynllunio a Gorchmynion.

Dim i’w hystyried gan y cyfarfod hwn.

Ni ystyriwyd unrhyw geisiadau o’r fath yn ystod y cyfarfod hwn o’r Pwyllgor Cynllunio a Gorchmynion.

10.1 – VAR/2025/43 - High Tide, Ffordd Ravenspoint, Bae Trearddur

VAR/2025/43

10.2 – VAR/2025/61 – Mount Alaw, Llanddeusant

VAR/2025/61

10.1 VAR/2025/43 – Cais o dan Adran 73 i amrywio amod (12) (Cynlluniau a Gymeradwywyd) o ganiatâd cynllunio rhif V2191b (cais manwl ar gyfer codi 5 byngalo) er mwyn diwygio’r dyluniad ar dir ger High Tide, Ravenspoint Road, Bae Trearddur.

Cyflwynwyd y cais i’r Pwyllgor Cynllunio a Gorchmynion gan fod yr Awdurdod Cynllunio Lleol yn argymell ei gymeradwyo er bod y cynnig yn groes i bolisïau yn y Cynllun Datblygu Lleol ar y Cyd.

Siaradwr Cyhoeddus

Siaradodd Mr Elfed Williams, asiant yr ymgeisydd, o blaid y cais. Dywedodd bod caniatâd cynllunio wedi cael ei roi ym 1973 i godi 5 byngalo ar y safle.  Ym 1978 crëwyd mynedfa a rhan o’r ffordd i mewn i’r safle ac felly mae’r gwaith ar y datblygiad wedi dechrau.  Yn 2008 derbyniwyd Tystysgrif Datblygiad Cyfreithlon i brofi bod y gwaith wedi dechrau.  Aeth ymlaen i ddweud mai cais yw hwn i ddiwygio amod (12) (Cynlluniau a Gymeradwywyd) er mwyn newid dyluniad yr anheddau. Byddant ar yr un ôl troed, bydd dwy fynedfa i’r safle a byddant yn defnyddio’r un ffordd fynediad. Bydd y cynnig hefyd yn diogelu bywyd gwyllt o amgylch y safle.   Bydd yr anheddau deulawr yn mesur 158m2 o’i gymharu â 147m2 yn y cais blaenorol.  Mae’r Swyddogion Cynllunio yn cydnabod bod y cynlluniau diwygiedig yn cynnig gwelliant o ran maint, gosodiad y fynedfa a gofynion ecolegol.   Nid oes gan y Swyddog Ecolegol na’r Awdurdod Priffyrdd unrhyw wrthwynebiad. 

Dywedodd y Rheolwr Datblygu Cynllunio bod caniatâd cynllunio wedi’i roi i godi 5 annedd marchnad agored ar y safle ar 30 Tachwedd, 1973.  Cyflwynwyd cais am Dystysgrif Defnydd Cyfreithlon a phrofwyd bod gwaith hanfodol wedi dechrau ar y safle ac felly mae’r caniatâd ar gyfer 5 annedd wedi cael ei ddiogelu.    Nododd bod caniatâd wedi cael ei roi ym 1973 i godi 5 annedd marchnad agored ar y safle ac yn dilyn hyn cyflwynwyd cais am Dystysgrif Datblygiad Cyfreithlon a phrofwyd bod gwaith hanfodol wedi dechrau ar y safle.    O ganlyniad, mae caniatâd cynllunio rhif V/2191B wedi cael ei weithredu’n gyfreithlon ac mae’r caniatâd ar gyfer 5 annedd marchnad agored wedi cael ei ddiogelu.    Cais yw hwn i newid dyluniad, maint a gosodiad yr unedau preswyl fel eu bod yn cyd-fynd yn well â safonau a gofynion modern.  Bydd yr anheddau o ansawdd uchel a byddant yn cydymffurfio â deddfwriaethau a pholisïau cyfredol. Bydd gwelliannau bioamrywiaeth yn cael eu cyflwyno yn ogystal.   Ystyrir bod yr effaith ar ecoleg, y Gymraeg, mwynderau eiddo cyfagos, priffyrdd a draenio yn dderbyniol.   Roedd y Swyddog yn argymell caniatáu’r cais.

