Cofnodion:
Cyflwynwyd – adroddiad ar ran y Trysorydd mewn perthynas â’r uchod.
Adroddwyd mai pwrpas yr adroddiad oedd ystyried y ceisiadau hynny sy’n berthnasol i Ymddiriedolaeth Elusennol Ynys Môn. Gwneir dyraniadau yn flynyddol o Ymddiriedolaeth Elusennol Ynys Môn i’r mathau canlynol o brosiectau :-
· Cyfleusterau Cymunedol a Chwaraeon (grantiau cyfalaf bach)
· Grantiau Eraill (grantiau bychain unwaith ac am byth yn bennaf)
Yn ei gyfarfod ar 23 Ebrill, 2013, cymeradwyodd yr Ymddiriedolaeth lawn swm o £50,000 i’r Panel Grantiau i’w ddyrannu i’r categorïau arferol.
Mae’r swyddogion perthnasol o’r gwahanol adrannau wedi ystyried a blaenoriaethu’r ceisiadau a dderbyniwyd, cyn belled ag y bo modd ac yn gyson gyda phenderfyniadau’r Ymddiriedolaeth, amodau a sefydlwyd yn y gorffennol ac o fewn y swm sydd ar gael i’w ddyrannu. Mae argymhellion y swyddogion i’w gweld yn Atodiadau A a B oedd ynghlwm i’r adroddiad. Mae’r ceisiadau yn cael eu hystyried yn unol â’r ‘Amodau ar gyfer dosbarthu grantiau o Ymddiriedolaeth Elusennol Ynys Môn’ ac yr oedd copi ynglwm fel Atodiad C i’r adroddiad.
Nodwyd bod un cais arall sy’n llai syml ac sydd heb ei gynnwys yn y crynodeb uchod ond y byddai efallai’n werth ei gefnogi. Y cais oedd :-
Cais Rhif 11 - Canolfan Hamdden Biwmares a’r Cylch: (Mae rhedeg y ganolfan wedi ei drosglwyddo’n ddiweddar o Gyngor Sir Ynys Môn, ynghyd â’r offer y maent yn dymuno’i ailosod).
Roedd yr Aelodau o’r farn y dylid neilltuo swm o £2,352 (grant sy’n cyfateb i 80% o gyfanswm y gost) i’r sefydliad gan eu bod yn teimlo fod yr achos yn haeddu cefnogaeth yr Ymddiriedolaeth Elusennol.
PENDERFYNWYD rhyddhau swm o £2,352 i Ganolfan Hamdden Biwmares a’r Cylch.
Roedd y ceisiadau a dderbyniwyd a’r symiau a argymhellwyd i’w dyrannu ar gyfer Cyfleusterau Cymunedol a Chwaraeon yn 2012/13 fel a ganlyn :-
|
1. Clwb Hwyl ar ôl ysgol –Parc y Bont, Llanddaniel
|
Eu galluogi i gynnal gweithdai i ddifyrru’r plant
|
(DIM) (Ni fedrir cyllido costau rhedeg ac nid yw’r Ymddiriedolaeth wedi cefnogi clybiau ar ôl ysgol yn y gorffennol) |
|
2. Groundwork Gogledd Cymru (ar ran Grŵp Lleiniau Garddio Benllech) |
I brynu twneli tyfu planhigion a chyfarpar |
(£1,922) (Mae Groundwork Gogledd Cymru wedi cynorthwyo i sefydlu Grŵp Lleiniau Garddio Benllech. Deellir mai Grŵp Lleiniau Garddio Benllech fyddai berchen y cyfarpar). |
|
14. Clwb Pêl-droed Bae Cemaes |
Darparu lloches ddiogel rhag y tywydd i wylwyr ac adnewyddu’r ffens sydd wedi rhydu yn yr ardal i wylwyr ym mhen gogleddol y safle |
(£4,337) (Teimlir y byddai hyn yn gwella ymarferoldeb a diogelwch y cyfleusterau)
|
|
17. Clwb Bowlio Tref Biwmares |
Gwneud gwaith ar yr ardal o gwmpas y lawnt fowlio a phrynu peiriant torri gwair. |
(Byddai’r gwaith ar yr ardal o gwmpas y lawnt fowlio yn golygu adnewyddu pren sydd wedi pydru. Bydd gwirfoddolwyr yn gosod y pren newydd a byddai’r grant felly’n mynd tuag at y deunyddiau’n unig. Rhoddodd yr Ymddiriedolaeth hon grant tebyg i Glwb Bowlio Llanfairpwll yn 2011/12. Mae’r peiriant torri gwair yn 18 oed ac mae angen un newydd. Ni dderbyniwyd dyfynbrisiau cymharol. £4,150 a fyddai mwyafswm y gost a fyddai’n gymwys). Hyd at £2,905 (yn seiliedig ar 70% o’r gost gymwys a fyddai’n gymwys). |
|
18. Neuadd Bentref Sefydliad y Merched, Llaneilian |
Prynu system wresogi fwy effeithiol newydd. |
(DIM) (Nid ydynt yn gymwys oherwydd cawsant arian o Gronfa’r Degwm yn 2011/12). |
|
20. Cyngor Cymuned Llangristiolus a Cerrigceinwen
|
Gwella cyfleusterau ar gyfer y cyhoedd yn y fynwent newydd. |
(DIM) (Anghymwys - wedi cael arian gan yr Ymddiriedolaeth hon yn 2011/12).
|
|
21. Mudiad Ffermwyr Ifanc Ynys Môn |
Trwsio’r ramp mynediad i’r anabl a thrwsio’r wal derfyn. |
(DIM) (Maent yn derbyn arian o nifer o ffynonellau, yn cynnwys Cyngor Sir Ynys Môn). |
|
23. Chwarae Cymunedol Rhosneigr |
Prynu maen dringo ar gyfer y cae chwarae fel rhan o’r cynllun ailddatblygu a gwella mwy. |
(£3,430) (Mae cam 1 y cynllun yn mynd rhagddo ac wedi ychwanegu ‘springers’ yn ddiweddar ar gyfer plant oed cyn-ysgol ac wedi gwneud rhywfaint o waith tirlunio ar y pyllau tywod gan ychwanegu trawstiau balans, goleddfau naturiol a thwnnel. Mae’r cais hwnna r gyfer cam 2 yn waith sydd heb gychwyn hyd yma. Dywedir y byddai’r maen dringo yn lle diogel i blant ddringo). |
|
24. National Coastwatch Institution - Rhoscolyn |
Gwella mynediad i’r orsaf a sicrhau diogelwch y cyhoedd yng nghyffiniau’r orsaf a gwaith paentio ac addurno. |
(DIM) (Mae rhan o’r cais, sy’n werth £1,500, yn ymwneud â gwaith paentio ac addurno. Nid yw’r gwaith hwn yn gymwys ar gyfer ei gyllido. Mae gweddill y cais yn ymwneud â gwella’r llwybr at y wylfan. Ni dderbyniwyd dyfynbrisiau). |
|
26. Pwyllgor Neuadd Bentref Llanfaelog
|
Trwsio’r simnai a gosod llechi newydd ar y to er mwyn rhwystro tamprwydd rhag treiddio i’r adeilad.
|
((£1,949) Mae problemau tamprwydd yn yr adeilad a hynny oherwydd llechi sydd wedi ei difrodi neu sydd ar goll a simnai sydd angen cap a chaeadau plwm newydd).
|
|
29. Pwyllgor Cae Chwarae Tregele |
Gosod ffens ddiogelwch, gwneud gwaith daear a phrynu offer chwarae ar gyfer y cae chwarae newydd. |
(DIM) (Nid yw’r swm y gofynnwyd amdano o fewn sgôp ariannol yr Ymddiriedolaeth).
|
|
30. Clwb Pêl-droed Ynys Cybi
|
Byddai o gymorth i brynu peli, gwisg, offer cymorth cyntaf ac offer tebyg. |
(DIM) (Nid yw’r Ymddiriedolaeth yn y gorffennol wedi cefnogi prynu’r mathau hyn o offer oherwydd y byddai’n rhaid eu hadnewyddu bob blwyddyn yn rheolaidd. Yn ychwanegol at hyn, mae £1,250 o’r costau yn gysylltiedig â chostau rhedeg (yswiriant, llogi’r cae ac ati). |
|
31. Caeau Chwarae Bae Cemaes |
Prynu offer chwarae newydd, ffensio a rhoi arwynebedd diogelwch ar y caeau chwarae.
|
(DIM) (Mae’r grŵp wedi cael £5,250 hyd yma ac mae arnynt angen £57,958 arall. Byddai’r swm y gallai’r Ymddiriedolaeth ei gyfrannu tuag at y prosiect (gyda chyfraniadau wedi eu cyfyngu i £6k) yn gadael bwlch cyllido (yn seiliedig ar y cyllid a oedd wedi ei gadarnhau ar y pryd) o £51, 958, sef 82% o’r gost gyfan. |
|
32. Canolfan Gymuned Gwelfor
|
Adnewyddu byrddau a chadeiriau sydd wedi gwisgo ac sy’n beryglus a phrynu cyfrifiadur newydd. |
(£489) (Bwriedir defnyddio’r cyfrifiadur yn y swyddfa ac, o’r herwydd, ni fyddai o fudd uniongyrchol i’r cyhoedd. Nid yw’r Ymddiriedolaeth yn y gorffennol wedi cefnogi defnydd o’r fath. Byddai’r dodrefn ar gael i’r cyhoedd ei ddefnyddio a byddai’n costio £699). |
|
34. Cylch Chwarae Kingsland
|
Cynorthwyo i gyllido ail-leoli’r grŵp.
|
(DIM) (Nid yw costau rhedeg yn cymwys i’w gyllido). |
|
35. Cwmni Cemaes Cyf
|
Prynu dodrefn fel rhan o’r gwaith o greu canolfan gynadleddau/hyfforddi yng Nghanolfan Dreftadaeth Cemaes.
|
(£2,848) (Mae hwn yn rhan o gynllun £100k (y llwyddwyd eisoes i sicrhau cyllid o £97k ar ei gyfer). Bwriedir y cynllun mwy i adfywio’r adeilad, gwella cynaliadwyedd drwy ffynonellau cynyddol o refeniw, elfennau gwyrdd a gwella hwylustod a nodweddion esthetig y cyfleuster).
|
|
38. Clwb Pêl-droed Pentraeth
|
Gwastatáu’r arwynebedd chwarae drwy ostwng lefel y gornel o’r cae sydd yn y top ar yr ochr dde. |
(£3,885) (Mae’r Clwb wedi cael ei ddyrchafu’n ddiweddar I Gynghrair Gwynedd. Byddai’r gwelliannau hyn yn fodd i chwarae pêl-droed o safon uwch. Mae gan y Clwb gysylltiadau agos gyda’r gymuned leol a sylfaen gref o gefnogwyr). |
|
39. Cyfeillion Cae Chwarae Dwyran |
Gosod ffens ddiogelwch ar derfyn y cae chwarae rhwng y tir pori a’r lle chwarae. |
(£1,362) (Mae angen adnewyddu’r ffens derfyn rhwng y tir amaethyddol a’r lle chwarae ac mae’n bosibl y bydd yn risg i iechyd a diogelwch yn fuan). |
|
41. Cyngor Cymuned Llangoed a Phenmon |
Gwella edrychiad a diogelwch yr ystafelloedd newydd drwy osod ffenestri a drysau newydd yn lle’r rhai sydd wedi pydru. |
(£1,330) (Lleolir yr ystafelloedd newid yng nghae cymunedol Llangoed a chant eu defnyddio gan yr holl glybiau chwaraeon sy’n defnyddio’r cae). |
|
44. Clwb Pêl-droed Holyhead Hotspur |
Prynu a gosod slab concrit ar gyfer gosod arno adeilad parod. |
(NIL) (Diffyg gwybodaeth, dim prawf o ddeiliadaeth).
|
|
45. Uned Cadetiaid Môr Caergybi 183 |
Prynu stôf newydd ar gyfer yr adeilad atodol i’w ddefnyddio gan y Cadetiaid Môr a’r grwpiau cymuned sy’n defnyddio’r cyfleusterau. |
(£651) (Nid yw’r stôf gyfredol yn addas na’n ddiogel i’w defnyddio mwyach. Nid yw’r stôf yng ngali’r prif adeilad yn ddigon mawr ac effeithiol ar gyfer achlysuron a digwyddiadau). |
Cais 19 – Cymdeithas Amaethyddol Ynys Môn (Gwella’r man eistedd yng nghae’r sioe)
Roedd yr Aelodau’ o’r farn bod y cais hwn yn haeddu cefnogaeth oherwydd mae’n un i wella capasiti’r man eistedd allanol o gwmpas prif ring arddangos y sioe gyda’r bwriad y byddai hynny o fantais i bobl anabl, teuluoedd ifanc ac eraill.
Eglurodd yr Ysgrifennydd bod y Gymdeithas yn derbyn cyllid gan y Cyngor Sir bob blwyddyn a nododd fod gan y Gymdeithas asedau. Nododd yr Aelodau mai prif ased Cymdeithas Amaethyddol Môn yw’r Cae’r Sioe ym Mona ac roeddynt yn dymuno cadarnhau eu cefnogaeth i’r cais hwn.
PENDERFYNWYD dyrannu swm o £1,690.50 i Gymdeithas Amaethyddol Ynys Môn.
(Roedd y Cynghorydd Jim Evans yn dymuno iddo gael ei gofnodi nad oedd wedi cefnogi’r argymhelliad hwn).
Roedd y ceisiadau a dderbyniwyd a’r symiau a argymhellwyd i’w dyrannu ar gyfer Grantiau Eraill yn 2012/13 fel a ganlyn :-
y Tŷ Coffi, Llanfaethlu y gymuned fynd ar dripiau (Nid yw costau rhedeg yn
gymwys ar gyfer eu cyllido)
6. Clwb Cyfeillgarwch Pobl Helpu i gyllido costau bysus ar (DIM)
Hyn Rhosneigr gyfer tripiau (Nid yw costau rhedeg yn
gymwys ar gyfer eu cyllido)
8. Cyngor ar Bopeth, Helpu i gyllido Swyddog Diwygio (DIM)
Caergybi Lles (Nid yw costau rhedeg yn
gymwys ar gyfer eu cyllido)
13. Grŵp Marchogaeth Ynys Helpu i gyllido costau teithio (DIM)
Môn – Cymdeithas gwirfoddolwyr ac yswiriant ar (Nid yw costau rhedeg yn
Marchogaeth i’r Anabl gyfer cleientiaid a gwirfoddolwyr gymwys ar gyfer eu cyllido)
15. Ymarfer ar gyfer Byw, Talu i hyfforddwr cymwys gynnal (DIM
Cemaes y dosbarthiadau (Nid yw costau rhedeg yn
gymwys ar gyfer eu cyllido)
16. Cyngor Plwyf Eglwysig Darparu mynedfa i’r anabl a (DIM)
Morawelon thoiledau i’r anabl yn yr adeilad (Anghymwys – ni elli’r
cefnogi gwaith trwsio ar
eglwysi ac nid oes unrhyw
gyfeiriad at ddefnydd
cymunedol)
28. Clwb Biwmares a’r Cylch Cynorthwyo i gyllido costau llogi (DIM)
i’r Methedig a’r Anabl ystafelloedd, lluniaeth ac ati (Nid yw costau rhedeg yn gymwys ar gyfer eu cyllido)
33. Clwb Dydd Min y Môr Cynorthwyo i gyllido (DIM)
Gweithgareddau ar gyfer yr (Nid yw costau rhedeg yn
Aelodau gymwys ar gyfer eu cyllido)
36. Operation Friendship Cynorthwyo i gynnal y cyfarfod (DIM)
Ynys Môn blynyddol rhyngwladol yn Ynys Môn (Nid yw costau rhedeg yn
Gymwys ar gyfer eu cyllido)
PENDERFYNWYD cymeradwyo’r symiau, fel y cânt eu rhestru uchod (£x) [gyferbyn â’r symiau a argymhellir], ar gyfradd grant o 70%.
Mater Ychwanegol
Plac i Gydnabod Cymorth Ariannol
Dywedodd yr Ysgrifennydd bod y cyfarfod llawn o Ymddiriedolaeth Elusennol Ynys Môn a gynhaliwyd ar 23 Ebrill 2013, wedi penderfynu cyflwyno plac yn nodi’r cyfraniad ariannol i brosiectau lleol ac y dylai’r plac hwnnw gael ei arddangos mewn man amlwg yn y lleoliad.
PENDERFYNWYD
· Cyflwyno plac i sefydliadau sydd wedi derbyn cefnogaeth ariannol gan yr Ymddiriedolaeth Elusennol.
· Rhoddi cyhoeddusrwydd yn y wasg leol i gyflwyno’r placiau a’r gefnogaeth ariannol.