Eitem Rhaglen
Cyflwyniad ar waith y Panel Gweithredol Ysgolion CYSAG
I gyflwyno Adroddiad Blynyddol CYSAG Ynys Môn ar gyfer y cyfnod 2019/20.
Cofnodion:
Cyflwynodd yr Ymgynghorydd AG fersiwn derfynol CYSAG am 2019/20 i’w chymeradwyo, a rhoddodd ddarlun o’r pwyntiau a drafodwyd, fel yr amlinellir isod:-
· Cyflwynwyd adroddiadau hunanarfarnu pum ysgol yn ystod y cyfnod cyn y cyfnod clo rhwng Medi 2019 a Mawrth 2020. Roedd yr adroddiadau a gyflwynwyd yn onest ac yn effeithiol ac ni chodwyd unrhyw bryderon.
· Roedd gwaith CYSAG y Panel Gweithredol ar gyfer Ysgolion yn parhau i
ddatblygu ac roedd angen ei gryfhau ymhellach oherwydd y bu cyfyngu ar y cynnydd yn sgil y pandemig.
· Codwyd pryderon bod nifer y disgyblion sy'n dilyn AG fel pwnc yn parhau i ostwng. Nodwyd bod 83 o ddisgyblion yn dilyn y cwrs TGAU AG yn 2019/20, 11 yn llai nag yn y flwyddyn flaenorol. Fodd bynnag, enillodd y disgyblion a wnaeth asesiadau TGAU a Safon Uwch yn ystod haf 2020 raddau da yn y pwnc.
· Canmolodd Estyn addysgu AG yn eu harolygiadau o ysgolion Ynys Môn yn
ystod 2019/20, ac ni chodwyd unrhyw bryderon.
· Aeth tri aelod o CYSAG i sesiynau addoli ar y cyd mewn ysgolion a bu’n
rhaid gohirio ymweliadau pellach a drefnwyd oherwydd Covid-19. Awgrymwyd cynnal sesiynau addoli ar y cyd trwy Microsoft Teams yn y dyfodol.
· Byddai dogfennau canllaw Llywodraeth Cymru i gefnogi AG yn newid gyda’r cwricwlwm newydd yn 2022. Nodwyd y byddai disgwyliadau Estyn yn dod yn gliriach i ysgolion o fis Medi ymlaen.
· O ganlyniad i ymgynghoriad Llywodraeth Cymru ar fynediad i'r cwricwlwm i bob dysgwr ym mis Hydref 2019, byddai gan bob plentyn bellach fynediad llawn i'r cwricwlwm a byddai’n cymryd gwersi AG.
· Byddai AG yn newid i Grefydd, Gwerthoedd a Moeseg fel rhan o Faes Dysgu a Phrofiad y Dyniaethau.
· Codwyd pryderon ynghylch cydymffurfio â GDPR a ph’run a fyddai’n briodol cyflwyno lluniau a fideos o blant yn yr ystafell ddosbarth ac yn yr ysgol yn gyffredinol, yng nghyfarfodydd CYSAG.
· Mynegodd CYSAG bryder nad oedd unrhyw ddisgyblion wedi dewis astudio AG mewn rhai ysgolion uwchradd. Cadarnhawyd bod darpariaeth yn ei lle i ddisgyblion deithio i ysgolion eraill ar gyfer gwersi AG y tu allan i'w dalgylchoedd. Roedd y system hon yn cael ei defnyddio ar hyn o bryd ac roedd yn gweithio'n dda.
· Roedd angen darparu ar gyfer disgyblion oedd wedi dysgu AG trwy gyfrwng y Gymraeg yn y sector cynradd iddynt gael parhau i gael eu haddysgu trwy gyfrwng y Gymraeg yn y sector uwchradd.
· Cytunwyd y dylid monitro aelodaeth CYSAG a phresenoldeb yn y
cyfarfodydd.
Cyfeiriwyd at Gynllun Gweithredu CYSAG a restrai flaenoriaethau, nodau ac amcanion y Pwyllgor hyd at 2022. Byddai gwaith yn parhau i godi proffil CYSAG mewn ysgolion, a chynyddu ymwybyddiaeth y byddai AG yn rhan o Gwricwlwm Maes Dysgu a Phrofiad y Dyniaethau. Byddai CYSAG a'r Panel Gweithredol yn canolbwyntio ar y cwricwlwm newydd, yn enwedig ar sut oedd ysgolion yn addasu ac yn gweithio'n thematig yn ystod y cyfnod pontio o Flwyddyn 6 i 7. Nodwyd bod yr amcan i greu llwyfan i rannu adnoddau ac arfer da o fewn AG wedi ei gyflawni gan Mr Owen Davies.
Dangosodd aelodau o CYSAG eu gwerthfawrogiad gan ddiolch i'r Ymgynghorydd AG am ei gwaith rhagorol yn paratoi'r Adroddiad Blynyddol ac i’r Cadeirydd am ei Grynodeb rhagorol fel Cadeirydd.
PENDERFYNWYD:-
· Derbyn adroddiad blynyddol 2019/20 CYSAG.
· Monitro presenoldeb mewn cyfarfodydd CYSAG yn ystod y flwyddyn
i ddod.
· Cytuno mai dim ond unigolion sydd wedi paratoi cyflwyniad /
adroddiad hunanarfarnu ddylai gael caniatâd i ddangos lluniau a fideos o blant yn eu hysgolion, ac mewn cyfarfod CYSAG yn unig.
Dogfennau ategol:
- Anrhegion a Lletygarwch
- Blaen Raglen Waith y Pwyllgor Gwaith
- Calendr
- Canlyniadau'r Etholiad
- Cofnodion, agendau ac adroddiadau
- Cyfansoddiad
- Cynghorau tref a chymuned
- Cyrff allanol a chyrff eraill
- Chwilio
- Eich AS ac aelod o'r Cynulliad
- E-ddeisebau
- Eich Cynghorwyr
- Eich Cynghorwyr yn ôl aelod portfolio
- Lwfansau Cynghorwyr
- Penderfyniadau
- Pwyllgorau