Dywedodd y Cynghorydd Dafydd Rhys Thomas, Aelod Lleol, nad oedd ganddo unrhyw wrthwynebiad i’r newidiadau ac roedd o’r farn bod yr hyn sy’n cael ei gynnig yn welliant   Dywedodd y dylai’r ymgeisydd ystyried rhoi enw Cymraeg ar y datblygiad yn hytrach na High Tide.  Cadarnhaodd yr Asiant bod enw Cymraeg wedi cael ei ystyried ar gyfer y datblygiad.   Bydd y datblygwr yn gofyn i Gyngor Cymuned Trearddur gynnig enw Cymraeg ar gyfer yr ystâd.  

Cynigiodd y  ...  Gweld y Cofnodion llawn ar gyfer eitem 10.

11.1 – FPL/2025/312 – Parc Mawr, Amlwch

FPL/2025/312

11.1 FPL/2025/312 – Cais llawn ar gyfer codi gorchudd to dros y man bwydo ac ymgynnull presennol ym Mharc Mawr, Amlwch

Cyflwynwyd y cais cynllunio i’r Pwyllgor Cynllunio a Gorchmynion gan fod yr ymgeisydd yn perthyn i swyddog perthnasol, yn unol â’r diffiniad ym mharagraff 4.6.10.2 o’r Cyfansoddiad.  Mae’r Swyddog Monitro wedi craffu ar y cais fel sy’n ofynnol o dan baragraff 4.6.10.4 y Cyfansoddiad.

Dywedodd y Rheolwr Datblygu Cynllunio mai cais yw hwn i godi gorchudd to dros y man bwydo ac ymgynnull ynghyd â gwelliannau ecolegol o fewn y strwythur.  Bydd y gorchudd to arfaethedig dros yr iard fferm concrid wedi ei leoli i gyfeiriad y gogledd ddwyrain o’r sied amaethyddol bresennol, a bydd yn estyniad i’r sied amaethyddol honno.  Bydd yr estyniad arfaethedig i’r sied yn darparu lle ychwanegol ar gyfer cadw’r gwartheg, a bydd yn atal dŵr glaw rhag cymysgu gyda’r gwrtaith sydd ar yr iard.  Ymgynghorwyd â Cyfoeth Naturiol Cymru, Dŵr Cymru a Swyddog Ecolegol y Cyngor, ac nid oes yr un ohonynt yn gwrthwynebu’r datblygiad arfaethedig.  Mae’r eiddo sydd agosaf at y safle 220m i ffwrdd i gyfeiriad y de ddwyrain gyda chaeau agored, gwrychoedd a ffordd gyhoeddus yn eu gwahanu.  Roedd y Swyddog yn argymell caniatáu’r cais. 

Cynigiodd y Cynghorydd Euryn Morris bod y cais yn cael ei ganiatáu yn unol ag argymhelliad y Swyddog.  Eiliwyd y cynnig i ganiatáu'r cais gan y Cynghorydd Geraint Bebb.

PENDERFYNWYD cymeradwyo’r cais yn unol ag argymhelliad y Swyddog, yn amodol ar yr amodau cynllunio yn yr adroddiad.

Dim i’w hystyried gan y cyfarfod hwn.

Ni ystyriwyd unrhyw geisiadau o’r fath yn ystod y cyfarfod hwn o’r Pwyllgor Cynllunio a Gorchmynion.

Dim i’w hystyried gan y cyfarfod hwn.

Ni ystyriwyd unrhyw geisiadau o’r fath yn ystod y cyfarfod hwn o’r Pwyllgor Cynllunio a Gorchmynion.