13.1 26C20E – Fferm Frigan, Brynteg
13.2 30C490C – Ffordd y Traeth, Benllech
13.3 37C174E – Tre Ifan, Brynsiencyn
13.4 44C305C/RE – Tre Wyn, Maenaddwyn
Cofnodion:
13.1 26C20E – Codi un tyrbin gwynt 80kw gydag uchder hwb o hyd at 19.4m, rotor a fydd hyd at 18m ar ei draws a hyd at 28.4m o uchder i ben uchaf y llafn ar dir yn Fferm Frigan, Brynteg.
Cyflwynir y cais i’r Pwyllgor Cynllunio a Gorchmynion oherwydd y gwnaed penderfyniad y bydd yr holl geisiadau am ddatblygiadau o’r fath yn cael eu dwyn gerbron y Pwyllgor.
Dywedodd y Rheolwr Rheoli Datblygu wrth y pwyllgor fod apêl wedi cael ei chyflwyno oherwydd na wnaed penderfyniad ar y cais. Petai’r apêl heb ei chyflwyno, byddai’r argymhelliad wedi bod yn un o wrthod oherwydd mae pryderon ynglŷn â’r niwed y byddai’n ei achosi i’r dirwedd.
Penderfynwyd nodi’r wybodaeth a chefnogi’r Swyddogion o ran gwrthwynebu’r apêl.
13.2 30C490C – Cais llawn i ddymchwel y gwesty presennol a chodi 18 o fflatiau newydd a gwaith cysylltiedig ar y safle yn Ffordd y Traeth, Benllech.
Cyflwynwyd y mater i’r Pwyllgor Cynllunio a Gorchmynion oherwydd newidiadau arfaethedig i’r cytundeb cyfreithiol a’r amodau cynllunio ac oherwydd yr amser sydd wedi mynd heibio ers adeg cymeradwyo’r cais yn wreiddiol.
Dywedodd y Rheolwr Rheoli Datblygu y cymeradwywyd y cais gan y Pwyllgor Cynllunio a Gorchmynion ym mis Gorffennaf 2006 ar yr amod bod yr ymgeisydd yn cwblhau cytundeb cyfreithiol y byddai 6 o’r 18 o unedau fflat newydd yn unedau fforddiadwy a hynny’n unol â CCA y Cyngor ar Dai Fforddiadwy yn seiliedig ar ganran angenrheidiol o 30%. Ni chwblhawyd y cytundeb cyfreithiol gan yr ymgeisydd oherwydd materion dichonoldeb mewn perthynas â’r datblygiad a’r ddarpariaeth o 6 o unedau fforddiadwy. Ers hynny, mae’r gwesty wedi mynd â’i ben iddo. Cafwyd trafodaethau gydag Ymgynghorydd Tai Fforddiadwy’r Cyngor a chynigir y dylid diwygio telerau’r cytundeb cyfreithiol fel bod y ddarpariaeth tai fforddiadwy yn cael ei chynnig ar ffurf cyfraniad ariannol gan y datblygwr i’r Cyngor yn unol â’r ymrwymiad a nodwyd yn yr adroddiad ysgrifenedig. Mantais hyn yw y byddai’n caniatáu i’r datblygiad fynd yn ei flaen gan wella’r safle ynghyd â sicrhau y deuai budd ariannol i’r Cyngor i’w ddefnyddio i gwrdd ag anghenion tai fforddiadwy ar yr Ynys.
Cododd y Cynghorydd Jeff Evans y pwynt ynghylch a yw gwerth y cyfraniad ariannol a nodir yn adlewyrchiad digonol o werth posib y datblygiad wedi iddo gael ei gwblhau. Gofynnodd y Cynghorwyr Nicola Roberts a John Griffith am eglurhad ynghylch sut y byddid yn defnyddio’r cyfaniad ariannol gan y datblygwr ac ym mhle. Dywedodd y Rheolwr Gwasanaethau Cyfreithiol y byddai’r cyfraniad yn cael ei roddi i’r Pennaeth Gwasanaethau Tai i’w ddefnyddio i ddiben cyflawni cynlluniau eraill ar gyfer tai fforddiadwy.
Cynigiodd y Cynghorydd Nicola Roberts y dylid cymeradwyo’r newidiadau arfaethedig ac eiliwyd ei chynnig gan y Cynghorydd Vaughan Hughes.
Penderfynwyd cymeradwyo’r newidiadau i’r cytundeb cyfreithiol ar y cais cynllunio fel a nodir yn yr adroddiad ysgrifenedig a bod y caniatâd cynllunio ar ôl hynny’n cael ei ryddhau gyda’r amodau a restrir yn yr adroddiad. (Wnaeth y Cynghorydd Jeff Evans ddim pleidleisio ar y mater oherwydd byddai wedi dymuno cael gwybod beth oedd cost yr eiddo ac a fyddai’r datblygiad wedi cael ei gymeradwyo heb y budd ariannol i’r Cyngor)
13.3 37C174E – Cais i benderfynu a oes angen caniatâd ymlaen llaw ar gyfer codi sied amaethyddol i gadw anifeiliaid ynghyd ag ymestyn y sied bresennol ar dir yn Tre-Ifan, Brynsiencyn.
Cyflwynir y cais i’r Pwyllgor Cynllunio a Gorchmynion oherwydd bod yr ymgeisydd yn fab i Aelod Lleol. Mae’r adroddiad wedi cael ei sgriwtineiddio gan y Swyddog Monitro yn unol â gofynion Cyfansoddiad y Cyngor.
Dywedodd y Rheolwr Rheoli Datblygu y penderfynwyd nad oedd angen caniatâd yr Awdurdod Cynllunio Lleol ymlaen llaw ar gyfer y datblygiad a’i fod yn cyfateb i ddatblygiad a ganiateir .
Penderfynwyd nodi’r wybodaeth.
13.4 44C305C/RE – Cais llawn i godi un tyrbin gwynt 15kw gydag uchder hwb o hyd at 15.43m, rotor a fydd hyd at 13.1 ar ei draws a hyd at 21.97m o uchder i ben uchaf y llafn ar dir yn Tre Wyn, Maenaddwyn.
Cyflwynir y cais i’r Pwyllgor Cynllunio a Gorchmynion oherwydd y penderfynwyd y byddai unrhyw geisiadau am ddatblygiadau o’r fath yn cael eu dwyn gerbron y Pwyllgor.
Dywedodd y Rheolwr Rheoli Datblygu wrth y pwyllgor Cynllunio a Gorchmynion bod apêl wedi cael ei chyflwyno oherwydd methiant i wneud penderfyniad ar y cais. Petai’r apêl heb ei chyflwyno, byddai’r argymhelliad wedi bod yn un i wrthod y cais oherwydd bod pryderon ynglŷn â’r niwed y byddai’n ei achosi i’r dirwedd.
Penderfynwyd nodi’r wybodaeth a chefnogi’r Swyddogion o ran gwrthwynebu’r apêl.
Dogfennau ategol: